ልሣነ አምሐራ ሚዲያ

ምዕራብ ጎጃም ከቡሬ ከተማ ወጣ ብሎ ደረቋ ላይ ሀይለኛ ጦርነት በመካሄድ ላይ ሲሆን ከቡሬ ከተማ ታንክ እዬሄደ ይገኛል አስፈላጊው ጥንቃቄ እንዲደረግ መረጃው በአስቸኳይ ይዛመት።

የጣናው መብረቅ ብርጌድ ከባህር ዳር አፍጫ ስር በምትገኘው መሸንቲ ከተማ ውስጥ ትናትን 8 ሰአት ላይ የተሰካ ኦፕሬሽን ሰርቷል::

🔥🔥የዞዝ አምባ ንጉስ ክ/ጦር አስደናቂ የደፈጣ ኦፕሬሽን🔥🔥

👉የአማራ ፋኖ በጎንደር፦ የዞዝ አምባ ንጉሥ ክ/ጦር ትንታጎች ጥር 01/2017 ዓ.ም በሁለት ግንባሮች በተጠና ደፈጣ ወራሪ ሠራዊቱ ላይ ከፍተኛ ጉዳት አድርሷል።

👉 የመጀመሪያ ግንባር ከእብናት በአራት ኦራል ተጭኖ ቋሊሳን ለመያዝ የተንቀሳቀሰን ወራሪ ሠራዊት ልዩ ቦታው ገላ ማጠቢያ የተባለ ቦታ ላይ ደፈጣ የጣሉት የዞዝ አምባ ንጉሥ ክ/ጦር፣ ተከዜ ግንባር ናደው ብርጌድ ባለ ልዩ ተልዕኮ መብረቆች አማካይነት በተወሰደ መብረቃዊ ጥቃት በርካታ ሙትና ቁስለኛውን እያዝረከረከ ፈርጥጦ ወደ እብናት ገብቷል።

👉 ሁለተኛው  ግንባር በተመሳሳይ ከእብናት በአራት ኦራል ተጭኖ ቆላ መልዛ ኒቋራ ከተማን ለመያዝ የተንቀሳቀሰን ወራሪ ሠራዊት በሌላኛዋ አግኝቸው ቢተዋ ብርጌድ በተጣለ ደፈጣ ከ20 በላይና በርካታ ቁስለኛውን እያዝረከረከ ፈርጥጦ እንደለመደው እብናት ከተማ ገብቷል።

     ኅልውናችን በተባበረ ክንዳችን!!!

የአማራ ፋኖ በጎንደር የሚዲያና ሕ/ግንኙነት መምሪያ

ሰበር~ የድል ዜና

ጣርማበር፣ ደብረሲና ፣ ሸዋሮቢትና ራሳ !!

ሳምንት ያስቆጠረው የሸዋ ጠቅላይ ግዛት ዕዝ ተጋድሎ

ታህሳስ 25/2017 ዓ.ም

ከሳምንት በላይ በሸዋ ወደ ራሳ ያለ የሌለ ሀይሉን ለቃቅሞ ወደ ራሳ ለመግባት የሞከረው የምርኮኛው ብርሃኑ ጁላ ሰራዊት መውጫ ጠፍቶት በራሳ ሸለቆዎች ላይ እየረገፈ ይገኛል። በረሃብና በውሃ ጥም የተዝለፈለፈው ወራሪው ሴት ደፋሪ የአብይ አህመድ ስልጣን ጠባቂ ቅጥረኛ ሰራዊት ወደ አልሞ ተኳሾቹ ቀዬ ዘው ብሎ ገብቶ መውጫ ጠፍቶት እየተገረፈ ይገኛል።

ድሽቃን እንደክላሽ የሚተኩሱት የመከታው ማሞ ልጆች ዛሬ አድማሱን ባሰፋው አውደ ውጊያ በጣርማበር ፣ደብረሲና ሾላሜዳ ላይ በሞርተር የታገዘ ትልቅ ትንቅንቅ እያደረጉ ይገኛሉ። አርበኛ ስንታየሁ ማሞ(ራንቦ) ክፍለጦር ፤ማንበግር ንጉስ ሻለቃ ከደብረሲና ጣርማበርና ሻላሜዳ የጠላትን ሀይል እየገረፈችው ትገኛለች። በተጨማሪ የአፄ ዘረያዕቆብ ክፍለጦር ጣይቱ ብርጌድ አንድ ሻለቃ በራሳው አውደውጊያ እየተሳተፈች ነው።

በሌላ ግንባር ደጃዝማች ተሳማ አርገጤ ክፍለጦርና 7ለ70 ክፍለጦሮች በሸዋሮቢት ዙሪያ ማፉድና ገደባ የጠላትን ጦር እያረገፉት ይገኛሉ። በአውደውጊያው የጠላት ዙ-23 ከጥቅም ውጪ ሲሆን ከሸዋሮቢት አካባቢ ያለው የጠላት ሀይል መድፍ እያስወነጨፈ ይገኛል። በተመሳሳይ ገደባ ጊዮርጊስ ላይ የጠላት አንድ ኦራል ሲማረክ ከአንድ ሻለቃ በላይ ሀይል ተደምስሷል። 

ድል ለአማራ ህዝብ !!
ድል ለአማራ ፋኖ !!

"እረ አንተ ጎንደሬ፣
እንዴትስ አድርገህ ተኩሰሀት ይሆን:
አለቅን አለቅን አለ ጠላት በራዲዮን"

"አርበኛ ውባንተ ሞተ ያለው ማነው፡
ያ ምሽግ ደርማሹ ሞተ ያለው ማነው፡
ዛሬም ከጉድጓዱ እንደታጠቀ ነው"

የዛ የጦሩ ገበሬ፣ የዛ የጦሩ ጠቢብ፡ የመውዜሩ ዳኛ፣ የምሽጉ ንጉስ፣ የእርሳሱ ሎሌ የሜጀር ጄነራል ውባንተ አባተ እስትንፋኖሶች ካለፉት አራት ጀምሮ የጠላት ጦርን የእምብርክክ ሲነዱት ሰንብተዋል።

በህግ ማስከበር ስም በአማራ ሕዝብ ላይ ጦርነት ያወጀው በኦሮሞ ብልፅግና ፓርቲ የበላይነት የሚዘወረው የአገዛዝ ስርዓቱ ወታደሮች፡ " እርጎ መስሎሽ ከእርሾ ጥልቅ" እንዲሉ አበው ፋኖን አፍናለሁ ብለው በጉና ቀጠና የገቡ ቢሆንም፡ ነገር ግን በሕይወት ተርፎ መውጣት አባይን በማንኪያ ጨልፎ እንደማድረቅ ሆኖባቸው ቀርቷል።

"ወይ መድፍ ብላሽ ወይ ድሮን ብላሽ፡
ወይ ሞርተ ብላሽ ወይ ታንክ ብላሽ፡
ሲደመስሰው ፋኖ በክላሽ።

የውቤ ልጆች ጎራው እያሉ፡
የጉና አርበኞች ጎራው እያሉ፡
ጉና ሰማይ ስር የጠላትን ጦር ሲዎቁት ዋሉ" ብሏል የጠላት ጦር ተቆላልፎ ተቆላልፎ ሲወድቅ የተመለከተ ያገሬው ሰው።

ካለፉት አራት ቀናት ጀምሮ የአማራ ፋኖ በጎንደር ጉና ክ/ጦር ስር የሚገኙት ፀያይም አናብስቱ የእስቴ ደንሳ ብርጌድ አባላት እና ኃያላኑ የሜጀር ጄነራል ውባንተ አባተ ተወርዋሪ ክ/ጦር ፋኖዎች በጋራ በመሆን በጉና ቀጠና ሸንበቆች፣ ዘምባራ፣ ሾለክት፣ ለበጥ፣ ማሸንት፣ ሊባኖስ፣ አፎጠን፣ መንቆላት፣ ጥናፋ፣ ሩፋኤል፣ ገና መምቻ፣ ዘንጨፍ እና ቁስቋም በተባሉ ቦታዎች ላይ የጦር አውድማ ጥለው የጠላትን ወታደር ሲያበራዩት መሰንበታቸውን መረብ ሚዲያ ለማረጋገጥ ችሏል።

ያለፉት ቀናት በሸምበቆች ቀበሌ በተደረገ ትንቅንቅ በርካታ ቁጥር ያለው የጠላት ጦር እንደ ደረቀ የዛፍ ቅጠል የረገፈ ሲሆን፡ አርሶ አደሩ ቀብር ምሶ አፈር በማልበስ ፋታ አጥቷል ተብሏል።

በዚህ ስፍራ አሁንም በርካታ የጠላት አስከሬን በየአርሶ አደሩ ማሳ ወድቆ የሰማይ አሞራ እና የዱር አራዊት እየተራኮተበት መሆኑንም መረብ ሚዲያ ያነጋገራቸው የአከባቢው ነዋሪዎች ገልፀዋል።

በተመሣሣይ እነዚኸው ምሽግ ደርማሾቹ የአርበኛ ውባንተ አባተ ልጆች፡ ሙትና ቁስለኛን ለማንሳት በሆድ አደር ሚሊሻና አድማ ብተና መሪነት ወደ ቀጠናቸው የገባውን አንድ ኦራል እና አንድ አይሱዙ ኤፍ ኤስ አር ሙሉ የአገዛዙን ጦር ወደ አመድነት ሲቀይሩት አፍታ አልፈጀባቸውም ተብሏል።

በዚህ ስፍራ የጠላት ዐብይ አህመድ ጦር፡ በወገን ኃይል ከበባ ውስጥ ገብቶ በአፈሙዝ አለንጋ መገረፍ ሲጀምር "እባካችሁ አድኑኝ" በሚል ትጥቁን እየጣለ በየአርሶ አደሩ መኖሪያ ቤት ለመደበቅ የሚሯሯጠውን ወታደር ለተመለከተ ትዕንግር ነበር ይላሉ መረብ ሚዲያ ያነጋገራቸው የአይን እማኞች ሁንታውን ሲያስረዱ።

ደብረታቦር ከተማ ተቀምጠው ውጊያውን ሲመሩ የነበሩ የአገዛዙ የጦር መኮነኖች ወታደራቸው የፋኖ አፈሙዝ ሲሳይ ሆኖ ሲቀርባቸው ጊዜ በብስጭት "እናንተናችሁ ቀላል ነው እያላችሁ ያስበላችሁን" በሚል ቁጥራቸው በውል ያልታወቀ የወረዳና የዞን ሚሊሻ አስተባባሪዎችን መረሸናቸው ተሰምቷል።

የአገዛዙ ምንጣፍ ጎታች የጦር መኮነኖቹ በሚሊሻ አስተባባሪዎቹ ላይ የወሰዱት እርምጃ ብቻ አልበቃቸውም፡ በየቀጠናው ገብቶ የነበረው ወታደራቸውን ጤና ጣቢያዎችን እያወደመ፡ መድሃኒቶችን እየዘረፈ፡ የጤና ባለሙያዎችን እየገደለነ እና እያሰረ እንዲወጣ ማድረጋቸው ታውቋል።

በአርበኛ ባየ ቀናው በሚመራው አማራ ፋኖ በጎንደር ጉና ክ/ጦር ስር የእስቴ ደንሣ ብርጌድ ቃል አቀባዩ ፋኖ ማረው ክንዱ ከመረብ ሚዲያ ጋር ቆይታ አድርጓል።

ይከታተሉ👉

ሰበር ዜና!

ሌ/ኮ ተካ መከቦ ተደመሰሰ!

የሰሜን ምስራቅ ዕዝ 48ኛ ክፍለጦር ከፍተኛ አዛዥ ሌ/ኮሎኔል ተካ መከቦ መሃመድን ጨምሮ በመቶዎች የሞቱበትና የቆሰሉበት ታላቅ ድል ራያ ቆቦ ዞብል ላይ ተፈፀመ::

የአማራ ፋኖ በወሎ ምስራቅ አማራ ኮር 2 ዞብል አምባ ክፍለጦር ራያ ቆቦ ዞብል ከተማ እና ዙሪያዉን ሰፍሮ የሚገኘው 48ኛ ክፍለጦር የጠላት ሃይል ትናትና ታህሳስ 22/2017 ዓ.ም 10:00 ጀምሮ እስከ ሌሊት 7:00 ድረስ ከባድ ዉጊያ በመክፈት የክፍለጦር ከፍተኛ አዛዡን ኮሎኔል ተካ መከቦ መሃመድን ጨምሮ በመቶዎች የሚቆጠሩ የተደመሰሱበትና የቆሰሉበት ታላቅ ድል ሰርተዋል::

መስከረምና ጥቅምት ላይ ራያ ቆቦ ተኩለሽና ዞብል በበርካታ ሰራዊትና መካናይዝድ እንዲሁም ድሮን ታግዞ የገባ ቢሆንም በተደጋጋሚ አሰልች የደፈጣ ጥቃቶችና ተጋድሎዎች በቅርቡ ተኩለሽን ያስለቀቅን መሆናችን የሚታወቅ ሲሆን ራያ ቆቦ ዞብልና አካባቢው ላይ የመሸገዉን 48ኛ ክፍለጦር ዞብል አምባ ክፍለጦር በበርካታ የደፈጣ ጥቃቶች በማሰላቸትና መፈናፈኛ በማሳጣት ከትናትና ጀምሮ እስከ ዛሬ ታህሳስ 23/2017 ዓ.ም በቀጠለው ዉጊያ በርካታ ድሎችን ተጎናፅፈዋል::

ዞብል አምባ ክፍለጦር በተጋድሎው

ከቡድን መሳሪያ አንድ ስናይፐር
ከነፍስ ወከፍ 7 ክላሽ፣ ተተኳሽ 2ሺ የክላሽ ጥሬ ገንዘብ 20000 (ሃያ ሺ ብር) ሬድዮ መገናኛዎችን ጨምሮ ጠላት የአማራ ህዝብ ላይ ዘር ማጥፋት የሚፈፅምባቸውና የሚጠቀምባቸው ሰነዶችን ማርከዋል::

በቀጣይም መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!

"በደምና አጥንታችን፤ አማራነታችንን እናስከብራለን::"

የአማራ ፋኖ በወሎ
ወሎ ቤተ-አምሐራ
ታህሳስ 23/2017 ዓ.ም

ሰበር ዜና!

17 ሙትና 29 ቁስለኛ ሁኗል፤ አሁንም በከበባ ውስጥ ይገኛል!

የአማራ ፋኖ በወሎ በቀጠለው የህልዉና ተጋድሎ ላስታ አሳምነው ኮር ተከዜ ክፍለጦር እና ጥራሪ ክፍለጦር በጋራ ባደረጉት ተጋድሎ ታላቅ ድል ተጎናፅፈዋል::

ላስታ አሳምነው ኮር ከተቆጣጠራቸው አካባቢዎች አንዱ በሆነው ኩልመስክ ቀጠና ለማጥቃት ሶስት ሬጅመንት ከመካናይዝድ ጋር ያሰለፈው የአብይ አህመድ ዙፋን ጠባቂ ሰራዊት በፋኖ ኮማንዶ ዘላለም ሲሳይ የሚመራው ተከዜ ክፍለጦርና በአርበኛ ሻለቃ ብርሃን አሰፋ የሚመራው ጥራሪ ክፍለጦር ባደረጉት ብርቱ ትንቅንቅና ተጋድሎ በርካታ ሙትና ቁስለኛዉን ይዞ የተመለሰ ሲሆን ጠላት አሁንም ኩልመስክ ላይ ተከቦ ይገኛል::

ከራያ ቆቦ ተኩለሽና አካባቢው በበርካታ ተደጋጋሚ የደፈጣ ጥቃት ተሰላችቶና መፈናፈኛ አጥቶ ወደ ጊዳን ወረዳና ኩልመስክ የገባው ጠላት ቀጠናዉን ከአመት በላይ ተቆጣጥረው በሚገኙት የላስታ አሳምነው ኮር አሃዶች ጥራሪ ክፍለጦርና ተከዜ ክፍለጦር ተቀብለው እያስተናገዱት ይገኛሉ::

ኩልመስክና ሃሙሲት አካባቢ በተደረገው ጠንካራ ዉጊያ የጠላት ሰራዊት የተረፈረፈ ሲሆን 17 ሙትና 29 ቁስለኛ ሁኗል፤ ቀሪው የጠላት ኃይልም ኩልመስክ ላይ ከበባ ውስጥ ገብቶ እጅ ስጥ እየተባለ ይገኛል፤ ተጋድሎው ታህሳስ 18/2017 ዓ.ም ንጋት ጀምሮ እስከ ምሽት 1:00 ድረስ በጀግኖቹ ተከዜ ክፍለጦር እና ጥራሪ ክፍለጦር ትንቅንቅ የቀጠለ ሲሆን አሁንም የገባው ጠላት በማይወጣበት ሁኔታ ተከቦ ይገኛል::

ቅዱስ ላሊበላ ከተማና ቀጠናው ላይ ፖለቲካዊና ወታደራዊ ድል ለማግኘት የቋመጠው የምርኮኛው ብርሃኑ ጁላ ጦር በተለያየ አቅጣጫ ወደ ቅዱስ ላሊበላ ከተማ ሬሽን ለማስገባት ቢሞክርም የአማራ ፋኖ በወሎ ዋና አዛዥ ዋርካው ምሬ ወዳጆ በሰጠው ትዕዛዝ መሰረት በመጣበት አቅጣጫ ሁሉ እንደ እባብ እየተቀጠቀጠና እየተደመሰሰ ይገኛል ሲል የአማራ ፋኖ በወሎ ሕዝብ ግንኙነት መምሪያ ገልጿል።

የአማራ ፋኖ በጎጃም ፩ኛ ክፍለ ጦር ኮ/ል ታደሰ ሙሉነህ ብርጌድ የተሳካ ኦፕሬሽን አካሔዷል።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

የአብይ አህመድና የአረጋ ከበደ ጥምር ሀይል በተቆጣጠራቸው ቀጠናዎች ውርደትን እየተከናነበ ይገኛል። በዛሬው እለት ነበልባሎቹ የኮሎኔል ታደሰ ሙሉነህ ብርጌድ ሻንበል መማር ጌትነት ሻለቃ በአማሪት ከተማ ሰፍሮ በሚገኘው የጠላት ሀይል ላይ ከፍተኛ ኪሳራ በማድረስ ከተማውን ስታስለቅቀው።

በዚህ የተበሳጨው የጠላት ሀይል በአካባቢው የሚገኙ የአርሶ አደር ሰብሎችን አቃጥሎ በመሄድ የበቀል እርምጃውን ተውጥቷል። የአራት አርሶ አደር የበቆሎና የዳጉሳ ክምር ሙሉ በሙሉ በእሳት አጋይተውታል።

በሌላ በኩል በወተት አባይ ከተማ ሰፍሮ በሚገኘው  የዘራፊ ሀይል ላይ ሌላኛዋ የብርጌዱ ሻላቃ ጊዮን ሻለቃ ጠላት ሰፍሮበት በሚገኘው ካንፕ ላይ በወሰደችው  እርምጃ በጠላት ላይ ከፍተኛ ሰባዊና ቁሳዊ ኪሳራ አድርሳለች። እንዲሁም የወተት አባይን ህዝብ አስገዶ ሊያወያይ የነበረው የጠላት ሀይልም መበተኑን አሻራ ሚዲያ አረጋግጧል።

©ሔኖክ አሸብር የአማራ ፋኖ በጎጃም ፩ኛ ክፍለ ጦር ህዝብ ግንኙነት
ሙሉሰው የኔ አባት የአማራ ፋኖ በጎጃም ፩ኛ ክፍለ ጦር ህዝብ ግንኙነት

ድል ለአማራ ህዝብ
ድል አማራ ለፋኖ

ንሥር ብሮድካስት መረጃ 
ሰኞ ታህሳስ 14 ቀን 2017 ዓ.ም