ፖሊሱ 10 ዓመት ፅኑ እስራት ተፈረደባት

የዶ/ር እስራኤል ጥላሁን ተሽከርካሪን ለማስቆም በተኮሰው ጥይት ግድያ የፈፀመው ኮንስታብል ማክቤል ሮባ በ10 ዓመት ጽኑ እስራት ተቀጣ

ባለፈው ዓመት ዶ/ር እስራኤል ጥላሁን ሲያሽከረክር የነበረውን ተሽከርካሪ ለማስቆም በተኮሰው ጥይት ግድያ የፈጸመው ኮንስታብል ማክቤል ሮባ በ10 አመት ጽኑ እስራት ተቀጥቷል፡፡

ወንጀለኛው ህዳር 3 ቀን 2016 ሌሊት በግምት 11:20 ቦሌ ክፍለከተማ ወረዳ አራት በተለምዶ ፋሲካ መኪና መሸጫ አካባቢ በመደበኛ የወንጀል መከላከል ስራ ላይ እንደነበር የክስ መዝገቡ ያስረዳል፡፡

ፍርደኛው ሟችን በወቅቱ በፍጥነት ሲያሽከረክር ከነበረበት ለማስቆም ምልክት ሲያሳየው እልታዘዝ ማለቱን ተከትሎ ተሽከርካሪውን ለማስቆም የተኮሰው ጥይት ተሽከርካሪዋን አልፎ ዶ/ር እስራኤል ጥላሁንን የቀኝ ደረቱን በመምታት ህይወቱ ሊያልፍ ችሏል፡፡

በመሆኑም ሰው ለመግደል አስቦ ቢተኩስ በከባድ ግድያ ሊመሰረትበት የነበረው ክስ በወንጀል ህጉ 540 ተራ የሰው ግድያ ክስ ተመስርቶበት በፌደራሉ ከፍተኛ ፍርድ ቤት 1ኛ የከባድ ግድያ እና ውንብድና ጉዳይ ችሎት ጉዳዩ ሲታይ ቆይቷል፡፡

የተላለፈበትን የጥፋተኝነት ውሳኔ ተከትሎ ዛሬ ችሎቱ በልዩነት ሀሳብ በአብላጫ ድምጽ ነው የተወሰነው፡፡

በውሳኔ መዝገቡ የሰፈረው የልዩነት ሀሳብ ወንጀለኛው ሊከላከል የሚገባው በቀላል ግድያ እንጂ በተራ ግድያ መሆን የለበትም የሚል ነው፡፡

ይህ የልዩነት ሀሳብ የተንጸባረቀበት የወንጀል ህጉ 541 ቀላል ግድያ ደግሞ ቅጣቱ ከአምስት ዓመት ያልበለጠ ነው፡፡

ከዚያ በላይ የሚያስቀጣው ተራ የሰው ግድያ 540 አብላጫ ድምጽ አግኝቷል በችሎት ዳኞች፡፡



ኢቢሲ