Oromia Communications Bureau

Dhimmoota dhibdee Keessaafi Alaa biyya keenyaatiif, Mariin Biyyoolessaa fala waarawaadha.
=
Waldhabdee biyya keenya mudachaa tureefi mudachaa jiru hundeerraa maqsuun nageenya biyyaafi lammiilee keenyaa waaromsuuf falli marii biyyoolessaati. Mareen biyyoolessaa ajandaalee madda dhibdee biyyaa ta'an irratti waloon mari'achuun furmaata waloos kaawwachuufi. Gaaddisa tokko jalatti yoo mari'anne rakkoowwan ykn qormaatilee alaafi keessaa nu quunnamaniif furmaata waaraa kaawwanna. Garaagarummaa qabnus dhiphisuun tokkummaa biyyummaa qabnu dagaagsina, badii dalagameefis araaraafi dhiifama waliif taasisuun biyya keenya bu’ura cimaarra keenya.
Sadarkaa Naannoo Oromiyaatti nageenya waarawaafi injifannoo qaqqaalii akka sabaattis ta'e akka biyyaatti arganne tikfachuun, kallattii hundaan milkaa'inoota goonfachuuf tattaafachaa jirtuu galma yaadame bira qaqqabsiisuuf garaagarummaa yaadaa qabnu walitti fiduun mari'achuun murteessaadha.
Akka Biyyaattis,Biyyi keenya Itoophiyaan biyya sabdaneessa, af-daneettii Amantaa fi ilaalchota siyaasaa garaagaraa keessummeessitudha. Garaagarummaa hedduu qabaannus biyyi waliinii qabnu tokko waan ta’eef garaagarummaa qabnu mareefi marabbaadhan dhipisnee tokkummaa keenya cimsachuun biyya nageenyi itti mirkanaa’e gochuun itti gaafatamummaa hunda keenyaa ta’uun hubatamuu qaba.
Maree biyyooleessaa biyyi keenya eegalteefi furtuu waldhibdee keenya ta’a jedhamee abdiidhaan eegamu keessatti yaadama biyya ijaaru gumaachuun, lammii biyya isaa jaalatu hunda irraa eegama waan ta'eef, milkaa'ina isaatif gahee keenya bahachuun nurraa eegama.
Odeeffannoo Dabalataa Argachuuf
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
YouTube:
https://www.youtube.com/@OromiaCommunicationBureau
------
TikTok: tiktok.com/@oromiacommunicationbureu
------
Website: https://www.oromiacommunication.gov.et/
------
kallachaOromia: https://m.facebook.com

Dhalootni nagaa waaressu, injifannoo tiksa!
====
Ummanni Oromoo saba guddaa uumaaf uumamaan badhaadhe; abbaa qabeenya aadaafi duudhaa dilbiiti. seenaa sabichaa keessatti Oromoon qaroominaan kan beekkamuufi bu’uura sirna dimokraasii fakkeenya addunyaati. Abbaa Sirna Gadaa ganamaan bu’uuressee beekumsaan utubee rakkoo addunyaatif furmaata waaraa gumaache.
Dhaloonni Sirna Gadaa kun waliin jireenya dhala namaatif hariiroo tolchee, mala jireenyaatiif daandii diriirsee bakka wal dhabdeen jirutti ammoo araara murteessuun qajeeltoo godhate.
Adeemsa kanaan nagaa waaressuun dhaloota dhalootaatti dhaalchisuun injifannoo abbootii itichee biyyi akka asgeessu taasiseera. Kanaaf dhalootni nagaa waaressuun injifannoo tiiksuufi seenaa haaraa hojjechuun itti fufiinsa biyyaatif wabii ta’ee hojjecha jira. Ammas itti fufiinsaan cimee hojjechuun dhaloota itti aanu dhaalchisuu qaba.
Bu’uurama kanaan mootummaan naannoo Oromiyaa cabiinsa gama nageenya , diinagdeefi hawaasummaatin ture suphuuf hojii bal’aa hojjechaa jiruun naannichatti qilleensi nagaa waaraa akka bubbisuuf kutannoon hojjechaa jira. Sochii hanga ammaatti jiruunis Oromoon dhibdee qe’ee isaa keessatti mudatu mareefi marabbaan hiikkachuun dhalootatti abdii horuun biyyaafis akeektuu gaarii ta’eera.
Kanaanis ummanni nagaan bahee nagaan galuu qofa osoo hin taane sodaa nageenyaa malee qaamaaf qalbiin tasgabbaa’ee jiruuf jireenyasaa akka gaggeeffatuuf yaaddamee yoo ta’u ammas aarsaa barbaachisu hunda kaffaluun gola Oromiyaa hundatti nagaaf tasgabbiin akka argamuuf hojjetamaa jira. Dhaloonnis kana hubachuun nagaa waaressuufi injifannoo gama kanaan mul’achaa jiru tiiksun murteessaadha.
Waliigaltee araaraafi nageenya waaraa sadarkaa hundatti gaggeeffamaa jiruufi waamicha daandii nagaa taasifamaa jiru karaa guutuu ta’een akka milkaa’uuf hunduu tumsa barbaachisu taasisuun hoj- manee qaama hundaa ta’uu qaba.
Odeeffannoo Dabalataa Argachuuf
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
YouTube:
https://www.youtube.com/@OromiaCommunicationBureau
------
TikTok: tiktok.com/@oromiacommunicationbureu
------
Website: https://www.oromiacommunication.gov.et/
------
kallachaOromia: https://m.facebook.com

Badhaadhinni Maatii hundee, badhaadhina biyyaati!
===
Badhaadhinni maatiifi biyyaa yaadamarraa ka’uun gochaan bakka bu’uun biyya jijjiira . Jijjiiramni maatii ammoo hundee jijjiirama biyyaatiif utubaadha. Badhaadhina maatii mirkaneessun akeektuu milkaa’ina badhaadhina biyyaati.

Biyya badhaate ijaaruuf qabeenya uumamaa qabnu sirnaan misoomsuufi sirnaan itti fayyadamuun maraammartoo hiyyummaa seenaa gochuu gaafata. Akka biyyaattis ta’ee akka naannoo Oromiyaatti imala badhaadhina maatiifi biyyaa dhimma xiyyeeffannoon irratti hojjetamaa jiruudha. Karoora daandii imala badhaadhina waloo dhugoomsuuf dhimmoota sadi irratti xiyyeeffannoon hojjetamuu qaba .

Qonnaan bulaafi horsiisee bulaan badhaadhina maatiifi biyyaa milkeessuuf maal akka oomishuu qabu adda baasuun karaa badhaadhina hunda galeessa sadarkaa maatiifi biyyaa milkeessuu danda’uun hojjechuufi oomisha alaa galu hambisuun, al- ergii keenya akka dabaluu taasisuun fayyadamummaa maatiifi biyyaa olkaasuu keessatti shoora guddaa qaba.

Akkasumas waan oomishamurraa bu’aa hangamii akka argamuu danda’u tilmaama keessa galchuun karaa ammaan dura baratame keessaa bahuun sadarkaa addunyaa har’aa madaaluu danda’u uumuun makaanayizeeshinitti fayyadamuufi bifa hammayyoomeen qulqullina, baay’inaafi ariitiin oomishuun badhaadhina maatiifi biyyaa ariifachiisa.

Qonnaan bulaa fi horsiisee bulaan ganna roobaan, bona ammoo jallisiin coba bishaanii kuusee misoomaaf oolchuun dinagdee horachuu eegaleera. Diinagdee itti dadhabee argate itti fufiinsa akka qabaatuf waan oomshee argaturraa qusachuunis dhimma xiyyeeffannoo argachuu qabuudha.

Kanaaf milkaa’ina gama kanaan argamaa jiru caalmatti gabbisuun muuxxannoo misooma qamadii gannaafi bonaa cimsuun qonnaan bulaafi horsiisee bulaan hundi ofitti madaqsuun hojirra oolchuun milkaa’ina addunyaa badhaadhinaa ariifachiisuu keessatti qooda keenya bahachuu qabna.

Odeeffannoo Dabalataa Argachuuf
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
YouTube:
https://www.youtube.com/@OromiaCommunicationBureau
------
TikTok: tiktok.com/@oromiacommunicationbureu
------
Website: https://www.oromiacommunication.gov.et/
------
kallachaOromia: https://m.facebook.com

Gurmaa’iinsi Gandaa Nageenya Waaraafi Ijaarsa Biyyaaf!
==
Bakka gurmaa'insi gandaa cimaan hin jirretti nageenya waraafi biyya dhaloota hundaaf taatu ijaaruun hin danda'amu. Bu'urri nageenya waara'eefi biyya cimtuu ijaaruu gurmaa'insa gandaa cimaa dha.

Gurmaa'insi gandaa cimaan hawaasa itti dhiyeenyan tajaajiluu irra darbee oolii bultii uummatichaa hubachuun rakkoo uummatichaatiif fala waaraa kaa'uun adeemsa biyya nageenyi ishee waara'eefi biyya cimtuu ijaaruuf bu'ura ta'a.

Gurmaa'insa karoora,tarsiimoo, imaammataafi hojimaata mootummaa qabame galma yaadameen gahuu danda'u uumuuf yeroo yeroodhaan fooyyessaa deemuun murteessadha.

Bu'uruma kanaan mootummaan naannoo Oromiyaa caasaa gurmaa'insa gandaa waggaa dheeraaf ture fooyyessuun tajaajilli hawaasni mootummaarraa barbaadu itti dhiyeenyaan maallaqaafi yeroo isaa osoo hin qisaasessiin akka argatu taasisee jira.Gama biraatiin gurmaa'insi caasaa gandaa kun nageenya naannichaa waaressuufi adeemsa ijaarsa biyyaa jalqabame bu'ura cimaa akka qabaatu ni taasisa jedhamee abdatama.

Walumaagalatti Nagaaf tasgabbii biyyaa mirkaneessuufi sochii siyaas-diinagdee amansiisaan akka jiraatu taasisuun biyya bu'ura cimaa qabdu ijaaruu keessatti ga'een gurmaa'insa gandaa murteessadha.

Odeeffannoo Dabalataa Argachuuf
Facebook:
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
YouTube:
https://www.youtube.com/@OromiaCommunicationBureau
------
TikTok: tiktok.com/@oromiacommunicationbureu
------
Website: https://www.oromiacommunication.gov.et/
------
kallachaOromia: https://m.facebook.com