YOUTH FOR CHRIST MINISTRY

Caaffatootni qulqullaa'oon qajeelfama jireenyaaf nu barbaachisu hundumaa qabu. Garuu eenyu itti dhiyaatee irraa haa baraturee? Namni Waaqayyoo J.I. Packer
“Akka itti waaqeffattu baruuf Macaafa Faarfannaa dubbisi, akka itti qoramsa keessa hulluuqtu(darbitu) beekuuf Macaafa Iyyoob dubbisi, jireenya ogoome jiraachuuf Macaafa Lallabaa dubbisi,…” jechuun gorsa tiksoomaa amantootaaf dhiyeessaa ture.

Egaa yaa obboloota koo, tarii komee keenya garasitti Waaqayyo maaliin akka nu komachaa jiru haleellee haa ilaallannu. Sagalee isaatiif bakka haa qabaannu. Waaqayyo akka nutti dubbatuuf, akka nu qajeelfatuuf yeroo haa kenninuuf. Akka Abrahaam fuula isaa deddeebi'uu, akka Maariyaam miilla isaa jala taa'uu haa shaakallu. Yoos amantiidhaan gara teessoo ayyaana Waaqayyootti dhiyaachuu, ayyaanaa fi araara nu barbaachisu fudhachuu ni barra’oo.

Namni araarri ta'eef immoo komataa hin ta'u. Innis akkuma tola araara argatetti, akkasuma obboleessa torba si'a torbaatama isa miidheef dhiisuuf humna argata. Yoos nama hundumaa wajjin nagaatti jiraachuu barra. Fudhachuu irra kennuun akka nama gammachiisus Gooftaan ayyaana isaatiin waan nu leenjisuuf eeggattummaa jalaa baanee arjaa taana. Yoos Jireenyi hadhaa’e galata guutee irraa dhangala'uun bakka bu'a. Eeyyee Gooftaa wajjin lafti onaan iyyuu iddoo dhaabaa lalisaadha. Dhugaa dubbichaatti gaafa cichinu, obboloota dhugaadhaan Gooftaa jaallatanis argachuun keenya waan hin oolle. Hariiroon nuyi Waaqayyoo wajjin qabaannu wayita sirratu, eebbawwan kanneen biroon sana hordofanii toora galu.

“Duraan dursitanii yaada keessan mootummaa Waaqayyoo fi qajeelummaa isaa barbaaduutti hidhaa! Kana malees kan barbaachisu hundinuu immoo isiniif in kennama ”(Mat 6:33).

Gooftaan caalchifannaa (priority) jireenya keenyaa nuuf haa ta'u. Amanamummaa isaatti hirkachuun boqochuun nuuf haa ta'u.

“ Isin beekumsa in jibbitan, sodaa Waaqayyoos hin fo'anne; isin gorsa koo hin barbaanne, ifata koo hundumaas in tuffattan; kanaaf isin ija hojii keessanii in nyaattu, wanta akeeka baafattaniinis in wichirooftu. Wallaalota karaa irraa goruutu ajjeesa, gowwootas ‘Giddii hin qabu’ jechuutu balleessa. Namni anaaf dhaga'u garuu nagaatti in jiraata, wanta hamaa hin sodaatu, hin bir'atus…” (Fak.. 1:29-33).
Kanan dubbisee irraa baradhe irraati!

t.me//Youth4Christ1

'Namatu waa’ee koo itti dhiise, kopha-galeessan ta'e, kan na hubatutu hin jiru, namni natti dhiyaatu hundinuus bu'aa mataa isaatiif malee, anaaf kan dhimmu miti' fi wkf jedhanii namootni yeroo quuqqaa garaa isaanii ibsatan, gariin immoo sababa kanaan abdii kutannaa hamaa keessa akka galan yeroo dubbatan ni dhageenya. Anis komii kanarraa walaba miti. Dhimma kana waliin wal'aansoo qabeera; bitintiree kufeera; copha abdii kootiitti mixixxadhee bakkan kufee ka'ees beeka.

Sana hundumaa booda dhimma kana gad fageenyaan yeroon xiinxalu, cabawwan keenya baay'eesaa duuba yookiis cabawwan nu eelchan kulkufachuu keenya duuba, gamuma keenyaan dogoggorootni kan biroon jiraachuu isaaniin hubadha.

Inni jalqabaa, eessa akka jirru dagachuu keenyadha. Addunyaa cubbuun kufte, kan namoota ofittoo ta'aniin guutte, sanuu namoota gad fageenya dhukkuba isaanii of irratti hin beekne gidduu jiraachaa kunuunsa eegganna. Sanaa ol kan nama ajaa'ibu immoo nuyi warri komannu kunis akkuma namoota qeeqnu sanaa, komee walfakkaataa jala jiraachuu keenya. Nuyis kunuunsa gahaa obboloota keenyaaf laachaa(kennaa) hin jirrukaa! Dagattoota gammachuu mataa isaanii qofa adamsan akka taane ofirratti hin beeknu’oo.

Inni lammaffaan, hariiroon nuyi Waaqayyoo wajjin qabnu utuu hin sirratin, hariiroon nuyi uumama biraa wajjin qabaannu tasuma iyyuu sirrachuu akka hin dandeenye dagachuu yookiis wallaaluu(beekuu dhabuu) keenyadha. Samii irrattis ta'ee lafa irratti kan nagaa buuse dhiiga Kiristoos qofa akka ta'e hin qalbeeffannu. Nagaan dhugaan, gammachuu dhugaan kan argamu harka Waaqayyoo keessa qofaadha. Hundeen rakkoo keenyaa as ta'innaa laata?

Inni sadaffaan, Waaqayyo akka nu gargaaru ni hawwina, inumaayyuu afaaniin baasnee dubbachuu dhiisnus keessa keenyatti Waaqayyoon komachaa oolla. Baay'ee dhamaanee Waaqayyo nu gargaaruu waan dide nutti fakkaata. 'Erga na uumtee dirqama na gargaaruu qabda’ yaadni jedhu wayii diinqa yaada keenyaa keessa riphee jira. Kan nama gaddisiisu garuu qajeelfama sasalphaa Waaqayyo nuuf kenneef illee xiyyeeffannoo hin kenninu. Kadhachuuf yommuu jilbeenfannu illee kadhannaa Waaqayyo biratti fudhatama hin qabneen yeroo nuuf kenname qisaasessuu dandeenya. Waan nun fayyadne kan biraaf yeroo bal'aa qabaanna. Garuu yaada Waaqayyoo hubachuutti daagiidha.

Akkuma Yaaqoob ergaa isaa keessatti dubbatu,
“Waa kajeeltu malee, hin qabaattan; waan namaa hawwitanii ajjeesuuf in kaatu, garuu isa hawwitan argachuu hin dandeessan. Nama qoccoltu, nama loltus, kanaanis hin argattan; Waaqayyoon kadhachuu waan dhiiftaniif, wanta barbaaddan qabaachuu dadhabdan. 3 Yoo kadhattan immoo, yaada hamaadhaan waan kadhattaniif hin fudhattan; isin kajeellaa keessan itti ba'uudhaaf yaaddanii in kadhattu.” (Yaq 4:2-3). Kutaan kun kadhachuu keenya dura kaka'umsi nuyi ittiin kadhannu murteessaa ta'uusaa nu hubachiisa.
Namni tokko, ‘Bara baay'een Gooftaa eege, bara baay'een kadhadhe, bara baay'een dhama'e garuu homaa hin buufanne’ jechuu mala. Garuu immoo, ‘Kaka'umsa akkamiitiinan kadhadhe? Akka fedha isaatiittis kadhadheeraa laata?’ jedhee namni of ilaalu eenyu laata?

Kaka'umsa gaarii qabaachuuf immoo duraan dursee gargaarsa (humna) Waaqayyo biraa argachuu barbaachisa(Fil 2:13). Namni Waaqayyoo RC. Sproul jedhamu tokko kitaaba isaa “Kadhata Gooftaa” jedhamu keessatti akka barreessetti, Bara kana rakkoon ulfaataan inni amantoota irratti taajjabu yoo jiraate, namuu Waaqayyo biraa humna argachuu kan hawwu ta'us, Waaqayyo humna isaa caaffattoota qulqullaa'oo keessatti dhangalaasee akka jiru baay'oliin akka hin qalbeeffanne haalaan ibseera. Dhugumayyuu humna nu gargaaru barbaacha bakka baay'ee labna. Maddi humnichaa garuu nu biratti iddoo isaaf malu hin arganne. Akka fedha isaatti utuu hin taanee foormulaa mataa keenyaa bocnee ittiin Waaqayyo harkaa waa eegna. Bu'aan isaas joormaa akkasumaaniiti.

garuu sababii namootni dhunfaa kennaa ayyaanaa da'achuun fedhii dhuunfaa isaanii ittiin guuttachuuf yaalaniifiidha.

dadammaqiinsi kun rakkoo heedduus uumee jira.
yeroo kanaas kennaa qofa osoo hin ta’in fayyinni ayyaanaan qofa ta’uun yeroo itti barsiifameedha.

5. Yeroo fi bara sodaachisaa isa ammaa yeroon kun yeroo kam caalaa yeroo itti namoonni karaa jireenya isaanii jijjiiruun gara Jireenya isa dhugaatti deebi'uuf itti socho'aa jiran ta'uu argaa jirruu dha.

Barsiisa ayyaanaatiin wal qabatee yeroo ammaa kanatti Waldaa Kristiyaanaa keessaa balaawwan gurguddoo lamaatu jira;- isaaniis

A. Warra karaa naamusaa qabeessaa fi dhugaa fakkaatutti fayyadamuun dhalootni akka fayyinni seera eeguun ta'etti akka yaadu gochuu barbaadaniin Waldaan bifa Kristoos akka dhabdu godhaa dhufeedha. (warra dambii fi seera dhunfaa isaaniitiin dhaloota garbummaatti deebisan) kanneen amala Galaatiyummaa tiin guutaman.
warri kun eenyullee caalaa warra hojii fayyisuu Yesuus hojjate salphisaa jiranii dha.

B. Warra ayyaana da'oo godhachuun xuraa'ummaa fi seera maleessummaan dhaloota mancaasaa jiranii dha. qormaanni Waldaa bara kanaa inni guddaan isa kana.
- Waa'ee warra kanaa gabaabsinee ilaaluuf amala isaanii muraasa akka kanaan argina.
#Qulqullummaa_jibbuu;- "ayyaanaan fayyine waan ta'eef akka barbaadnetti yoo jiraannees hin badnu" jechuun warra ayyaana akka humna cubbuurraa fayyisuutti osoo hin ta'in akka eeyyama cubbuutti fudhatanii dha.

#Luqqifattummaa;- Kitaaba Qulqulluu guutuutti amanuu diduun kutaa isaan barbaadan qofa fudhachuun cubbuuf eeyyama godhachuuf yaaluu.

#Cabsattummaa;- dhaloota Waldaa keessa jiru irratti xiyyeeffachuun tokkummaa Waldaa diiguun dhaloota cubbuu jaallatu cabsanii baafachuun xuraa'ummaaf itti fayyadamuu.

#Seera_maleessummaa;- dhaloota gadhiisii godhuun warra naamusa jireenyaa tiif iddoo hin qabne godhuun bifa qulqullummaa dhalootarraa balleessuu.

#Barsiisa_miiraa;- baruumsa sammuu fi miira namaa qofa sochoosu kan jijjiirama jireenyaa hin eeyyamne fi of qabuu nama dadhabsiisu (fedha cubbuutiif dhaloota kakaasu).

#Faaltummaa;- dhaloota baadiyyaa fi magaaloota xixiqqoorraa gara magalaa guddoo fi mana baruumsa olaanoo dhufan leenjii barsiisa xuraa'ummaa kana fudhachiisuun dhaloota Waldaan duubaa abdattu akka xureessaniif caasaa isaanii diriirsuun kan hojjatanii dha.
fi kkf....

Warri kun ilmaan seexaanaa, haramaa abbaan isaanii daabiloos ittiin dhaloota jireenya maleeyyii gochuuf bara kana keessa kaafatee dha.

"Ayyaanaaniin fayye" jachaa xuraa'ummaa baballisuuf hojii hojjatamu fi manca'iinsa ilmaan seexanaa dhalootarraan ga'aa jiranii fi gahuuf karoorfatanii irratti hojjachaa jiran mormuuf yeroon amma.

Egaa xumurarratti;- Ani barsiisoota sobduu fi yeeyyota warra dhaloota xureessan fi raajoota sobduu yeyyoota warra dhaloota nyaatan mormuuf dirqamaan qaba, aarsaa inni na gaafatuus taanaan kafaluuf yoom illee qophiidha. Ani garee dhugichaati. Dhugaa lallabuufi dhugaa jiraachuun itti fufa!

t.me//Youth4Christ1

BARSIISA AYYAANAAN FAYYUU FI SEENAA WALDAA KRISTIYAANAA.

👉Namni hundi kan dubbisuun ta'u ergaa jabaa

❝ayyaanni Waaqayyo inni nama hundumaa fayyisu mullatee jira.❞ Tit. 2:11

Yeroo ammaa kanatti irra deddeebiin mata duree kana kaasuun maaliif barbaachise?
1) Waan Wangeelli nu harka jiru jallinaa fi sobdoota dhaloota karaarraa kaachisan irraa dhaloota akka eegnuu fi, jallinaan akka morminu nu ajajuuf.
2) Hojii itti waamamnen (tajaajilaa isa itti taane, aangoo fi muudama Gooftaa biraa fudhannee fi ergama Waldaan itti nu waamteen) dhaloota akka tiksinu dirqamni waan nurra jiruuf.
3) Callisuu keenyaan dhaloota baduuf waan itti gaafatamnuuf.
4) Balaan baruumsi kun fidu nama dhunfaa qofarratti osoo hin ta’in kan dhalootaa fi Waldaa Kristiyaanaa faalaa jiru waan ta’eef. fi kkf

Ayyaanaa fi fayyinaan walqabsiifnee yoo ilaalle seenaan Waldaa Kristiyaanaa iddoo hedduutti qoqqoodamti, harraaf garuu kanuma haa ilaalluu.

1) Waldaa jalqabaa fi barsiisa fayyinaa;- Waldaa Kristiyaanaa isheen jalqabaa HoE 2 irratti humna Hafuura Qulqulluu tiin yeroo mullattetti barsiifni ture, "Fayyinni Yesuus Kristoos amanuu qofaan ayyaana Waaqayyoo tiin" kan jedhu yoo ta'u, guutummaan guutuutti seera, aadaa fi naamusa namaa irraa bilisa karaa ta'een fi seera Kristoos isa JAALALA qofaan ta'een kan jiraatamu ture.

2) Waldaa Kristiyaanaa fi bara dukkanaa (500-1500) tti;- baroonni kun Waldaa Kristiyaanaa tiif "bara dukkanaa" jedhamuun beekama. baroota kanatti ammoo Waldaan gaay'ila seeraan alaa moototaa fi gurguddoota biyya lafaa wajjiin raawwachuun aadaa, barsiifni fi naamusni namaa iddoo qabachuun guutummaan guututi Waldaan Kristiyaanaa kan Kristoos ta'uun hafee tan geggeessitoota biyya lafaa fi luboota kaatolikii taatee bara itti jiraattee dha.
Baroota kanati waa'een fayyinaa fi barsiifni ayyaanaa iddoo dhabuun amantiin Kristoos hin beeknee fi amantoonni Kristoositti adda ba'an baayachuun dhaloota amanti maleessaan biyyi lafaa guutamtee turte.

3) Bara Haaromsaa (Jaarraa 16ffaa---) ;- yeroon kun "yeroo itti Waaqayyo karaa Hafuura isaa fi gara barsiisa Kitaaba Qulqulluutti dhaloota deebisuun itti hojjatee dha" jannee amanna. seenaan haaroomsaas isuma kana kan mullisuu dha.
Yeroo kanatti amantiin gara hundee ishee jalqabaatti deebi'uun utubaawwan madaala Kristiyaanummaa harka namootaa, mootootaa fi lubootaatii fuudhamuun gara barsiisa fayyinaa isa dhugaatti bara itti deebitee dha.
-utubaan madaallii kuniis;-

a) Kitaaba Qulqulluun qofaa "karaa fayyinaa kan namatti himu, barsiisaa dhugaa, gaggeessaa, seera Waaqayyo, Hojii gaariif kan nama qopheessuu fi kkf" kan ta'uu macaafaqulqulluu qofaadha.

b) Amantiin qofaa:- karaan ittiin gara Waaqayyootti dhiyaannuu fi jireenya dhugaa ittiin jiraannuu amantii qofaa ta'uu.

c) Ayyaana qofaa;- kun karaa kophaa namni ittiin haa fayyuuf Waaqayyo inni fayyinni isa qofa biraa argamu karaa Kristoosiin namoota ittiin fayyisuuf kenneedha. Fayyina kanaas namoonni amanuu qofaan akkasumaan kan Waaqayyo biraa ayyaanaan fudhatan ta'uu tu barsiifame.

d) Kristoos qofaa;- inni kun karaa ittiin gidduu galeessummaa Kristoos qofaan gara Waaqayyoo dhiyaannuu fi Fayyisaan, Gaggeessaa, Mataan, Gooftaan, Firdii kennaan Yesuus qofaan ta'uu kan mullisuu dha.
e) Ulfinni Waaqayyoof qofaa;- inni kun utubaa naamusa jireenya amantootaa ta’uun isa mullatee dha. jireenyi amantootaa gochaa, deddeebii, dubbii fi akkaataan jireenya isaanii ulfina Waaqayyoof qofa ta’uu qaba kan jedhu karaa ittiin mullateedha.

Eegaa karaalee kanneeniin ture kan "Haaromsi" jaarraa 16ffaa ture, inni kun ammoo karaa ittiin namoonni hedduun gara Waaqayyootti deebi'an ta’uun ifaan ifatti mootummaan Kristoos nu dabalatee dhaloota hundaarrati akka iddoo qabattuu kan ta'eedha.

4) Jalqaba jaarraa 20ffaa yeroon kun yeroo itti dadammaaqiinsi hafuuraa guddaan ta'e yoo tahu, rakkinootaa fi hanqinoota gara garaa qabaatuus Waldaa Kristiyaanaa keessatti karaa humna Hafuura Qulqulluu kannaawwan ayyaanaa hojjachuun yeroo itti Waldaan gara amala muraasa Waldaa ishee jalqabaatti akka deebituuf sochiin muraasni godhamee dha.

Nama jaallachuun keessan jaalala dhugaa haa ta'u, waan hamaa jibbaa, wanta gaarii ta'etti qabamaa jiraadhaa! Jaalala obbolummaatiin ho'isaa wal jaalladhaa; walii keessaniif ulfina kennuudhaaf wal dorgomaa! Waa dhimma baasuudhaaf hin dhibaa'inaa! Hafuura gubaa qabaadhaa! Gooftichaafis of irraa bu'aa hojjedhaa! Abdii qabdanitti gammadaa; rakkina obsaa; Waaqayyoon kadhachuuttis cimaa! Warra Waaqayyoof qulqullaa'an rakkina isaaniitti gargaaruu keessaa qooda qabaadhaa! Keessummoota simachuutti dhimmaa!

Warra isin ari'atan eebbisaa, isaan eebbisaa malee hin abaarinaa! Warra gammadanii wajjin gammadaa; warra boo'anii wajjinis boo'aa! Waa'ee walii keessaniif yaada tokko qabaadhaa; isin ol of qabuu hin yaadinaa, warra gad deebi'anii wajjin jiraachuu baraa! Nuyi ogeessota ofiin jettanii, ogummaa keessan of duwwaadhaaf hin godhatinaa! Namni hamaa yoo isin irratti hojjete, deebiftanii hamaa irratti hin hojjetinaa! Waan fuula nama hundumaa duratti fudhatamaa ta'e yaadatti qabadhaa! Nama hundumaa wajjin nagaatti jiraachuudhaaf karaa keessan wanta danda'amu hundumaa godhaa! Michoota ko! Ijaa baasuu dheekkamsa Waaqayyootti dhiisaa malee, ofii keessanii ijaa hin baafatinaa! Caaffata qulqullaa'aa keessatti, Waaqayyo gooftaan, “Ijaa baasuun kan koo ti, ani hojii namaa mataa isaa irratti nan deebisa” jedhee dubbateera. Iddoo tokkotti immoo, “Diinni kee yoo beela'e nyaachisi, yoo dheebotes obaasi! Kana gochuu keetiinis gaabbee akka inni yeella'u in goota” jedhamee caafameera. Waan gaariidhaan isa hamaa mo'i malee, hamaan si hin mo'in!

Roomaa 12:9-21


t.me//Youth4Christ1

Safuu yaa araara Waaqayyoo

“Abboonni keenya garuu of bokoksanii mataa jabaatan malee, abboommii keef tole hin jenne*. Isaan garuu abboomamuu in didan; mataa jabaatanii didanii ka'uu isaaniitiin gara mana garbummaatti deebi'uudhaaf dura-buutuu fo'atan malee, dinqii ati isaan gidduutti hojjette hin yaadanne; ati immoo Waaqayyo isa cubbuu namaaf dhiisuudhaaf qophaa'ee dha, araara-qabeessaa fi oo'a-qabeessas; dheekkamsaaf suuta jetta, gaarummaan kee guddaa waan ta'eefis ati isaan hin ganne*. Yommuu isaan dibicha tolfatanii, ‘Waaqayyo kee inni biyya Gibxii si baase isa kana’ jechuu isaaniitiin arrabsoo guddaa hammamii si arrabsan*! Kana keessaa immoo araara kee isa guddaa irraa kan ka'e, lafa onaa keessatti isaan hin ganne; utubaa duumessaa isa guyyaa karaa isaanitti argisiisaa ture, utubaa ibiddaa isa halkan karaa isaan irra adeeman ibsaafii tures isaan duraa hin fuune.
Macaafa Nahimiiyaa 9:16-19

t.me//Youth4Christ1

7. Ilmaan namaa hundaaf “Abdii fayyinaa tokkicha” isa ta’e Masiihii Yesuus Kiristoos “qofaa” 
abdii kan hin godhatiinii fi kan hin amaniin hundi gara galaana ibiddaa isa Seexanaa fi 
ergamoota isaaf qophaa’etti akka gataman dursanii akeekkachiisuu dha.
4. Faayidaa Macaafa Qulqulluu
Macaafni Qulqulluun faayidaa eessumayyuu hin jirre ilmaan namootaaf in kenna. Macaafa 
guddaa namootni dhuunfaa, hawaasni, biyyootni jijjiirama ajaa’ibsiisaa akka fidan taasise dha. 
Sababiin isaas sagaleen isaa lubbuu kan qabu (the living word) fi kan hojjetu (operative) waan 
ta’eefi dha (Ibr 4:12). Faayidaa foonii fi hafuuraa beekumsi Macaafa Qulqulluu kennu keessaa
muraasni kanneen armaan gadii ti.
1. Waaqayyo irraa lammaffaa dhalachuuf (1Phex 1:23 – 25, Yaq 1:18)
2. Dhimma kamirrattiyyuu fedha Waaqayyoo beekuuf (HoE 17:11)
3. Daandiin keenya akka wal nuuf qixxaatuuf (Iya 1: 7 – 9, Far 1:2 - 3)
👇👇👇👇👇👇👇👇👇👇👇👇👇👇👇👇👇
#share #share gochuudhan hiriyaa kee afferi
Hiriyoota keessan #Add #Add gochuu dagaatiina. Barumsi itti fufa
👇👇👇👇👇👇👇👇👇👇👇👇👇👇👇
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

t.me//Youth4Christ1