Telegram-канал "YOUTH FOR CHRIST MINISTRY" — @Youth4Christ1

YOUTH FOR CHRIST MINISTRY

19 Feb, 23:00

Channel hedduu fayyadan waantota irraa argachuu dandeenyu filachuun join godhadhaa
Waver 👉 @Daani28
👇👇

Mental Health

Walaloo jaalalaa

Humna Jabaa

Kennaa Jaalalaa

18 0 0

#Jesus_I_am_here_to_greet_you

Namichi tokko Ameerikaa, Teeksaas Keessa jiraata ture. Namichi kun hojii mukaa (Carpenter)hojjeta ture.

Namichi , ganama ganama gara hojii isaatti yeroo deemu Waldaa tokko fuuldura darba ture.

Gaaf tokko akkuma amala isaa gara hojii isaa utuu deemaa jiruu murtoo tokko murteesse.

Murtoon isaas gara Mana sagadaa dhaqee Kutaa tokko(Chapel ) seenee YESUUSIIN nagaa gaafatee, gara hojii isaa deemuu ture; Ajab nama jechisiisa murtoon isaa!

Kanaaf guyyaa hundumaa Yeroo gara hojii isaatii dhaqu, Gara mana sagadaatti(Waldaa) goruudhaan gara kutaa tokkootti (Chapel )dhaqee "JESUS l ‘m here to greet you" (Yesuus asan jira nagaa si gaafachuuf) jedha ture.

Amantiin isaa baay'ee Garaa nama nyaata.

Waggoota dheeraadhaaf kana gochuun qaama hojii isaatii keessaa isa tokko ta'ee itti fufe.

Gaaf tokko akkuma kanaan duraa garaa hojii isaa deemee foddaa bakka hojii hojjatu irraa kufee lafee dugdaa isaarra miidhaan gahe.

Gara hospitaala hedduutti geeffamee fayyaa isaatiif qorichi waan hin jirreef ni laamsha'e.

Gaaf tokko hospitaala inni abdii kutatee, siree dhukkubsataa irra taa'ee jirutti haati manaa isaa mana keessaa waa fiduuf kutaa hospitaalaa keessatti qofaa isa dhiistee deemte.

Namichi uffata adii uffate tokko kutaa sana keessa seenee nagaa isa gaafatee akkas ittiin jedhe:- "Hiriyaa koo nagaa si gaafachuuf dhufeera (My friend I have come to greet you".

Namichichi akka amala isaa yeroo kaanii isa daawwachuuf gara mana sagadaa chapel sana dhaquu waan hin dandeenyeef YESUUS immoo isa daawwachuuf , isa iyyuu abdii kutatee, laamsha'ee bakka inni jiru dhufe.

Namichi dhukkubsataan sun daawwataa isaatiin waan dhuftee na gaafatteef galatoomi jedhe.

Kana booda, Daawwataan sun bahee deeme.

Utuma kanaan jiruu, Namichi kun jijjiirama addaa qaama isaa irratti mul'atu hubachuu eegale.

Waan baay'ee isa ajaa'ibe immoo, fayyee ka'ee siree irra taa'uun isaa ammallee abjuu akka ta'etti utuu jiruu, haati manaa isaa dhuftee siree isaa irra taa'uu isaa argitee Hafuura(Ghost) wayii itti fakkaatee alarmii hospitaala keessa jiru kaastee kutaa abbaan manaa ishee keessa jiru keessaa fiigichaan baate.

Doktarii fi Narsiin isaa iyyuu namichi dhukkubsatu sun du'ee laata jedhanii yaaduudhaan gara kutaa inni ciisee ture sanaatti ariitiidhaan dhufan.

Doktarichi Yeroo jalqaba seenuudhaan namichichatti tolee, itti mimijatee taa'ee jiru arge, innis na'ee deebi'ee fiigichaan kutaa sana keessaa bahe.

Silaa gaafa Yesuus gara namaa dhufu ajaayiba guddaatu ta'a.

Kana booda,Osoo inni maaltu ta'e jedhee gaafachuuf hin murteesin namichi fayye sun waan ta'e hunda itti hime.

Inni waggaa hedduudhaaf guyyaa guyyaan gara mana sagadaa tokko deemee , kutaa tokko (Chapel ) Kessatti YESUUSIIN akka daawwachaa ture, Isa booda amma immoo daawwannaan xiqqoon YESUUS dhufee isa daawwate abdii dhabuu isaa gara gammachuu guddaatti akka jijjiire(Singular visit by Jesus changed his hopelessness to joy) itti hime.

#Dhaamsakoo

Obboleessa koo, obboleettii koo fi Hiriyaa koo kan ergaa kana dubbisaa jiru, kun ragaa jireenyaa dhugaati.
Yeroo gabaabduun ati gooftaa wajjin dabarsitu sun gatii qabdi. Michuu kee waliin haasa'uu addaan hin kutin.
Seenaan Kun yeroo tokko bakka tokkotti ta'eera.! Ammammoo yoo amantee maqaa Yesusiin kan daawwatamu siin haa ta'u!

YESUUS ni jira, qaamni kamiyyuu akka si gowwoomsu hin hayyaminiif.

Ammuma murtoo murteessi.

Gara isaa deemi, gooftaa wajjin yeroo fudhadhu, isa barbaaddadhu, fuulli kee hin gurraacha'u;inni fuula kee ibsa,seenaa kee geddara.

Deemsi gara Yesuusitti deemuudha.

Fiiguun gara Yesuusitti fiiguudha.

Yoo cimes tirachuun garuma Yesuusitti tirachuudha. Yommuu kana gootu jijjiiramni haaraan tokko sirratti in ta'a. Namoonni kaleessa si beekan ni dinqisiifatu. Harruma ulfinni Waaqayyoo haala kee ha jijjiiru! Ameen

t.me//Youth4Christ1

YOUTH FOR CHRIST MINISTRY

Engaged for Christ TastE & SEE THE LORD IS GOOD Come join us for an inspirational word from God. We are an imperfect people serving a perfect God! So, let’s exalt His name together and worship Him in the beautify of His holiness! God loves you💝

155 0 2

YOUTH FOR CHRIST MINISTRY

19 Feb, 06:29

Qooda #Hamaa #Hamaa deebisuun dogoggora lama nama hojjechiisa.
1. Iddoo Waaqayyoo fudhachuudha. Sababni isaayyuu Ijaa baasuun kan Waaqayyoo waan ta'eef. (Se.Um. 50:19, Rom. 12:19-20)
2. Hammeenya sanatti hirmaachuu dha. /Ofiifis hamaa ta'uu/ (1Sam. 24:1-10) Yoo dubbisnu Daawwit Saa'ol irratti hamaa akka hojjetu namoonni yoo isa kakaasan illee inni garuu lafa rakkootti diina isaa argatee nagaan gad lakkise.
Namoota hojii gaarii hojjetan namni hin jaallatu. Ofiisaaniitii hojii Waaqayyo jaallatu kan hin hojjenne, warra hojii gaarii isa Waaqayyo jaallatu hojjetan immoo "maaliif akkas goota?" Jedhanii karaa isaanii dura dhaabatu. Hamaa hamaadhaan deebisuurra nuti gaarummaa keenya itti haa fufnu.
Kitaaba Dr.Abiy Ahimad barreesse kan "እርካብና መንበር" Jedhu sana utuun dubbisuutii seenaan arge tokkos asirratti dabaluun barbaada.
"Mucaa tokkotu laga guddaa tokko bukkee ta'ee utuu galaana daawwachaa jiruu Qaajjibuu /ጊንጥ/ hamaa tokkotu bishaanitti kufee arge. Sana booda Qaajjibbuu kana baasuuf yeroo harka itti hiixatu Qaajjibbuun kun eegee isaatiin mucaa isa baasuuf jedhu kana hidde. Mucichi yeroo 2ffaas yeroo 3ffaas baasuuf utuu yaaluu deddeebi'ee ittiin hiddame. Namni kan biraa fagoo taa'ee mucaa kana ilaalee taajjabaa ture tokko immoo 'Gurbaa! Ati gowwaadhamoo utuu basuuf yaaltuutii si hiddaa jira silaa maalif dhooftee hin ajjeeftu?' Jedheen. Mucimmoo calliseetu Qaajjibbuu isa hiddaa jiru kana baasuudhaaf harkasaa isa hiddame sana wayaadhaan hidhateetu Qaajjibuu sana bishaanicha keessaa baaseetu du'a jalaa baraare. Sana booda ka'eetu namicha isa taajjabe sanaan. 'Yee namichoo hojiin kankoo #oolchuudha hojiin Qajjibbuu kanaa immoo #hidduudha, maalif eenyummaa kankoo dhiisee eenyummaa Qaajjibbuu kanaa akkan qabaadhu gootaa? ' Jedheen.

namni miidhama isarra ga'u hundumaa baatee hojii Waaqayyo kan hojjetu yoo ta'e dhimma sana Waaqayyo ofiisaatii itti darbee farada. Dubbiin Waaqayyoo
" ijaa baasuu anaaf dhiisaa" jedhus isuma kanadha.
Waaqayyo waan dhangala'oo kanneen 3n irratti hin callisu.
1. Dhiiga Namaa. (Um. 4:9-10)
2. Imimmaan Namaa. (Um. 21:7. Luq. 7:44))
3. Dafqa Namaa. (Um. 31:70
Waaqayyo gatii namaa baasa! Kitaaba "Balaa Milkaa'inaa" Jedhu irraan dubbise.

t.me//Youth4Christ1

111 0 1 2

YOUTH FOR CHRIST MINISTRY

18 Feb, 21:46

#Hinguddatu_jedhame_ture
------------------------------------
Saayinsiistoota angafaa dacheen kun argitee dabarsite keessaa tokko Siir Yisihaaq Niwuuteen isa tokkoofi #Abbaa_Fiiziksii jedhamee beekama. Yeroo Niwuuteen bara 1642tti dhalate baay’ee qorraa ta’uu isaa irraa kan ka’e akkasumas guyyaan osoo hingahiin dhalachuunsaa (premature) nama jiraatu hinfakkaatu ture. Suuta suutaan cimina argachuun jiraachuu eegale. Waggoonni jalqabaa Niwuuteen mormiin kan guutame ture. Innis abbaa hinqabu ture. Kunis dhalachuu isaa ji’a lama dursee abbaan isaa du’e. Yeroo kanaa eegalee haadha isaatti gaggeessummaan jireenya isaaniifi Niwuuteeniin kunuunsuu akkasumas guddisuun itti ulfaatee ture.
Waggoota hedduu booddee haati isaa Kaaba Wiitinaam jedhamutti yommuu heerumtu, inni immoo akkoo isaa biratti Wuulsitoorpitti hafe. Haati isaa ammas yeroo inni waggaa 14 yeroo lammaffaaf abbaan manaa irraa du’ee ture. Kun immoo akka Niwuuteen mana barumsaa addaan kutee haadhaafi obboloota isaa quxisuu sadan kan abbaa buddeenaa isa lammaffaa irraa argaman kunuunsuuf jecha dirqameera. Yeroo booda carraa Kolleejjii Kiingis barumsa tolaa warra rakkattootaaf godhameen sababa rakkinaa qabuufi akkasumas cimina sammuu isaaf Niwuuteen barumsatti deebi’uun barumsa isaa xumure.
Niwuuteen booda tajajilaa wangeelaa biyya Ingilaand ta’uuf gara Yuunivarsiitii Kaambireejjii koollejjii Tiriniitii deeme. Yeroo sanas isaaf jireenyi salphaa hinturre. Gatii barnootaa kanfalachuuf sa’aa hedduuf pirofeeserota isaaf nyaata dhiyeessuufi hojii garagaraa isaaniif hojjechaa ture. Niwuuteen bara 1665tti barnoota isaa eebbifamuun gara qonna maatii isaa deemuun mana jiraachaa ture. Kunis immoo sababa du’a gurraachota Loondon keessatti taasifameen yuunivarsiitiin hundi cufamee ture. Kanaaf hojii dhabee yeroo hedduuf mana ture. Jalqaba irratti illee argannoowwan Niwuuteen argate illee qaamota adda addaan yeroo yerootti mormiin itti baay’achaa ture. Innis Addunyaaf beekumsa herregaa guddaa (Binomial theory), Ifa halluu torba, teleeskooppii, kaalkuleesii herregaa, ti’ooloojii, seera sochii plaanetootaa, harkisa dachee waliigalaa fi kkf buusee darbeera. Dabalataanis, yuunivarsiitii Kaambireejii bakka bu’uun bara 1689fi1690 miseensa paarlaamaa ta’ee hojjechaa tureera. Bara 1703tti pirezidaantii hawaasa Rooyal ta’ee filatamuun iftoominaafi amanamummaan saayintistoota hedduu gaggeessaa tureera.
------------------
#Maal_jechuuf
---------------------
Har’as akkuma mul’atni keenya fagaatuufi dheeratu, hanguma kana gufuun nutti baay’ata. Namni immoo wanta hundumaa gararraatti hanga mul’ata isaatiin madaalama. Hangi mul’ata namaa immoo hanga inni/isheen wantoota gufuu ta’an bira darbeen/iteen madaalama. Dabalataanis, yoo baay’ee beekneefi baranne, beekumsi keenya kan namaa malee kan Waaqayyoo hindursu. Hanga lafa irra jiraannutti amanamummaafi qajeeltummaan hadaraafi hojii nutti laatamee beeknee fiixaan baasuun dirqama keenya.Waaqayyo bara keessatti mul’ata nuuf haa laatu. Namni mul’ata qabu dukkana keessaan ifa arga. Abbaa, fira, hojii, qarshii fikkf hinqabu hinjedhiin. Ati dhabuu dandeessa, inni si uume garuu waan hunda qaba. Waaqayyo hir’uufi mudaakee guutuu godhee addunyaaf bu’aa akka buustu si haa godhu. ‘Gaaffii addunyaa tokko deebisi malee addunyaatti gaaffii hindabaliin’. Sababni isaa gaaffiin addunyaa baay’ina uummata ishee caala. Kunis nama dhalataa bulurra gaaffii dhalata bulutu caala. Ati amanummaan dhalootaafi dhugaaf hojjedhu, inni ati amanatteefi si uume hojiikee siif hojjeta!

t.me//Youth4Christ1

YOUTH FOR CHRIST MINISTRY

Engaged for Christ TastE & SEE THE LORD IS GOOD Come join us for an inspirational word from God. We are an imperfect people serving a perfect God! So, let’s exalt His name together and worship Him in the beautify of His holiness! God loves you💝

115 0 1

YOUTH FOR CHRIST MINISTRY

17 Feb, 07:06

How can you fight temptation?
By: John Beckett
A tenacious and destructive force is at work in the life of every believer. Temptation is the continuing effect and downward pull of our former life, with all its bad habits. Its goal is to hinder our close walk with the Lord. Temptation in itself is not fatal. But yielding to it can have deep and lasting consequences. Our best counterstrategy is early detection and bold corrective action.
Christians are not immune to evil thoughts and behaviors. In fact, because believers are of such value to the Lord, we can become even greater targets than non-believers. Our adversary is cunning and finds all kinds of ways to tempt us. The Apostle John urged that we carefully guard ourselves in three areas: “...the lust of the flesh, the lust of the eyes and the pride of life” (see 1 John 2:16).
Lust of the flesh might involve self-indulgence, obsessive focus on one’s body or impure sexual thoughts.
Lust of the eyes refers to what we illicitly crave. Be careful what you let your eyes see!
Pride of life manifests in self-promotion, selfish ambition and advancement at the expense of others.
Don’t try to battle temptation on your own. The next time you are tempted, call out to the Lord for help, for “He is able to aid those who are tempted” (Hebrews 2:18). With each victory you gain greater strength. God is faithful and will make a way of escape (see 1 Corinthians 10:13).
Key Verse
“The Lord knows how to deliver the godly out of temptations” - 2 Peter 2:9
Question of the Day
Avoiding temptation means saying no. The small choices start to add up. What do you need to say no to? Talking to someone, called accountability, can help you make the right choices. Reply to this idea to talk to someone today

@boni4lv
t.me//Youth4Christ1

YOUTH FOR CHRIST MINISTRY

Engaged for Christ TastE & SEE THE LORD IS GOOD Come join us for an inspirational word from God. We are an imperfect people serving a perfect God! So, let’s exalt His name together and worship Him in the beautify of His holiness! God loves you💝

169 0 1

YOUTH FOR CHRIST MINISTRY

15 Feb, 16:29

Channel hedduu fayyadan waantota irraa argachuu dandeenyu filachuun join godhadhaa
Waver 👉 @Daani28
👇👇

Walaloo jalalaa

Imimmaan jaalalaa

JOIN 👆

179 0 0 1

YOUTH FOR CHRIST MINISTRY

15 Feb, 11:09

25.Kanaafis qaamni sadan kun wal qixxee ta'uu Isaaniitiif bara barummaatti tokko; kana irraa kan ka'e akkuma kana duraatti dubbatametti qaamni sadan kun Waaqayyummaatti tokko; Waaqayyo tokkos; qaama sadan tokkummaa Waaqayyootti in waaqeffanna.

26.Namni fayyuu barbaadu hundinuu waa'ee sadan tokkummaatiif akkuma kana yaaduun isaaf in ta'a.

27.Kana malees immoo fayyina bara baraa argachuudhaaf nama ta'ee mul'achuu Gooftaa keenya Yesus Kristos garaa guutuudhaan amanuun barbaachisaa dha.

28.Sababiin isaas Gooftaan keenya Yesus Kristos Ilmi Waaqayyoo, Waaqayyo ta'uu Isaa, nama ta'uu Isaas amanuu fi dhugaa ba'uun amantii isa sirrii dha.

29.Inni baroota dura Abbaattii kan dhalate Waaqayyoo dha; Inni nama haadha Isaattii fooniin biyya lafaa irratti dhalatee dha.

30.Inni nama lubbuu yaaduu danda'u qabuu fi foon namaa kan uffate, Waaqayyo mudaa hin qabnee fi nama mudaa hin qabnee dha.

31.Waaqayyummaa Isaatiin Abbaadhaa wajjin waluma qixxee dha; namummaa Isaatiin Abbaadhaa gadi.

32.Inni utuuma Waaqayyoo fi nama dhugaa ta'ee jiruu iyyuu, Inni Kristos tokkicha malee Kristos lama miti.

33.Tokko yommuu jennu foon namaa uffate jechuu keenya malee, Waaqayyummaa gara fooniitti geeddare jechuu miti.

34.Dhuguma tokko; tokko ta'uun Isaa qaama tokkotti; tokko ta'uudhaan malee Waaqayyummaa Isaa fi nama ta'uu Isaa walitti makuudhaan miti.

35.Sababiin Isaas foonii fi lubbuun yaaduu danda'uun nama tokkicha akkuma ta'an, Waaqayyoo fi namni Kristos tokko ta'an.

36.Inni egaa fayyina keenyaaf jedhee kan dhiphate, Sii'olitti kan gadi bu'e, du'aa kan ka'e;

37.Gara waaqaatti kan ol ba'e, gara mirga Abbaa kan taa'e, warra jiranii fi warra du'anitti faraduudhaaf achi kan deebi'u;

38.Yeroo dhufa Isaatti namootni hundinuu fooniin du'aa ka'anii waa'ee waan hojjetaniif deebii deebisuuf jiru.

39.Wanta gaarii warri hojjetan jireenya bara baraatti ni galu; wanta hamaa warri hojjetan immoo gara ibidda bara baraatti in naqamu.

40.Kun amantii kristiyaanaa isa dhugaa dha; namni kana hin amannee fi jabeessee hin qabne fayyuu hin danda'u.

✍️ BOQONNAA 13"FFAA 👇
🤏DHUGAA BA’UU AMANTII KRISTIYAANAA NIIQIYAA
====================
In amanna hundumaa kan danda’u Waaqayyo Isa tokkicha Abbaa Uumaa waaqaatii fi lafaa, uumaa wanta argamuu fi wanta hin argamne hundaa;

In amanna kan dhalate tokkicha Ilma Waaqayyoo, Yesus Kristos Gooftaa tokkichatti. Biyyi lafaa utuu hin uumamin bara hundumaa dura Abbaattii kan dhalate, Waaqayyo Waaqayyottii argame, Ifa Ifattii argame, Waaqayyo Isa dhugaa, Waaqayyo Isa dhugaattii argame; jiraachuun Isaa Abbaadhaa wajjin tokko kan ta’e; Inni kan uumame utuu hin ta’in kan dhalate; wanti hundinuu Isaan kan ta’e; Waa’ee keenyaaf, waa’ee fayyina namootaatiif waaqa irraa kan gadi bu’e; Hafuura Qulqulluudhaan Maariyaam durbattii foon uffatee nama kan ta’e; bara Philaaxos Pheenxinichaattis immoo nuuf jedhee kan fannifame; kan dhiphate; kan du’e; kan awwaalames, Macaafa Qulqulluu keessatti caafamee akka jiru; guyyaa sadaffaatti warra du’an keessaa kan ka’e; gara waaqaattis kan ol ba’e; gara mirga Abbaa kan taa’e; warra jiranii fi warra du’anitti faraduudhaaf lammaffaa deebi’ee ulfinaan kan dhufu; mootummaan Isaas dhuma kan hin qabnetti;

In amanna Hafuura Qulqulluutti; Goofticha Isa jireenya kennu; Isa Abbaa fi Ilma biraa ba’u: Abbaa fi Ilmaa wajjin kan Waaqeffamu, ulfina argachuun kan Isaaf ta’u; Isa karaa raajotaa dubbatetti;

In amanna kan nama hundaa kan taate tokkittii qulqullooftuu Waldaa Kristiyaanaa Ergamootaa; dhiifamuu cubbuu kan argachiisu cuuphaa tokkicha, du’aa ka’uu warra du’aniitii fi jireenya bara Isa dhufuuf jirus in eegganna.
Ameen!

#Barumsi Sillaasee(sadan_waaqayyo tokkoo) baay'ee bal'aa fi gadi-fagoo yoo ta'eyyuu ,hubannaa xinnoo akka argannuuf ammaaf waanti muraasni kana fakkaata 🙏

🤝join
🤝Share
🤝 follow godhaa
🤝 Galatoomaa 🙏 🙏 🙏 🙏

t.me//Youth4Christ1

YOUTH FOR CHRIST MINISTRY

Engaged for Christ TastE & SEE THE LORD IS GOOD Come join us for an inspirational word from God. We are an imperfect people serving a perfect God! So, let’s exalt His name together and worship Him in the beautify of His holiness! God loves you💝

155 0 0 2

YOUTH FOR CHRIST MINISTRY

15 Feb, 11:09

✍️SILLAASEE BOQONNAA 11"FFAA_13"FFAA
==================KUTAA 41FFAA....💁
#Dhumarratti boqonnaawwan sadan armaan olii keessatti Dhugaa baatii waldaa kristaanaa Bara ergamootaa(Bara waldaan kristaanaa jalqabuu) fi kan waldaa kristaanaa gara jalqabaa haa ilaallu 🤝
✓Dhuga_ba'insi kun macaafa (kitaaba) qulqulluu bu'eeraffachuun,hundee amantii waldaa kristaanaa jalqabaa sillaasee(sadan waaqayyo tokkoo) irratti amantu kan ilaallatudha 💁
🤝 BOQONNAA 11"FFAA👇
🤏DHUGAA BA’UU AMANTII KRISTIYAANAA KAN ERGAMOOTAA
========================
Nan amana
Hundumaa kan danda’u Waaqayyo Abbaatti,
Uumaa Waaqaa fi lafaatti,
Tokkicha Ilma Isaa Yesus Kristos Gooftaa keenyaatti,
Kan ulfeeffame Hafuura Qulqulluudhaan,
Kan dhalate Maariyaam durba irraa,
Kan dhiphates bara Philaaxos Pheenxinichaatti,
Kan fannifames, kan du’es, kan awwaalames,
Si’olitti kan gadi bu’e,
Guyyaa sadaffaattis du’aa kan ka’ee
Gara Waaqaattis kan ol ba’e,
Hundumaa kan danda’u, gara mirga Waaqayyo Abbaas kan taa’e, achiis kan deebi’u, warra jiranii fi warra du’anitti faraduudhaaf.

Nan amana Hafuura Qulqulluutti,
Tokkicha Qulqullaa’aa Waldaa Kristiyaanaa,
Tokkummaa Qulqullootaas,
Dhiifamuu cubbuus,
Du’aa ka’uu fooniis,
Jireenya bara baraas,
Ameen!

🤝 BOQONNAA 12"FFAA 👇
🤏DHUGAA BA’UU AMANTII KRISTIYAANAA KAN ATENAATEWOS
=====================
1.Namni fayyuu barbaadu hundinuu waan hunda dura amantiin waldaa kristiyaanaa kan nama hundumaa taate kun amantii dhuga-qabeessa ta'uu isaa amanee fudhachuun in barbaachisaaf.

2.Namni guutummaatti qulqullinatti isa hin eegne hundinuu shakkii tokko malee badiisi bara baraa isa irra ga'a.

3.Nuyi sadummaa Isaatti tokkummaa Isaa, tokkummaa Isaattis sadummaa Isaattis amannee Waaqayyo tokkicha in waaqeffanna; kun amantii kristiyaanaa isa dhugaa dha.

4. Kanas namummaa Isaa waliin utuu hin makin jiraachuu Waaqayyummaa Isaattii gargar utuu hin baasin in amanna.

5.Sababiin isaa immoo qaamni Abbaa, kan Ilmaa, kan Hafuura Qulqulluus addaan.

6.Haa ta'u iyyuu malee Waaqayyummaan Abbaa, kan Ilmaa, kan Hafuura Qulqulluu tokko; ulfinatti, gooftummaatti wal qixxee ta'ee in jiraata.

7.Ilmi jiraachuu Isaatti akka Abbaa ti; Hafuurri Qulqulluunis jiraachuu Isaatti akkasuma.

8.Abbaan hin uumamne; Ilmi hin uumamne; Hafuurri Qulqulluunis hin uumamne.

9.Abbaan iddoo hunda jira; Ilmi iddoo hunda jira; Hafuurri Qulqulluunis iddoo hunda jira.

10.Abbaan bara baraan jiraata; Ilmi bara baraan jiraata; Hafuurri Qulqulluun bara baraan jiraata.

11. Akkas yoo ta'e bara baraan kan jiraatu tokko malee sadii miti.

12. Kan hin uumamneef kan iddoo hundaa jiru tokko akka ta'e, akkanuma immoo kan hin uumamneef kan iddoo hundaa jiru sadii miti.

13. Akkuma kanatti Abbaan hundumaa kan danda'uu dha; Ilmi hundumaa kan danda'uu dha; Hafuurri Qulqulluunis hundumaa kan danda'uu dha.

14.Haa ta'u iyyuu malee hundumaa kan danda'u tokko malee sadii miti.

15.Kanaafis Abbaan Waaqayyoo dha; Ilmi Waaqayyoo dha; Hafuurri Qulqulluunis Waaqayyoo dha.

16. Akkas ta'u iyyuu Waaqayyo tokko malee Waaqayyo sadii miti.

17.Kanaafis Abbaan Gooftaa dha; Ilmi Gooftaa dha; Hafuurri Qulqulluunis Gooftaa dha.

18.Akkas ta'u iyyuu Gooftaa tokko malee Gooftaa sadii miti.

19.Sababiin isaas dhugaa ta'uun amantii kristiyaanaa tokko tokkoon qaamichaa Waaqayyo ta'uu Isaa fi Gooftaa ta'uu Isaa akka amannuuf akkuma nu dirqisiisutti, amantiin kristiyaanaa immoo akka nuyi Waaqayyolii sadii yookiin Gooftolii sadii hin jenneef nu dhorka.

20.Abbaan eenyuun iyyuu hin hojjetamne; eenyuun iyyuu hin uumamne; eenyuun iyyuu hin dhalanne.

21. Ilmi Abbaattii dhalate malee hin hojjetamne; hin uumamnes.

22.Hafuurri Qulqulluun Abbaadhaa fi Ilma biraa kan ba'uudha malee hin hojjetamne, hin uumamne, hin dhalannes.

23.Akkuma kanatti Abbaa tokkichatu jira malee abbootii sadii miti; Ilma tokkichatu jira malee Ilmaan sadii miti; Hafuura Qulqulluu tokkichatu jira malee Hafuurota Qulqulluu sadii miti.

24.Qaama sadan kana keessaa Inni tokko Isa kaan dura yookiin Isa kaan booddee miti; akkuma kanatti Inni tokko Isa kaan kan caalu yookiin Isa kaanii gadi miti.

161 0 1 3

YOUTH FOR CHRIST MINISTRY

14 Feb, 16:23

CHANNALII WAA'EE FAYYAA NI ARGATTU, NAMNI TOKKO MALLATTOO DHUKKUBA ISAA IBSACHUUN MAALUMMAA ISAA BARUU NI DANDA'A. KANAAF NAMOONNI FAYYAA ISAANIIF HAA DUBBISAN.

👇👇👇👇👇

Mallattoo dhukkubaa

Qorannoo mallattoo

Fayyaa Ofiif

Sababii dhukkubaa

Hir'ina maaliin akka dhufu

To'annoo karaa dhukkuboota

Join godhadha☝️☝️

198 0 0

YOUTH FOR CHRIST MINISTRY

14 Feb, 06:58

#Kufaatii_Kiristaanummaa_Wallaggaa_fi_furmaata isaa. (yaadakoo)

In yaadattu yoo ta'e waggoota muraasa dura yeroo ijoollee turre, gaafa nu dhukkubu maatiin keenya Wangeela fudhatanii nutti fiigu, harka nuurra kaa'anii nuu kadhatu. Mana yaalaa yoo nu geessanillee qoricha achii nuu kennamu yeroo nu liqimsiisan "Maqaa Yesuusiin" jechaa nuu kennu. Maqaa Yesusiin garramummaadhaan waamu. Kadhannaatti amanu. Waaqayyos isaan dhaga'a ture.

Nan yaadadha bara 2007 yeroon University galu, abbaan koo fi harmeen koo galgala borumtaa an deemuu akkamitti sa'aatii dheeraadhaaaf akka naa kadhachaa turan; Imimmaanii fi garaa Waaqayyoon amanatu akkamiitiin adaraa Waaqayyootti akka naa kennan, bariis ka'anii kadhannaadhaa fi eebbaan akka na geggeessan. Seenaan kun mana nama hundumaa keessa jira. Kadhannaa fi humna Waaqayyoo amanuun maatii keenya biratti waan filannoo keessa hin galle ture.

Kana hunda gaafan yaadadhu, amma maaltu maatii keenya argateen jedha. Nus immoo eenyurraa amantii dhabuu akkasii akka barree fi kufaatiin akkasii eessaa akka nutti dhufetu naa galuu dida.

Mee deebi'aa maatii keessan ilaalaa!
Yeroo isinis ta'e namni biraa dhukkubsatu isa dur Wangeela fudhatanii sii kadhatan amma Zayita Raajii(?) Masarat fudhatanii isinitti fiigu. Yoosin karaa deemuuf kaatan Zayitii Raajiifaatu(akka waamicha isaaniitti) akka galaatti isiniif dhi'aata. Namni hunduu keessumaa namni goda keenyaa, akka Xonqolaatti Zayitii Raajiifaa(?) manaa qaba (garri caalaan immoo mataa dura kaawwatee rafa.)

Isa dur nuyi yeroo utuu hin beekin waan sirrii hin taane Waaqayyo duratti dubbannu nu dheekkaman caalaa, amma yoo isin Raajiifaa(?) comment gootan, "dhiisi dhiisi in rukutamtaa, nama Waaqayyoo irratti hin dubbatin" jedhanii isin doorsisu. Amma Raajiinfaa maatii keenyaaf Waaqa tolfamaa ta'uura darbanii, Waaqayyo isaan caalaa Raajiifaa(?) akka beekuu fi isaan qofa akka dhaga'uutti laphee hundumaa qabataniiru.

Uummati dur waan hundumaatti 'kadhatteettaammoo Waaqayyoon' jedhee wal gaafatu, amma "touch raajiifaa(?) argatteettaaree maaloo?" jedhee wal gaafata. Isa dur akka maatiitti soomaan kadhatu, amma Raajiifaatu(?) sooma(tsoomii) labsan jedhee hagabuu oola.

Baay'een namaa fayyiteetta isaaniitiin, ofii kadhachuu dhiisee, mana yaalaa dhaquu didee dhukkuba isaa wajjin, caba isaa wajjin rakkina argaa jira. (naman dhi'eenyan beeku dabalatee). Oduulee tokko tokko warran qaamaan hin beekne hin kaasu, isinuu baay'eesaa beektu waan ta'eef. (Waa'ee raajiifaa(?) ittan deebi'a guyyaa biraa)

Saba koo Wallaggaa, dursanii warra Wangeelaa jireenyaa kana dhaga'an, warra saba biraaf jireenyicha labsuu qabantu karaan harkaa bade. Wangeela isa dukkana wallaalummaa sana keessaa isa baase dhiisee, harka Zayitii raajotaatti kufe. Gola gola maatii keenyaatii kadhannaan badeera. Dargaggoonni Wangeela dhaga'aa guddatan, amma biyya lafaa keessaa mata duree oduudha, Waan biyya lafaatiif wal cabsaa oolu. Siyaasa biyya lafaaf garba ta'aniiru.

Amma Saba keenyaaf irra deebiin Wangeelatu barbaachisa. Kufaatiin karaa hundaa nu mudate hundeensaa isa kana. Isa Wangeelaan arganne sana Wangeela dhiisuudhaan dhabne waan ta'eef, achi gara hundee jalqabaa (gara Waaqayyoon qofaa beekuu fi amanuutti) deebi'uu qabna. Waaqolii tolfamoo maqaa Yesuusiin dha'aachaa sossobbaadhaan gola keenyaa seenan sana akka warra dur dhiisnee dhufneetti gad yaasuu barbaachisa. Iddoo irraa kufne sana deebinee ha ilaallu, yoos in kaanaa.
Maatii keessan irraa jalqabaa. Lafichi deebi'ee Yesuusiin ha urgaa'uutii, deebi'ee Yesuus gola namaa hundumaa ha seenuutii.🙏

Er. 29
¹² Yommus isin gara kootti deebitanii maqaa koo waammattanii ana in kadhattu, anis isiniif nan dhaga'a;
¹³ isin ana in barbaaddattu; garaa keessan guutuudhaan yoo ana barbaaddattan, na argattu. Jedha.
By Sami

t.me//Youth4Christ1

YOUTH FOR CHRIST MINISTRY

Engaged for Christ TastE & SEE THE LORD IS GOOD Come join us for an inspirational word from God. We are an imperfect people serving a perfect God! So, let’s exalt His name together and worship Him in the beautify of His holiness! God loves you💝

276 0 1 2 3

YOUTH FOR CHRIST MINISTRY

13 Feb, 11:14

Channel hedduu fayyadan waantota irraa argachuu dandeenyu filachuun join godhadhaa
Waver 👉 @Daani28
👇👇

Walaloo jalalaa

Imimmaan jaalalaa

JOIN 👆

237 0 0

YOUTH FOR CHRIST MINISTRY

13 Feb, 07:27

Ticheletalew_ትቼለታለዉ_የኔን_ጉዳይ_kalkidan_lily_Tilahun128k.mp3

07:48

248 0 1

YOUTH FOR CHRIST MINISTRY

13 Feb, 06:45

Maqaan isaa guutuun Nicholas James Vujicic jedhama. Bara 1982 (G.C) biyya Awustiraaliyaatti dhalate. Akkuma suuraa isaa kanarraa argaa jirtu, dhalootuma isaatti dhibee afaan saayinsawaa “tetra-amelia syndrome” jedhamuun harkaa fi miilla isaa dhabe.

Haala hamaa fi dadhabsiisaa akkasii keessa utuma jiruu waan tokko hubate. “Ofii koon alatti namni na jabeessuu fi na honnachiisu hin jiru” jedhee ofii isaaf jaalala qabaachuu eegale. Ofii isaa akka nama jaallatamaa fi abdii jireenyaa gaarii qabuutti of ilaaluu itti fufe. Ilaalcha badaa ofiif qabaachaa ture sana ni jijjiire. Jireenya isaaf abjuu gaarii abjoochuu eegale.
Nick Vujicic, bara 2005 tti dhaabbata idil addunyaa ‘Life Without Limbs’ (Jireenya Harkaa fi Miilla Malee) jedhamuu fi dhaabbata ‘Attitude is Altitude’, kan gorsaawwan honnachiisoo fi barsiisoo ta’an itti kennamu hundeessuu danda’e.

Namni jabaan kun nama harkaa fi miilla hin qabne ta’ee utuu jiruu hojiiwwan gurguddoo ‘ajab!’ nama jechisiisan hedduu hojjeteera. Jireenya isaatiinis tarree namoota milkaa’oo addunyaa keessa taa’uu danda’eera. Nick Vujicic fiilmii ‘The Butterfly Circus’ jedhamu irratti qooda fudhatee hojjeteera. Hojii isaa kanaanis bara 2010 ‘Method Fest Indepeendent Film Festval’ irratti dhiyaachuun badhaasa ‘Best Actor’ gonfatee ture.
Namni harkaa fi miilla hin qabne kun, jireenya dadhabsiisaa akkasii keessa utuma jiruu kitaabota hedduu barreessuunis maxxansiiseera. Keessumaa kitaabni isaa jalqabaa “Life Without Limits” jedhamu afaanota addunyaa kanaa 30 olitti hiikamuun jaallatamummaa guddaa horate. Hanga har’aattis kitaabni kun kitaaba jireenya namaa haalaan jijjiiru jedhamuun baay’ee dubbifamaa jira.

Namni qaama hir’uu, garuu immoo mul’ata guutuu waliin dhalate kun biyyoota addunyaa 57 ol ta’an irra naanna’uun haasaawwan nama barsiisan, nama honnachiisanii fi hamilee namatti horan (motivational speech) taasisaa jira. Bakka deemu hundumaatti wayita haasaa taasisu hima jabaa akkas jedhuun eegala: “Haalli kee hangamuu yoo sitti ulfaateyyuu ni injifatta” jedha.

Kitaaba isaa ‘Life Without Limits’ jedhu keessattis yaadni inni barreesse tokko akkas jedha: “Ani jireenyi koo daangaa hin qabu jedheen amana. Atis haaluma kanaan waa’ee jireenya kee akka ati yaaddun barbaada. Gufuuwwan jireenyaa kamillee yoo qabaatte haaluma kanaan yaadi. Amma imala jireenyaa waliin eegallee jirra. Mee rakkoowwan ati jireenya keetti fidde yookiin akka namoonni biroon sirratti raawwataniif isaaniif heyyamte mara yaadi.

Mee rakkoowwanii fi gufuuwwan jireenyaa kanarraa utuu walaba taatee maal akka uumuu dandeessu yaadi.”
Qabiyyee kitaaba isaa kanas ta’e, seenaa gabaabaan waa’ee nama jabaa kanaa waan guddaa tokko nama barsiisa. Innis abdii kutachuu dhiisuu dha.

👉Ati inni seenaa kana dubbisaa jirtus waan ajaayibaa tokko akka irraa hubattu shakkii hin qabu. Yaada kee keessattis milkaa’ina nama harkaa fi miilla malee dhalate kanaa fi seenaa jireenya kee waliin madaalchisaa akka jirtu nan amana. ‘Inni eessaa ka’ee eessa ga’e?’ jettee of gaafachuun, atis eessaa ka’uun eessa ga’uu akka dandeessu yaadaa jirta jedheen tilmaama. Eeyyee, anis akkuma ati akkasitti yaaddu barbaadeen seenaa kana haala kanaan qindeessee siif dhiyeesse malee, waa’ee miidhama nama kanaatiif gadditee akka ati hidhii xuuxxuuf miti. Inni har’a nama namni gaddeefii ‘anaa nyaatu!’ ittiin jedhu miti. Gaa’ela dhaabbatee haadha manaa isaa waliin ijoollee horee jireenya mijataa fi milkaa’aa jiraachaa jira. Hojii hojjetuunis galii gaarii qabaachuun dinagdeedhaanis of danda’ee jiraachaa jira. Harkaa fi miilla dhabuun isaa akka inni harka namaa eeggatu hin taasifne; innis jireenya isaatti daangaa hin goone.

Share gochuudhaan hiriyoota keessan biraan ga'aa

t.me//Youth4Christ1

YOUTH FOR CHRIST MINISTRY

Engaged for Christ TastE & SEE THE LORD IS GOOD Come join us for an inspirational word from God. We are an imperfect people serving a perfect God! So, let’s exalt His name together and worship Him in the beautify of His holiness! God loves you💝