ዳግማዊ ቄርሎስ አባ ጊዮርጊስ ዘጋስጫ

ቤዛ

ቤዛ ማለት ቃሉ የግእዝ ሲሆን ትርጉሙም አዳነ ተቤዠ ብሎ ይፈታል። ስለዚህም በየመጻሕፍቶቻችን ማዳን፣መቤዠት ለሚሉ ትርጉሞች ቤዛ...ቤዛ ሲል ይገኛል ለምሳሌ ፦

....በቈጠርሃቸው ጊዜ ከእነርሱ ሰው ሁሉ እንደ ቍጥራቸው መጠን የነፍሱን ቤዛ ለእግዚአብሔር ይስጥ
                                     *ዘጸ 30:12

° እዚህ ጋር ቤዛ ገንዘብ ተብሎ ተፈቷል ሙሴ ሕዝቡን በሚቆጥርበት ጊዜ በሕዝቡ መቅሰፍት እንዳይታዘዝ ለነፍሱ ቤዛ እንዲሰጥ ታዟል።

° ለሰው ነፍስ ቤዛው ሀብቱ ነው
                                            ምሳ 13:8

እዚህ ጋር ቤዛ ሀብት ተብሎ ተተርጉሟል እርግጥ ነው አቅንቶ ተርጉሞ ለሌላ ማድረግ ይቻላል ነገር ግን ቀጥታ ንባቡ ቤዛን ሀብት አድርጎታል።

እኔ የእስራኤል ቅዱስ አምላክህ እግዚአብሔር መድኃኒትህ ነኝ፤ ግብፅን ለአንተ ቤዛ አድርጌ፥ ኢትዮጵያንና ሳባንም ለአንተ ፋንታ ሰጥቻለሁ።
                                   
                                           ኢሳ 41:3

ሰው ዓለሙን ሁሉ ቢያተርፍ ነፍሱንም ቢያጐድል ምን ይጠቅመዋል?
ወይስ ሰው ስለ ነፍሱ ቤዛ ምን ይሰጣል?

                                        ማቴ 16:26

° እዚህ ጋር ቤዛ ፈንታ ተብሎ ተተርጉሟል


  ይህን ሙሴን በቍጥቋጦው በታየው በመልአኩ እጅ እግዚአብሔር ሹምና ቤዛ አድርጎ ላከው።
                                       የሐዋ 7:35

° እዚህ ጋር ቤዛ፣ሹም፣ዳኛ፤ፈራጅ ተብሎ ይፈታል።

የኢየሱስ ክርስቶስ ቤዛነት

የኢየሱስ ክርስቶስ ቤዛነት ደሙ በማፍሰስ ሥጋውን በመልዕልተ ቀራንዮ በመቁረስ ተከናውኗል።

ስለ አዳም እና ልጆቹ ሁሉ ኢየሱስ ክርስቶስ ቤዛ ሆኗል !

የእመቤታችን ቤዛነት

እነ ቅዱስ ያሬድ እነ ቅዱስ አባ ጊዮርጊስ ዘጋሥጫ በመጻሕፍታቸው ተባብረውበታል በጠቅላላ በሁሉም ዘመናት የተነሱ ቅዱሳን ሊቃውንት ተባብረውበታል።

የእመቤታችን ቤዛነት ክርስቶስን በመውለድ ፣ በኃጢአት ዓይኑ ለታወረበት ዓይን በመሆን ተገልጾል።

ሌላው ቢቀር ዕለት ዕለት ማኅሌት የሚቆም ሰው ይህንን ያውቃል !

ኪያኪ ሠናይተ ዘፈጠረ ለቤዛ ዓለሙ፤ እግዚአብሔር ይትባረክ ወይትአኮት ስሙ።

ሲጠቃለል

❤ ክርስቶስ ቤዛ ሆኖ አዳነን፥ እመቤታችን ቤዛዊተ ኩሉ መባሏ

1. ለዓለም ድኅነት ምክንያት ናትና
"አንቲ ውእቱ ተስፋሁ ለአዳም አመ ይሰደድ እም ገነት" አባ ሕርያቆስ
ክርስቶስ የባሕርይ ቤዛ ነው፥ እመቤታችን የጸጋ ናት (ተፈሥሒ ኦ ምልእተ ጸጋ እንዲል)

2. ምክንያተ ድምሳሴ ጥንተ አብሶ ናትና

= ጥንተ አብሶ
   - ሰዋሰዋዊ ትርጉሙ የመጀመሪያ በደል፥
   - መጽሐፋዊ ምሥጢራዊ ትርጉሙ መርገመ ሥጋ ወነፍስ - ከአዳም ጀምሮ የሚተላለፍ ኃጢአት አንድም እግዚአብሔርን ማጣት አንድም ከጸጋ እግዚአብሔር መራቆት (መሞት) ማለት ነው

ሉቃ 1:28 "ቡርክት አንቲ እምአንስት"፣
መሓ 4:7 "ወዳጄ ሆይ ሁለንተናሽ ውብ ነው፥ #ነውርም_የለብሽ"

3. በንጽሕና የተዋበች፣ ከምድር እስከ ሰማይ የደረሰች መሰላል ናትና
- (ምድር ያለው ውድቀቱን ያይደለ ሰማይ ያለ መነሣቱን ያየንብሽ)

4. መንበረ መለኮት ናትና
ዳን 7:9-13 "..."
አንድም "አንቲ ተዓብዪ እምኪሩቤል ወትፈደፍዲ እምሱራፌል" እንዲል

5. በጸጋ መድኃኒተ ዓለም ናትና
- የመዳን ምክንያት መሆን መቻል ነው፥
  - "ዘርን ባያስቀርልን" ኢሳ 9:1
  - "ምልክትን ይሰጣችኋል" ኢሳ 7:14

6. ከፈጣሪ በታች ከፍጡራን በላይ ናትና
   #ይህን መቧሏ ስለምንድን ነው ቢሉ
      - ጥንተ አብሶ የለባትምና
      - ድንግል ወእም ከእርሷ ውጪ የለምና
      - የመለኮት ማደርያ ናትና
      - አልቦ ኃጢአት ናትና
      - ከእርሷ በቀር ወላዲተ አምላክ የሚባልም ሆነ ሊባል የሚችል የለምና

ምክር ቢጤ ፦ ይህን ሳያውቁ ስለ ቤዛ ድምዳሜ መስጠት ነውር ነው ከትልቅ ሰው አይጠበቅም።

                                  መ/ር ነቢዩ ኤልያስ

የተጻፈው ቢነበብ፣
  የተነበበዉም ቢተረጒም፣
    በተተረጒመው ምግባር ቢሠራ፣
የዚህ ኹሉ የሃይማኖት ፍጻሜው  "#ትንሣኤ" ነው።

. ትንሣኤ ከሌለ፣ ሃይማኖት ኹሉ ከንቱ ነው፤

. የሃይማኖት የመጨረሻው ዋጋው፣
በትንሣኤ ማክበሩ ነው እንጂ፣
በምድር ማቀማጠሉ [መቀማጠሉ] አይደለም።

. ሰው የተፈጠረው #ለትንሣኤ ነው፤
የሚኖረዉም #ለትንሣኤ ነው፤
የሚጽናናዉም #በትንሣኤ ነው።

. ጌታችንም፦  
ሥጋውን የበላውን፣
ደሙን የጠጣውን ሰው፣  
ስለሚሰጠው ዋጋ ሲናገር
           'እሾመዋለኊ፤
            እሸልመዋለኊ፣
            ጤና እሰጠዋለኊ፤
             ሀብት አድለዋለኁ፤
                         ..." አላለም!!!


. ይልቁንም
"...ሥጋዬን የሚበላ፣ ደሜን የሚጠጣ፣
የዘለዓለም ሕይወት አለው፤
እኔም በመጨረሻ ቀን #አነሣዋለኊ" ነው ያለው፤ 


. ሌሎች የማያስፈልጉን ኾነው ሳይኾን፣
እነዚያ [ሹመት፣ ጤና፣...] የፍጡርነት ዋጋ እንጂ፣
የሃይማኖት ዋጋ ስላልኾኑ ነው፤
የሃይማኖት ዋጋ #በክብር #መነሣት ነውና።


. የሃይማኖት ዋጋው "ትንሣኤ" ነው፤

ሃይማኖት ለጤና፣
   ሃይማኖት ለፈውስ፣
      ሃይማኖት ለሹመት፣
        ሃይማኖት ለመብል ...
የሚል መርሕ ያላቸው፣ የእነ ሰዱቃውያን ዘመዶች ናቸው።


. ዓላማው 'ትንሣኤ' የኾነ ሰው፣ 
'ምንም የማይገታው ክርስትና' ይሉሃል ርሱ ነው፤



('ጸያሔ ፍኖት-መንገድ ጠራጊ፤ በአባ ገብረ ኪዳን፤ ገጽ ፻፶፰/፫፻፶፬/ 158/354፤ ፳፻፲፩/2011 ዓ.ም.)

እንኳን አደረሳችኊ