Ashara Media - አሻራ ሚዲያ

🔥#ከአማራ_ፋኖ_በጎጃም_የተሰጠ_መረጃ‼️
‘’’’””””””””””””””””””””””””””””””””””""""
በዘመቻ መቶ ተራሮች መስከረም 29 ቀን 2017 ዓ.ም የተማረከው የ6ኛ ዕዝ 75ኛ ክፍለ ጦር ምክትል አዛዥ ኮሎኔል ያሬድ ኪሮስ ሰብአዊ መብቱ እና ክብሩ ተጠብቆ በአማራ ፋኖ በጎጃም የምርኮኞች ጣቢያ የቆዬ መሆኑ ይታወቃል::

ሆኖም ጠላት በርካታ ምርኮኞችን እና ሲቪሊያንን በድሮን ጥቃት ከጨፈጨፈበት ክስተት ለጥቂት የተረፈው ምርኮኛዉ ኮሎኔል ሰኞ ታህሳስ 14 ቀን 2017 ዓ.ም ሌሊት ባልታወቀ ሁኔታ ከነበረበት ቦታ መጥፋቱ ተረጋግጧል::

በዚህ ያልተገባ ተግባር ላይ ተሳትፈዋል እንዲሁም የተሰጣቸውን ኃላፊነት በአግባቡ አልተወጡም በሚል የተጠረጠሩ አመራር እና አባላት ላይ  ድርጅታችን ምርመራ የጀመረ ሲሆን እስከ ዛሬ ታህሳስ 17 ቀን 2017 ዓ.ም ድረስ ባለው የምርመራ ሂደት 12 (አስራ ሁለት) የድርጅታችን አመራርና አባላት ተጠርጥረው በቁጥጥር ስር ውለው ምርመራው እንደቀጠለ ነው።

የምርመራ ውጤቱ እንደተጠናቀቀ ተገቢ የእርምት እርምጃ እንደምንወስድ እያሳወቅን ጉዳዩንም ለህዝብ እና ለሰራዊታችን የምናሳውቅ መሆኑን እንገልፃለን።

አዲስ ትውልድ! አዲስ አስተሳሰብ! አዲስ ተስፋ!

©አስረስ ማረ

ሜጫ ብራቃት እንዲሁም ቋሪት ብር አዳማ ተራራላይ የመሸገው የጠላት ኃይል እንደጉም እየተነነ ነው።

ታሕሳስ 17/04/2017 ዓ.ም
  አሻራ ሚዲያ

#ከ350 ሺህ በላይ ተከታይ የነበረው የአሻራ ሚዲያ የፌስቡክ ገፅ  በጠላቶች ስለተዘጋ አዲሱን የአሻራ ፌስቡክ ገፅ ይወዳጁ 👇👇

https://www.facebook.com/profile.php?id=61554383356900

ይሕ አዲሱ የአሻራ ሚዲያ የዩቱዩብ ቻናል ነው
በጠየቃችሁን መሰረት  በዩቱዩብ መረጃወችን ለማድረስ ቻናሉን ከፍተናል አሁኑኑ ሰብስክራይብ በማድረግ ቤተሰብ ይሁኑ
👇👇👇👇👇👇👇👇👇👇

https://www.youtube.com/channel/UCc4BFUPttYZXRyyMZ83iGaA

ትኩስና አዳዲስ ሁነቶችን ለማግኘት አዲሱን የአሻራ ዩትዩብ ቻነል Subscribe ያድርጉ‼

👇👇👇👇👇👇

https://youtu.be/UH4zZz1lxmc

''60 ወታደር እና 200 መሳሪያ ሲማረክ ከ150 በላይ ሙት ሆኗል'' የአማራ ፋኖ ጎንደር ዕዝ።

3 ክፍለጦር፣ 3 ጀንበር እልፍ ድል በጎንደር ምድር !

የአማራ ፋኖ ጎንደር ዕዝ 3 ክፍለጦሮች 72 ሰዓታትን ከጠላት ጋር እያደረጉት ባለው እልህ አስጨራሽ ትንቅንቅ ከፍተኛ ድልና ጀብዱ አስመዝግበዋል።

እስካሁን ተጠናክሮ በቀጠለው  ይህ ትንቅንቅ የአገዛዙን 68ኛ ክፍለጦር በጥራይናና ወገዳ ቀጣናዎች በመግጠም ከፍተኛ የመሳሪያና ወታደር ምርኮ ያገኙበትና ከፍተኛ ቁጥር ያለውን የአገዛዙን ሀይል ሙትና ቁስለኛ አድርገው ድል ያስመዘገቡበት፤ አሁንም እየተፋለሙበት ያለ ሆኗል።

የአማራ ፋኖ ጎንደር ዕዝ ድብ ጠለምት ክፍለጦር፣ ጭና ክፍለጦርና ሰሜን አምባራስ ክፍለጦሮች እያደረጉት ባለው ትንቅንቅና ድል በተጎናፀፉበት ተጋድሎ ከ200 በላይ የነፍስ ወከፍ መሳሪያና ከ 60 በላይ የአገዛዙ ወታደሮች እንደዚሁም ከፍተኛ ቁጥር ያለው የብሬንና ስናይፐር ምሮኮም በወገን ሀይል ተገኝቷል።

በትንቅንቁ እድል የቀናቸው የአገዛዙ ሀይሎች በቀላልና ከባድ ቁስለትም ውስጥ ሆነው ለሽሽት ሲበቁ ከ 150 በላይ የሚሆኑት በውጊያው ተገድለዋል ሲል የአማራ ፋኖ ጎንደር ዕዝ የህዝብ ግንኙነት ሃላፊ ፋኖ ዮሀንስ ንጉሱ ለኢትዮ 251 ሚዲያ ገልጧል።

ይህ የመረጃ ቅብብል ቃለምልልስ እየተደረገ ባለበት ጊዜም ውጊያው በከፍተኛ ሁነት ተጠናክሮ መቀጠሉን ፋኖ ዮሀንስ አንስቷል።

ታሕሳስ 17/04/2017 ዓ.ም
  አሻራ ሚዲያ

#ከ350 ሺህ በላይ ተከታይ የነበረው የአሻራ ሚዲያ የፌስቡክ ገፅ  በጠላቶች ስለተዘጋ አዲሱን የአሻራ ፌስቡክ ገፅ ይወዳጁ 👇👇

https://www.facebook.com/profile.php?id=61554383356900

ይሕ አዲሱ የአሻራ ሚዲያ የዩቱዩብ ቻናል ነው
በጠየቃችሁን መሰረት  በዩቱዩብ መረጃወችን ለማድረስ ቻናሉን ከፍተናል አሁኑኑ ሰብስክራይብ በማድረግ ቤተሰብ ይሁኑ
👇👇👇👇👇👇👇👇👇👇

https://www.youtube.com/channel/UCc4BFUPttYZXRyyMZ83iGaA

ትኩስና አዳዲስ ሁነቶችን ለማግኘት አዲሱን የአሻራ ዩትዩብ ቻነል Subscribe ያድርጉ‼

👇👇👇👇👇👇

https://youtu.be/UH4zZz1lxmc

🔥#የወራሪው ወንበር አስጠባቂ ኃይል አሰሳ‼️

ፋኖ በሚያስተዳድራቸው በሁሉም የአማራ ክልል ቀጠናዎች በርካታ ከተሞች ላይ የጁላ ጦር ጓዝ እየሸከፈ እንደሆነ መረጃዎች እየወጡ ነው።

ትናንት ታሕሳስ 16/04/2017 ዓ.ም ጀምሮ በሁሉም የአማራ ክልል ቀጠናዎች ወንበር አስጠባቂው ወራሪ ኃይል በሌሊት ስምሪት ተሰጦት ጉዞ ጀምሯል።

የአሻራ ምንጮች እንደገለፁት ከሆነ ለቀጣይ 15 ቀናት መከላከያ ተብየው በሚሊሻ መንገድ ጠራጊነት ፋኖ ወዳለበት ቀጠና አሰሳ እንዲያደርግ ግዳጅ የተሰጠ ሲሆን አድማ ብተና እና ፖሊስ ደግሞ ከተማ እንዲጠብቁ ትዕዛዝ ተሰጧል ተብሏል።

#የወገን ጦሩ ከወትሮዬው በተለዬ በተጠንቀቅ እንዲጠብቅ የመረጃ ምንጮች ገልጸዋል።

© አሻራ ሚዲያ

ታሕሳስ 17/04/2017 ዓ.ም
  አሻራ ሚዲያ

#ከ350 ሺህ በላይ ተከታይ የነበረው የአሻራ ሚዲያ የፌስቡክ ገፅ  በጠላቶች ስለተዘጋ አዲሱን የአሻራ ፌስቡክ ገፅ ይወዳጁ 👇👇

https://www.facebook.com/profile.php?id=61554383356900

ይሕ አዲሱ የአሻራ ሚዲያ የዩቱዩብ ቻናል ነው
በጠየቃችሁን መሰረት  በዩቱዩብ መረጃወችን ለማድረስ ቻናሉን ከፍተናል አሁኑኑ ሰብስክራይብ በማድረግ ቤተሰብ ይሁኑ
👇👇👇👇👇👇👇👇👇👇

https://www.youtube.com/channel/UCc4BFUPttYZXRyyMZ83iGaA

ትኩስና አዳዲስ ሁነቶችን ለማግኘት አዲሱን የአሻራ ዩትዩብ ቻነል Subscribe ያድርጉ‼

👇👇👇👇👇👇

https://youtu.be/UH4zZz1lxmc

ጥብቅ መረጃ!
፨፨፨፨፨፨፨፨

ሰሞኑን የብልጽገ‍እና አገዛዝ ስራ አስፈጻሚዎች በዝግ እየመከሩ ይገኛሉ፣ ፋኖን በተመለከተ አሁናዊ የብልፅግና አገዛዝ ግምገማ አድርገዋል።

1. መንግስት ከአለማቀፉ ማህበረሰብ በተለይም ከአሜሪካ ጫና ስላለበት ከክልሉ የወረዳ ከተሞች ለቆ ሊወጣ ይችላል ነገር ግን ከዞን እና ክልል ከተማ አይወጣም ምክንያቱም ሰፊ ክልል ስለሆነ መልሶ ለመያዝ እና አመራሩን መልሶ ለማደራጀት ስለሚቸገር እና ፖለቲካዊ ትርጉሙም አደገኛ ስለሚሆን :: ሙሉ ለሙሉ ለቆ ከወጣ ትግሉ  እና ህዝቡ አደጋ ውስጥ ይወድቃል::

2. ከወረዳ እና ቀበሌ ለቀን ብንወጣ እና መሰረታዊ አገልግሎቶችን ማለትም መብራት: ባንክ :ስልክ እና ውሀ ብናቋርጥ አሁን ፋኖን የሚደግፈው ህዝብ ሲቸገር ፋኖን መቃወም ይጀምራል: በአጭር ጊዜ ማዕከላዊ አመራር መፍጠር የማይችለው  ፋኖም እርስ በእርሱ ይዋጋል Anarch ስርዓት አልበኝነት ይሰፋል ፈኖም ተቀባይነት አጥቶ ህልውናው አደጋ ላይ ይወድቃል የሚል ግምገማ አላቸው::

3. ሰራዊቱን ከወረዳ በማውጣት መልሶ ለማደራጀት እና በተሀድሶ ሞራሉን ለመገንባት እንሰራለን: አሁን የምናሰለጥነው ሚኒሻ እና አድማ ብተና ከፋኖ ጋር በሰፊው እንዲዋጋ እያደረግን ጊዜ እንገዛለን የሚል ግምገማ አላቸው::

4. እርስ በእርስ በሚደረገው ሽኩቻ የተማረረውን የፋኖ ሀይል በገንዘብ እና ስልጣን ከሚደለለው ሀይል እና በጳጳሶች ከሚመራው የድርድር ቡድን ተጽዕኖ ጋር በማጣመር የአማራ ሰኚዎችን በሰላም ስምምነት ለማስገባት ሰፊ ዝግጅት እየተደረገ ነው::

5. ፋኖ ለማዕከላዊ መንግስቱ ስጋት የማይሆንበት ደረጃ ላይ አድርሰነዋል: የአማራ ትግል የፖለቲካ ክንፍ ደካማ ስለሆነ የመንግስትነት ጠባይን መላበስ አይችልም: ወታደራዊ ክንፋም ወደ ከተማ መግባት እንዲችል ብንፈቅድለት የመዋጋት ፍላጎቱን ቀንሶ የከተማን ህይወት ማጣጣም ሲጀምር እና መሰባሰብ ሲጀምር በቀላሉ መልሰን እናጠቃዋለን የሚል ግምገማ አላቸው::
መረጃዉ የ251 ነዉ።

ሰበር የድል ዜና!

ከደባርቅ ከተማ በቅርብ ርቀት በሚገኙ አከባቢዎች ላይ በተደረገ ውጊያ ከ150 በላይ የአገዛዙ ወታደሮች መገደላቸው ተሰማ!

አካባቢውን እስከ ታህሳስ 30 ከፋኖ ማፅዳት የሚል ተልዕኮ ተሰጥቶት የገባው የጠላት ዐብይ አህመድ ጦር፡በእጅ አዙር ተከቦ ከባድ የሆነ የሰውና የንብረት ኪሳራ ማስተናገዱ ነው የታወቀው።

ይህ እንዲህ እንዳለ ብልፅግና ፓርቲ በአማራ ክልል አንፃራዊ ሰላም አስፍኛለሁ አለ።

ብልፅግና ፓርቲ ይህን ያለው በፅ/ቤቱ በኩል "ቃላችንን በተግባር ፈፅመናል፣ የተነሱብንን ኃይሎች ተቋቁመናል" በሚል ርዕስ በሰው መግለጫመሆኑ ታውቋል።

###

የክልሉ ፀጥታ ኃይሎች በራያ ቆቦ ከተማ ሦስት ንፁኋን ሰዎችን መግደላቸው ተሰማ!

ከሟቾቹ መካከል የቆቦ ከተማ የ01 ቀበሌ ነዋሪ የሆነች ወ/ሮ አዝመራ አድኖ የተባለች የሦስት ልጆች እናት እንደምትገኝበት ነው የተነገረው።

በተያያዘ ዜና!

አማራ ፋኖ በወሎ በሰሜን ወሎ ዞን ጉባላፍቶ ወረዳ ዶሮ ግብር ከተማ ላይ የነበረ አድማ ብተና ካምፕ ውስጥ በመግባት ከባድ ጥቃት መፈፀሙን አስታውቋል።

መረብ ሚዲያ

ታሕሳስ 17/04/2017 ዓ.ም
  አሻራ ሚዲያ

#ከ350 ሺህ በላይ ተከታይ የነበረው የአሻራ ሚዲያ የፌስቡክ ገፅ  በጠላቶች ስለተዘጋ አዲሱን የአሻራ ፌስቡክ ገፅ ይወዳጁ 👇👇

https://www.facebook.com/profile.php?id=61554383356900

ይሕ አዲሱ የአሻራ ሚዲያ የዩቱዩብ ቻናል ነው
በጠየቃችሁን መሰረት  በዩቱዩብ መረጃወችን ለማድረስ ቻናሉን ከፍተናል አሁኑኑ ሰብስክራይብ በማድረግ ቤተሰብ ይሁኑ
👇👇👇👇👇👇👇👇👇👇

https://www.youtube.com/channel/UCc4BFUPttYZXRyyMZ83iGaA

ትኩስና አዳዲስ ሁነቶችን ለማግኘት አዲሱን የአሻራ ዩትዩብ ቻነል Subscribe ያድርጉ‼

👇👇👇👇👇👇

https://youtu.be/UH4zZz1lxmc

ፋሽስቱ አገዛዝ በአዲስ አበባ  በልማት ስም ነባር ነዋሪዎችን ማፈናቀሉን አጠናክሮ ቀጥሏል።

ታህሳስ 16/2017

በአዲስ አበባ ከተማ አራዳ ክፍለ ከተማ ወረዳ ሁለት ሰባራ ባቡር ተብሎ በሚጠራው ሰፈር የሚኖሩ 72 አባወራዎች ቤታቸው ለልማት ይፈለጋል ወደ ሌላ አካባቢ ሂዱ መባላቸውን ገልጸዋል።
ነዋሪዎች እንድንዘዋወር የተጠየቅንበት ቦታ መሰረተ ልማት የጎደለው እና ለኑሮ የማይመች ነው ብለዋል።
በተመሳሳይ ቄራ አካባቢ የሚኖሩ ነዋሪዎች ለኑሮ የማይምች እና መሰረተ ልማት ወደ ጎደለው ቤት ግቡ መባላቸውም ተናግረዋል።

በአካባቢው ከ50 አመት በላይ የቆዩ ነዋሪዎች ቦታው ለባለሀብት መሰጠቱን ተከትሎ ለቃችሁ ወጡ የተባሉ ሲሆን መብራት እና ውሃ ወደ ሌለበት ብሎም ትምህርት ቤት፣ጤና ጣቢያ እና ትራንስፖርት ባልተመቻቸበት ሰፈር ሂዱ መባላቸውን ገልጸዋል።

የአዲስ አበባ አገዛዝ ቦታውን ለባለሀብት ሽጦታል የተባለ ሲሆን ምትክ ቤት ብሎ የተሰጣቸው ቤት እጅግ በጣም አነስተኛ ክፍሎች ያሉት እና ለኑሮ የማይመች መሆኑን ተናግረዋል።ቤቶች እጅግ ጠብባ እና ሽንት ቤት የሌለባቸው መሆናቸው ተነግሯል።

የልማት ተነሺ በሚል ስም ከነባር ይዞታቸውን እየተነሱ እየተንገላቱ መሆናቸውን የገለጹ ነዋሪዎቹ በአስቸኳይ ለቃችሁ እቃችሁን ጭናችሁ ካልወጣችሁ እርምጃ እንወስዳለን መባላቸውን ጠቅሰዋል።
በተመሳሳይ ቄራ አካባቢ የሚኖሩ ነዋሪዎች መሰረተ ልማት ወዳልተሟላ ኮንዶሚኒየም ግቡ መባላቸውን ለኤቢሲ ገልጸዋል።
መብራት እና ውሃን ጨምሮ ለኑሮ ምቹ ወዳልሆነ የጋራ መኖሪያ ስፍራ እንድንገባ ተጠይቀናል ያሉት ቅሬታ አቅራቢዎች መሰረተ ልማት እንዲሟላ ከዚህ በፊት ተደረጎ በማያውቅ ሁኔታ ክፈሉ መባላቸውን ገልጸዋል።

ከላሊበላ ኤርፖርት (ሹምሽሃ አየር ማረፊያ) የተንቀሳቀሰው ሃይል ሽንፈቱን ተከናንቦ ተመለሰ!

ዛሬ ታህሳስ 16/2017 ዓ/ም ሌሊት ከላሊበላ ሹምሽሃ ኤርፖርት ተነስቶ በ10 ኪ.ሜ ርቀት ላይ ወደምትገኘው ገለሶት ከተማ በመጠጋት የላስታ አሳመነዉ ኮር ልዩ ዘመቻ ሃይልን እና የእሸት ክፍለጦርን አጠቃለሁ ብሎ የተንቀሳቀሰው የጠላት ሃይል በጧቱ በጀኔራል አሳመነዉ ልጆች ጥይት እሳት ተለብልቦ ተመልሷል።

በተለይም ደግሞ የላሊበላ ቅርሶችን እንደ ምሽግ ተጠቅሞ የተቀመጠው የጠላት ሃይል የሎጂስቲክ ግብዓትና  ምግብ(ሬሽን) የሚያጓጉዝበት ሁሉም መንገድ በላስታ አሳመነዉ ኮር ክፍለጦሮች  ሙሉ በሙሉ መዘጋቱን ተከትሎ እና ከድርጅቱ የአማራ ፋኖ በወሎ የልደት በዓልን አስመልክቶ የተሰጠዉን ትዕዛዝ ተከትሎ ጠላት ከባድ ጭንቀት ላይ ወድቋል። ራሱን እንደ ጥምር ጦር የሚቆጥረዉ ጨፍጫፊዉ አራዊት የብልፅግና ሰራዊት በላስታ አሳመነዉ ኮር ብርቱ ክንድ እየተደቆሰ ሲሆን በዚህ ወቅት አንድም በአየር መንገድ በኩል ወደ ላሊበላ ከተማ ተጨማሪ ሃይል ለማስገባት አንድም ከበባዉን ሰብሮ ለመዉጣት እየዳከረ ይገኛል።

ዛሬ ከሽምሽሃ ኤርፖርት ወደ ገለሶት አቅጣጫ በሌሊት በመጓዝ  ተጠግቶ ያደረዉ ግትልትል  የጠላት ሰራዊት ጀግኖቹ የእሸት ክፍለጦር ልጆች እና የላስታ አሳመነዉ ኮር ልዩ ዘመቻ ሃይል ጋር ፊት ለፊት ተላትሞ አይቀጡት ቅጣት ተቀጥቶ ወደ ኤርፖርቱ  ሲመለስ በተመሳሳይ የተፈራ ማሞ ክፍለጦርም በግራኝ አምባ በኩል ቆርጣ በመግባት ዉሃ ዉሃ አሰኝታዋለች።

በሌላ በኩል ከጋሸና ከተማ በመንቀሳቀስ መድፍ በዘፈቀደ ሲተኩስ ያረፈደዉ ሃይል ከድብኮ እስከ ጋሸና ከተማ ጫፍ ዋናዉን የአስፓልት መንገድ ተቆጣጥራ በምትገኘዉ የማረጉ ተማረ ክፍለጦር ተመክቶ እንቅስቃሴው ከሽፎበት ተመልሷል።

ይህ በእንድህ እንዳለ ጠላት ተመትቶ ሲመለስ ላስታ ዙሪያ ገለሶት ቀበሌ ቀይ አምባ የሚባል ልዩ ቦታ ነዋሪ የሆኑ መለሰ ይግዜ የሚባሉ የ70 አመት ንፁህ  አዛንትን ከቤታቸዉ ገብቶ ገድሎ፣ ታዘብ ጌጡ የሚባል አርሶአደርን በጥይት አቁስሎ ሄዷል።

በተያያዘ ቀን ፈርጥጦ የተመለሰዉን ሀይል ከቀትር ጀምሮ እስከምሽቱ ድረስ ጀግኖቹ በከበባ ሲወቁት አምሽተዋል። በዚህም ከሰዓት በተደረገው ዉጊያ ከእሸት ክፍለጦር፣ ተፈራ ማሞ ክ/ጦር እና የኮር ልዩ ዘመቻ እና ሜካናይዝድ በተጨማሪ የደጋዉ መብረቅ የሆነችው ተከዜ ክፍለጦር በገነተ ማርያም በኩል በመጠጋት ጠላትን በመምታት ተሳትፎ አድርጋለች።

"አሳመነዉነት ርዕዮታችን፣ ፋኖነት ክንዳችን"
ድል ለአማራ ህዝብ
ድል ለፋኖ
ታህሳስ 16/2017 ዓ.ም
አማራ ፋኖ በወሎ የላስታ አሳመነዉ ኮር ህዝብ ግንኙነት ክፍል

ሽፈራው ገርባው ብርጌድ (ሸበል በረንታ)👏💪‼️

የሸበል በረንታው ሽፈራው ገርባው ብርጌድ የዕድውኃ ከተማ አስርጎ በማስገባት ምሽግ ላይ ያለን ጠላት በቦምብ ጭቃ አድርገው ጥቁር ክላሽ ለቅመው ወጥተዋል ‼️

በዚህ የተበሳጨው የጠላት ኃይል ሁለት ንፁሐንን ረሽኗል።

በተመሳሳይ በትናንትናው ዕለት በዚሁ ከተማ የአብይ አሕመድን ዙፋን ጠባቂ በጩቤ በመውጋት ክላሽ የማረከ አርሶ አደር ጀብድ ፈፅሟል።
አርበኛ ጥላሁን አበጀ

አቶ ዮሐንስ ቧያለው ከባድ ቅጣት የሚጣልባቸው እስረኞች ወደ ሚገቡበት ዞን አምስት ወደ ተባለው ቀጠና መግባታቸው ተሰምቷል!

በቅርቡ የቀዶ ጥገና ሕክምና የተደረገላቸው የአማራ ክልል ምክር ቤት አባሉ አቶ ዮሐንስ ቧያለው ታስረው ከከነበሩበት ቃሊቲ ማረሚያ ቤት ከሌሎች እስረኞች ጋር ወደ ቂሊንጦ የተዛወሩ ሲሆን በዛም ከባድ ቅጣት የሚጣልባቸው እስረኞች ወደ ሚገቡበት ዞን አምስት ወደ ተባለው ቀጠና እንዲቀመጡ ተደርገዋል ሲሉ ቤተሰቦቻቸው ገልፀዋል።

አቶ ዮሐንስ ቧያለውን ጨምሮ በቃሊቲ ማረሚያ ቤት በእስር ላይ የነበሩት የሕዝብ ተወካዮች ምክር ቤት አባሉ አቶ ክርቲያን ታደለ፣የአዲስ አበባ ምክርቤት አባሉ ዶ/ር ካሳ ተሻገር፣  ዶ/ር ጫኔ ከበደ፣ፕሮፌሰር ማረጉ ቢያበይን፣ እና ሌሎች እሰረኞች ከነበሩበት የቃሊቲ ማረሚያ ቤት ከሁለት ቀናት በፊት ወደ ቂሊንጦ መወሰዳቸው መረብ ሚዲያ የታሳሪ ቤተሰቦችን ዋቢ በማድረግ መዘገቡ አይዘነጋም።

አቶ ክርስቲያን እና አቶ የሐንስ ቧያለው በያዝነው ሣምንት የቀዶ ጥገና ሕክምና ያደረጉ ቢሆንም ነገር ግን የማያቋርጥ የደም መፍሰስ ችግር እንዳጋጠማቸው ነው የተነገረው።

ሁለቱ ፖለቲከኞች ቀዶ ጥገና ሕክምና ካደረጉ በኋላ የማያቋርጥ የደም መፍሰስ ያጋጠማቸው ቢሆንም ነገር ግን ወደ ሆስፒታል ተወስደው ተጨማሪ ሕክምና እንዳያገኙ ማረሚያ ቤቱ "እጀባ ለማድረግ በቂ የሆነ የሰው ኃይል የለኝም" በሚል ተልካሻ ምክኒያት አግዷቸው ቆይቷል ብለዋል ቤተሰቦቻቸው።

አቶ ዮሐንስን ጨምሮ ከላይ ስማቸው የተጠቀሰውና ሌሎች በርካታ እስረኞች ከነበሩበት ቃሊቲ ማረሚያ ቤት ወደ ቂሊንጦ የተወሰዱ ሲሆን በዚያም ለደህንነታቸው አስጊ እና ለጤናቸው አዳጋች በሆነ ክፍል ታስረዋል ነው የተባለው።

ከነዚህ መካከል አቶ ዮሐንስ ቧያለው በቂሊንጦ ማረሚያ ቤት ውስጥ ከባድ ጥፋት ያጠፉ ወንጀለኞች በሚታሰሩበት ዞን አምስት በተባለው ቀጠና እንዲገቡ መደረጋቸውን ቤተሰቦቻቸው ተናግረዋል።

አቶ ዮሐንስ በቅርቡ ያደረጉትን የቀዶ ጥገና ሕክምናን ተከትሎ ያጋጠማቸው ደም መፍሰስ አሁንም እንዳልተሻላቸው የተናገሩት ቤተሰቦቻቸው፡ በእንቅርት ላይ ጆሮ ደግፍ እንዲሉ ለጤናቸውና ለደህንነታቸው እጅግ አስቸጋሪ በሆነ ክፍል ውስጥ እንዲታሰሩ ተደርገዋል ነው ያሉት።

ቂሊንጦ ማረሚያ ቤት በእስረኞች አያያዝ ደረጃ ከሌሎች ማረሚያ ቤቶች አንፃር እጅግ የወረደ ነው የሚባል ሲሆን፡ ከባድ ወንጀል ሰርተው ለበርካታ ዓመታት የሚፈረድባቸው ወንጀለኞች በማረሚያ ቤቱ ውስጥ ሚታሰሩበት ዞን አምስት የሚል ስያሜ ያለው ከባድ ቀጠና መኖሩን ነው ለማረጋገጥ የተቻለው።
መረብ ሚዲያ

የፍርድ ቤት ውሎ!

11 የአማራ ተወላጅ የህሊና እስረኞች በቃሊቲ ማረሚያ ቤት ቅጣት ቤት በመግባታቸው ለአደጋ መጋለጣቸውን ለልደታ ከፍተኛ ፍርድ ቤት 1ኛ ፀረ _ሽብርና ህገ መንግስት ችሎት አርቲስት ዮርዳኖስ አለሜ በምሬት አቤቱታ አቀረበ።

በችሎቱ ላይ በምሬት አቤቱታውን ያቀረበው አርቲስት ዮርዳኖስ አለሜ እንዳለው ከሆነ የቃሊቲ ከፍተኛ ጥበቃ ማረሚያ ቤት ወደ አባ ሳሙኤል በመዛወሩ ምክንያት 40 የአማራ ተወላጅ የህሊና እስረኞችን ወደ ቂሊንጦ ማረሚያ ማዕከል መዛወራቸው ይታወቃል።

ይሁን እንጂ 11 የህሊና እስረኞችን በመነጠል በተለምዶ ቅጣት ቤት ተብሎ የሚጠራው ማለትም በተለያየ ችግር ምክንያት የስነ ምግባር ችግር ያለባቸው እና በኦነግ ሽኔ የሽብር ቡድን ውስጥ ከፍተኛ ድርሻ የነበራቸው ነፍሰ ገዳዮች ጋር ሆን ተብሎ እንድንገደል በማቀድ ማረሚያ ቤቱ ሂወታችንን አደጋ ላይ ጥሎታል። እኛም አለ አርቲስቱ በማንኛውም ሰአት ልንሞት (ልንገደል )እንደምንችል በማወቃችን ሌሊት ያለ እንቅልፍ ቁጭ ብለን ለማደር ተገደናል በማለት ለችሎቱ አስረድቷል።

አርቲስቱ ሲቀጥልም በዚህ ችግር ውስጥ የወደቅነው
1ኛ. የተከበሩ ዮሀንስ ቧያለው
2ኛ. እኔ አርቲስት ዮርዳኖስ አለሜ
3ኛ. አቶ አብድሮህማን አህመዲን (የቀድሞ የፓርላማ አባል )
4ኛ. ኢንስፔክተር ፍርዱ ታፈረ
5ኛ. ዋ/ሳጅን ጎረፈ ወጣት
6ኛ. ኢንስፔክተር የሺዋስ አልታሰብ
7ኛ. ዲያቆን ገ/ሚካኤል አባይ
8ኛ. ወጣት አማኑኤል ያለው
9ኛ. አቶ አማኑኤል በለጠ
10ኛ. አቶ ንጉስ ጥላሁን
11ኛ. አቶ ጥላዬ ይታየው ነን፣ ይሁን እንጂ ችሎቱ ምንም እንኳ ፍርድ ቤቶች የሰብአዊ መብቶችን  የማክበርና የማስከበር ህገ መንግስታዊ ሀላፊነት ያለባቸው ቢሆንም እንደተለመደው የአማራ ተወላጅ የህሊና እስረኞችን ህይወት አደጋ ላይ መሆን ቸል በማለት ለብልፅግና አስፈፃሚዎች በመወገን በዝምታ አልፎታል ሲል በችሎቱ መናገሩን በችሎቱ የታደሙ የአይን እማኞች ለኢትዮ 251 ሚዲያ ገልጿል።

አሳዛኝ ዜና

ራያ ቆቦ ከተማ አድማ ብተና ፖሊሶች ንፁሃን ላይ ዘግናኝ ግድያ ፈፀሙ::

ቆቦ ከተማ ማቀዝቀዣ የሚባል ቦታ ግቢ ዉስጥ ህዝብ እያያቸው ዛሬ ታህሳስ 16/2017 ዓ.ም አንድ ወጣት በግፍ የረሸኑ ሲሆን በተመሳሳይ አሁን አመሻሽ ላይ አንዲት ወጣት ሴት በግፍ ገድለው ሌላ እንዲሁ ወጣት ሴት አቁስለው ቆቦ ሆስፒታል በህክምና ላይ እንደምትገኝ የአይን እማኞች ከስፍራው ምስክርነት ሰጥተዋል::


አድማ ብተና የሚባል የብአዴን አደረጃጀት ከአብይ አህመዱ የብልፅግና መንግስት ጋር በመሆን በአማራ ህዝብ ላይ ዘር ማጥፋት እየፈፀመ ያለ ሲሆን ራሱን መከላከያ እያለ የሚጠራዉን ዙፋን ጠባቂ ሰራዊት የደምብ ልብስ ለብሶ ጭፍጨፋ ከሚፈፅመው የኦሮሚያ ልዩ ሃይል ባልተናነሰ ሁኔታ ሴቶችና አዛውንቶችን ሳይቀር በግፍ እየረሸነ ይገኛል:: ባለፉት ጊዜያትም ቆቦ ከተማ ወጣት ሴቶችን ጨምሮ በርካቶች በግፍ እንደተረሸኑ ይታወቃል::


ድል ለአማራ ህዝብ
ታህሳስ 16/2017 ዓ.ም