E-LMIS - ብቁ

🌏✨የዲጂታል ኢንተርፕራይዝ አደረጃጀትን የተመለከተ ልዩ የግንዛቤ ማስጨበጫ!

የዲጂታል ኢንተርፕራይዝ አደረጃጀትን በተመለከተ በአዳማ ከተማ በየደረጃው ለሚገኙ 174 የሁሉም ክልል የሥራ ዕድል ፈጠራ አመራሮች እና ባለሞያዎች በሥራ ዕድል ፈጠራ ዙሪያ የአቅም ግንባታ አካል ስለ ሆነው የኦንላይን ኢንተርፕራይዝ አደረጃጀት ስርዓት የግንዛቤ ማስጨበጫ በኢትዮጵያ ሥራ ገበያ መረጃ ስርዓት (E-LMIS) ተሰጥቷል።

በስልጠናውም በዲጂታል ኢንተርፕራይዞችን ለማደራጀት ከሚያስፈልጉ ግብአቶች ውስጥ የሳይኮሜትሪክ ምዘናና ምደባ፣ የሚደራጁ ሰዎች ዝንባሌ፣ የሚሰማሩበት ሴክተር ምርጫ፣ ያሉበት የሞያ ደረጃ፣ በመንግስት የተመረጡ ሴክተሮች እንዱሁም በE-LMIS ስርዓት በመመዝገብ የሰራተኛነት መለያ ቁጥር (Labor ID) ማውጣት መሰረታዊ ሂደቶች መሆናቸው በጥልቀት የታየበት ሲሆን በሥራ ገበያ መረጃ ስርዓት ላይ የተመዘገቡ ዜጎችን ባላቸው የትምህርት ዝግጅት፣ ዝንባሌ እና ለመደራጀት በሚመርጡት ሴክተር እንዴት መለየትም እንደሚቻል የግንዛቤ ማስጨበጫ ተሰጥቷል።

🌍💫በቱሪዝም ማሰልጠኛ ኢንስቲቲዩት የሳይኮሜትሪክ ምዘናን መሠረት ያደረገ ምደባ!

በሥራና ክህሎት ሚኒስትር በለማው የኢትዮጵያ ሥራ ገበያ መረጃ ስርዓት E-LMIS የሳይኮሜትሪክ ምዘና ሰልጣኞች ውስጣቸው ያለውን ተሰጥኦ፣ ዝንባሌና ልዩ ችሎታ በመረዳት የሥልጠና ዘርፋቸውን መለየት የሚችሉበት አገልግሎት ነው።

በዚህም መሠረት በቱሪዝም ማሰልጠኛ ኢንስቲቲዩት ለሚገኙ 212 ሰልጣኞች ካላቸው የትምህርት ውጤት በተጨማሪ የሳይኮሜትሪክ ምዘና በመስጠት እንደየ ተሰጥኦዋቸው፣ ዝንባሌና ልዩ ችሎታቸው እየታየ ምደባ ለማከናወን ወደ ሥራ የተገባ ሲሆን ይህ ስርዓት ሰልጣኞች በስልጠና ላይ እና ከስልጠና በኋላ በሥራው ዓለም ሲሰማሩ ስኬታማ መሆን የሚችሉበትን አቅም የሚፈጥር ነው። በተጨማሪም በቀጣይ ተደራጅተው ለመስራት የብድር አገልግሎት ቢያስፈልጋቸው የሳይኮሜትሪክ ምዘና ውጤታቸው ለብድር አገልግሎት እንደ አንድ መመዘኛ ማቅረብ የሚችሉበት ትልቅ አገልግሎት ነው።

እንደ ሃገር ሰልጣኞች ሊሰሩበት እና ስኬታማ ሊሆኑበት በሚችሉት የሞያ ዘርፍ መመደባቸው ያለውን የሰው ሃይል ሳይባክን በአግባቡ ለመጠቀም የሚረዳ ነው።

በቀጣይም በሁሉም ማሰልጠኛ ተቋማት አገልግሎቱን ተግባራዊ በማድረግ የሞያ ስልጠና ምደባ ሂደትን በሳይኮሜትሪክ ምዘና የታገዘ በማድረግ ዜጎች በቀጥታ ወደ ሥራ ተሰማርተው በሚወዱት ሞያ ክህሎታቸውን እያሳደጉ መለወጥ እንዲችሉ እየተሰራ ይገኛል።

🌍🌟ልዩ የግንዛቤ ማስጨበጫ መድረክ በቢሾፍቱ!

በሥራና ክህሎት ሚኒስትር በለማው የኢትዮጵያ ሥራ ገበያ መረጃ ስርዓት (E-LMIS) ዙሪያ አጠቃላይ የሲስተሙን ፋይዳ፣ አጠቃቀምና ሃገራዊ ሚና በተመለከተ ጠለቅ ያለ የግንዛቤ ማስጨበጫ በቢሾፍቱ ከተማ ለክልል ሃላፊዎች፣ ለከተማ አስተዳደር ሃላፊዎች፣ ለፓሊ ቴክኒክ ዲኖች እንዲሁም ለግብርና ኮሌጅ ዲኖች የተሰጠ ሲሆን በሳይኮሜትሪ መመዘኛ ዙሪያ ሰፊ ገለፃ ተደርጓል።

የሳይኮሜትሪ መመዘኛን በተመለከተ በተሰጠው የግንዛቤ ማስጨበጫም የማሰልጠኛ ተቋማት ብቁ የሆኑ ሰልጣኞችን ማምረት እንዲችሉ፣ ወጣቶች ውስጣቸው ካለው ልዩ ተሰጥኦ ጋር በትክክል ተዋውቀው የሥልጠናና የሞያ ዘርፋቸውን መምረጥ እንዲችሉ በመርዳት ያለውን የሰው ሃይል በአግባቡ መጠቀምና ምርታማ መሆን በሚቻልበት  ስራ ላይ ጠለቅ ያለ ውይይት ተደርጓል።

በቀጣይም በሰፊው ለሚከናወነው የትግበራ ስርዓት በተጠናከረ መልኩ የትግበራ ስርዓቱን ለማከናወን መሰል የግንዛቤ ማስጨበጫ መድረክ እጅጉን እንደሚረዳ ይታመናል።

የሥራ ባለቤት እርስዎ ነዎት!

🌍🌟በመላው ኢትዮጵያ በሚገኙ የኢንዱስትሪ ፓርኮች ልዩ የግንዛቤ ማስጨበጫና ምዝገባ እየተካሄደ ይገኛል!

በሥራና ክህሎት ሚኒስትር በለማው የኢትዮጵያ ሥራ ገበያ መረጃ ስርዓት (E-LMIS) (Labor Registration) በተመለከተ አጠቃላይ ሂደቱን፣ ፋይዳውን እና ሥላለው ሃገራዊ ሚና በመላው ኢትዮጵያ በሚገኙ የኢንዱስትሪ ፓርኮች የግንዛቤ ማስጨበጫ በመሥጠት ሁሉም የኢንዱስትሪ ፓርኮች ሰራተኞቻቸውን በሲስተሙ ላይ እንዲያስመዘግቡ በሰፊው እየተሰራ ይገኛል።

በግዙፉ የሃዋሳ ኢንዱስትሪ ፓርክም በመገኘት መሰል የግንዛቤ ማስጨበጫ በመስጠት በውስጡ የሚገኙ ሰራተኞችን ከኢንዱስትሪ ፓርኩ ጋር በመተባበር የማስመዝገብ ስራ ተጠናክሮ ቀጥሏል። በቀጣይም በሁሉም የኢንዱስትሪ ፓርኮች የግንዛቤ ማስጨበጫው እና የምዝገባ ሂደቱ በተጠናከረ መልኩ የሚካሄድ ይሆናል።

የሥራ ባለቤት እርስዎ ነዎት!

የውጪ ሃገር የሥራ ዕድል በሴኪዩሪቲ እና ቴክኒሺያንነት ሞያ!

በሥራና ክህሎት ሚኒስትር የውጪ ሃገር የሥራ ስምሪት ዜጎች ደህንነታቸው፣ መብታቸው እና ጥቅማቸው ተከብሮ እየተሰማሩ እንደሚገኙ ይታወቃል። በዚህም እድል ብዙ ዜጎች ተጠቃሚ መሆን ችለዋል። አሁንም በከፍተኛ ቁጥር የሰው ሃይል ፍላጎት እየቀረበ ይገኛል።

በመሆኑም ለወንዶች በሴኪዩሪቲ እና ቴክኒሽያንነት ሞያ መሰማራት የምትፈልጉ በሙሉ ከተለያዩ ሃገራት እየቀረበ ባለው ከፍተኛ የሰው ሃይል ቁጥር መሰረት ተመዝግባችሁ የእድሉ ተጠቃሚ እንድትሆኑ ስንል እንገልፃለን።

በዚህ የውጪ ሃገር የሥራ እድል ለመመዝገብ lmis.gov.et ብላችሁ ከተመዘገባችሁ በኋላ የባዮሜትሪክስ አሻራ ለመሥጠት በአቅራቢያችሁ ወዳለ ወረዳ በመሄድ በአንድ አገልግሎት መስጫ ማዕከል መረጃችሁን ከሰጣችሁ በኋላ አጭር ስልጠና በመውሰድ የእድሉ ተጠቃሚ መሆን የምትችሉ መሆኑን እንገልፃለን።

መልካም ዕድል!

ለተጨማሪ መሰል መረጃዎች የማህበራዊ ትስስር ገፆቻችንን ይጎብኙ!

ይመዝገቡ  :https://lmis.gov.et

👍 ፌስቡክ  : https://www.facebook.com/profile.php?id=61555705001836

📸 ኢንስትግራም፡  https://www.instagram.com/bequ.elmis/

💼 ቴሌግራም ፡ https://t.me/bequelmis1

📢 ሊንክደን   : https://www.linkedin.com/company/86463026/admin/feed/posts/

🎥 ዩቲዩብ ፡: https://www.youtube.com/channel/UCiIzqvMmVHMH9g61rc9nX7Q

ዜጎች ተደራጅተው የሚሰሩበት ልዩ የሥራ ዕድል!

የሥራና ክህሎት ሚኒስትር ለዜጎች በሚፈጠር የሥራ እድል ዳቦ በልቶ ከማደር በላይ እንዲሆን ለማስቻል ብዙ ሥራዎችን ከግልና መንግስታዊ ከሆኑ ባለድርሻ አካላት ጋር በመሆን ሲሰራ ቆይቷል። በዚህም ወደ ውጪ ሃገር ሄደው መሥራት ለሚፈልጉ ዜጎች በውጪ ሃገር የሥራ ስምሪት ተጠቃሚ መሆን እንዲችሉ ለማድረግ ብዙ ሥራዎች ተከናውነዋል።

አሁንም በከፊል በሰለጠነ እና በቤት ውስጥ ሥራ ከምናሰማራቸው ዜጎች በተጨማሪ የሰለጠኑ ዜጎችንም ለመላክ የሚያስችል ሥራ ለመሥራት ብዙ ጥረት ተደርጓል ወደ ተግባርም እየተገባ ይገኛል።

በውጪ ሃገር ሥራ ስምሪት ላይ ብዙ ተግባራት እየተከናወኑ እንደመሆናቸው ሁሉ በሃገር ውስጥ ደግሞ የራሳችን ሃሳብ አለን፣ በቡድንም ሆነ በግል ተደራጅተን መስራት እንፈልጋለን ለምትሉ ዜጎች ሌላኛውን አማራጭ ዕድል አቅርበናል።

ይህም ዕድል በኢትዮጵያ ሥራ ገበያ መረጃ ስርዓት በመመዝገብ በተዘረጋው የ(Enterprise Development System) ስርዓት የፋይናንስ እና የሥልጠና ድጋፍ ማግኘት ነው።

በመሆኑም ይህንን ዕድል መጠቀም የምትፈልጉ ዜጎች ሁለት ነገር ማድረግ ይጠበቅባችኋል የመጀመሪያው በኢትዮጵያ ሥራ ገበያ መረጃ ስርዓት መመዝገብ ሲሆን በመቀጠል የሳይኮሜትሪክ ምዘና በመውሰድ የትኛው ሞያ ውስጣችሁ ካለው ተሰጥኦ ጋር እንደሚስማማ ካረጋገጣችሁ በኋላ የፋይናንስና የሥልጠና እንዲሁም ልዩ ልዩ ድጋፍ የሚደረግላችሁ በመሆኑ ውጤታማ የሆነ ኢንተርፕራይዝ መመሥረት የምትችሉበት እድል ይፈጠራል።

የሥራ ባለቤት እርስዎ ነዎት!

🌏✨በሥራና ክህሎት ሚኒስትር ለወጣቶች የቀረበ ልዩ ዕድል!

የሥራና ክህሎት ሚኒስትር የራሳቸውን ሥራ መሥራት ለሚፈልጉ እንዲሁም ሥራ በመፈለግ ላይ ላሉ ወጣቶች የራሳቸውን ሥራ ብቻ ሳይሆን ተደራጅተው መሥራት የሚችሉበትን ትልቅ ዕድል አመቻችቶ እንሆ ይልዎታል።

ይህ ዕድል በገንዘብ፣ በሥልጠና እና በቦታ ከክልልና ከከተማ መስተዳደሮች ጋር በህብረት በተቀናጀ መንገድ የሚሰራ በመሆኑ እንዳያመልጥዎ አሁኑኑ E-LMIS ስርዓት ውስጥ በመግባት መረጃችሁን በመሙላት በሚላክላችሁ የፅሁፍ መልዕክት የሳይኮሜትሪክ ምዘና ወስዳችሁ በወሰዳችሁት የምዘና ውጤት መሰረት ከፋይናንስ ተቋማት ጋር በመሆን ብድር እስከማመቻቸት የደረሰ እድል ስለተመቻቸ እንድትጠቀሙ ስንል እንገልፃለን።

በቅድሚያ ግን lmis.gov.et ላይ ተመዝግባችሁ የባዩሜትሪክስ መረጃ
በመስጠት የሰራተኛነት መለያ ቁጥር ካገኛችሁ በኋላ በፅሁፍ መልዕክት በሚላክላችሁ ሊንክ በመግባት የሳይኮሜትሪክ ምዘና ወስዳችሁ ስትጨርሱ የዚህ እድል ተጠቃሚ ትሆናላችሁ።

ይህንን መረጃ ለወዳጅ ዘመድዎ በማጋራት የእድሉ ተሳታፊ እንዲሆኑ ያድርጉ።

ይመዝገቡ  :https://lmis.gov.et

👍 ፌስቡክ  : https://www.facebook.com/profile.php?id=61555705001836

📸 ኢንስትግራም፡  https://www.instagram.com/bequ.elmis/

💼 ቴሌግራም ፡ https://t.me/bequelmis1

📢 ሊንክደን   : https://www.linkedin.com/company/86463026/admin/feed/posts/

🎥 ዩቲዩብ ፡: https://www.youtube.com/channel/UCiIzqvMmVHMH9g61rc9nX7Q

✨🌍ኢንዱስትሪ ፓርኮች ላይ E-LMIS ምዝገባ ተጀምሯል!

በሥራና ክህሎት ሚኒሰትር በተሰጠ አቅጣጫ መሰረት ሁሉም በሃገር ውስጥ የሚገኙ ኢንዱስትሪ ፓርኮች በስሩ የሚገኙ ሰራተኞችን በE-LMIS ስርዓት ላይ እያስመዘገቡ ይገኛሉ። የኢንዱስትሪ ፓርኩ ሰራተኞቹን በማስመዝገቡ የሚያገኛቸው ጥቅሞችም:-

ኢንዱስትሪ ፓርክ ለሀገራችን ኢትዮጵያ ኢኮኖሚያዊ እድገት ከፍተኛ አስተዋጽዎ ከሚያበረክቱ ሴክተሮች መካከል በቀዳሚነት ተጠቃሽ ሲሆን በሁሉም ክልል እና ከተማ መስተዳደር ስር በተለያየ የሙያ ዘርፍ ላይ ዜጎችን በማሰማራት ለብዙኅን የስራ እድል መፍጠር ችሏል። በመሆኑም በስሩ የሚሰሩትን ሰራተኞች የሥራ እና ክህሎት ሚኒስቴር መ/ቤት ባበለጸገው የኢትዮጵያ ሥራ ገበያ መረጃ ስርዓት ላይ በባዮሜትሪክስ የታገዘ ምዝገባ በማድረግ፤ የሁሉንም ሰራተኞች የት/ት ዝግጅት፣ የስራ ልምድ፣ ያላቸውን ክህሎት እንዲሁም የሰራተኞቻቸውን ማንኛውም ከስራ ጋር ተያያዥነት ያላቸውን መረጃዎች በአንድ ቋት ስር ማግኘት እንዲቻል ይረዳል። ይህም እንደ ሴክተር ከሰራተኛ አስተዳደር ጋር ተያይዞ ለሚነሱ ችግሮች ቁልፍ መፍትሄ በመሆን ዘርፉን በተሻለ መንገድ ለመምራት እና ለማስተዳደር የሚያስችል አቅምን ይሰጣል።
✨ብቁ ሰራተኛ • ብቁ ቀጣሪ • ብቁ ውሳኔ ሰጪ!
💼የሥራ ባለቤት እርስዎ ነዎት!
ድህረ-ገፃችንን ይጎብኙ ይመዝገቡ :https://lmis.gov.et

👍 ፌስቡክ : https://www.facebook.com/profile.php?id=61555705001836

📸 ኢንስትግራም፡ https://www.instagram.com/bequ.elmis/

💼 ቴሌግራም ፡ https://t.me/bequelmis1

📢 ሊንክደን : https://www.linkedin.com/company/86463026/admin/feed/posts/

ማስጠንቀቂያ‼️

ለሥራ ወደ ውጪ ሃገራት መጓዝ ለምትፈልጉ በአጭር ግዜ ወደ ተለያዩ የአውሮፓ ሃገራት እናደርሳለን የሚሉ በተለይ ወደ ካናዳ እንልካለን እያሉ በሥራና ክህሎት ሚኒስትር ስምና ሎጎ በመጠቀም ማስታወቂያ እያሰራጩ በማታለል ተግባር ላይ የተሰማሩ ግለሰቦች ተበራክተዋል።

በመሆኑም በሥራና ክህሎት ሚኒስትር የቀረበው የውጪ ሃገር የሥራ ስምሪት ከፓስፓርት፣ የሥልጠና እና የሜዲካል ምርመራ ውጪ ምንም አይነት ክፍያ የሌለው ሙሉ ነፃ መሆኑን ተገንዝባችሁ ቅድመ ክፍያ እየጠየቁ ከሚያጭበረብሩ ግለሰቦች እራሳችሁን እንድትጠብቁ የሥራና ክህሎት ሚኒስትር ያሳስባል።


በተያያዘ በዚህ የውጪ ሃገር ስራ ስምሪት እድል ለመጠቀም lmis.gov.et ብላችሁ ሲስተሙ ላይ ከተመዘገባችሁ በኋላ አቅራቢያችሁ በሚገኝ የአንድ አገልግሎት መስጫ ማዕከል በመሄድ የባዩሜትሪክስ መረጃ በመስጠት ሥልጠና መጀመር የምትችሉ መሆኑን እንገልፃለን።

✨ብቁ ሰራተኛ • ብቁ ቀጣሪ • ብቁ ውሳኔ ሰጪ!
💼የሥራ ባለቤት እርስዎ ነዎት!
ድህረ-ገፃችንን ይጎብኙ ይመዝገቡ  :https://lmis.gov.et

📸 ኢንስትግራም፡  https://www.instagram.com/bequ.elmis/

💼 ቴሌግራም ፡ https://t.me/bequelmis1

📢 ሊንክደን   : https://www.linkedin.com/company/86463026/admin/feed/posts/

🎥 ዩቲዩብ ፡: https://www.youtube.com/channel/UCiIzqvMmVHMH9g61rc9nX7Q

የውጪ ሃገር ሥራ ስምሪትን በተመለከተ ለሚነሱ ጥያቄዎች ነፃ የስልክ መሥመር ይጠቀሙ!

በሥራና ክህሎት ሚኒስትር የውጪ ሃገር ሥራ ስምሪት የዜጎችን ደህንነት፣ መብትና ክብር አስጠብቆ ወደ ተለያዩ ሃገራት እያሰማራ እንደሆነ ይታወቃል። በመሆኑም የውጪ ሃገር ሥራ ስምሪትን በተመለከተ መጠየቅ የሚፈልጉትን ማንኛውንም ጥያቄ ☎️9138 ነፃ የስልክ መስመር በመደወል ማቅረብ እንደሚችሉ እንገልፃለን!

የሥራ ባለቤት እርስዎ ንዎት!