Coba Yaadaa💧

💬 Shamarran baay'een sababni isaan dafanii mufataniif garaan isaanii qulqulluu fi hammeenya waan hin beekneef, kunis...👉 Itti fufaa dubbisaa!

          👇👇👇
   👉 See More  👈
   👉 See More  👈
           👆👆👆

❤️ Amaloota Shamarranii keessaa,...➡️ See More

Haalli ati nama tokko itti ilaaltuu eenyummaa dhugaa nama sanaa utuu hin taane alkallattiidhaan ofii kee nama sana keessatti waan argitu dha. Kana jechuun isaa akkaataan itti namni biraa si ilaalu/hubatu haala ofii isaa si keessaatti of ilaaluni dha.

Ofii kee fuullee keessatti yoo ilaalte ofii kee argita. Akkasuma, utuu fuullee of keessatti ilaalchistees fuulletu si keessatti mul'ata.

Taatee hamaas haa ta'u gaariin ati ofii kee irratti taasistu taatee sana qabattee nama biraa keessatti ati akka argamtu ykn kallattiidhaan ofii kee irratti akka argamu ni ta'a.

Ofii kee kallattii kamiinuu hin xinneessin, hin hammeessin, hin xureessin, hin balleessiin!

Obbolaa koo, ofii kee daldaltoota hammeenyaa, warshaa dubbii hammeenyaa, gabaa jibbaa, namoota furmaata fiduu caalaa rakkina uumuun itti salphatu, isaan ijaaruu caalaa jiiguun itti salphatu, isaan balleessuun karaa qajeelinaa ta'ee itti argamu, jabeessuu caalaa kuffisuuf hojjatan, ni dandeessa jechuu caalaa akka hin dandeenye namoota asaasan, daldaltoota dubbii hadheessitootaa, namoota hojiin idilee isaanii akkaataa itti balleessan jedhu ta'e, araada sammuu kaayyoo jireenyaa kee irraa si fageessu irraa fageessi.

Oolmaan kee uffata uffattu caalaa oolmaa qulqulluu ta'uu qaba. Kana jechuun wanti gara sammuu keenyaatti seenu wanta gara alaatti bahu waliin hariiroo kallattii qaba.

Coba Yaadaa💧✍

✍ Dhalli namaa albuuda gita hin qabne kan Waaqni kenneef qabatee dachee kana irra jiraatu dha. Namoonni naannoo kee jiran hundinuu albuuda gosa adda addaa qabatanii jiraatu. Ati ofii keetii, naannoo keetii adunyaa dhaaf albuuda guddaa dha.

✍ Qaroominni seera Waaqaa fi safuu fi safeeffannaa hawaasaa eegudha.
Amalli waan baayyee beekamaa dha. Amalli jireenyaa garuu beekamaa miti.

✍ Fageenyi namni dachee waliin qabu fagoo dha. Dhiyeenyi Waaqni dhala namaa waliin qabu dachaa hedduu hamma dachee waliin walirraa fagaatu dha.

✍ Namni utuu jiruu afuuraan ni du'a. Namni afuurri isaa due akka dibbee sagalee qofaa dhageessisuuti. Namni afuurri isaa du'e homaanuu ol hin jedhu.

✍ "Namootni ilaalcha badaa qaban jannata keessattuu rakkoo tarreessuu fi namootaa fi wantoota himachaa/komachaa dogoggorawwan hedduu argaa jiraachuu danda'u."

✍ Rakkinni qoraasuma jireenyaa lubbuu qabeeeyyii hundaa ti.

Coba Yaadaa 💧✍️

📌 Guddaa ta'anii uumamanii xinnaachuu/xinnummaa keessa jiraachuu, waan guddaa hojjachuu utuu danda'anii waan xixinnoodhaan gaadi'amanii jiraachuu, galma guddaa qabaatanii galma maleessummaa ta'uu, dachee bal'aa irra jiraachaa lafa martaa'aa ta'een of daangessanii jiraachuu, guddummaa Waaqni namaaf kenne xinnummaan/salphina hamaadhaan faaluu; jaalala jibbaan, gorsa arrabsoodhaan, ulfina salphinaan, bareedina busheessuun bakka kennuufii irraa Waaqni nu haa oolchu!

📌 Dachee kana irratti namni qabeenya Waaqa ti. Qabeenyi sun immoo qabeenya sammuu jedhamu tokko kennameefi jira.

📌 Sammuun namaa humna maashaalee gurguddoo jabina gurguddaa qaban hedduu humna hoogganuu ni qaba. Sammuun buqqee mataa keenyaa keessaa iddoo muraasa kan qabattee jirtu garuu hojii guddaa hojjachuu dandeessu dha. Sammuu namaa hamma xinnoo qaba garuu waan guddaa hojjachaa jiraata.

📌 Sammuun hojii hojjachuu qabdu hojjachuuf daangessawwwan lafeewwan buqqee mataa sanaan hin daangoftu, dhangala'oowwan ishee marsaniin jiraniinis hin daangoftu hojii daanga'a darbartee hojjachaa jiraatti.

📌 Uumama guddaan guddisee uummate wantoota, haalota ittiin akka ofii keenya daangessinee jiraannuuf nu hin jajjabeessine keessatti daanga'aa jiraachuun nama hin barbaachisu.

📌 Namni uumama guddaa dachee kanaa ti.

Coba Yaadaa 💧✍️

📌 Namni uumama gatii jabeessa dachee kana irra jiraatu dha. Namni uumama Waaqni addatti aarsaa kaffaluufi dha.

📌 Namni dandeettii, cimina, qabeenya akka kennuuf uumaan uumamaan namummaa nama tokkoof kenname tokko irraa qooddachuu kan danda'u nama isa nama beeku qofa dha.

✍Namni kanniisa qabu tokko damma isheen dammeessitu kan argachuu danda'u yoo kanniisa sanaa haalaan qabuu/kunuunsuu danda'e dha.


✍Masaanqoon meeshaa muuziqaa sagaleewwan lakkoofsaan bira hin ga'amne uumuu/dhageessisuu dandeessu dha. Namnis uumama dinqii kennaa Waaqni kenneef hedduu qabu dha.

✍ Kompiitarri yookiin moobayilli itti fayyadamaa jirru faayidaa hedduu kennuu waan danda'u dha. Kompitarri barruu bareessuu irra kan darbe hojiiwwan gurguddoo hedduu ittiin hojjachuuf kan fayyadu dha. Faayidaan waan tokkoo kallattii lamaan ilaalamuun murteeffamuu danda'a. Innis kallattii fayyadamaa fi abbaa omishaatiin. Fayyadamaan meeshaa sana irraa hamma beeku qofaa fayyadamuun maalummaa fi hojii waan sanaa ibsuu danda'a.

📌 Wantootni har'a harka keenya irraa qabnu kanneen hojii isaan nuuf hojjachuu danda'an, wanta irraa ooluu dandeenyu kan daangessu abbaa fayyadamu sana dha. Fakkeenyaaf akka moobayilli bilbiluu fi bilbila bilbilame kaasuu qofaaf itti fayyadamuun tajaajila biroo nuuf kennuu danda'u utuu hin fayyadamin hafuu jechuu dha.

📌 Abbaan omishaa yookiin qaamni madda yaada waan sanaa ta'e garuu dhuma/ gahuumsa/dandeettii guddaa/hangafaa waan sanaa waan beekuuf waan hojjachuu danda'u hunda ibsuu fi ittiin fayyadamuu ni danda'a.

📌 Namni qabeenya Waaqni dhalootaaf/nama biraaf/ofii isaatii akka itti fayyadamu jedhee kenneef qabatee du'u hedduu dha. Dhiibbaa alaa fi keessaa irraa kan ka'e namni hamma tarkaanfachuu qabu, nama ta'uu qabu, hamma gahuu qabu, waan qabaachuu qabu nama daanga'aa ta'ee jiraatee dachee kana irraa akka darbu ta'a. Kuni immoo waan qabatee dhufe faayidaa irra utuu hin oolchin balleessuu fida.

Gitaarri iddoo fi haala ogeessi isaa qindeesseen sagalee dhageessisuu dandeessu dhageessisti.

Coba Yaadaa 💧✍️

📌 Iddoo ofii kee hin argannetti of hin barbaadin.

📌Jireenyi boqonnaa gargaraa qabdi. Kutaa jireenya keetii keessaa boqonnaa gurraacha sana keessatti of kee hin tursiisin.

📌 Eenyummaan keenya dhugaa sakaallawwan/gufuuwwan jireenya guyyaa guyyaan jiraannuu duuba jira.

📌 Sodaan kee guddaan eenyummaa kee dhugaa dhoksee jira.

📌 Gammachuun hangafaa Waaqaan namaaf kennama.

Coba Yaadaa 💧✍️

Say Thank you!

Isaan kaleessa si gargaaran,
Isaan kufaatiin mana baruumsaa ta'uu sitti himan,
Isaan kufanii hafuun kufaatii akka tahe si barsiisan,
Isaan ati nama moo'ichaa akka taate sitti himan,
Isaan akka si cinaa jiran sagalee isaanii si dhageessisan,
Isaan ati nama guddaa akka taate sitti himuuf duubatti hin jenneen...

Say Thank you!

Isaan qarshiidhaan si gargaaran,
Isaan humna isaaniin si gargaaran,
Isaan beekumsa isaaniin si gargaaran,
Isaan yaadaan si gargaaran,
Isaan fayyuu madaa keetitiif sibira dhaabbatan,
Isaan uffata kee irraa awwaara sirraa rurrukutan,
Isaan "Jabaadhu!" siin jedhan,
Isaan beeluu fi dhebuu si baasan,
Isaan karaa irraa si kaasaan,
Isaan imimmaan ija kee irraa siif haxaa'an.

Say Thank you!

Isaan amma si bira jirra siin jedhan,
Isaan borus sibira jirra siin jedhan,
Isaan yeroo kamiyyuu haala kam keessattuu si waliin jirra siin jedhaniin...

Say Thank you again!

Haalota kaleessa kufuu keetiif sababa ta'aniin,
Namoota kaleessa kufuu keetiif sababa ta'aniin,
Fayyaa dhaba kee kaleessaan, Nagaa dhabuu kee kaleessaan,
Dhaba kee kaleessaa hundumaan...

Say Thank you!

Ofii keetiin galatoomi jedhiin.
Waaqa keetiif galata guddaa dhiyeessi.

Coba Yaadaa 💧✍️

✍Wanti sirratti ta'aa jiru waan ta'uu qabuuf ta'aa jira.
✍Don't be in another person shoes; have your own shoes.
✍Don't allow your self to live once definition.
✍The gap between you and you is the real you.
✍Namni Waaqa/Uumaa isaa waliin walii galuu danda'u nama kamiyyuu waliin walii galuu ni danda'a.
✍ Michuu keenya eenyu caalaa waan kam irraa ofitti dhiyoo taasifachuu kan qabnu Waaqa/Uumaa dha.
✍ Ofii keenya nama biraa waliin wal dorgomsiisuun waan fuulduratti nu deemsisu kan fakkaatu garuu, saffisa guddaadhaan duubatti akka kufnuuf karaa guddaa jireenya keenya keessatti saaqaa deema.

Coba Yaadaa 💧✍️