Ethiopian Electric Utility

ለመላው የክርስትና እምነት ተከታዮች እንኳን ለጌታችን መድሐኒታችን ኢየሱስ ክርስቶስ የትንሳዔ በዓል በሰላም አደረሳችሁ!!
በዓሉ የሰላም፣የጤና እና የመተሳሰብ እንዲሆንላችሁ እመኛለሁ!!

ኢንጅነር ጌቱ ገረመው
የኢትዮጵያ ኤሌክትሪክ አገልግሎት ዋና ስራ አስፈፃሚ

ቀልጣፋ አገልግሎት እያገኘን ነው (#ደንበኞች)

ከወትሮው በተለየ ቀልጣፋና ጥራት ያለው አገልግሎት እያገኙ መሆኑን በሰሜን እና በምስራቅ አዲስ አበባ ሪጅን ስር በሚገኙ የአገልግሎት መስጫ ማዕከላት ሲገለገሉ ያገኘናቸው የቅድመ-ክፍያ አገልግሎት ተጠቃሚ ደንበኞች ተነገሩ፡፡

ደንበኞቹ አገልግሎት መስጫ በደረሱ ከ3 እስከ 5 ደቂቃ ጊዜ ውስጥ ኃይል ለመሙላት ብቻ እንደወሰደባቸው በነበራቸው ቃለ-መጠይቅ ገልፀዋል፡፡
አገልግሎት መስጫ ማዕካለት የሔዱ ደንበኞች በምሳ ሰዓት እንኳን ያለምንም መዘገየት ካርድ ሞልትን እየተመልስን ነው ሲሉ ተናግረዋል፡፡

በበዓል ቀናትና በዋዜማ ለቅድመ-ክፍያ ተጠቃሚ ደንበኞች ካርድ ኃይል እንዲሞሉ እድል መመቻቸቱ የሚበረታታ ነው ብለዋል፡፡

የማዕከላቱ ኃላፊዎችም በበኩላቸው በባዓል ቀናት ልክ እንደማንኛውም የሥራ ሰዓት የቅድመ-ክፍያ ደንበኞች ኃይል እንዲሞሉ እድል ተመቻችቷል ሲሉ ተናግረዋል፡፡

በዓሉ ያለምንም ኃይል መቆራረጥ እንዲያልፍ ቅድመ-ዝግጅት የተደረገ መሆኑን ተናግረው ኃይል ቢቋረጥ እንኳን ፈጣን ምለሽ ለመስጠት የሚያስችሉ ግብዓቶችን ተሟልቷል ብለዋል፡፡

ኃላፊዎች በበዓሉ ዕለት ኃይል ቢቋረጥ በ905 (904) የጥሪ ማዕከል እና በተቋሙ ማኅበራዊ ገፆች እንዲሁም በአከል ቀርበው መረጃ ቢሰጡን ፈጣን ምላሽ እንሰጣልን ብለዋል፡፡

ተቋሙ የትንሳዔ በዓልን አስመልክቶ በበዓሉ ዋዜማና ዕለት ለቅድመ-ክፍያ አገልግሎት ተጠቃሚ ደንበኞቻችን በተመረጡ ማዕከላት ካርድ መሙላት እንዲችሉ ሁኔታዎችን ያመቻቸቱን መግለጻችን ይታወሳል፡፡

#የኢትዮጵያኤሌክትሪክአገልግሎት

ለቅድመ-ክፍያ ተጠቃሚ ደንበኞቻችን በሙሉ

ተቋማችን የትንሳዔ በዓልን አስመልክቶ በባዓሉ ዋዜማና ዕለት ለቅድመ-ክፍያ አገልግሎት ተጠቃሚ ደንበኞቻችን በበዓሉ ዕለት በተመረጡ ማዕከላት ካርድ መሙላት እንዲችሉ ሁኔታዎችን ያመቻቸ መሆኑን እየገለፅን የቅድመ-ክፍያ አገልግሎት የሚሰጡ ማዕከላትን ዝርዝር ለማግኘት ማስፈንጠሪያውን ይጫኑ: http://www.ethiopianelectricutility.gov.et/contents/prepaid?lang=am

ተጨማሪ የቅድመ-ክፍያ ካርድ መሙያ ቢሮ መከፈቱ ስለማስታወቅ

በኢትዮጵያ ኤሌክትሪክ አገልግሎት የሰሜን አዲስ አበባ ሪጅን የቅድመ ከፍያ ተጠቃሚ ደንበኞችን እንግልት ለመቀነስና የበለጠ ወደ ደንበኞች ለመቅረብ በመሐል ፒያሳ በቀድሞው የኢትዮጵያ ኤሌክትሪክ አገልግሎት ዋና መስሪያ ቤት ህነሰፃ ላይ ተጨማሪ የካርድ መሙያ ቢሮ መክፈቱን እየገለፅን፤ የቅድመ-ክፍያ አገልግሎት ተጠቃሚ የሆናችሁ ደንበኞቻችን በተጠቀሰው ቦታ በመሄድ ካርድ መሙላት የምትችሉ መሆኑን እንገልጻለን፡፡

#የኢትዮጵያኤሌክትሪክአገልግሎት

በትብብር ለመስራት የሚያስችል ውይይት ተካሄደ

በኢትዮጵያ ኤሌክትሪክ አገልግሎት ዋና ስራ አስፈፃሚ ኢንጅነር ጌቱ ገረመው የተመራ ልዑክ  ከፓወር ኬንያ ጋር በትብብር ለመስራት የሚያስችል ውይይት በኬንያ ናይሮቢ አካሂዷል።

በውይይቱ የታሪፍ ድርድር፣ ፍትሃዊ እና ቀጣይነት ያለው ድንበር ተሻጋሪ የኤሌክትሪክ ኃይል ንግድ እንዲኖር ለማስቻል እና በኢትዮጵያ እና በኬንያ ባሉ የድንበር ከተሞች የኤሌክትሪክ ተደራሽነትን ለማስፋት በሚደረጉ ጥረቶች ዙሪያ ሰፊ ውይይት በማድረግ በጋራ ለመስራት ተስማምተዋል።

ተቋማቱ አካባቢያዊ ትብብር ለመፈሰጠር፣ በሁለቱ ሃገራት ለሚገኙ የህብረተሰብ ክፍሎች አስተማማኝ የኃይል አቅርቦት በተመጣጣኝ ዋጋ ለማቅረብ በቁርጠኝነት እንደሚሰሩ መግባባት ላይ ደርሰዋል።

#የኢትዮጵያኤሌክትሪክአገልግሎት

#የፕሮግራም_ጥቆማ

ውድ ደንበኞቻችን ዛሬ ምሽት 3፡20-3፡40 በኦሮሚያ ብሮድካስቲንግ ኔትወርክ /ኦ.ቢ.ኤን/ ቴሌቪዥን በአፋን ኦሮሞ ቋንቋ የሚተላለፈውን ተከታታይ የቴሌቪዥን ፕሮግራምማችንን እንድትከታተሉ በአክብሮት እንጋብዛለን፡፡

Kabajamtoota maamiltoota keenya, hardha kamisa Ebla 9/2017 A.L.I galgala 3፡20 hanga 3፡40-tti sagantaa Afaan Oromootiin torban lama gidduutti walitti aansuun altokko Oromiyaa Biroodkaastiing Neetwoork (OBN) irratti tamsa’u akka hordoftan kabajaan isin affeerra.

TAJAAJILA ELEKTIRIKII ITIYOOPHIYAA

ለ231 ድጋፍ ለሚሹ የህብረተሰብ ክፍሎች የማዕድ ማጋራት ፕሮግራም ተደረገ

የኢትዮጵያ ኤሌክትሪክ አገልግሎት 231 ለሚሆኑ ድጋፍ ለሚሹ የህብረተሰብ ክፍሎች 1 ሚሊዮን ብር የሚያወጣ የዓይነት ድጋፍ አድርጓል፡፡

የማዕድ ማጋራት ፕሮግራሙ የተካሄደው መጪውን የትንሳዔ በዓል ምክንያት በማድረግ ሲሆን 231 ለሚሆኑ ከአዲስ አበባ ከተማ ለተውጣጡ ድጋፍ ለሚሹ አባዎራ እና እማዎራዎች ለእያንዳንዳቸው 5 ሊትር ዘይት እና 25 ኪ.ግ ዱቄት በመለገስ የማዕድ ማጋራት አድርጓል፡፡

በማዕድ ማጋራት መረሃ ግብሩ ላይ ንግግር ያደረጉት የተቋሙ የሰው ሃብት ስራ አስፈፃሚ ወ/ሮ ዘሪቱ ፍቅሬ ተቋሙ የኤሌክትሪክ አገልግሎት ከማዳረስ ባሻገር በተለያዩ የበጎ አድራጎት ስራዎች ላይ እየተሳተፈ እንደሚገኝ ገልፀው፤ በቀጣይም ይህንኑ የሰብዓዊነት ተግባር ተቋሙ እንደሚያስቀጥል ተናግረዋል፡፡

ተቋሙ ባለፈው ጊዜም የኢድ በዓልን ምክንያት በማድረግ ለሙስሊም ወገኖቻችን ተመሳሳይ ድጋፍ ማድረጉ ይታወሳል፡፡

ወቅታዊና ትክክለኛ መረጃችን ለማግኘት ይፋዊ የማኅበራዊ ትስስር ገፆቻችንን ይቀላቀሉ!
[Facebook] http://www.facebook.com/EEUOfficial
[Telegram] https://t.me/eeuethiopia
[Website] http://www.eeu.gov.et
[YouTube] https://www.youtube.com/@EthiopianElectricUtility
[Tiwtter] https://x.com/EEUEthiopia
[TikTok] https://www.tiktok.com/@ethiopian.electri
[Whatsapp] https://web.whatsapp.com/
[EEU Customers Digital Support] https://t.me/EEUCustomersupport