ስለ-ሕግ ⚖️ ABOUT-LAW

ፒራሚድ ንግድ/pyramid scheme/-/ዝረፍ እንዝረፍ/?
በረዳት የሕግ ፕሮፌሰር ግዛቸው ስለሺ

ከዚህ ቀደም ቲያንስ የተባለ ድርጅት የሀገር ውስጥ አልበቃ ብሎት በአረብ ሃገር የሚሰሩ እህት/ወንድሞቻችንን ጭምር ዘርፎ መዘጋቱ ይታወቃል።

አሁንም የፒራሚድ ንግድ በኢ/ያ ተስፋፍቶ ይገኛል።

ፒራሚድ ከስእላዊ ባህሪው እንደምንረዳው ከላይ ጫፍ ያሉ ጥቂቶቹ ከታች ያለውን አብዛኛውን አባል ዘርፈው የሚበለጽጉበትና መንግት ክትትል ሲያሰርግ ወይም በራሱ ጊዜ የሚከስም ነው።

አሁንም በተለይ ስራ አጥ ወጣቶችን ትኩረት አድርጎ በመስራትና ያልተገባ ተስፋ በመስጠት በተለያየ ስም እየበዘበዙ ያሉ ድርጀቶች አሉ።

ከዚህ ቀደም በቲያንስ ስር በመሳተፍ ብዙ ህዝብ ያስለቀሱ ሰዎች በበፊቱ ድርጊታቸው ሳይጸጸቱ አሁንም በተለያዩ ድርጅቶቸ ውስጥ ሆነው ተመሳሳይ በደል እየፈጸሙ ቀጥለዋል። በበፊቱ ድርጊታቸው ያለተጥያቂነት ማምለጣቸው ሳያበረታታቸው አልቀረም።

ከዚህ በላይ ጉዳት ሳይደርስ የሚመለከታቸው አካላት ድርሻቸውን ቢወጡ መልካም ነው። በቀጥታ ሽያጭ እየሰራን ነው የሚሉ አካላትን ቢመረምሩ መልካም ነው።

የፒራሚድ ንግድን ቀጥታ ሽያጭ በሚል ለማታለል ስለሚጠቀሙበት ስለሁለቱ ለዩነት አስፈላጊ ከሆነ ሌላ ጊዜ እመለስበታለሁ።

#trade competition and consumer protection authority;
#ministry of justice;
#Regional Bureaus of justice,
#investigative journalists, if any.

#እንግሊዝኛ_በሰበር_ችሎት -ክፍል 1
By- Abreham Yohanes

የሰበር ሰሚ ችሎት ውሳኔዎች፣ ሐተታዎችና ትንታኔዎች በእንግሊዝኛ ቃላት ተወረዋል። ጥቂቶቹ አማርኛ ጣል ጣል ያረገባቸው የመመረቂያ ጽሑፍ ይመስላሉ። እንግሊዝኛ አብዛኛውን የውሳኔ ክፍል እንደ አረም ወሮት ሲታይ አማርኛ ለማመሳከሪያነት ብቻ የገባ ይመስላል። ግልፅነት አንኳር ከሆኑት የፍርድ አጻጻፍ ስርዓት መርሆዎች መካከል ቀዳሚው ነው። ይህም የቋንቋውን የሰዋሰው ስርዓት ጠብቆ ተከራካሪ ወገኖች በሚገባቸው ቀላል አገላለጽ መጠቀምን ይጠይቃል። እንግሊዝኛን ከአማርኛ ጋር እያቀላቀሉ ፍርድ መጻፍ ግልፅነትን ከማደፍረስ የዘለለ ፋይዳ የለውም። ተከራካሪ ወገኖች የአማርኛውን ዓረፍተ ነገር ሰምተው የተረዱት ሀሳብ እንግሊዝኛ ሲታከልበት ያደናግራቸዋል። ምን ለማለት ይሆን? በሚል ጥርጣሬና ብዥታ በሀሳብ ማዕበል እንዲቃትቱ ያደርጋቸዋል።

እንግሊዝኛ በሰበር ውሳኔዎች ላይ ጥቅም ላይ እየዋለ ያለው በሁለት መልኩ ነው። አንዳንድ ጊዜ ግልፅ የሆነው የአማርኛ ዓረፍተ ነገር ወይም ሐረግ በቅንፍ የእንግሊዝኛ ፍቺ ይታከበልበታል። በሌላ ጊዜ ደግሞ የአማርኛ ፍቺ ሳይከተለው እንግሊዝኛው ብቻውን የፍርዱ አካል ሆኖ ይካተታል። የመጀመሪያው ትርፍ መልዕክት ሁለተኛው ደግሞ ጎዶሎ መልዕክት በመፍጠር በሁለቱም ግልፅነት ጥያቄ ውስጥ ይገባል።

hashtag#የአማርኛውን ሀሳብ ለመግለጽ

በሚከተሉት የሰበር ውሳኔዎች ላይ የእንግሊዝኛው አገላለጽ ትርፍና አላስፈላጊ ከመሆኑም በላይ በተወሰኑት ላይ የአማርኛውን ሀሳብ አዛብቶታል።
ሰ/መ/ቁ 42239 ቅጽ 10

የሰበር ስርዓት አይነተኛ አላማ ከሆኑት አንዱ በአንድ ሀገር ውስጥ ወጥ የሆነ የሕግ አተረጎጎም እና አፈጻጸም (Uniform interpretation and application of the law) መኖሩን ማረጋገጥ መሆኑ እሙን ነው።

ሰ/መ/ቁ 45548 ቅጽ 13

ከተያዘው ጉዳይ ጋር ስናያይዝ ሁለቱ ሚስቶች ናቸው እስከ ተባለ ድረስ በሕጉ መንፈስና ሃይል (by operation of the law) ከባለቤታቸው ጋር ያፈሩትን ንብረት ከባለቤታቸው ጋር እኩል የመካፈል መብት ይኖራቸዋል ማለት ነው።

ሰ/መ/ቁ. 35946 ቅጽ 8

ነገር ግን በተያዘው ጉዳይ ምስክሮች ከተሰሙ በኋላ ተቃዋሚ እንዲቀርብ ትእዛዝ መስጠቱ ተቃዋሚው በምስክሮች አመሰካከር ላይ የሚያነሳውን ክርክር /The right to confront witnesses/ የሚያጠብና ጉልህ የሆነ የሥነ-ሥርአት ጉድለት መፈጸሙን የሚያመለክት ነው።

ሰ/መ/ቁ. 08751 ቅጽ 6

ከዚህም በተጨማሪ አዲስ የተገኘው ማስረጃ የውሣኔውን መሠረታዊ ይዘት የሚነካ /Substantially affects the merit of the case/ መሆን አለበት።

hashtag#እንግሊዝኛ ፍቺው ሳይጠቀስ

ሰ/መ/ቁ. 65930 ቅጽ 12

በአንድ የፍትሃብሄር ጉዳይ ልዩ አዋቂዎች /Experts/ እና ልዩ አዋቂዎች ያልሆኑ ምስክሮች ቀርበው በተሰሙ ጊዜ “In the civil context … lay evidence should not be preferred to expert evidence with out good reason” የሚለውን የማስረጃ ምዘና መርህ መከተል ይገባል።

ሰ/መ/ቁ. 11924 ቅጽ 3

የጉዳዩ ጭብጥ እንዲሆን ያስቻለውን ክርክር ያቀረበው አሰሪው ከሆነ ደግሞ ይህን ክርክሩን በቅድሚያ ያስረዳ ዘንድ የግድ ይሆንበታል። ይህም the one who alleges in the affirmative shall prove it ከሚለው አገላለጽ ጋር የተስማማ ይሆናል።

ሰ/መ/ቁ. 36730 ቅጽ 9

ይህ አተረጓጎም እኛ ብቻ ሣንሆን የዳበረ የሕግ ሥርአት ያላቸው አገሮች “Limitation periods are to be construed strictly so as not to take away the right of the plaintiffs” በሚል መንገድ የሚከተሉት አተረጓጎም ነው።
እነዚህ ውሳኔዎች በችሎት ሲነበቡ ጆሮውን ቢቆርጡት እንግሊዝኛ የማይሰማው ከሳሽ ወይም ተከሳሽ ዓይኖቹ አምስት ዳኞች ላይ ተተክለው ምን እንደሚያስብ መገመት አይከብድም። ምን ይባል ይሆን? እያለ በተደጋጋሚ በየቀጠሮው ሲመላላስ የከረመው ተከራካሪ የውሳኔ ቀን በደስታ ይሁን በሀዘን እፎይታ ይሰማው ዘንድ /ቁርጥን ማወቅ የመሰለ ነገር የለም እንዲሉ/ ተገቢ ቢሆንም እንግሊዝኛ አያውቅምና በውሳኔ ቀን፣ በቁርጡ ቀን ግራ ይጋባል።

🌙✨Wishing our dear Muslim family a joyous Eid filled with endless blessings, peace, and happiness.

Eid Mubarak🕌🌙