Ethiopian Entrepreneurs ኢንተርፕርነር

#Breaking_News

Donald J. Trump has been elected the 47th president of the United States.

In what can be dubbed as a 'nail-biting' election, the former president stretches into his second reign.

What will this bring unto the newly restructured Ethiopia's macroeconomy. We shall see.

#ክፍል_ሁለት

መጽሃፉ የገበያ ቅቡልነት(ማረጋገጫ/ Market Validation) ለማግኘት ሶስት መሰረታዊ ደረጃዎች አሉ ፥ እነርሱም:

1) የዝግጅት (Ready!) ፣
2) የማነጣጠር (Aim!) እንዲሁም
3) የ"መተኮስ" (የድርጊት ፣ ኢላማን የመምታት፣Fire!) ናቸው።

ደራሲው #የዝግጅት ጊዜ በሚለው ውስጥ የሚከተሉትን ሶስት ዋና ነጥቦች አካትቷል።

1. 🔖 ወደ አዕምሮአችን የመጣው የቢዝነስ ሃሳብ መነሻው ምን እንደሆነ ማወቅ። ይህ ሃሳብ ጥንስሱ የስራ እና የእውቀት ልምድ ከሆነ የተሻለ የመሳካት እድል አለው ይለናል።

2. 🔖ትርፍ ያስገኛል ያልነው ገበያ ምን ያክል ተመሳሳይ ተፎካካሪዎችን አቅፎ መያዝ የሚችል ነው? እያደገ እና እየሰፋ የሚሄድ ገበያ ነው ወይ? ከሆነ የእድገት ፍጥነቱ ምን ያህል ነው? የተፈለገው ገበያ ከአጠቃላይ ኢኮኖሚው እድገት የተሻለ ፍጥነት ላይ ያለ እንደሆነ ለኢንቨስትመንት መልካም እድል ያለው ነው ሲል ይጠቁማል።

3.🔖 የገበያውን ዑደት መረዳት መቻል።

Rob Adams የገበያ ዑደት (Market Life-Cycle) ሲል እነዚህን 4 ደረጃዎች እያመላከተ ነው።

3.1. ጀማሪ ገበያ፥ (Early Adopters / Introductory)
- አዲስ ነው ፣ ጥቂት ተፎካካሪዎች ፣ ብዙ የስጋት ምጣኔ (risk) እና አቅም ያለው ነው

3.2. በማደግ ላይ ያለ ገበያ (Early Growth)
- ፍላጎት እየጨመረ ነው ፣ አዳዲስ ተፎካካሪዎች በፍጥነት እየተፈጠሩ ነው ፣ የመሰረቱ ንግዶች እያደጉ ነው ፥

3.3. የበሰለ ገበያ (እድገቱን ያገባደደ ገበያ / Late Majority)
- የገበያው የእድገት ፍጥነት የሚገታበት ፣ ከፍተኛ የተፎካካሪዎች የንግድ ሽኩቻ የሚበረታበት ደረጃ ነው።

3.4. በማሽቆልቆል ላይ ያለ ገበያ (Laggards)
- የፍላጎት መቀነስን ተከትሎ ገቢ እና ትርፍ የሚቀንስበት ፣ ተፎካካሪዎች ዋጋ በመቀነስ ከገበያው ጨርሰው ላለመውጣት ራሳቸውን ለማበርታት የሚሞክሩበት



4.🔖 ተፎካካሪዎችን በአግባቡ መገምገም እና አንዳች ጠቃሚ መደምደሚያ ላይ መድረስ

5.🔖 ገበያውን በደንብ ከሚያውቁት የዘርፉ ባለሙያዎች ጋር ግንኙነት መፍጠር

__

#BookReview
#Ethiopreneur_Recommended

Join us @ethiopreneure

#ክፍል_1

በሮብ አዳምስ ተጽፎ ተወዳጅነትን ያተረፈው ‘If you build it will they come?:Three Steps to Test and Validate Any Market Opportunity’ የተሰኘውን መጽሃፍ ለእናንተ እያቀረብን ፥ ከመጽሃፉ ሊገኙ የሚችሉ ዋና ጭብጥ ሃሳቦችን ፥ የመጽሃፉን ትሩፋት ይጠቁም ዘንድ እነሆ ፥

📌 ገበያውን በማጥናት መጀመር።

ሰዎች ወደ ንግዱ ዓለም ለመግባት ሲያስቡ ፥ አልያም በተሰማሩበት የንግድ መስክ ውስጥ አዲስ ምርት ወይም አገልግሎት ለመንደፍ ሲዘጋጁ ፥ በቅድሚያ አዕምሮአቸው ላይ መምጣት ያለበት ገበያው ነው ይለናል ሮብ አዳምስ።

በጅምር ያሉ ቢዝነሶች (start-ups) 90% ምጣኔ ያለው ውድቀት ያለው ከሚያስመዘግቡባቸው ዋና ምክንያቶች ውስጥ አንዱ በሚፈጥሩት ምርት እና አገልግሎት ላይ እንጂ በገበያ ላይ መሰረት ያደረገ ትኩረት ስለማያደርጉ እንደሆነ መጽሃፉ ያትታል።

የገበያ ቅቡልነት(ማረጋገጫ / Market Validation) ከምርት ሂደት መቅደም አለበት።

📍ይህንን የገበያ ጥናት ማድረግ እና የገበያን ማረጋገጫ ማግኘት (በሌላ ቋንቋ ምርቱን እና አገልግሎቱን አቅራቢው ለገበያ በሚያቀርብበት ዋጋ ፣ የጥራት እና የስርጭት ደረጃ የመፈለግ ምጣኔው ምን ያህል ነው ፣ . . .) ጊዜን እና ሃብትን እንደሚቆጥብ ይነግረናል።


📌ከምርቱ ወይም ከአገልግሎቱ የይዘት ገላጮች (features) ይልቅ ምርቱ/አገልግሎቱ መሬት ላይ ወርዶ ስለሚፈታው ተጨባጭ ችግር ማሰብ የገበያን ትክክለኛ ስሜት እንድናዳምጥ እንደሚያግዝ ያስረዳናል።


📍ውስን ደንበኞች በምርት ሂደት ውስጥ ተሳታፊ እንዲሆኑ እና አስተያየታቸውን በአጽንዖት መውሰድ እና አሰተያየታቸውን ተከትሎ በፍጥነት እርምጃ የመውሰድ ባሕልን ማዳበር (አዎንታዊ ምላሽ በሚኖርበት ጊዜ ትክክለኛ መንገድ ላይ የሚገኝን ሂደት ጠቋሚ በመሆኑ ምርትን (የአገልግሎትን ተደራሽነት) መጨመር ፥ በተቃራኒው ከሆነም ማስተካከያ ማድረግን ያካትታል)


📌 የመለየት ሃይል

ተመሳሳይ ምርት/አገልግሎት በመስጠት ገበያው ላይ የሚገኙ ተፎካካሪዎችን እና ምርታቸውን/አገልግሎታቸውን በመረዳት ገበያው ላይ አዎንታዊ ልዩነትን መቀዳጀት አስፈላጊ እንደሆነ። ከተፎካካሪዎች ጠንካራ ጎኖች በመማር ፥ ድክመታቸውን በማሻሻል ይህንን ማሳካት ይቻላል።


—
#BookReview
#Ethiopreneur_Recommended

Join us @ethiopreneure