FastMereja.com

#ክብሩና ሥልጣኑ ከሰማይ ከፍታ ከፍ የሚል አባት


ዓይናችን በገለጽንበት ቅጽበት ከሚታይ ነገር ላይ እንደሚያርፈው ሁሉ አባታችን በተወለዱ ጊዜ አንደበታቸው ከምስጋና የተገኘ፣ ስለሀገራችን መቶ ዓመት ተዘቅዝቀው የጸለዩ፣ ገና በ3 ዓመታቸው በገዳም መኖር የጀመሩና ከማሕጸን ጀምሮ ለመንፈስ ቅዱስ አገልግሎት የተለዩ፣ ከተወለዱ ጀምሮ እህል ያልቀመሱ፣ በምድረ በዳ እንደመላእክት የኖሩ፣ ከጌታችን ጋር መሞት አይገባኝም ብለው የተከራከሩ ታላቅ ቋድቅ አባት አቡነ ገብረ መንፈስ ቅዱስ፡፡ ትውልዳቸው ግብጽ ንሒሳ ውስጥ ነው፡፡

አባታቸው ስምዖን እናታቸው አቅሌስያ ይባላሉ፡፡ ሠላሳ ሦስት ዓመት በትዳር የቆዩት ቅዱሳን በሩካቤ ስጋ የተዋወቁት ለሦስት ቀናት ብቻ ነው፡፡ ይህም ልጅ እንዲሰጣቸው እግዚአብሔርን እየለመኑ ነው፡፡

በተጋቡ በሰላሳ ዘመናቸው አቅሌሲያ ቤተ እግዚአብሔር ገብታ ከሥላሴ ሥር ወድቃ ስትማጸን “ክብሩና ሥልጣኑ ከሰማይ ከፍታ ከፍ የሚል ንጽሕናው ከሚካኤል ከገብርኤል የሚተካከል ክህነቱ እንደ መልከጼዴቅ እንደ መጥምቁ ዮሐንስ እንደ ነቢዩ ኤልያስ የሆነ ልጅ እንቺ ተቀበይ” የሚል ድምጽ ሰማች፡፡ መጋቢት 29 ፀንሳ በታኅሣሥ 29 ደም ግባቱ እጅግ የሚያምር ወንድ ልጅ እንደወለደች መልአኩ ቅዱስ ገብርኤል በሰው አምሳል መጥቶ “የዚህ ልጅሽ ስሙ ገብረ መንፈስ ቅዱስ ይሁን” አላት፡፡ ወዲያውም ሕፃኑ ከእናቱ ጭን ወርዶ ለአብ ለወልድ ለመንፈስ ቅዱስ ሦስት ጊዜ ሰገዶ “ከጨለማ ወደ ብርሃን ለአወጣኸኝ ለአብ ለወልድ ለመንፈስ ቅዱስ ምስጋና ይሁን” አለ፡፡ እመቤታችን የቅድስት ድንግል ማርያምም ባረከችው ቅዱሳን መላዕክት ዘወትር ከእርሱ ጋር ነበሩ፡፡ ከዚህም በኋላ መልአኩ ቅዱስ ገብርኤል ሕፃኑን አባ ዘመደ ብርሃን የተባሉ አባት ላሉበት ገዳም ሰጣቸው፡፡

ሕፃኑንም የቤተ ክርስቲያንን ትምህርት ሁሉ እያስተማሩ አሳደጉት፡፡ ትምህርቱን በጨረሰ ጊዜ ዲቁና ሰጡት፡፡ ፍጹም የእግዚአብሔር ጸጋ አድሮበታልና ሥራው ሁሉ በዕውቀት የተመላና የተቃና ሆነ፡፡ እንደ ቅዱስ እንጦንስም አስኬማ ሰጡት፡፡ ከዚህም በኋላ አቡነ ገብረ መንፈስ ቅዱስ ቅስናን ተቀበሉና በጾም በጸሎት ተጠምደው በታላቅ ተጋድሎ መኖር ጀመሩ፡፡ እንደ ሐዋርያትም የተአምራትና የፈውስ ሀብት ተሰጣቸውና ድውያንን የሚፈውሱ፣ ሙታንን የሚያነሡ፣ አጋንንትን የሚያወጡ ሆኑ፡፡ ወደ ሰማያት አርገው በረከትና ጸጋ የተቀበሉ፣ አጋንንትን የሚያሳድዱበት፣ ድውያንን የሚፈውሱበት ታላቅ ጸጋ ተሰጣቸው፡፡ ከሰው ተለይተው ወደ ጫካ ገብተው ከስድሳ አንበሶችና ከስድሳ ነብሮች ጋር የሚኖሩት አባታችን፣ እንስሳቱ እርሳቸውን የረገጡትን መሬት ልሰው ጠግበው ይኖራሉ፡፡

ሰውነታቸው አንድ ክንድ ከስንዝር በሚረዝም ጠጉር የተሸፈነው አባታችን ወደ ሀገራችን መጥተው ተጋድሏቸውን ቀጠሉ፡፡ የእግዚአብሔር መልአክ ቅዱስ ገብርኤልም ገዳማቶቻቸው ወዳሉባቸው ወደ ምድረ ከብድና ወደ ዝቋላ ተራራ ወሰዳቸው፡፡ በእነዚህ ገዳማት እየተመላለሱ ሲጸልዩና ሀገራችንን ሲባርኩም ኖረዋል፡፡ ሰው የገዛ ፊቱን በመስታወት እንደሚያይ በሀገራች ያለውን የኃጢአት ስራ ባዩ ጊዜ በዝቋላ ሐይቅ አንድ መቶ ዓመት ተዘቅዝቀው መላው ኢትዮጵያን እንዲምርካቸው ጸልየው ቃል ኪዳን ተቀብለዋል፡፡ የመጨረሻ እረፍታቸውም በምድረ ከብድ ገዳም ነው፡፡ ይህ እረፍታቸውም በየዓመቱ መጋቢት 5 ታስቦ ይውላል፡፡ ገዳማትንና ገዳማውያንን እያሰብን ከበረከታቸው እካፈል፡፡
     

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

44 የገበታ ጨው ምርቶች ከገበያ ታገዱ

#FastMereja I 44 የተለያዩ የገበታ ጨው ምርት ዓይነቶች ሕብረተሰቡ እንዳይጠቀማቸው የኢትዮጵያ የምግብና መድኃኒት ባለስልጣን አሳሰበ፡፡

ባለስልጣኑ በሰራው የገበያ ቅኝት ሥራዎች 44 ዓይነት የምርት መለያ ስም ያላቸው የተለያዩ በአዮዲን የበለፀጉ የምግብ ጨው በሚል ታሽገው ደህንነታቸውና ጥራታቸው ሳይረጋገጥ በተጨማሪም የሀገሪቱን አስገዳጅ ብሔራዊ ደረጃ እና የገላጭ ጽሑፍ ደረጃ ሳያሟሉና ሳይለጥፉ ሲቀርቡ የነበሩ ምርቶች መገኘታቸው ተመላክቷል፡፡

ምርቶቹም የሚከተሉት ናቸው፡-

1. አበሩሰ አዮዳይዝድ ጨው

2. ዛክ የገበታ ጨው

3. ሉሉ የገበታ ጨው

4. ሙሪዳ አዮዳይዝድ ጨው

5. እቱ የገበታ ጨው

6. እቴቴ የገበታ ጨው

7. እፍታ ጨው

8. ኤልሳ የገበታ ጨው

9. ሴፍ  የገበታ ጨው

10. NS አዮዳይዝድ ሳልት

11. ማሚ የገበታ ጨው

12. ሣሊህ  የገበታጨው

13. እማ የገበታ ጨው

14. አዮዲን የገበታ ጨው

15. ቃና የገበታ ጨው

16. ሀርመኒ የገበታ ጨው

17. ውዛት አዮዳይዝድ ሳልት

18. ሐበሻ ባለ አዮዲን ጨው

19. ሪል የገበታ ጨው

20. ሸጋ የገበታ ጨው

21. ጆይ አዮዳይዝድ ሳልት

22. ኮከብ የገበታ ጨው

23. ስኬት የገበታ ጨው

24. ፎር ኤም አዮዳይዝድ ሳልት

25. አዲስ የገበታ ጨው

26. ኤመሬት ጨው

27. አስቤዛ የገበታ ጨው

28. ቶም የገበታ ጨው

29. በረከት የገበታ ጨው

30. ሜናታ የገበታ ጨዉ

31. ቤስት አዮዳይዝድ  ጨዉ

32. አፊአ  የገበታ ጨው

33. ዋን በአዮዲን የበለፀገ የገበታ ጨዉ

34. አቢሲኒያ የገበታ ጨዉ

35. ማሩ የገበታ ጨዉ

36. ባና ኤዳይዝድ ጨው

37. ማራኪ ጨዉ

38. መክሊት የገበታ ጨዉ

39. ዳግም የገበታ ጨዉ

40. አዲስ የገበታ ጨዉ

41. አፍያ ጨዉ

42. ኦማር የገበታ ጨው

43. ገዳ የገበታ ጨው

44. NITSUH IODIZED SALT

#ስለሃይማኖታቸው ክብር ንጉሱን ያልፈሩት ጻድቅ


በአጼ ሱስንዮስ ዘመነ መንግሥት በአሥራ ሰባተኛው መቶ ክፍለ ዘመን የነበሩ ድንቅ ሥራ የሰሩ፣ ተአምረኛና ገዳማዊ አባት ናቸው። እኒህ ታላቅ ጻድቅ ሐዋርያዊ አባት አቡነ ዓምደ ሥላሴ የካቲት 27 ጎጃም ውስጥ ነው የተወለዱት።

የካቲት 17 ቀን መንኩሰው ወደ ተጋድሎ ገብተዋል። በተለያዩ ገዳማት በነበራቸው ቆይታም እመቤታችን ቅድስት ኪዳነ ምሕረት የካቲት 16 ቀን በነበራቸው ፍቅር ይታወቃሉ። ጻድቁ በበርካታ ገዳማት የነበሩ ሲሆን በገዳማዊ ሕይወታቸው በትህርምት፣ በጸሎታቸውና በተጋድሏቸው ዛሬም ድረስ ከሚታወቁ አባቶች አንዱ ናቸው። ጻድቁ አባታችን ዓምደ ሥላሴ ከሚነገሩላቸው ታሪኮች ቅድሚያውን የሚይዘው የተዋሕዶ ጠበቃነታቸው ነው።


በ1603 ዓ.ም ጴጥሮስ ወይም ፔድሮ ፓኤዝ የሚባል ካቶሊካዊ ከሀዲ ወደ ሃገራችን ገብቶ ነበር መኖር ጀመረ፡፡ ከዚያም  ውስጥ ለውስጥ ሲሰብክ ቆይቶ በ1609 ዓ.ም ነገሩ በመገለጡ እነ ራስ ዮልዮስ ለሃይማኖታቸው ጠዳ ላይ ተዋግተው ግንቦት 6 ቀን ተሰው። በ1622 ዓ.ም አጼ ሱስኒዮስ ከነቤተሰባቸው ተጠምቀው ካቶሊክ ሆኑ፡፡ ይህ ነገር ሲሰማ ወንድ ሴት፣ ትልቅ ትንሽ ሳይመረጥ በገጠሩም፣ በከተማውም፣ በገዳሙም ያሉት ሁሉ የተዋሕዶ ልጆች መንቀሳቀስ ጀመሩ። በ1626 ዓ.ም ካቶሊክ የኢትዮጵያ እምነት ነው ብለው ሲያውጁ ግጭቱ በይፋ ተጀመረ። "ተዋሕዶን ካልካዳችሁ" በሚል በቀን እስከ ስምንት ሺህ ሰው በሰይፍ ታረደ። ይህን ያደረጉት ደግሞ አልፎንሱ ሜንዴዝ፣ ንጉሡ ሱስንዮስና ጀሌዎቻቸው ነበሩ።

በጊዜውም ከቤተ መንግሥት የሱስንዮስ ሚስት እነ ንግሥት ወልድ ሰዓላ፣ ከጻድቃን አበው ዘርዓ ቡሩክ ዘግሸን፣ ሐራ ድንግል ዘደራ፣ ምዕመነ ድንግል ዘጩጊ፣ ዓምደ ሥላሴ ዘማኅበረ ሥላሴ፣..... ከቅዱሳት እነ ፍቅርተ ክርስቶስ፣ ወለተ ጴጥሮስ፣ ወለተ ጳውሎስ፣ እኅተ ጴጥሮስ፣..... ለሃይማኖታቸው ተዋሕዶ ጥብቅና ቆመው ሕዝቡን አስተማሩ፤ መከራም ተቀበሉ። ብዙ ኢትዮጵያውያን የመከራ ጽዋን ተጐንጭተው በክብር ሰማእትነት ከተቀበሉ በኋላ የእግዚአብሔር ፍርድ ተገለጠ። በጻድቃኑ በእነ አባ ዓምደ ሥላሴ ሐዘን ንጉሡ ታመሙ ከዚያም ምላሳቸው ተጐልጉሎ ወጣ። በዚህ ጊዜ አቤቶ ፋሲለደስ ለአባ ዓምደ ሥላሴና ለሌሎቹ ቅዱሳን "አባቴን አድኑልኝ! ተዋሕዶም ትመለስ።" አላቸው።

ጻድቁም ከባልንጀሮቻቸው ጋር ጸልየው ንጉሡን አዳኗቸው። እርሳቸውም "ፋሲል ይንገሥ! ተዋሕዶ ሃይማኖት ይመለስ! የሮም ሃይማኖት ይፍለስ!" ብለው አሳወጁ። ከዚህ በኋላ አጼ ፋሲል ሲነግሡ አባ ዓምደ ሥላሴ ለገዳማቸው ብዙ ቦታ አስከልለው በተጋድሎ ኑረው የካቲት 27 ዐርፈዋል።

ገዳማውያን ሃይማኖት ሲነካ አንገታቸውን አሳልፈው እስከ መስጠት መስዋዕትነት ይከፍላሉ፡፡ ሕዝቡን ለማጽናናትና ለማስተማር ከገዳማቸው ይወጣሉ እንጂ በተጋድሎ ጸንተው፣ በትህርምት ረግተው፣ በጸሎት ተግተው ከዓለም ርቀው ነው የሚኖሩት፡፡ በዓለም ላለነው ለኛና ለቅድስት ቤተክርስቲያን ለሀገራችንም ይጸልያሉ፡፡ ገዳማቸውን በመርዳት፣ በዓታቸውን በማጽናት ከበረከታቸው እንሳተፍ፡፡ 


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

#ሐዋርያው ቅዱስ እንድርያስ...


የስሙ ትርጓሜ “ጽኑ በኩር” ማለት ነው፡፡ የቅዱስ ጴጥሮስ ወንድም ሲሆን በመጀመሪያ የተጠራ ሐዋርያ ነው፡፡ በመጀመሪያ የመጥምቁ ዮሐንስ ደቀ መዝሙር የነበረ ቢሆንም መጥምቁ የጌታችንን መንገድ ሲጠርግና ስለ ክርስቶስም ሲሰብክ ስለሰማው በዚያው የጌታችን ደቀ መዝሙር ሆኗል፡፡ ከሰው ጋር ፈጥኖ የመግባባት ችሎታ ስለነበረው በሐዋርያትም ዘንድ እንደ አስተባባሪ ይቆጠር ነበር፡፡ ጌታችን 5 እንጀራና ሁለቱን ዓሣ አበርክቶ ሕዝቡን ሲመግብ እንጀራውንና ዓሣዎቹን የያዘውን ወጣት ወደ ጌታችን ወስዶ እንዲባረክ ያደረገው እንድርያስ ነው፡፡ በዚህም የወጣቶች ሐዋርያ ይባላል፤ ሐዋርያው ቅዱስ እንድርያስ፡፡ ሐዋርያው በሩሲያ፣ በቢታንያ፣ በገላቲያና በሩማንያ ወንጌልን ሰብኮ ብዙ ክርስቲያኖችን አፍርቷል፡፡

የአስቆሮቱ ይሁዳን ተክቶ ሐዋርያው ቅዱስ ማትያስ ከ12ቱ ሐዋርያት ጋር ከተቆጠረ በኋላ ሰውን የሚበሉ ሰዎች ወዳሉባት “እስኩቴስ" ወደተባለች የሩሲያ ክፍል ሄዶ ወንጌልን ይሰብክ ዘንድ ዕጣ ደረሰው፡፡ ቅዱስ ማትያስም አገራቸው እንደደረሰ ዐይኑን አውልቀው አሠሩት፡፡ ምግባቸውም የእንግዳ ሰው ሥጋ ነው፡፡ በልማዳቸው መሠረት ገና እንደያዙት ዐይኖቹን ዐውልቀው እሥር ቤት ይጥሉታል፡፡ እስከ 30 ቀን ድረስም ሳር እያበሉ ያስቀምጡትና በ30ኛው ቀን ከእሥር ቤታቸው አውጥተው አርደው ይበሉታል፡፡ሐዋርያው ቅዱስ እንድርያስ ወንጌልን እየሰበከ በግሪክ አገር ሳለ ክብር ይጋበውና ጌታችን መድኃኒታችን ኢየሱስ ክርስቶስ ተገለጠለትና “ሰውን የሚበሉ ሰዎች ማትያስን ይዘው አሥረውታል፣ ከሦስት ቀንም በኋላ ሊበሉት ከእሥር ቤታቸው ያወጡታልና አንተ አሁን ወደ እነዚያ ሰውን ወደሚበሉት ሰዎች አገር ሂድ” አለው፡፡

እንድርያስም “ጌታዬ ፈጣሪዬ የቀረው ሦስት ቀን ከሆነ እንዴት እደርሳለሁ? ባይሆን ፈጥኖ የሚያወጣው መልአክ ላክለት” አለው፡፡ ጌታችንም “እኔ ሀገሪቱን ነይ ካልኳት በውስጧ ከሚኖሩት ሁሉ ጋር ትመጣለች፤ ፈቃዴ ግን አንተና ደቀ መዝሙሮችህ እንድትሄዱ ነውና ነገ በጠዋት ተነሥታችሁ ወደ ባሕሩ ሂዱ፣ የተዘጋጀች መርከብም ታገኛላችሁ” ብሎት በክብር ዐረገ፡፡ በነጋው ወደ ወደቡ ሲደርሱ ጥሩ የተዘጋጀች መርከብንም አገኙ፡፡ ጌታችንም በሊቀ ሐመር አምሳል ተገለጠለት ነገር ግን እንድርያስ አላወቀውም ነበር፡፡ በመርከቡ ሲጓዙም እንቅልፍ ጣላቸውና መላእክት ወስደው በባሕሩ ዳርቻ አስቀመጧቸው፤ መርከቡ ግን አልነበረም፡፡ እንድርያስም የመርከቡ ቀዛፊ ጌታችን መሆኑን አሁን ዐወቆ ሲጸልይ ጌታችን ተገለጠለትና ማትያስንና አብረውት ያሉትን ከወህኒ ሳይፈራ እንዲያወጣቸው ነገረው፡፡

ቅዱስ እንድርያስና ደቀ መዛሙርቱም መትያስንና እስረኞቹን ሁሉ ነጻ አወጧቸው፡፡ ሰው የሚበሉትን የከተማዋ ሕዝቦችም በድንቅ ተአምራት መልሰው ወንጌል ሰብከው አጠመቋቸው፡፡ ቅዱስ እንድርያስ የቍስጥንጥንያ የመጀመሪያው ሊቀ ጳጳስም ነው፡፡ በግሪክ ሲያስተምር ከሃዲያን ይዘው በ60 ዓ.ም ታኅሣሥ 4 ቀን ሰቅለው ገድለውታል፡፡ ሊሰቅሉት ሲወስዱትም “ጌታዬ በተሰቀለበት ዓይነት መስቀል አትስቀሉኝ” በማለት ሲለምናቸው እነርሱም ፍቃዱን ፈጽመውለት የእንግሊዝኛው ኤክስ (X) ፊደል ቅርጽ ባለው መስቀል ላይ ሰቅለውታል፡፡ ስኮትላንዶች የቀኝ የእጆቹን ጣቶች በአንድ መነኩሴ አማካኝነት ስላገኙ ሐዋርያው እንድርያስን ‹‹ጠባቂያችን›› ነው እያሉ ይመኩበታል፡፡ በረከቱ ትደርብ አሜን፡፡  


በገዳማዊ ኑሮ ያሉትን እየረዳንና በዓታቸውን እያጸናን የበረከታቸው ተሳታፊ እንሁን፡፡


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

#ዓለም ላይ እርሱን የመሰለ ጠቢብ ፈጽሞ አይነሳም 

እስከ ዓለም ፍጻሜ በተሰጠው ጥበብ እርሱን የሚመስል ከሰው ልጅ ወገን እንደማይነሳ ይነገርለታል፡፡ መፍቀሬ ጥበብ፣ ጠቢበ ጠቢባን፣ ንጉሠ እሥራኤል፣ የጽድቅ ነቢየ፣ ሰላማዊው ንጉስ እየተባለ ይጠራል፡፡ አባቱ ታላቁ ነቢይና ንጉሥ ልበ አምላክ ቅዱስ_ዳዊት ነው፡፡ እናቱ ደግሞ ቤርሳቤህ ወይም ቤትስባ ትባላለች፡፡ ከ3ሺ ዓመታት በፊት የተወለደው ቅዱስ ሰሎሞን እስከ 12 ዓመቱ ድረስ በቤተ መንግሥት ከአባቱ ጋር አድጓል፡፡ ቅዱስ ዳዊት 70 ዘመን በሞላው ጊዜ የአካሉን መድከም አይቶ አዶንያስ በጉልበት እነግሣለሁ ቢልም አልተሳካለትም:: እግዚአብሔር ሰሎሞንን መርጧልና ገና በ12 ዓመቱ ነገሠ:: ልበ አምላክ አባቱ ዳዊት ነፍሱ ከሥጋው ከመለየቷ በፊት መከረው:: "ልጄ ሆይ! ልብህን ስጠኝ:: ፈጣሪህንም አምልክ" አለው::

በሰፊው የሚታወቀው ልክ እንደ አባቱ እስራኤልን ለአርባ ዓመት በማስተዳደሩና ታላቁን ቤተ መውደስ በመገንባቱ ነው፡፡ እንደ ነገሠም በገባዖን ለእግዚአብሔር መስዋዕትን አቀረበ፡፡ ጌታም ተገልጾ "ምን ትፈልጋለህ?" አለው፡፡ ሰሎሞንም እንደ አባቱ ማስተዋልን፣ ልቡናን ለመነ፡፡ ጌታም ደስ ስለተሰኘ "ከአንተ በፊትም ሆነ ከአንተም በኋላ እንዳንተ ያለ ጠቢብና ባለጸጋ ሰው አይኖርም" ብሎታል፡፡ ግሩም በሆነ ፍርዱ፣ በልዩ ጥበቡ ስለርሱ የሰማው ዓለም ሁሉ ተገዛለት፡፡ የእኛዋ ታላቅ ንግስተ ሳባ /ማክዳም/ ትፈትነው ዘንድ ሒዳ ምኒልክን ጸንሳ መምጣቷ በሁዋላም ለታቦተ ጽዮንና ሥርዓተ ኦሪት መምጣት ምክንያት ሆኗል፡፡ ቅዱስ ሰሎሞን በተለይ ስለ ድንግል ማርያም የጻፈው ምስጋና እንደ አባቱ ቅዱስ ዳዊት ዛሬም ድረስ በቅድስት ቤተክርስቲያንችን ጥቅም ላይ ይውላል፡፡

ንጉስ ሰሎሞን ድንግል ማርያም ከእርሱ ዘር እንደምትወለድ ሲነገረው፣ አንድም ሥጋ ለባሽ ሰው ነውና ሁለተኛም ከብዙ ሴቶች መካከል ከአንዷ እመ ብርሃን ትገኛለች መስሎት መፍቀሬ አንስት ሆነ፡፡ ከአሕዛብ ወገን ከፈርዖን ልጅ ጋር በመወዳጀቱም ለጣዖት ሰግዶ እግዚአብሔርን ቢያሳዝንም በራዕይ ተገልጦ "ስለ ወዳጄ ስለ ዳዊት ስል በአንተ ላይ ክፉን አላደርግም" አለው፡፡ ታላቁ ነቢይ ሰሎሞን ይህንን ሲሰማ ወደ ልቡ በመመለስ ማቅ ለብሶ፣ አመድ ነስንሶ በፍጹም ልቡ ንስሃ በመግባቱ ጌታችን ንስሃውን ተቀበለው፡፡ አሁን ድረስ ድንቅ ጥበብ የያዙትን መኃልየ መኃልይ ዘሰሎሞን፣ መጽሐፈ ጥበብ፣ መጽሐፈ ምሳሌ፣ መጽሐፈ ተግሣጽ፣ መጽሐፈ መክብብ የተባሉ አምስት መጻሕፍት ገለጸለት፡፡

“ወዳጄ ሆይ፥ እነሆ ውብ ነሽ፤ እነሆ አንቺ ውብ ነሽ፤ ዓይኖችሽም እንደ ርግቦች ናቸው።” ናቸው ሲል ቅድስት ድንግል ማርያምን አመስግኗታል፡፡ ዘመናትን መዋጀት እንደሚገባ ሲነግረንም በተለይ ትልቁን የወጣትነት ጊዜ በጥበብ ቃላት ሲገልጸው “የጭንቀት ቀን ሳይመጣ በጉብዝናህ ወራት ፈጣሪህን አስብ፡፡ ደስ አያሰኙም የምትላቸውም ዓመታት ሳይደርሱ፤ ፀሐይ፣ ጨረቃና ከዋክብትም ሳይጨልሙ፤ አፈርም ወደ ነበረበት ምድር ሳይመለስ፤ ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ፡፡” ይለናል፡፡ በመጽሐፈ ምክብብም በዚህ ዓለም ምንም ብንሰበስብ እግዚአብሔር ከሌለበት እንደማይረባ ሲነግረን "ከንቱ፣ ከንቱ፣ ሁሉ ከንቱ ነው" ይላል:: ጠቢብ፣ ነቢይና ንጉስ ሰሎሞን በዚህች ዕለት በ52 ዓመቱ ዐርፎ ወደ ፈጣሪው መሔዱን “ድርሳነ መስቀል” ላይ ሰፍሮ ይገኛል፡፡


በገዳማዊ ኑሮ ያሉትን እየረዳንና በዓታቸውን እያጸናን የበረከታቸው ተሳታፊ እንሁን፡፡


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

የፍቅር ጥያቄዬ ምላሽ አላገኘም ያለው ሁለት ሰዎችን ገድሎ ራሱን አጠፋ

በአዲስ አበባ ልደታ ክፍለ ከተማ ወረዳ ስድስት ካርል አደባባይ አካባቢ በሚገኝ የኢትዮጵያ ንግድ ባንክ ቅርንጫፍ አንድ ግለሰብ ሁለት ሰዎችን ገድሎ ራሱን እንዳጠፋ የአዲስ አበባ ፖሊስ ለቢቢሲ ተናገረ።

ክስተቱ ያጋጠመው ትናንት ማክሰኞ መጋቢት 02/2017 ዓ.ም. ሲሆን፤ ለሦስት ሰዎች ሞት ምክንያት የሆነው ሁኔታ የተፈጠረው 'የፍቅር ጥያቄዬ ምላሽ አላገኘም' በሚል ምክንያት መሆኑን ፖሊስ ገልጿል።

አቶ ሽፈራው ረጋሳ የተባለ የባንኩ የጥበቃ ሠራተኛ ለሥራ ባልደረባው የፍቅር ጥያቄ አቅርቦላት ምላሽ ባለማግኘቱ ግለሰቧን እና ከግለሰቧ ጋር የፍቅር ግንኙነት አለው በሚል የጠረጠረውን ሌላ ባልደረባውን በመግደል ራሱን እንዳጠፋ አዲስ አበባ ፖሊስ አስታውቋል።

ግለሰቡ የፍቅር ጥያቄ ያቀረበላት ወይዘሪት ሃና ተስፋዬ የተባለች 32 ዓመት ወጣት እና አቶ ንጉሤ ብርሃኑ የተባለ የሥራ ባልደረቦቹን በጥይት ተኩሶ የገደለው።

የአዲስ አበባ ፖሊስ የሕዝብ ግንኙነት ኃላፊ ኮማንደር ማርቆስ ታደሰ ለቢቢሲ እንደገለጹት ወንጀሉን የፈፀመው የጥበቃ ሠራተኛ ካልተራው ሌላ ሠራተኛን ተክቶ በመግባት እና ከምሽት የጥበቃ ሠራተኞች የጦር መሳሪያ በመቀበል ግድያውን ፈፅሟል።

ግለሰቡ ግድያውን የፈጸመው ተጠርጣሪው ወደ ዕለታዊ ሥራቸው እስኪገቡ ድረስ በመጠበቅ መጀመሪያ አቶ ንጉሤ ብርሃኑ የተባለውን ግለሰብ በሁለት ጥይት መትቶ መግደሉን ኮማንደር ማርቆስ ገልጸዋል።

ግድያው ማክሰኞ መጋቢት 2/2017 ዓ.ም. ጠዋት ከአንድ ሰዓት ተኩል እስከ ለሁለት ሰዓት ሩብ ጉዳይ ድረስ ባላው ጊዜ ውስጥ መፈፀሙን የተናገሩት የአዲስ አበባ ፖሊስ ቃል አቀባይ፤ በሁለቱ ግድያዎች መካከል እስከ 15 ደቂቃ የሚሆን የጊዜ ክፍተት እንደነበረ አመለክተዋል።

ግድያውን የፈጸመው ግለሰብ ባልደረባውን ተኩሶ ከገደ በኋላ ሌላኛዋን የጥቃቱ ሰለባን ከመግደሉ በፊት ከድርጊቱ እንዲቆጠብ መጠየቁን ነገር ግን ፈቃደኛ እንዳልነበረ ተገልጿል።

ግለሰቡ መሳሪያውን እንዲያስቀምጥ እና እጁን እንዲሰጥ በተደጋጋሚ በተደጋጋሚ ጥያቄ ቀርቦለት የነበረ ሲሆን፣ በዚህ መካከልም ወደ ባንኩ አንደኛ ፎቅ በማምራት የፍቅር ጥያቄውን አልተቀበለችም ያላትን በተመሳሳይ ሁኔታ በጥይት መትቶ መግደሉን ፖሊስ ገልጿል።

ግለሰቡ ሁለቱን ባልደረቦቹን ከገደለ በኋላ በያዘው መሳሪያ የእራሱንም ሕይወት እንዳጠፋ የአዲስ አበባ ፖሊስ የሕዝብ ግንኙነት ኃላፊ ለቢቢሲ ገልጸው በክስተቱ በአጠቃላይ የሦስት ሰዎች ሕይወት ጠፍቷል።

ሁለቱ ሟቾች ወ/ሪት ሃና ተስፋዬ እና አቶ ንጉሤ ብርሃኑ የፍቅር ግንኙነት እንደነበራቸው የሚጠቁም ፎቶግራፎች መገኘታቸውን የጠቆሙት ኃላፊው፤ ፖሊስ በምርመራው ስለግንኙነታቸው እንደሚያጣራ ገልፀዋል።

ከዚሁ ክስተት ጋር በተያያዘ ፖሊስ እያካሄደ ያለውን የምርመራ ሂደት እንደሚቀጥል አስታውቋል።

ቢቢሲ ስለ ግድያው ተጨማሪ መረጃ ለማግኘት የኢትዮጵያ ንግድ ባንክ ኃላፊዎችን ለማነጋገር ያደረገው ጥረት አልተሳካም።

ዘገባው የቢቢሲ ነው።