አዲስ ምልከታ🌍

በካቶሊኮች ዘንድ ያለውን በገና ዋዜማ መዝሙር የመዘመር ስርአት ወይም "Christmas Carol" የሚሉትን እዚህ መተግበር ለምን አስፈለገ? ወጣቱን መሰብሰብ በሚል መልካም በሚመስል ሃሳብ ቀባብቶ ማቅረብስ ለምን?

ሲጀመር ዲያቆን ሄኖክ አውግስጢኖስ (Augustine) የሚባለውን ካቶሊኮች እንደ ቅዱስ የሚያዩትን መናፍቅ ሰው ማወደስ እና ስለሱ ደጋግሞ ማውራት ሲጀምር ነው መጠርጠር የነበረብን።

የክርስቶስ ልደት በቅዱስ ኤፍሬም

እመቤታችን በቤተልሔም ርሱን እየደባበሰች ዘመረችለት ስትስመውም ርሷን ለማግኘት ዞረላት፣ ወደ ርሷም ተመልክቶ በርሷ ላይ ዐርፎ እንደ ሕፃናት ፈገግ አለ፤ በጨርቅም ተጠቅልሎ በበረት ውስጥ ተኛ (ሉቃ ፪፥፯)፤ ማልቀስ ሲዠምር ተነሥታ ወተት ሰጠችው፤ ስትዘምርለት ዐቀፈችው፤ እስክታቅፈው ድረስም በጉልበቶቿ ተንበረከከች፡፡

የአንተ ዘር የኾነ ዳዊት ከመምጣትኽ በፊት በረጅም ግጥም ይዘምርልኻል፣ ተቀዳሚ ተከታይ የሌለኽ የእግዚአብሔር ልጅ ሆይ በሳባ ወርቅ ትንቢት ውስጥ የዘመረልኽ ፣ - እና አኹን መዝሙሩ እውነት ኾኗል (መዝ ፸፩፥፲፭)፣ እነዚኽ ወርቆች፣ እጣንና ከርቤ ለአንተ ለጌታ ለኀያሉ ልጅ ቀርበውልኻል፣ ወርቅ ለንጉሥነትኽ፣ ዕጣን ለመለኮታዊነትኽ፣ ከርቤም ሥጋን ስለ መዋሐድኽ (ማቴ ፪፥፲፩)፡፡

አንተ በአባትኽ ዕሪና፣ በማርያም ውስጥም ነኽ እና በሠረገላውም ላይና በበረት ውስጥ በኹሉም ቦታ ነኽ! በእውነት በአባትኽ ዕሪና ውስጥ ነኽ፣ ያለምንም ጥርጥር በማርያም ውስጥ ነኽ፣ በሠረገላው ላይ እና በተናቀው በረትም ውስጥና በኹሉም ቦታዎች፤ አንተ የኹሉ ፈጣሪ ምሉእ በኲለሄ የኹሉ ሠሪ፤ አንተ ከአባትኽ ነኽ፣ ቢኾንም ግን ከማርያምም ነኽ፤ አንተ አንድ ነኽ፣ አንተ የመጣውና የሚመጣው ነኽ (ዕብ ፲፫፥፰)፡፡

የአንተን መለኮታዊነት በጥልቀት በመመራመር ለሚፈልገውና ለሚመረምረው ወዮለት፤ አንተን የማያምን ወዮለት፣ ለአንተ ፍቅሩን የማያሳይ ወዮለት፣ በአንተ እምነት የሌለው ወዮለት፣ አንተን ችግር (ሕጸጽ) አለብኽ ብሎ የሚያስበው ወዮለት፣ የአንተን ስም እግዚአብሔር እንደኾንኽ የሚጽፈው የተባረከ ነው፤ የአባትኽ በረከት፣ የፍቅርኽ በረከት የመንፈስኽ በረከት በአንተ ልደት በሚደሰት ላይ ኹሉ ላይ ይኹን!፡፡

የባሕርይ አምላክ ለኾንኸው ብላቴና እሳታሞች የሚካኤል ነገድ ይርዳሉ! ኪሩቤሎችና ሌሎቹ እንስሳት ተቀናጅተው ሠረገላኽን ይሸከማሉ፤ የኤልሻዳይ ልጅ ሆይ ርቱዕ የኾኑት መንኰራኲሮች ላንተ በቂ አይደሉም (ራእ ፬፥፮)፤ ግን የማርያም ንጹሕ ዕቅፏ አንተን ይዟል፣ ይኽ እንዲኾን ቸርነትኽ ፈቅዷልና፤ የማትወሰን ስትኾን ተወሰንኽ የምሕረትኽ ባሕር የማይወሰን ሲኾን፡፡

የአንተ ዕይታ አስደሳች ነው፤ መዐዛኽ ጣፋጭ ነው፣ አፎችኽ ቅዱስ ናቸው፤ ቅዱስ እግዚአብሔር ሆይ ከአንተ ሕይወት ኹሉ ይመጣል፤ የአንተ ኅብስትነት ቤተ ኅብስት ለተባለችው ቤተልሔም ሕይወት ነው፤ ለሚኖሩት ኹሉ ሕይወታቸው ነኽ፤ እስትንፋስኽ እንዴት ጣፋጭ ነው? ሕፃንነትኽ እንዴት ተፈቃሪ ነው፤ አንተ ለምግብነት በጣም የምትፈለግ ሩህሩህ ሆይ የሰማያት ምግብ የኾንኽ ለአዕዋፍም ሕይወትን የሰጠኽ ነኽ፤ ከድንግል የተወለድኽ ብላቴና ሆይ የአንተን ደም የናፈቀ የተባረከ ነው (፩ኛ ዮሐ ፩፥፯)፡፡

ሕያው የእግዚአብሔር ጠቦት ሆይ እረኞች ለአንተ የሚጠባን ጠቦት በስጦታ አቀረቡልኽ፤ ተንበርክከው አመለኩኽ፣ አንተን ዐውቀውኽ ምስጋናቸውን ለእውነተኛው እረኛ ለአንተ ለጌታ አቀረቡ (ሉቃ ፪፥፳)፡፡ ረቂቃን ከኾኑ ከመላእክት ምስጋና “ክብር ለእግዚአብሔር በአርያም ይኹን ሰላምም በምድር ለሰውም በጎ ፈቃድ” በማለት ምስጋናን ከሚያቀርቡ በግልጽ ከሚያውጁ ረቂቃን ከኾኑ ከመላእክት ክብር የተነሣ ኹሉም በመገረም ተመለሱ (ሉቃ ፪፥፲፬)፡፡

አንተ የአብ ልጅና የማርያም ልጅ ነኽ፡- አንድና ተመሳሳይ ነኽ የእግዚአብሔር ቃሉ ሆይ አካል ዘእምአካል ባሕርይ ዘእምባሕርይ ከአብ የተወለድኽ ከተፈጥሮ ውጪም (በላቀ) ከእናቱ ተወልደኽ የመጣኽ … የባሕርይ አምላክ ሆይ አንተ ብቸኛ ልጅ ነኽ፤ ባንተ ውስጥ የማያልቅ የሚነገር ስዉር ጥበብ አለ፤ ስለዚኽም ከዳዊት የራሱ ልጅ ድንግልናዊ ወተትን ተኝተኽ ትጠባለኽ፡፡

ኀያሉ እግዚአብሔር ሆይ ማሕፀኗ ወልዶኻል፣ የከብቶች ግርግም በቅቷል (ሉቃ ፪፥፯) ስምዖን ተሸክሞኻል (ሉቃ ፪፥፳፰)፤ እዚኽ ላይ አንተ ሊነካ እንደሚችል የኾነ ሰው በሰውነት ቅርጽ ተወስነኽና ተይዘኻል፡፡ በጭራሽ ሊወሰን የማይችል ባሕርይ ነኽ ግን በዚኽ ላይ በትንሿ የከብቶች ግርግም ላይ ተወስነኻል! አኗኗርኽን ማን ሊይዘው ይችላል እዚኽ ላይ በተወሰነ ቦታ ውስጥ ነኽ! ምንም እንኳን ልትወሰን የማትችል ወልድ ብትኾንም ግን በተዋሐድከው ሥጋ ለመወሰን ፈቃድኽ ኾኗል፡፡

የምትመስለው ማንን ነው? አባትኽንም እናትኽንም ትመስላለኽ፤ እግዚአብሔር መጠን የለውም ከቀለምኽ ውጪማ በኀያልነትና በባሕርይ በአኗኗርም ጭምርና በሥልጣን አባትኽን ትመስላለኽ (ዮሐ ፲፬፥፱)፡፡ ግን የሰውን ቅርጽ ያገኘኽባት የወለደችኽ ማርያምንም ጭምር ትመስላለኽ፤ አባትኽንም እናትኽንም ራስኽንም ትመስላለኽ፡፡ አርአያ ገብርን ለነሣኸው ለአንተ ምስጋና ይግባኽ (ፊልጵ ፪፥፯)፡፡

አንተ እንዴት ጽኑዕ ነኽ፤ ግን ቅን (ትሑት)ና ኀያልም ጭምር ነኽ! (ማቴ ፲፩፥፳፱) የአንተ ልደት የተሰወረና የተገለጸ ነው፤ እንደ ብላቴና በማንኛውም ሰው ፊት ለፊት ራስኽን ታስጠጋለኽ፡፡

ለሚያጋጥሙኹ በሙሉ ፈገግ ትላለኽ፤ ለሚስሙኽ በሙሉ ዐይኖችኽ በደስታ ይፍለቀለቃሉ፤ ከንፈሮችኽ የሕይወትን በጎ መዐዛ ይመግባሉ (ያስገኛሉ) (መሓ ፬፥፲፩)፤ ከጣቶችኽ ጫፍ በጎ መዐዛ ያለው ከርቤ ይንጠባጠባል (መሓ ፭፥፭)፤ ዐይኖችኽ የአንተን ዕይታ በተራበችው እናትኽ ላይ በፍቅር ተተክለዋል፤ ልክ እንደ ቤተ ክርስቲያኗ የራሷ ልጆች (ምእመናን) በአንተ የተራቡ ናቸው፡፡

ወስብሐት ለእግዚአብሔር

Source: @ortodoxmezmur

አንድ ሰው በአስተሳሰቡና የእምነት ስርአቱ ውስጥ ከሚያስፈልጉት ወሳኝ ነገሮች አንዱ ወጥ የሆነ የተስተካከለ እምነቶችን መያዝ ነው። ይህን ስንል ምን ማለታችን ነው? አረፍተ ነገሩን አንድ በአንድ ተንትነን እንመልከት።

በመጀመሪያ የእምነት ስርአት ስንል ምን ማለታችን ነው? ይህ ማለት አንድ ሰው የሚያምናቸውና የሚቀበላቸው ሀሳቦች እምነቶች ስብስብ ነው። በተለያዩ ጉዳዮች ላይ ግለሰቡ ያለው እምነት ወይም አቋም በአጠቃላይ ሲሰበሰብ የግለሰቡ እምነት ስርአት ይሆናል።

ታዲያ ይህ የእምነት ስርአት ወጥ ነው ስንል ደግሞ የሚያምናቸው ሀሳቦችና እምነቶች የማይጣረሱ፣ የማይምታቱ፣ የተስማሙ ናቸው ማለታችን ነው። ለምሳሌ ሰዎች እግዚአብሔር ዓለምን ፈጠረ ብለው ያምኑና መልሰው ደግሞ በኢቮሉሽን እናምናለን ይላሉ። ይህ የእምነት ስርአታቸው ወጥ አለመሆኑን ያሳያል።

በሌላ መልኩ ካየነው ደግሞ አንዳንዴ አንድን ሀሳብ እንደ እውነት ከተቀበልን በኋላ፣ የእምነት ስርአታችን ወጥ ይሆን ዘንድ የዛን ሀሳብ ድምዳሜም መቀበል አለብን። ማለትም ያንን ሀሳብ ተከትሎት የሚመጣውን ምክንያታዊ ድሞዳሜም ትክክል መሆኑን ማመን አለብን። ለምሳሌ ሰዎች ሁሉ መጥፎ ናቸው ብለን የምናምን ከሆነና አንድ መልካም ሰው ካጋጠመን፣ ይህ ሰው መልካም ነው ካልን አስተሳሰባችን ወጥ አልሆነም፣ የእሳቤያችንን ምክንያታዊ ድምዳሜም አንቀበልም ማለት ነው።

ማለትም "ሰው ሁሉ መጥፎ ነው" የሚለውን ሃሰብ እንደ እውነት ከተቀበልን፣ "ይህም ሰው መጥፎ ነው" የሚለው የርሱ ምክንያታዊ ድምዳሜ ነው። ስለዚህ ምክንያታዊ ድምዳሜውን መቀበል አለብን ማለት ነው።

አንዳንድ ጊዜ ደግሞ ሰዎች የተሳሳቱ ሀሳቦችን እንደ እውነተኛ ይቀበላሉ። ከዚያም ቀጥሎ ያለው የሀሳቡ ድምዳሜ ይበልጥ የተሳሳተ መሆኑን ሲያዩ እሱን ሳይቀበሉ ይቀራሉ። ነገር ግን አስተሳሰባቸው ወጥ እንዲሆን ሁለቱንም መቀበል አለባቸው። ወጥ ካልሆነ ትልቅ ችግር ያጋጥማቸዋል። ለምሳሌ አስተሳሰባቸው ወይም የእምነት ስርአታቸው ወጥ አለመሆኑን ያስተዋለ ሰው በክርክር ወቅት የሀሳባቸው ድምዳሜ የሆነውን የተሳሳተ ሀሳብ እንዲቀበሉ ሊገፋፋቸው ይችላል። የተሳሳተ ሀሳብ የሆነው ድምዳሜ በትክክል የመጀመሪያ የተቀበሉት ሀሳብ ምክንያታዊ ድምዳሜ መሆኑን በትክክል አሳይቶ እንዲቀበሉ ሊገፋፋቸው ይችላል። ያኔም መቀበል ግድ ይሆንባቸዋል። ይህን በምሳሌ ለማስረዳት ያህል፣ "ሀሉም እንስሳት አራት እግር አላቸው" የሚለውን ሀሳብ እንደ እውነት የተቀበለ ሰው፣ "ዶሮ አራት እግር አላት" የሚለውን የሀሳቡን ድምዳሜም እንደ እውነት መቀበል ይኖርበታል። ምክንያቱም እንስሳት ሁሉ አራት እግር ካላቸው ዶሮም አራት እግር ሊኖራት ይገባል። ምክንያቱም ዶሮ እንስሳ ናት።

ስለዚህ ይህ ሰው ሁለት ምርጫ አለው። ወይ ድምዳሜውን መቀበል፣ አልያም መነሻውን ሀሳብ ከነ አካቴው መተው።

ይህንን ሀሳብ በሌላ ወሳኝ ምሳሌ እንመልከተው። አንድ ክርስቲያን ሰውን እንውሰድ። ይህ ሰው ክርስቲያን ነኝ ብሎ ካሰበ፣ ፈጣሪ ምድርን በስድስት ቀን ፈጠራት የሚለውን ሀሳብም መቀበል አለበት። ካልሆነ የእምነት ስርአቱ ወጥ አይደለም ማለት ነው። ሀሳቡን አንድ እርምጃ ወደፊት ብንወስደው፣ ብዙ ክርስቲያኖች በግሎብ ምድር ያምናሉ። ስለዚህ የምንኖርባት ምድር በትልቅ ድቡልቡል ፀሐይ ዙርያ የምትሄድ ድቡልቡል ፕላኔት ናት ብለው ያምናሉ። ይህም ሰው ያንን ያምናል እንበል።

ይህ ሰው ከላይ በጠቀስነው ካመነ፣ በቢግ ባንግም ማመን አለበት። ለምን? ምክንያቱም በግሎብ ቲዮሪ መሠረት ዓለም የተፈጠረችው በዚያ መልኩ ስለሆነ። ያንን ብቻ አይደለም። ይህ ሰው በኢቮሉሽን ማመን አለበት። ምክንያቱም ሳይንሱ እንደሚለው በግሎብ ምድር ላይ ህይወት የተገኘው በመቶ ሚሊዮን ዓመታት ሂደት ውስጥ ነው። በውቂያኖስ ውስጥ ኬሚካሎች ተቀላቅለው ባክቴሪያ፣ ከባክቴሪያ አሜባ መሰል ነገሮች ተገኙ፣ ከሱም የባህር ውስጥ ትል ተገኘ፣ ከትሉም ሄዶ ሄዶ አሳ፣ አሳም ከባህር ወጥቶ አዞ፣ አዞም በሂደት ወደ አጥቢ እንስሳ አይነት፣ ያም ተቀይሮ ወደ ተለያዩ ዝርያዎች ተቀየረ፣ ከርሱም ዝንጀሮ መሰል እንስሳት ተገኙ ሰውም ከነሱ ከአንዱ ተገኘ ይላል።

ስለዚህ፣ ምድር ከቢሊዮን ዓመታት በፊት በድንገተኛ ክስተት የተገኘች ፕላኔት ናት የሚለውን ከተቀበልን። እኛም በሷ ላይ በሚሊዮን ዓመታት ድንገተኛ ሂደት ውስጥ ነን የተገኘነው የሚለው የሱ ምክንያታዊ ድምዳሜ ይሆናል።

ስለዚህ የመጀመሪያውን ሀሳብ የተቀበለ ሰው ሁለተኛውንም መቀበል ግድ ይሆንበታል። ነገር ግን ያንን የተቀበለ ሰው ተመልሶ ፈጣሪ በስድስት ቀን ዓለምን ፈጠራት የሚለውን ሊቀበል ይችላል?

መልሱ አይችልም ነው። ለራሱ ሀቀኛ የሆነ ሰው ያንን ማድረግ እንደማይችል ያምናል። ለዚያ ነው ብዙ ሳይንስ የገባቸው ሰዎች የፈጣሪን መኖር የሚክዱት። ምክንያቱም ሁለቱ ሀሳቦች መሠረታዊ ቅራኔ እና መጣረስ በመካከላቸው እንዳለ እውቅና ስለሚሰጡ።

የዚህ ጽሑፍ ዓላማ በፈጣሪ መኖር እንዳታምኑ ማድረግ አይደለም። ይልቁንም፥ አማራጩን ሀሳብ መስጠት እንጂ። አማራጩ ምንድን ነው?

ቀድሞውኑ መነሻ ሀሳቡን አለመቀበል።

"ምድር በቢሊዮን ዓመታት ድንገተኛ ክስተቶች ሂደት የተፈጠረች ዱቡልቡል አካል ናት" የሚለውን በሙሉ ወደጎን መተው ነው።

ያንን ካደረግን፣ የእምነት ስርአታችን ያልተጣረሰ ወጥ ይሆናል። ምክንያቱም አንደኛ፣ ፈጣሪ በእቅድና በዓላማ ፈጠረን ከሚለው እምነታችን ጋር አይጋጭም። ሁለተኛ፣ "ምድር በቢሊዮን ዓመት ድንገቴ ክስተቶች የተፈጠረች ግሎብ ናት" የሚለውን የተሳሳተ ሀሳብ ሳንቀበል ከተውን፣ "አስቦና አቅዶ ዓለምን የፈጠረ አካል የለም" የሚለውን የተሳሳተ፣ ግን የዛኛው ምክንያታዊ ድምዳሜ የሆነውን ሀሳብም መቀበል አይኖርብንም።

ስለዚህ ወጥ የእምነት ስርአት ካለን ምን ብለን እናምናለን? ፈጣሪ በእቅድና በዓላማ ዓለምን ፈጠረ፣ ምድርም በርሱ የተፈጠረች ዝርግ አድርጎ ላይዋን በሰማይ ጉልላት ከድኖ ፈጥሯታል፣ እኛንም የሚያስፈልገንን ሁሉ ሰጥቶ በርሷ ውስጥ አኑሮናል።

ብለን እናምናለን።

ስለ ሶማሊላንድ።

ከቅርብ ጊዜያት እየተካሄዱ ካሉ ክስተቶች አንጻር እና ከአንዳንዶቻችሁ ጥያቄም አንጻር ይህን ርዕስ አንስተን ማውራት ተገቢ ስለሆነ እንዳስሰው። ሶማሊላንድ ማነች? ታሪኳ ምንድን ነው? በሷ ምክንያት ኢትዮጵያና ሶማልያ ወደ ጦርነት የመግባት እድል የደረሰባቸውስ ለምንድን ነው?

ታሪኩን ለመረዳት መጀመሪያ ስለ ሶማሊ ህዝብ ማንሳት ይጠበቅብናል። ይህ ህዝብ ሰፊና ውስብስብ ታሪክ ያለው በመሆኑ በዚህ በአንድ ፖስት የምጨርሰው አይደለም። ግን በጥቂቱ እንመልከት። የሶማሊ ህዝብ የተለያዩ ጎሳዎች አሉት። ከነዚህ ጎሳዎች ደግሞ ዲር የሚባለው አንዱ ነው። ይህ ጎሳ የድሬደዋ ከተማ ስም በርሱ የተሰየመ ነው። ከሃረር እስከ ዘይላና በርበራ ማለትም የህንድ ውቅያኖስ ድረስ የተዘረጋ በሶማሊያም በኢትዮጵያም የተንሰራፋ ጎሳ ነው። ይህ ጎሳም ሆነ ሶማሊዎች በአጠቃላይ የተለያዩ ሱልጣኔቶች እና ግዛቶችን አስተናግደዋል። ከነዚህም የአዳል ሱልጣኔት አንዱ ነበር። አዳል ሱልጣኔት፣ ከፊል ሶማሊላንድን፣ የዛሬዎቹን ሃረርና ድሬደዋ አከባቢ ጨምሮ ይገዛ ነበር። በኋላ ይህ መንግስት ከወደቀ በኋላ የኢሳቅ ሱልጣኔት የሚባለው በ18ኛው ክፍለ ዘመን በርሱ ቦታ ተነስቶ ነበር። ይህንንም የመሠረቱት የሶማሊ ጎሳዎች ኢሳቅ የሚባል ከሳኡዲ አረቢያ የመጣ ሰው ከርሱ ተገኝተናል ብለው የሚያምኑ ሲሆኑ የኢሳቅ ጎሳ ተብለው ይታወቃሉ።

ወደ ኋላ ትንሽ መለስ እንበልና፣ የዲር ጎሳ፣ ኦሮሞዎች ወደ ቦታው ሲመጡ ወደ ራሳቸው አሲሚሌት ስላደረጓቸው ይህ ቅልቅል ዛሬ ላይ ሃረርጌ የምንለው ክፍለ ሀገር ውስጥ ያሉትን ህዝብ አስገኝቷል። በሌላ ስማቸውም "አፍረን ቀሎ" በመባል ይታወቃሉ። ታድያ እነዚህ የዲር ጎሳዎች በኦሮሞ አሲሚሌት የሆኑት ብቻ ሳይሆኑ በመላው የዛሬዋ ሶማሊያ፣ የኛዋ ሶማሊ ክልል፣ እንዲሁም በከፊል ጅቡቲ ውስጥም ይገኛሉ። በስራቸውም ብዙ ንኡስ ጎሳዎች አሏቸው። ከነዚህ ውስጥም የኢሳ ንኡስ ጎሳ ይገኝበታል። ይህኛው ኢሳ ቀደም ብለን ካነሳነው ኢሳቅ ጋር አንድ አይደለም። ግን ሁለቱም ሶማሊላንድ እና በከፊል ጅቡቲ ውስጥም ይገኛሉ። ኢሳዎች አሁንም ኢትዮጵያ ውስጥ አፋሮችን ጎረቤት ሆነው ይገኛሉ። አንዳንዴም በመሃላቸው ግጭት ይነሳል። ምናልባትም በሁለቱ መሃል የሚፈጠር ግጭት ለመላዋ ኢትዮጵያ —— ወረራ በር ሊከፍት ይችላል።

ብቻ የሆነ ሆኖ፣ የኢሳቅ ጎሳዎች በአሁኗ ሶማሊላንድ ውስጥ የራሳቸው ሱልጣኔት መስርተው ሳሉ ኢንግሊዞች በመምጣት ይወጓቸዋል። መጀመርያ ላይ ቢሸነፉም ያው እንደተለመደው መጨረሻ ላይ ያሸንፉና ከአከባቢው የጎሳ መሪዎች ጋር ስምምነት ተፈራርመው በኢንግሊዝ የበላይ ጠባቂነት ለመመራት ይስማማሉ። ይህ ከመሆኑ በፊት ንጉስ ምኒሊክ ቦታውን ለመቆጣጠር፤ ዘይላን እና በርበራንም በኢትዮጵያ ስር ለማድረግ ትልቅ ህልም ነበራቸው። ኢንግሊዞች ግን ይህንን በፍጹም ሊፈቅዱ አይችሉም። ለዚህ ነው አስቀድመው ቦታውን የያዙት። ከዚያም በኋላ ምኒልክ ትኩረታቸው እንዲወሰድ በቀይ ባህር በኩል ጦርነት ያስነሱት ለዚያ ነው።

ይህ በንዲህ ሳለ ከሶማሊላንድ ውጪ ያለው የሶማልያው ግዛት ከፊሉ ዛሬ ኦጋዴን የሚባለው በስምምነት ለምኒሊክ ሲሰጥ ሌላው የህንድ ውቅያኖስ ዙርያ ያለው በሙሉ ደግሞ በጣልያን እጅ ነበር። በኋላም የአፍሪካ ሃገራት "ነፃነታቸው" ሲታወጅ፣ ሶማሊላንዶች ከሶማልያ ጋር አንድ ለመሆን ተስማምተው የሶማልያ ሪፐብሊክን መሰረቱ። ነገር ግን ከደቡቡ ሶማልያ ጋር ወድያው ነበር አለመግባባቶች የተፈጠሩት። በኋላም ዚያድ ባሬ በሶማሊላንድ የኢሳቅ ጎሳዎች ላይ ከፍተኛ ጄኖሳይድ እንዳካሄደና በአስር ሺዎች የሚቆጠሩትን እንደገደለ ይነገራል። ይህም ሶማሊላንዶች ከሶማልያ ጋር እስከዛሬም የማይስማሙበት አንዱ ምክንያት ነው። ከዚያም አስር አመት የፈጀ ጦርነት አድርገው ግዛታቸውን ነጻ አወጡ። ግን ማንም የዓለም ሀገር እውቅና ሊሰጣቸው ስላልቻለ አሁንም ድረስ በሶማልያ ስር ይቆጠራሉ። ነገር ግን የራሳቸው ፕሬዝዳንት፣ የራሳቸው ኢኮኖሚ፣ የራሳቸው መከላከያም ጭምር አላቸው።

አሁን ካለው የጂኦ-ፖለቲካ ሁኔታ ጋር ካየነው ደግሞ እነሱ እጅግ እስትራቴጂካዊ ቦታ ላይ ናቸው። በቅርቡ እስራኤል የነሱን ሉዓላዊነት እንደምትቀበል አሳውቃለች። ይህ ለምን ሆነ? ስንል የመን ውስጥ ሁቲዎች እስራኤልን ፋታ ነስተዋታል። ቀይ ባህር ላይ የሚያልፉ መርከቦቿን፣ የአሜሪካ መርከቦችን ጨምሮ፣ ሁቲዎች ከኢራን ባገኙት መሳርያዎችና ሚሳኤሎች ተጠቅመው እያወደሙባት ነው። ኢስራኤል ተደጋጋሚ አየር ድብደባ ብትፈጽምባቸውም በመርከቦቿ ላይ የሚደርሰውን ጥቃት መታደግ አልቻለችም። እነሱም ለይተው የሷን እና የአሜሪካን መርከቦች ብቻ ይመታሉ። ስለዚህ እስራኤል አንዱ መፍትሄዋ፣ የመን ባለችበት የቀይ ባሕር መግብያ፣ ማለትም የኤደን ባሕረ ሰላጤ በሚባለው፣ ቅርብ ቦታ ላይ ጦሯን ማስፈር ነው። ይህን ለማድረግ ደግሞ አንዱ መልካም መፍትሄ ዘይላ ወይም በርበራ ላይ መስፈር ነው። ያ ማለት የሶማሊላንድን ሀገርነት እውቅና ትሰጣለች ማለት ነው። ታድያ አሁን ባለው አሰላለፍ፣ እስራኤል፣ ቱርክ እና አረብ ኤምሬት አንድ ጎራ ናቸው። ቱርክ ደግሞ በተመሳሳይ የራሷን ጦር ሰፈር ሶማልያ ላይ ማስፈር ትፈልጋለች። ቱርክ በቅርቡ ኢትዮጵያና ሱማልያን አስማማው ብትልም ስምምነቱ እሷና የኢትዮጵያን መንግስት ጠቅሞ፣ ሶማልያን እንደሚጎዳ አሳምራ ታውቃለች።

የእስራኤል ዋና ደጋፊ የሆነችው አሜሪካም ሶማሊላንድን እውቅና መስጠቷ አይቀርም። ትራምፕ ስልጣን ሲይዝ ያንን እንደሚያደርግ ተናግሯል። ያም ማለት፣ የኛው መንግስትም የሶማሊላንዱን ነገር ይገፋበታል ማለት ነው። ያም ማለት ከሶማልያ ጋር ሃይለኛ ጦርነት አይቀርም ማለት ነው። ምክንያቱም፣ ሶማሊላንድን መውሰድ ሲፈልጉ የሚመጣው መዘዝ አለ፣ በዚህ መሃል የኛው መንጌ የነሱን ቆሻሻ ስራ ይሰራላቸዋል፣ እነሱም ቀስ ብለው ቦታ ቦታቸውን ይይዛሉ ማለት ነው። በሶማሊላንድ ተጠቅሞ የውክልና ጦርነት ይከፍታል። ያም ጦርነት ገንፍሎ ወደዚሁ ይመጣል። ከዚያም ሲብስ ደግሞ፣ ኤርትራም ሱዳንም ግብጽም አልሸባብም ኢትዮጵያን ይወጓታል ማለት ነው። የኛ መንግስትም ሁሉም ነገር ከአቅሙ በላይ ሲሆን፣ እርዱኝ ብሎ ጥሪ ያቀርባል፣ እነሱም እሱን ለመርዳት ብለው ጦራቸውን ያመጣሉ፣ እነ ሩስያም የሱን ተቃዋሚዎች ደግፈው ይመጣሉ፣ ከዚያ መላውን የአፍሪካ ቀንድ የሚያካትት ይፈጠራል የለየለት የውክልና ጦርነት ይፈጠራል። ዝርዝሩ እንዴት ይሆናል? አሁን ላይ እንዲህ ብሎ መናገር አይቻለም። በጣም የተወሳሰበ ነገር አለው። ገና ከዚህም በላይ ይወሳሰባል። ያው መጨረሻው ግን የኛ በጦር ጀት መደብደብ፣ በአልሸባብ መወጋት፣ ወዘተ ነው የሚሆነው። ውጊያውም በጎራ በጎራ መሆኑ አይቀርም። ሰሜኑ በራሱ ውጊያ በኤርትራ እና ሱዳን በኩል ይጠመዳል፣ ኦሮሞ፣ ደቡቡ ደግሞ ከሶማሊው ጋር ይዋጋል። ብቻ ዝብርቅርቅ ያለ ነገር መፈጠሩ አይቀርም። በጣም ድብልቅልቅ ከመሆኑ የተነሳ ሁሉም ሰው "ቆይ ምን እየተካሄደ ነው?" ብሎ ይጠይቃል፣ መልስ የሚኖረው ግን የለም።

እኔም ይህን ጽሁፍ አሁን የምጽፈው፣ ቢያንስ ከአሁኑ የተውሰነ ፍንጭ እንዲኖረን ነው። ቢያንስ በጥቂቱ እንኳ አስቀድሞ ማወቅ፣ ንስሃ ገብቶ ለመጠበቅም ቢሆን ይጠቅማል።

ብቻ የሆነ ሆኖ፣ ይህ ክስተት በሚሊዮን የሚቆጠሩ ኢትዮጵያውያን በመላው ዓለም እንዲበታተኑ ምክንያት ይሆናል። የአፍሪካ ቀንድን ስሪትም ይቀይራል። ወይ ኢትዮጵያ ከነ አካቴው ፈራርሳ ትጠፋለች፣ ወይም በሆነ መለኮታዊ ተአምር መላውን የአፍሪካ ቀንድ በአንድ ላይ ጠቅልላ ትይዛለች።

ከዚሁ ጋር ተያይዞ በኢትዮጵያ ቀጣይ ምን ይፈጠራል የሚለው ከባድ ነው። ከዚህ በፊት ሁለት አመታትን የፈጀ አንድ መደበኛ ጦርነት፣ አሁን ደግሞ ብዙዎቻችን ባላውቀ የምናልፈው የሽምቅ ጦርነት እየተካሄዱ ነው። አሁን ደግሞ ቀጣይ የሚመጣው እጅግ አስፈሪ ይመስላል። ምናልባትም ከዚህ በፊት የነበረው ቀጥሎ ለሚመጣው ትንሽ ቅምሻ፣ ማሳያ፣ የሆነ ያህል ነው። ሃገራዊ የነበረው ጦርነት ቀጣናዊ ሆኖ፣ የአፍሪካ ቀንድን በሙሉ የሚያካትት፣ ግብጽንና የመካከለኛው ምስራቅ ሃገራትን ሁሉ የሚያካትት የሚሆን ይመስላል። እጅግ ውስብስብም ግጭት ይመስላል። የኛ መንግስት በአንድ በኩል ከኤርትራ ጋር ተለያይቷል። በሌላ በኩል ደግሞ በሱማልያ በሰሜኑ የሶማሊላንዱን ግዛት፣ በደቡብ በኬንያ በኩል ደግሞ የጁባላንድን ግዛት መሪዎች እየደገፈ በእጅ አዙር የማመስ ሙከራ እያደረገ ይመስላል። ይህ ደግሞ ቀስ በቀስ የሶማሊያን መንግስት ከአልሸባብ ጋር እንዲተባበር እየገፋፋው ነው። አልሸባብ የሶማሊላንዱ ውል ከተፈረመ ጀምሮ ኢትዮጵያ ላይ የሃይል እርምጃ እንውሰድ የሚል አቋም ነበረው። የሃገሪቱ መንግስት ውስጥም ጥቂት ሰዎች የዚህ አቋም ደጋፊዎች ናቸው። በዚህም ምክንያት እስካሁን ትልቅ ጭቅጭቅ ላይ እንዳሉ አሉ። የኛ መንግስት ተግባሩን ከቀጠለ ደግሞ በራሱ እሳት ለኩሶ ራሱ ችግር ሊፈጥር ይችላል። ከዚያ ደግሞ እርትራ ከሱዳንና ሶማልያ ጋር መተባበር መጀመሯ በዙርያችን ሁሉም በኛ ላይ ጦርነት ለመክፈት ዝግጁ መሆኑን ነው የሚያሳየው።

ያ ሆኖ ሲያበቃ ደግሞ በውስጥም ከመንግስት ጋር ቅራኔ ያላቸው የሱን ማለፍ፣ መውደቅ የሚሹ ቡድኖች ታጥቀው ከርሱ ጋር መዋጋት ላይ መሆናቸው፣ ልክ በሶርያም ሆነ በሌሎች ሃገራት የነበረውን የእርስ በርስ ውግያና የውክልና ጦርነት እርሾ ይፈጥራል። ስለዚህ ነገ፣ የውጭ ሃያላን ተብዬዎች አንዱ ሰላም አስከባሪ ነኝ ብሎ፣ አንዱ አማጽያኑን ደግፋለሁ ብሎ፣ ወዘተ እኛን የውክልና ጦርነት ቀጠና ያደርጉናል። የሃገራችን የመሬት አቀማመጥ በፍጹም ለምድር ላይ ውጊያ የማይመች በመሆኑም ከፍተኛው የውጊያ መጠን በአየር ላይ ይሆናል። ስለዚህ ትላንት በሶርያ አሌፖን ወይም ደማስቆን፣ በኢራቅ ባግዳድን ወይም ሞሱልን፣ በሊቢያ ትሪፖሊን የቦምብ መአት እንዳወረዱባቸው ሁሉ፣ ነገም እኛ ላይ፣ ባህርዳርን ውይም ናዝሬትን ወይም ጎንደርን የቦምብ የሚሳኤል መሞከርያ የማድረግ ምኞት ወይም ህልም ይኖራቸዋል። በውጊያም አሳበው ምናልባት በሰበቡ ደብረ ሊባኖስን፣ ወይም ዋልድባን፣ ወይም አክሱም ጽዮንን በቦምብ፣ በሚሳኤል የሚመቱበትም ሁኔታም ሊፈጠር ይችላል።

በተለምዶ ሃገራት ላይ እንዲህ አይነት የአየር ክልልን የመዳፈር ተግባር ከመፈጸማቸው በፊት የሃገሪቱን አየር ሃይል እና አየር መቃወይሚያ ድራሹን ነው የሚያጠፉት። ሩሲያ ዩክሬን ላይ ያደረገችው ያንን ነው። እግጅ ፈጣን በሆኑት ሃይፐር-ሶኒክ ሚሳኤሎች መላውን የዩከሬን አየር መቃወሚያ ስርአት ካወደመች በኋላ ማንም ከልካይ ሳይኖራት ገብታ በርካሽ ድሮኖች እና የጦር ጀቶች የፈለገቸውን ቦታ ደብድባ ትመለሳለች። ኢትዮጵያ ግን ቀድሞውኑ ያ ስርአት የላትም። ደርግ ከሶቭየት ከገዛቸው ያረጁ ጥቂት ጀቶች እና ሚሳኤሎች በቀር ምንም የለንም። ዛሬ ላይ ደግሞ ዓለም ሁሉ እጅግ የዘመነ ሚሳኤል እስከ አፍንጫው ታጥቋል። በየጊዜው አዳዲስ መሳርያ ሁሉ ይፍለስፋሉ። የሰው ልጅ የሳይንስና ቴክኖሎጂ እውቀቱን ተጠቅሞ ለሰው የሚጠቅም ፈጠራ እንደመስራት ጅምላ ጨራሽ አዳዲስ ቴክኒኮችን ይፈጥራል። ዛሬ ላይ ኢራን ብቻ ያሏት የሰራቻቸው ሚሳኤሎች ኢትዮጵያን መምታት ይችላሉ። መምታት ከፈለጉ ይችላሉ። እኛ ግን ማንም ዓለም አስቦልን ወይም ራርቶልን ሳይሆን በእግዚአብሔር ቸርነት እስከዛሬ አለን። ታዲያ የሱን ቸርነት እንደማመስገን ከሱ ጋር እንደመጣበቅ በምዕራባውያን "እውቀት" እና ፍልስፍና ተወስደን የነሱን ሰዶማዊ ባህል ተላብሰን እግዚአብሔርን፣ በቸኛው ተስፋችንን በድለናል፣ አስከፍተናል። ከአሁን ወዲህ መጠጊያችን ወዴት ነው? ንስሃ ገብተን ወደሱ ከመመለስ ውጪ ምን ምርጫ አለን?

ዓለምስ በእግዚአብሔር ቢያምጽ ያለውን ታንክ፣ ጀት፣ ኤለክትሮኒክስ ተማምኖ ነው። እኛ ምን ይዘን ነው በፈጣሪ ላይ ያመጽነው? ይሄንን ነው መጠየቅ ነው ያለብን። እግዚአብሔር አንዳች ልዩ፣ መለኮታዊ ተአምር ፈጥሮ ካላዳነን፣ ምናልባት ሊወጉን የሚመጡትን ሰራዊት፣ ስምጥ ሽለቆን ከፍሎ ባሕሩ ውስጥ ካላሰጠማቸው፣ አባይ ሞልቶ ፈሶ ጠርጎ ካልወሰዳቸው እኛ ምንም ሚሳኤል፣ ምንም ሮኬት፣ ምንም ታንክ የለንም፣ እና ያንን እያሰብን በእንባ፣ በለቅሶ፣ በንስሃ ወደሱ መቅረብ በናስብ ነው የሚሻለን።

˙       •❀• [ ስንክሳር ዘታኅሣሥ ፮ ] •❀•
                
             •• ቅድስት አርሴማ ሰማዕት ••
                              ๏-❀-๏

ይህች ዕለት ለቅድስት አርሴማና ለተከታዮቿ ሰማዕታት የፍልሰትና የቅዳሴ ቤት መታሰቢያ ናት።

እናታችን ቅድስት አርሴማን በምን እንመስላታለን? እርሷ በአድማስ ላይ ተቀምጦ እንደሚያበራ እንቁ ናትና ክብሯ ብዙ ነው።

መድኃኒታችን ክርስቶስ በወንጌል እንዳለው "በተራራ ላይ ያለች ከተማ ልትሠወር አይቻላትምና" (ማቴ. 5፥11) የሰማዕቷ ሕይወት በፊታችን እንደ ብርሃን ተገልጦ ይታያል።

🌿 ቅድስት አርሴማ እንደ ልጅ ወላጆቿን በመታዘዝ ደስ ያሰኘች ቡርክት ናት።
🌿ቅድስት አርሴማ ይህ ቀረሽ የማይሏት ውብ ናት።
🌿 ቅድስት አርሴማ ድንግል ናት።
🌿 ቅድስት አርሴማ ባሕታዊት ጻድቅ ናት።
🌿 ቅድስት አርሴማ ኃያል ሰማዕት ናት።

ይሕስ እንደ ምን ነው ቢሉ፦

አበው በትውፊት እንደ ነገሩን ከሆነ ቅዱሱ ጎርጎርዮስ የታላቋ ሰማዕት ቅድስት አርሴማ ትልቅ ወንድም ነው። በዜና ሰማዕታት ተጽፎ እንደሚገኘው በዚያ የመከራ ዘመን ቅዱስ ጎርጎርዮስ ሦስት ኃላፊነቶች ነበሩበት፦

፩. ቅድስት አርሴማን ጨምሮ ደናግሉን ማጽናት
፪. ትምህርተ ቤተ ክርስቲያንን በሚገባ ማጥናት
፫. የሚመጣውን መከራ ለመቀበል ራሱን ማዘጋጀት።

ቅዱሱ 3ቱንም ኃላፊነቶች በሚገባ በመወጣቱ ከራሱ አልፎ ለሌሎቹ አርአያ መሆን ቻለ። ያቺን ንጽሕት አርበኛ ቅድስት አርሴማንም አጽንቶ የደናግሉ መሪ አደረጋት። መከራው ገፍቶ እስከ መጣበት ጊዜ በአንድ የደናግል ገዳም ውስጥ ሆነው ይጸልዩ፣ ይጾሙ፣ ገዳማዊ ሥራንም ይሠሩ ነበር።

ለዚህም ነው ቅድስት አርሴማንና ቅዱስ ጎርጎርዮስን ጻድቃን የምንላቸው። በኋላ ግን ማሕደረ ሰይጣን ዲዮቅልጢያኖስ በመልኩዋ ተማርኮ ቅድስት አርሴማን ካላገባሁ በማለቱ ቅዱስ ጎርጎርዮስ ድንግሏን አርሴማን ጨምሮ ክርስቲያኖችን ይዞ ወደ አርማንያ ተሰደደ።

በአርማንያም በአንድ ገዳም ውስጥ ተደብቀው በጾምና በጸሎት ለጥቂት ጊዜ ቆዩ። ነገር ግን ረሃብ ፈጃቸው። የሚላስ የሚቀመስ ነገር በአካባቢው ባለ መኖሩ ቅዱስ ጎርጎርዮስ ወደ ከተማ ለመውጣት ተገደደ።

በዚያም በድርጣድስ ቤተ መንግስት ውስጥ ባርነት ተቀጠረ። በሚያገኛት ገንዘብም ወገኖቹን ይረዳ ነበር። መከራው ግን አለቀቃቸውም። ርጉም ዲዮቅልጢያኖስ ቅዱሳኑ ወደ አርማንያ መሔዳቸውን ስለ ሰማ ይዞ እንዲልክለት ድርጣድስን ላከው።

ድርጣድስ ግን ቅድስት አርሴማን ባያት ጊዜ ከውበቷ የተነሣ መታገሥ ባለመቻሉ "ካላገባሁሽ" አላት። ድንግሊቱ ግን "እኔ የክርስቶስ ሙሽራ ነኝ አይሆንም" አለችው። ሊያስፈራራት ሞከረ። ዐይኗ እያየ ደናግሉን ጨፈጨፋቸው።

አልሳካልህ ቢለው በአደባባይ በግድ ሊያገባት ቢሞክር እጁን ጠምዝዛ በሰው ሁሉ ፊት መሬት ላይ ጣለችው። እጅግ ስላፈረ አስገረፋት፤ አሰቃያት፤ ዐይኗንም አወጣ። በመጨረሻም አንገቷን አስቆርጦ ከሰማዕታቱ ጋር ተራራ ላይ ጣላት።

ከነገር ሁሉ በኋላ ድርጣድስና ባለሟሎቹ ለአደን በሔዱበት ርኩስ መንፈስ ወደ አውሬነት (እሪያነት) ቀየራቸው።

የንጉሡ እንስሳ (አውሬ) መሆን በአርማንያ ታላቅ ድንጋጤን ፈጠረ። የንጉሡ እኅት ስታለቅስ በራዕይ "ጎርጎርዮስን ከተቀበረበት ካላወጣችሁት አትድኑም" አላቸው። ወዲያውም ቆፍረው አወጡት።

ቅዱሱ እንደ ወጣ ዕረፍትን አልፈለገም። ለ15 ዓመታት ቀባሪ አጥቶ የተበተነውን የቅድስት አርሴማንና የሰማዕታቱን አጽም ሰብስቦ በክብር አኖረው። ድርጣድስና ባለሟሎቹንም ወደ በርሃ ሒዶ ፈወሳቸው።

የሰማዕቷ ቅድስት አርሴማ አጽም በ14ኛው መቶ ክ/ዘመን ከሌሎች ሰማዕታት አጽም ጋር ኢትዮጵያ እንደ መጣ አባቶቻችን በትውፊት ነግረውናል።

ለዚህም ይመስላል ቡርክቷ እናታችን ከሌሎች ሃገራት ለይታ ለኢትዮጵያውያን ልዩ ፍቅር ያላት። በዋናው ገዳሟ (ወሎ /ኩላማሶ/ : ስባ : ውስጥ የሚገኝ ነው) ጨምሮ ስሟ በተጠራበት ሁሉ ኃይልን ታደርጋለችና።

በዚህ ዕለት ከሰማዕቷ ጋር የመንፈስ እናቷን ቅድስት አጋታን ልናስባት ይገባናል። ይህች እናት እመ-ምኔት ስትሆን ቅድስት አርሴማን ታስተምራት፣ ታጸናት፣ ከጎኗም ትቆምላት ነበር።

ረሃቧን፣ ጥሟን፣ ስደቷን፣ መከራዋንም ሁሉ አብራት ተሳትፋለች። በፍጻሜውም አብራት ተሰይፋለች።

◦🌿◦🌿◦🌿◦

via Mark Abyssinia:

ያው እንግዲህ ውሀብዩን ሽብርተኛ የአልቃይዳ ክንፍ በሽብርተኝነት ከሰው ካሰሩት በኋላ አሰልጥነውና አስታጥቀው መልሰው ራሳቸው በፈለሰፉት የISIS ክንፍ ውስጥ አስገብተው የራሱን አብዮት ሶሪያ ላይ እንዲጀምር አድርገው ሌላውን የአልቃይዳ ክንፍ ገርስሰው ከ15 አመት በላይ በሶሪያ ምድር የዕርስ በርስ ንትርክ ፈብርከው....ከሩሲያና ኢራን ጋር የዕጅ አዙር ጦርነታቸውን በድል አጠናቀው ይሄን ውሀብይ ዶላር አስታቅፈው እንደኢራቅ ፍርስራሹ ላይ ንጉስ ብለው ሰይመውታል።አዎ ይሄ የአሜሪካና የእስራኤል የጉልበተኝነት አለም ነው።ይሄ አለም ክፉ ነው።ሳንጣላ ያጣሉናል።ሳይቸግረን ተቸገራችሁ ይሉናል።ያልሆነውን ሆናችሁ ይሉናል።ተባብረን ሀገር ማሳደግ ስንጀምር ከፍ ማለት ስንጀምር ትንንሽ ባንዳዎችን አሰባስበው የረሳነውን የዘር DNA ያስቆጥሩናል።ይሄ ይቺ የኛ ምድር በአሜሪካውያን በባብሊዎኖቹ ምክንያት ሰላሟን እንዳጣች እስካሁን አለች።የእነዚህን አከርካሪ ተፋልሞ የሰበረው አማኙ ምኒሊክ ብቻ ነበር በታሪክ።አሁን ግን እንዲያ ያለ መሪ አጥተን ቀናችንን እየረገምን በተስፋ ፈጣሪን እንለምናለን።ምናልባት ቀጣይዋ የነሱ ታርጌት ኢትዮጵያ ናት።በርግጥ መምጣታቸው አይቀርም።መካከለኛው ምስራቅን አፈራርሰው ጨርሰዋል።የቀረች ኢራን ናት።በፍርሀት ተከባለች።.....ምናልባት ይቺ ትንሿ የምስራቋ አናብስት ምድር ኢትዮጵያችን ድጋሜ አሳፍራ ትመልሳቸው ይሆን?!!!

የሳዳሙሴ የመጨረሻ ሳቅ ትዝ አለኝ።ሞት ተፈርዶብሀል ሲባል።በሀገሩ ፍ/ቤት አሜሪካ የሰየመችው ዳኛ በገዛ ምድርህ ስለፍትህ ሲያቧርቅ አስበው።ንዴት በጨረሰው ገላህ ትሞታለህ ስትባል ሚፀፅትህን በምድር ካልሰራህ መልስህ ፈገግታ ብቻ ነው።ሰላም ከሞት ጋር!!

ወገኖቼ ዙሩ እየከረረ ነው።

እንሆ የሶርያ መንግስት በዚህ ሁኔታ ተደምድሟል። ፕሬዝዳንቱ ከሀገር ሸሽቶ የት እንዳለ አይታወቅም፣ አንዳንዶች እሱ የነበረበት ፕሌን ተከስክሷልም ይላሉ። ሴኩላር የአረብ ሪፐብሊክ የነበረው የበአቲስቶች አይዲዮሎጂም በመጨረሻ ጠፍቷል። በምትኩም አማጺያኑ እስላማዊ መንግስት ለመመስረት ይጠብቃሉ። ነገር ግን አማጺያኑ በራሳቸው የተበታተኑና የየራሳቸው ጎራ ያላቸው ናቸው። እርስ በእርስም የሚዋጉ ናቸው። ይህ ማለት በአጭሩ ሶርያ ሊቢያና ኢራቅን ተቀላቅላለች ማለት ነው።

ይህ ለኢትዮጵያ ጥሩም መጥፎም ዜና አለው። ጥሩው ዜና፣ ለኢትዮጵያ መውደቅ ሲሰሩ የነበሩ፣ ኢትዮጵያን failed state ለማድረግ ሲለፉ የነበሩ ለዚህም ታጣቂ ቡድኖችንና አማጺያንን ያሰለጠኑት ሀገራት በሙሉ ራሳቸው failed state መሆናቸው ነው። ሶርያም እነዚህን መቀላቀሏ ነው። የአረብ በአቲስት ብሔርተኞች ኢራቅ ሶርያና ሊቢያም ጭምር ብዙ የኢትዮጵያ "ነፃ አውጪ" ቡድኖችን በስልጠና፣ በገንዘብ፣ በመሳርያም ጭምር ለዘመናት ሲደግፉ የነበሩ መሆናቸው የአደባባይ ሚስጥር ነው። ግን እነርሱ እንዳለ ፈርሰው ኢትዮጵያ እስከዛሬ አለች። የኢትዮጵያ አምላክ ሁሌም ይሰራል።

መጥፎው ዜና ደግሞ፤ ለኢትዮጵያ ጊዜ ሲሆን ሴኩላሮቹም ጂሃዲስቶቹም አቋማቸው አንድ መሆኑ ነው። ስለዚህ በእስራኤልና ቱርክ የሚደገፈው አክራሪ ቡድን በጣም ይስፋፋል። ከሶርያ ተነስቶ ሊባኖስንም ዮርዳኖስንም ምናልባት ኢራቅንም ማመሱ አይቀርም። የማይነካው እስራኤልን ብቻ ነው😂😂 በግልጽ እስራኤል ወዳጃችን ናት ብለዋል😂😂

እናም ይህ ቡድን ቱርክ በኢትዮጵያ ባላት ተጽዕኖ፣ በሌላውም መንገድ ተጠቅመው የተለያዩ ሴሎችን እዚህም መፍጠራቸው አይቀርም። በኢትዮጵያ የጥንቱ ሱፊ እስልምና፣ ለክርስቲያኖች ክብር የነበረው፣ ታቦት ቆመን እናሳልፍ ይል የነበረው አሁን ተሸንፏል። የወደፊቱ ጊዜ እጅግ አስፈሪ፣ እጅግ አሳሳቢ ነው። ጂሃድ ኢትዮጵያ ውስጥ አይቀርም። ምክንያቱም ወሃቢስቶች አሸንፈዋል። ይኸው ነው ነገሩ።

እናም ደስ እያላቸው😂 ከግዮን እስከ ኤፍራጥስ የሚለውን ህልም ያሳካሉ😂😂 አባይን እስከ ምንጩ መቆጣጠር እየቻሉ ለምን ሲባል ግብጽ ላይ ይወሰናሉ😂😂 ይህ ግድብ ሁሉ ገና ብዙ ጣጣ ያመጣብናል። የሶስተኛው የዓለም ጦርነት አንዱ መድረክ እኛ መሆናችን አይቀርም።

ስለዚህ አሁን፣ ምንም መቀባባት አያስፈልግም፣ እውነቱን እንነጋገር።

ሚሊዮን ኢትዮጵያውያን ይሞታሉ፣ ሚሊዮን ኢትዮጵያውያን ይሰደዳሉ፣ ጥቂቶች ይተርፋሉ።

በዚህ ሁሉ ውስጥ ግን ማስታወስ ያለብን አንድ ነገር ነው። ይህ ሁሉ የመጣብን በኃጢአታችን ምክንያት ነው። እናም ለብዙዎቻችን የንስሃው እድል ያለፈን ይመስለኛል። ቢያንስ እንኳ አንዳንዶቻችን የክርስቶስ ሰማዕት ሆነን የማለፍ እድል ተሰጥቶናል። እሱንም ቢሆን እንጠቀምበት።