Kakuu Studio

“Araarri isaa ganama ganama in haareffama, amanamummaan isaas baay'ee dha;”
— Faru. 3:23

Araarri yesus dhuma hin qabu.

Ameen

Ija godhadhuu
“Namni muka harbuu dhaabu ija isaa in nyaata, namni gooftaa isaa eegu ulfina in argata.”
— Fak. 27:18

Filip3:20
Nuyi garuu nama biyya waaqa irraa ti; “Gooftaan keenya fayyisaan keenya Yesus Kristos achii nuuf dhufa” jennee eegganna*.

Ameen

#Ati #Kamiin #Filatta?

Namicha tokkotu du'ee jennaan ergamaan tokko gara gara waaqatti isa geesse jedhan.Waaqnis anaa dhufu erga jedhee booda,"Namni erga du'ee booda iddoo lama keessaa bakka tokko jiraachuuf carraa qaba. Tokko si'olidha,inni kaan Mootummaa koo! Amma ergamaan kun iddoowwan kana si haa daawwachisuu waliin deemi " jedhe.

Ergamichis namicha gara si'olitti geesse. Naanna'anii ilaalan.Artistoota bebbeekamoo warra inni kanaan dura lafa irratti ajaa'ibsifachaa ture hedduutu achi keessa jiru.

Sagalee isaanii mimmiidhagaa sanaan sirbu,meeshaaleen muziqaa guutuudha. Hundinuu ni sirba.Iddoon kun baayyee namichatti tole.itti fufee mootummaa waaqaa akka inni daawwatuuf gara sanatti isa geesse.sirbi hin jiru.

Namoonni lafa irratti beeku hedduun achi hin jiran.Jireenyi isaa baay'ee mijataa ta'us bashannanni garuu hin turre.Hundinuu sagalee isaa ol kaasee waaqa faarfata malee,namoonni miidhagaa qaban muraasi achi ba'anii weellisanii nama hin bohaarsan.

Lachuu keessaa kan barbaade akka filatu itti himnaan,filannoon isaa si'ol akka ta'e beeksise. Bashannana barbaade.Tole jedhee ergamichi geessee deebi'e.

Yeroo 2ffaa yemmuu achi deemu haalli hunduu jijjiramee arge.Bashannanni silaa,muuziqaan silaa,kolfii fi gammachuun silaa amma hin jiran.Hundumtuu ibidda boba'u keessaa iyya.Wanti jiru hundi akka malee nama sodachisa ture.

Suuta jedhee seexana tokko ofitti waamee gaaffii gaafate,"Inni silaa hin jiruu?Bashannanni silaa eessa deeme? Halli amma jiru kan duraa waliin wal hin fakkaatu.Maal rakkinni isaa " jedhe.

Seexanichi deebiseefi "Isa silaa jettee? Inni hin jiru.isa duula na filadhaaf itti fayyadamne.Erga nu filattee carraan kee barabaraan gubachuu qofadha!"jedheen jedhama.

#Dhaamsa

(Luqaas 14 )
------------
15 Warra isaa wajjin maaddiitti taa'an keessaa tokko, kana yommuu dhaga'e Yesusiin, "Maaddii mootummaa Waaqayyootti kan dhi'aatu ayyaantuu dha" jedhe.

16 Yesus garuu, "Namni tokko cidha guddaa isaa godhatee, namoota baay'ees waame.

17 Yeroon nyaataa yommuu ga'e, 'Amma kottaa hundinuu qophaa'eera' jedhee warra waamaman haa yaadachiisuuf hojjetaa isaa itti erge.

18 Warri waamaman garuu hundumti isaanii, 'Akka itti dhufnu hin qabnu' jedhanii hojjetichatti dhimma garaa garaa himachuu jalqaban. Inni duraa, 'Lafa biteen jira, dhaqee lafa kana ilaaluun anaaf ta'a, dhimman dhufuu dadhabeef itti anaaf himi!' jedheen.

19 Inni lammaffaanis, 'Qotiyyoo cimdii shan biteen jira, in qotuu fi hin qotanii isaanii ilaaluudhaaf kunoo, karaa irran jira, dhimman dhufuu dadhabeef itti anaaf himi!' jedheen.

20 Inni kaanis 'Dhi'oon niitii fuudhe, kanaafis qaqqabee hin dhufu' jedheen.

21 Hojjetichi galee kana gooftaa isaatti hime. Kana irratti abbaan cidhichaa aaree hojjetaa isaatiin,. Ariifadhuu gara karaa gurguddaatii fi karaa qaxxaamuraa mandara keessaa dhaqiitii warra waan nyaatan hin qabneef, warra bu'aan dhagna isaanii hir'ate, warra jaaman, warra naafatanis ol galchi!' jedheen.

22 Yommus hojjetichi 'Yaa gooftaa, akka ati abboomtetti raawwatameera, garuu amma iyyuu iddoon jira!' jedheen.

23 Gooftichi immoo hojjetichaan, 'Gara karaa gurguddaa biyya keessaatti, kelloota duubattis ba'iitii, manni koo hamma guututti ol haa galaniif nuffisiisi!' jedhe.

24 Ani isinittan hima'o, jarreen dura waamamanii didan sana keessaa tokko illee maaddii koo irraa waa afaaniin hin qaban!" jedheen.

“Ani wangeelatti hin yeella'u,
— Rom. 1:16

Warri hafuura Waaqayyootiin geggeeffaman hundinuu ilmaan Waaqayyoo ti
Roomaa 8:14.

❝Karaa kee Waaqayyotti kennadhu, isa amanadhu! Innis siif in raawwata.❞
—Far. 37: 5

@Kakuu_Studio
@Kakuu_Studio

“Hamma isa simataniif immoo ijoollee Waaqayyoo akka ta'aniif aboo isaaniif kenne; isaanis warra maqaa isaatti amananii dha.”
— Yoh. 1:12

Luqaas 8:16-18

16 "Homtinuu ibsaa qabsiisee guuboo jala yookiis siree jala hin kaa'u; warri mana sanatti ol galan hundinuu ificha akka arganiif, baattuu ibsaa irra kaa'a malee. 17 Waan tokko illee dhokatee utuu hin mul'atin kan hafu hin jiru, dhoksaatti kan eegames bakkeetti ba'ee utuu hin dhaga'amin kan hafu hin jiru.

18 "Kanaafis akka itti dhageessanitti akeekkadhaa! Isa qabuuf itti dabalamee in kennamaaf; kan hin qabne garuu, innumti inni qaba se'u iyyuu isa duraa in fudhatama" jedhe.


Singer Megertu Official
Kakuu Studio

DURA KEENYA BADHAASA GUDDAATU JIRA!
Waa'ee gonfoowwan dura keenyatti nuuf qopheeyfamanii, akkaataa fi karaa ittiin nuuf kannamuuf jiranii kana beektuu laata?

1✞ Gonfoo Gatii dhugaa nuuf ifeetiif jireenya jiraannu keeysati rakkinaa nurra gahu dandeenyee obsaan darbuun argamtu. "GONFOO JIREENYAA" ja'amti.
📖" Namni qoramsa isatti dhufu obsaan danda'e, haa gammadu! Qoramee erga ilaalamee booddee, jireenya isa Waaqayyo warra isa jaallatan abdachiise akka gonfootti argachuuf jira." (Yaq 1: 12) Dabalataan (Mul 2:14a) dubbisi!

2✞ Gonfoo warra fedhii fi seera Waaqayyo eeganii Jireenya waamicha isaanii wajji wal hin faalleeysine jiraataniif qophooyte. "GONFOO MOOHICHAA" ja'amti.
📖"Akeeka sana bira ga'ee gonfoo warra mo'anii argachuudhaaf nan kaadha; gonfoon warra mo'anii kunis waamicha isa Waaqayyo karaa Kristos Yesus itti ol nu waamee dha." Filp 3:14
📖" Namni dorgomeetti jiru akka seera isaatiitti yoo dorgome malee, gonfoo mo'ichaa hin argatu." 2Xim 2:5

3✞ Gonfoo warra naamusa jireenyaa eeggatee jiraateef kannamtu, tan hin badnee fi bara baraan jiraatuu taate. "GONFOO HIN BADNE" ja'amti.
➧" Namni dorgommeedhaaf qophaa'u, waan eeggachuu isa barbaachisu hundumaa irraa of in eeggata. Warri wal dorgoman gonfoo baala irraa hojjetame, isa coollagee badu argachuudhaaf kana godhu; nuyi garuu isa hin badne argachuudhaaf in dhamaana." 1Qor 9:25

4✞ Gonfoo Hojjattoota amanamoo tahaniif kannamtu, tan Gooftaa durati ija jabinaan dhihaachuu nama dandeeysiftu. "GONFOO ABDII FI GAMMACHUU" ja'amti.
📖" Abdiin keenya, gammachuun keenya, gonfoon nuyi dhufa gooftaa keenyaa Yesusitti ittiin isa dura dhaabannee, of jajannu isin malee eenyu ree? " 1Tas 2:19

5✞ Gonfoo Inni kannu Hangafa tiysitootaa tahee, yeroon yeroo mul'achuu Gooftaa ti, warra fakkeenyummaa gaariin dhaloota gaggeeysaniif kan kannamtu dha, tan ulfinni isii gad hin deebine "GONFOO ULFINAA" ja'amti.
📖" Gaafa angafni tiksootaa sun mul'atutti, isinis immoo gonfoo ulfinaa isa gad deebi'aa hin adeemne in argattu." (1Phe 5:4)

6✞ Gonfoo guyyaa firdii Gooftaan Abbaa haqaa tahe warra haqaan jiraatuu fi kanneen deebi'ee dhufuu Isaa eeggataniif kannuuti. "GONFOO QAJEELLINAA" ja'amti.
📖" Kanaa achis gonfoon qajeelummaa anaaf kaa'amee jira; gooftichi abbaan firdii inni qajeelaan guyyaa sanatti gonficha anaaf in kenna; ana duwwaaf utuu hin ta'in, warra deebi'ee mul'inatti dhufuu isaa jaallatan hundumaafis in kenna." 2Xim 4:8

DURA KEENYA ABDII GUUDDATU JIRA!
Yaa Jaalatamoo obboleeyyan Kiyya, sababii amanuu keenyaa rakkina nurra gahu hundumaa keeysati dhugaa NUUF IFE kanaaf dursa kannuun, fedhaaf seera Waaqayyoo keeysa akka nurraa eegamuti naamusaan jiraanne, hujii Gooftaa tan karaa ayyaanaa, humnaa fi filannoo Isaa nuti kannamte fiinxaan baasnee, Jireenya fakkeenyummaa qabu yoo jiraanne, yeroo deebi'ee dhufuu Isaa yoo abdiin eegne, akkuma Kitaabni ja'u 📖" Ati garuu waan hundumaatti gara itti gortu beeki! Dhiphina obsaan baadhu! Hojii lallabaan wangeelaa hojjechuun ta'uuf hojjedhu, hojii itti ergamte guutummaatti raawwadhu!" 2Xim 4: 5

Gooftaan Abbaan Qajeellinaa Guyyaa Mul'achuu Isaa ti, ulfinaan fuula Isaa dura nu dhaabee Gonfoo Nuuf qopheeysees tan JIREENYA ARR'A JIRAANNEEF BADHAASA TAATU NUUF KANNA.

AMMAAS IRRA DEEBI'EETIIN DUBBADHA YOO AKKA ITTI WAAMAMA KEENYAATI JIRAANNE "NUUF ABDII GONFOO BADHAASA HIN BADNEETU JIRA!"

Ameen Haleluyyaa

Qophaa'aa Ta'i! | Ready YourSelf
▬▬▬▬▬▬▬▬▬▬▬
🌟Jireenyi ati har'a addunyaa kanarratti jiraachaa jirtu kun yeroo hunda akka ati feetu siif ta'uu dhiisuu mala. 💪Wanti ati har'a of harkaa qabduu fi of harkaa qabaachuu keetti hin gammanne, guyyaa tokko si harkaa baduun,meeshichi madda gammachuu namoota hedduu tahuusaa hubatta!!
🔺Gaafa rakkinni sitti dhufu hin laafin, jireenyi rakkina kanaan booda akka waan hin jirretti fudhattee mataa hin cabinii jabaadhu. Bor-guyyaa addaa ta'uusaa beeki!
🌷🌹Jireenya jiraattu keessatti dhiibbaa gaarii uumuuf qabxiilee ''6P'' asii gadii kanarratti xiyyeeffadhu!!
6P
1.Pray/Rabbii kee Kadhadhu.
-Waqaa/Rabbiin kee waan hunda keetii hubadhu!, Kanaaf yeroo hunda madda jireenyaa kee waliin hariiroo qajeeltuu qabaachuu qabda. Hifannaa malee yeroo hunda Rabbi kee kadhu.
2.Plan/Karoorfadhu.
-Namni karoora hin qabne akka xiyyaara koompaasii malee balali'uuti. Jireenya keessatti kallattii sirrii filatanii irra deeman.
Plan=Vision + How to act
Karoorfachuun dura mul'ata jireenyaa, kallattii jireenyaa qabaachutu dursa. Karoorri mala mul'aticha gara gochaatti deebisuuti. Karoorfachuun qisaasa'ama jireenyaa hir'isa.
3.Prioritize/Duraa duuba eegi.
-Karoorsuun waan gaariidha. Waan karoorfatan duraa duuba eeganii gochatti hiikuun ammoo ogummaa gaafata. Yeroo malee akka hin uumamneef, wantoota xiyyeeffannaan murteessanii gochatti hiikuun filatamaadha.
4.Persistent/Cichoominaan itti fufuu.
-Qabxiin kunis baay'ee murteessaa fi ijoodha. Jalqabanii dhiisuun amala namoota dhiibbaa gaarii uumuu danda'aniitii miti. Qeerransa hin qabanii qabnaan ammoo gad hin dhiisan jedhan mitiiree, mala jijjiiranii tooftaadhaan itti deemuun bu'aa guddaa qaba.
5.Patience/ Obsa qabeessa ta'i.
-Aadaa obsaa guddifachuun yeroo hunda barbaachiisaadha. Ciminaa fi laafina, bu'iinsaa fi ba'iinsa, gaddaa fi gammachuu, dhabaa fi argachuu, gufuu fi qorumsa kamiyyuu obsaan jala dabran. Obsaan warrooman. Haala kamuu keessatti ciniinnadhuu obsi, harka hin kennin.

“Barichi raawwatameera, mootummaan Waaqayyoos dhi'aateera, yaada garaa geddaradhaa wangeelatti amanaa!”
Mar 1:15

Seenaa gabaaduu kana hamma dhumaatti dubbisi ergaa guddoo qabdi.Daraartuu jedhamti shamarree baay'ee bareedduudha.kana qofaas miti naannoo isheetti dudhaafi aadaa hawwaasaa kabajuun beekamti.Kanaaf hawwaasi naannoo ishee bayyee ishee jaallatu .Dargaggoonni hedduun ishee jaallachuuf wal dorgomu ,bayyee dhama'u.Isheen garuu yeroo namni waan akkasii itti kaasu faara tolaadhaan nama hin ilaaltu kanaaf itti dhiyaachuuf dargaggoonni hedduun ni dhiphatu.Amantiin ishee Kiristiyaanaa yeroo mara waldaa yogguu deemtu macaafa ishee qomatti qabattee deemti.Tajaajiltuudha ni faarfatti.
Dargaggoota jaalala isheetiif maraachuuf ka’an keessaa tokko Abdallaa Ibiraahim.Bayyee jaallateera .Tasa ishee dhabuu hin barbaadu.Kanaaf yeroo mara naannoo isheen deemtutti ishee hordofuun beekama.Amantiin isaa kan biraa waan ta'eef isheen immoo tasumayyuu itti dhiyaachuu hin barbaaddu.
Daroon burtukaana baayyee jaallatti.Kanaaf yeroo hunda gabaa deemtus hermeen ishee deemanis burtukaana akka isaan dhiisanii galaniif hin eyyamtuuf.Burtukaana baayyee jaallatti.Nyaata biroo irra iyyuu utuu burtukaana qofa nyaattee itti tola.
Abdallaan yeroo baayyee ishee haasofsiisuu yaalus ishee keessumsiisuu hin dandeenye .Tooftaa biraa ittiin ishee argatu barbaaduu eegale.Yaada tokkootu dhufeef Innis waan isheen baay'ee jaallatu qorachu .Namoota ollaa ishee deemuun waan isheen baay’ee jaallatu gaafachuu eegale.wanti isheen baayyee jaallatu burtukaana taa'uu yemmuu baree burtukaana lama bitatee yemmuu isheen waldaa deemtu eeguu jalqabeera.Dhufaa jirti .asii achi yemmuu argu burtukaana isaa harkatti qabatee ol dadarbachaa itti dhufe.isheenis yemmuu harkatti burtukaana argite maaloo burtukaanicha naa kenni jetteen .Innis yaadakoo yoo dhaggeeffatte siin kennaa jedheen.isheenis isaan eessa fuutee jetteen .inni mana keenya bukkee jira ,anaaf ati walii galuu duwwaa malee keeshaadhaan ciree si fidaa jedheenii yaada isaa itti himatee biraa deeme .Guyyaa kanbiroos burkaana bitatee dhufee waliin haasa'uu itti fufe .walitti dhufeenyi isaanis cimaa dhufe.Akka fuudhuu barbaadu yoo itti himu akkanni Yesuusitti amanuu qabu itti himte isheen .Tole jedhee waldaa deeme yeroo muraasa booda Guyyaa cidhaa isaanii walii galan.
Guyyaan cidha Isaanis ga’eera .Cidha baay’ee ho'aa geggeeffatanii yoo mana ga’aan wangeelli afaan balabalaa jira .Akka isheen irra ejjettee ol galtuuf dirqisiisan. isheenis utuu hin jaallatin waan isaan isheef qopheessan mara fudhatte . guyyuma kana miilli ishee naafate .Waliin jireenya jalqabaniis ji’oota muraasa booda lubbuun dabarte.
Agartee jalqaba Seexanni waan ati jaallatu siif dhiyeessa adda baastee eenyuu biraa akka ta'ee hin hubattu taanaan kiyyoo inni siif qopheesse keessa galuu keeti.Kanaafiyyuu waan nuuf dhiyaatu marayyuu Waaqayyoo biraatimoo miti jennee adda baafachuu qabna.Yeroon seenaa kana dhaga'ee baay'ee gadde namni baay’een waan xinnoon akka gowwomun hubadhe.Obboleessa koo ykn Obboleettii koo baay’ee of eeggachuu,hubannaa fi ogummaan deddeebi'uutu nurra jiraata
(Yih 1 )
20 Isin garuu michoota ko, amantii keessan isa hundumaa caalaa qulqulluu irratti dhaabamaatii cimaa! Hafuura qulqulluudhaan geggeeffamaatii kadhadhaa! 21 Jaalala Waaqayyoo keessatti of egaa; araara ittiin gooftaan keenya Yesus Kristos jireenya bara baraatti isin geessu eeggadhaa.

#MISIRAACHOO🎤🎤

Luq 2:10-11
¹⁰ Ergamichi garuu, "Hin sodaatinaa! Kunoo, ani misraachoo gammachuu guddaa isinittan hima'o, kunis saba hundumaaf kan ta'uu dha. ¹¹ Har'a mandara Daawititti fayyisaan isiniif dhalateera; inni immoo Kristos goofticha.

Misiraachoo yookiin sagalee misiraachoo jechuun maal jechuudha?

Misiraachoo jechuun waan kanaan dura dhaga'amee hinbeekne, dubbii haaraa fi nama gammachiisu namatti himamu jechuudha. Misiraachoon akkaataa itti himamu qaba. Nama itti himamus qaba. Misiraachoon biyya ilaallatu jalqaba bulchaa biyyaatti yookiin biyya sana keessatti nama dhageettii guddaa qaba jedhamee yaadamutti himama. Misiraachoon namoota gurguddaa ilaallatu namootuma gurguddaa sanatti himama. Misiraachoon nuuf dhufe garuu sanarraa addadha.

Misiraachoon guddichi nuti qabnu wangeela. Wangeelli sagalee misiraachooti. Sagaleen Misiraachoo inni wangeelli dubbatu immo kiristoos goofticha. Misiraachoon kun kan saba hundumaa biyya lafaa kanarra jiraataniiti. Kan adda isa godhu garuu iddo inni itti argamee fi namoota inni jalqaba itti dubbatameedha.

Misiraachoon guutummaa biyya lafaatiif dhufe kun mandara xiqqoo fi tuffatamtuu wanti gaariin keessaa ba'a jedhamee hin yaadamne keessatti argame. Isarrayyuu darbeemmoo namoota akka yaada namaatti wayitti hingallee fi dubbiin isaanii fudhatama hinqabne tiksootatti dubbatame. Saba sana keessatti tiksituun mana murtiillee yoo deeman ragaa ta'uu hindanda'an. Sababni isaa Jechi isaanii fudhatama hinqabu. Garuu misiraachoon guddaan kun jalqaba warra tuffatamoo fi qooda gaarii namootaa keessaa hinqabnetti dubbatame. Ergamaan yeroo isaanitti mul'ate akka isaan sodaatan argee; ''Hin sodaatinaa! Misiraachoo gammachuu guddaa isinittan hima, kunis saba hundumaaf kan ta'uudha'' isaaniin jedhe.

Guyyaan misiraachoo kun guyyaa waaqayyo uumamuu waaqaa fi lafaa dura murteessee kaa'e ture.
Gal 4:4-5
⁴ Barri murameef sun yeroo guutetti garuu, Waaqayyo ilma isaa erge; innis yeroo ergame dubartii irraa dhalatee, seera jala galfame. ⁵ Inni warra seera jala jiran furuudhaaf, nuyis ilmaan Waaqayyoo taanee akka guddifamnuuf kana godhe.
Karaa raajicha mikiyaas immoo mandara ishee xinnoodha jedhamte kana keessaa mootiin akka ba'u dubbatamee ture.
Mik 5:2 “Ati immoo yaa mandara Betlihem-Efraataa, mandaroota Yihudaa warra gurguddoota keessaa ati ishee xinnoo dha; Israa'elin kan mo'u tokko si keessaa anaaf in ba'a; hundeen isa si keessaa ba'uuf jiruus kan bara durii durii bara baraa ti.”

Yesuus erga gara biyya lafaa kana dhufee gara namoota namni maqaa itti baasee isaanirraa goreetti goruu jaallate.
Mat 9:9-13
⁹ Yesus achii ka'ee utuu darbuu, nama Maatewos jedhamu tokko, utuu inni iddoo qaraxaa taa'uu argee, "Na duukaa bu'i!" jedheen. Maatewos yommus ka'ee, duukaa in bu'e. ¹⁰ Kana booddee immoo Yesus mana namichaatti maaddiitti taa'e; kunoos qaraxxoonnii fi warri akka seeraatti hin jiraanne baay'een dhufanii Yesusii fi bartoota isaa wajjin maaddiitti taa'an. ¹¹ Warri Fariisotaa garuu kana yommuu argan bartoota isaatiin, "Maaliif barsiisaan keessan warra qaraxxuudhaa fi warra akka seeraatti hin jiraannee wajjin nyaata?" jedhan. ¹² Yesus garuu kana yommuu dhaga'e, "Namoonni fayyaan ogeessa qorichaa hin barbaadan, dhukkubsatootatu barbaada malee; ¹³ inni 'Gara-laafinan barbaada malee aarsaa miti' jedhu maalitti akka hiikamu dhaqaa baraa! Anoo warra gara-qajeelota waamuu hin dhufne, warra cubbamoota waamuufan dhufe malee" jedhe.

Misiraachoon guddaan gara biyya lafaa dhufe kun egaa misiraachoo fayyina keenyaati. Yesuus inni nuuf dhalate kun fayyisaadha, oolchaadha, gargaaraadhas. Warra cubbamootas karaa du'aarraa deebisee gara jireenyaatti fiduudhaaf amanamaadha.

Hallelujah 🙌 Praise God 🙏

Durri Kun kan mo'ichaati sagaleen kiraaraaf weedduu haa dhaga'amu....