Magarsaa Qilxuu

Machii Mootummaa Ce'umsaa Ijaarra  Jedhan Ammas Eegalan

Murni maqaa ABOn  Guullallee ciisu, kan miseensota isaaf ofii fi uummata Oromoo alangaa Bilxiginnaan waadamaa jiru baraaruu hin dandeenye mootummaa ce'umsaa biyyoolessa  Oromiyaa hundeessina jechuun burjaajii isaanii eegalanii jiru.

Maraatummaa waggaa shan dura eegalan ammas bulchiinsa Bilxiginnaa raafamaa jira jedhamutti fayyadamnee mootummaa ijaarranna  jechuun abjuu hin dhugoomneen uummata afaanfaajjessaa jiru.
Waltajjiilee adda addaa Zoom'n geggeessuu
Uummata Oromoo bakkoota adda addaa bilbilaanii fi platform adda addaan quunnamuu
Finfinnee fi Shaggar Siitii keessatti ammoo namoota aanaalee irraa waamuun dhoksaa fakkeessanii mariisisuutti jiru.
Egaan qaamni Bilxiginnaa bakkaa kaasee Oromoof sirna waaraa fiduu ykn Bilxiginnaa dhiibee deebii Oromoo argamsiisu jiraannaan akka kootti rakkoo hin qabu. Haa ta'u malee waan maqaa ABOtiin gareen Daawud ibsaa dubbatuu fi gochaa jiru dhimma Oromoo furuuf ga'umsi inni irra jiru sirriidha kan jedhu gaaffii hedduu nama kaasisa. Dhaabichi maqaa malee namaan hin jiru. Sanuu gareen tokko ifatti Bilxiginnaa waliin garee Daawud ammoo dhoksaan.

Kana malees gareen kun namoota hundaa ijaarreerra, Waraanni Bilisummaa Oromoo nu harka jira jedhu. Yeroo namni waraana maalii qabdu ? WBOn Jaal Marroofaan hogganamaa jira mitii jedhamuun nama itti erginee mari'achaa jirra jedhu. WBOn isin hin beeknu jedheera, hoggantootni yeroo adda addaatti ibsa kennanii turani jedhan ammoo Jaal Marroon walakkaa qaba, nu harkas walakkaatu jira jedhuun. Kana Finfinnee keessa teessanii akkamiin dandeessan moo mootummaa waliin hojjechaa jirtu yeroo jedhan deebii hin qaban.
Kana irratti warreen Daawudiin bobbaafamanii jiran miseensota WBO Eertiraa irraa galanii Bilxiginnaan hiitee gadhiistee amma ba'anii jiran, miseensota WBO duranii karaa keenya malee, Bilisummaan Oromiyaa dhufuu hin qabu jedhan, nuun malee WBOn Zoonii Kibba Bahaa, Bahaa fi kanneen biroo ijaaramuu hin qabu jechuun dhaadachaa turaniidha.
Finfinnee keessatti barcaa fi shiishaan namoota simatanii dhimma qabsoo jechuun waan hin jirreen ololaa oolu.
Asi keessatti yeroo na mariisisan kanan arge inaaffaa milkii mooraa qabsoo ABO-WBO fi hoggantoota isaa  irraa qabaniidha. Maaliif akkas mooraan qabsoo bilisummaa Oromoo firii argachuun namoota bakka sana keessa hin jirre gubaan nama dhiba. Garuu gadhummaa ta'uun irraa hubadhe.  Of malee akka sabaaf hin taaneen qalbeeffadhe.
Yeroo darbe warra Sanyiif waliin gale keessaa muraasa  diina hin fudhatinaa jedhanii Bilxiginnaa goyomsuun dirreetti hambifachuuf yaallaan dur sirnaan wal beektu har'a diina jettuu jettee hunda isaanii jalaa haxooftee mooraa haaromsaa galchite. Sanaanis sagalee WBOn maallaqa gaafachuun hongaa'e.

Daawud Zoom irra deemee waraanan qaba jedha  namni hin qaanofne. Har'ammoo Bilxiginnaa waltajjii mareenuu deebii Oromoo deebisuu hin feenu irratti mootummaa ce'umsaa Oromiyaa jedha waan Addunyaa irratti hin shaakalamne. Waraana kana waliin bara 2019 ifatti akka adda ba'an  ibsa kennan ni dagatan fakkaata. Bakka jiranii fi eenyu waliin akka hojjetan irranfatanii laata ? Natti hin fakkaatu. Beekaa diigumsaa fi burjaajiif ka'an malee.
Qaamni ykn hogganni ajjeechaa Jaal Batteef hiriira  balaaleffannaa tokko illee hin waamne qaanii hin qabu waan biraa lafa jalaan deema. Waan bu'aa hin qabne. Garuu mooraa qabsoo fi diddaa uummatichaa gidduutti burjaajii uumuuf.

Waanti dhugaan tokko Daawud Abiy Ahimediin socho'a.  Sochii isaa Abiyyitu murteessaaf. Gaardota jarri ramadaniifiin bobba'a. Jarri kun maaliif ramadamanii miti. Gaaffiin jiru garuu gaardotni kun nageenya Daawud qofa miti  jireenya isaa guutuu to'atu.
Akka fakkeenyaatti gaafa du'a ga'ii Jaal Battee Urgeessaa haati warraa isaa Maqiitti awwaalcha xumurtee guyyaa muraasa booda  Laga Xaafootti deebitu Daawud dhaqee daqiiqaa 5 odoo hin teenye eegdotni gurratti gadi jedhani ka'i ni deemna jedhan. Waan tokko osoo hin dubbanne waliin deeme.

Tikni waraa-naa ajajaa waraa-nan olidha. Seerri tikaa miseensaa fi ajajaa tiksuu irratti gaafatama guddaa qaba. Waraa-na jabaa qabda jechuun tiksee jabaa qabda jechuudha. Waraa-nni ija hin qabu, ijji isaa tika isaati. Eessatti akka lo-u, eessatti akka lo-lamu, eessatti akka injifatu, eessan akka injifatu dursee kan argu tiksee isaati. Gatiin tika fi lo-ltuu biyya tokkoo baay'ee qaaliidha. Lo-ltoonni tika isaanii tokko dhabuurra lolt-oota ofii isaanii kuma dhabuu filatu! Ija isaatu tika isaati waan ta'eef jechuudha. Lolt-oonni ofii isaanii irra tika isaanii baay'ee jaallatu, kanaaf tika ofii dhabuu baay'ee rifatu!

Lolt-uun impaayeraa ajjee-chaa seera qabeessa akka si ajjee-su barbaaddee silaa? Kan jala jirtu impaayera. Sanuu impaayera akka addunyaatti qancara. Impaayeratti na ajjee-fte jettee itti wawwaatta osoo hin taane wal taatee wawwaachifta, of kabachiifta! Gurmaa'i, wal hin tuffatiin, kutaan wal hin qoodiin, ajandaa diin-onni kee siif bocan tuffadhu, waan isaan siif jibban waan baay'ee si barbaachisu ta'uu hubadhu. Hin sodaatiin, garaa jabeessa ta'i. Xiiqii qabadhu, xiiqii kaayyoo. Biyya kee irratti abbaa ta'uuf waree-gama seena qabeessa baasuun cubbuu miti.

Kanneen akka Dammaqaa Nagaasaafaa kana nama jadhanii komachuun mataamti isaa cubbuudha!
Namni komatamu,nama namummaan itti dhaga'amu fi itti gaafatamummaan maal akka ta'e beekudha.

Kaadiroota PP ija dunuunfatanii Murna aangoorra jiru yakkarraa qulqulleessuu fi olola sobaan cubbuu ilmaan Oromoo irratti raawwatamaa jiru haalan,komachuun hafuu qaba.

Jara kana dhimma garaa fi garaa qofatu akka Saree isaan duuchisa,akka Waraabessaa isaan yuusisaa jira.
Hojiin jara kanaa Geetaachoo Raddaa 2017 "Agaaniint" nun jadhe fi Aluulaa Salamoon "Alshabaab" nuun jadhe,akkasumas Abbooy Tsahaayyee "Kana caalaa raawwatama" nun jachaa ture sana nama yaadachiisu.

Akka muuxannootti waan arginee bira darbine waan ta'eef,jara kanatti mufachuu fi itti gadduun hin barbaachisu.
Galaanichi haafa fi kos'''ii akkasii walumatti haree sokkuun isaa hin hafu.
Abbaan garaachoo fi fakkaattoonni isaanii,dhimma garaa fi garaatu isaan yaaddessa.
Cubbuun ilmaan Oromoo irratti raawwatamaa jiru,guyyaan iyyatu fi dubbatatu dhihaateera.
Dhaddacha seeraa fi seenaatti,barri yakkamtoonni dhihaatanis fagoo miti.

Waraa-na itti abdannu waan qabnuuf waa'ee Biyyaas waa'ee WALABUMMAA OROMIYAAS lafa dhiitnee dubbanna! Siifan lol-la jedhee sobee hin beeku!