Musse Solomon

Гео и язык канала: Эфиопия, Амхарский

Категория: Образование

https://youtube.com/c/MusseSolomon
https://www.facebook.com/mussesolomonsisay/
https://www.tiktok.com/@mussesol?_t=8Uf4N5mSyaT&_r=1

Связанные каналы | Похожие каналы

Гео и язык канала

Эфиопия, Амхарский

Категория

Образование

Статистика

Избранное

Фильтр публикаций

Скрывать удаленные

Скрывать репосты

Musse Solomon

2 Jan, 15:59

የቴስላ ሳይበርትራክ መኪና ላስ ቬጋስ በሚገኘው የትራምፕ ሆቴል ፊት ለፊት መፈንዳቱ ተነገረ

በፍንዳታው የአንድ ሰው ህይወት ሲያልፍ 7 ሰዎች ቆስለዋል
በአሜሪካዋ ላስቬጋስ በሚገኘው የትራምፕ ሆቴል ፊት ለፊት የቴስላ ሳይበርትራክ መኪና መፈንዳቱ ተነግሯል።

በነዳጅ እና ርችት ተሞልቶ ነበር የተባለው ሳይበርትራክ መኪና ላስቬጋስ፣ ኔቫዳ በሚገኘው የዶናልድ ትራምፕ ሆቴል መግቢያ በር ላይ መፈንዳቱ ተገልጿል።

በፍንዳታው የመኪናው አሽከርካሪ ወዲያው ህይወቱ ሲያልፍ ሌሎች 7 ሰዎች መቁሰላቸውም ነው የተነገረው።

ፖሊስ በጉዳዩ ላይ በሰጠው ማብራሪያ፤ መኪናው ላይ በርካታ የነዳጅ መያዣዎች እና ርችት ተጭነው ነበር ብሏል።

የአሜሪካ የፌደራል የምርመራ ቢሮ (ኤፍቢአይ) ድርጊቱ የሽብር ተግባር ሊሆን ይችላል ወይ የሚለውን እየመረመረ መሆኑን አስታውቋል።

የትራምፕ ሆቴል የሳይበርትራክ ፍንዳታ አንድ ግለሰብ የአይኤስ ባንዲራ በያዘ መኪና በኒው ኦርሊየንስ በርካታ ሰዎችን በመግጨት ቢያንስ 15 ሰዎችን ከገደለ ከጥቂት ሰዓታት በኋላ የተከሰተ ነው።

Via @mussesolomon

12.2k 0 6 173

Musse Solomon

2 Jan, 12:04

በአዋሽ_ፈንታሌ በመሬት መንቀጥቀጥ ምክንያት በሺዎች የሚቆጠሩ ሰዎች ወደ አጎራባች ስፍራዎች እየሸሹ መሆኑ ተገለጸ

በአፋር ክልል አዋሽ ፈንታሌ ከሰሞኑን በተደጋጋሚ እየተከሰተ ባለው የመሬት መንቀጥቀጥ አደጋ በርካታ ሰዎች አከባቢያቸውን ለቀው አጎራባች ወደሆኑ ስፍራዎች እየሸሹ መሆናቸውን ነዋሪዎች ገልፀዋል።

የአካባቢው ነዋሪ በመሬት መንቀጥቀጡ ምክንያት አስፋልት ሲሰነጠቅ ማየታቸውን ገልጸው አሁን ላይ ስንጣቂው እየሰፋ መምጣቱን እና ከሰዎች መኖሪያ ቤት ውስጥ ሳይቀር ውሃ ሲፈልቅ ማየታቸውን ጠቁመዋል።

በተለይም በአርብሃራ እና ቦሊቃ መካከል የተሰነጠቀው አስፋልት ጥልቀቱ በጣም ትልቅ መሆኑ ገለጿል።

የአዋሻ ፈንታሌ ዋና አስተዳዳሪ የሆኑት አቶ አደን በለአ በበኩላቸው፤ የመሬት መንቀጥቀጥ ክስተቱ በአዋሽ ፈንታሌ ወረዳ ሳቡሬ ቀበሌ የሚገኘው የኡንጋይቱ መጀመርያ ደረጃ ት/ቤት ላይ ጉዳት ማድረሱንና ትምህርት መቋረጡን አረጋግጠዋል።

በተጨማሪም በዱሃ ቀበሌ የሚገኝ መስጂድ ላይ መሰነጣጠቅ አጋጥሟል ብለዋል።

Via @mussesolomon

18.9k 0 19 216

Musse Solomon

1 Jan, 17:46

በኢትዮጵያ የወንድ የዘር ፈሳሽ ልገሳ፣ የሰውነት አካል መለገስ እና በህክምና የታገዘ ሞት እንዲጀመር የሚፈቅደው ህግ ጸደቀ።

የህዝብ ተወካዮች ምክር ቤት የጤና አገልግሎት እና አስተዳድር ረቂቅ አዋጅን አጽድቋል። አዋጁ ከዚህ በፊት በኢትዮጵያ ተጀምረው የማያውቁ እና አዳዲስ አገልግሎቶችን መስጠት የሚያስችሉ የጤና አገልግሎቶች እንዲጀመሩ የሚያደርግ ነው።

ለአብነትም መዳን በማይችል እና በስቃይ ውስጥ ያሉ ታማሚዎች በሀኪሞች እርዳታ እንዲሞቱ የሚፈቅደው፣ የሰውነት አካልን ያለ ክፍያ መለገስ፣ የወንድ የዘር ፍሬ እንዲለገስ እና ሌሎችም አዳዲስ የህክምና አገልግሎቶችን ይፈቅዳል።

ምክር ቤቱ ላለፉት ወራት የተለያዩ ውይይቶችን ሲያደርግ ቆይቷል።

Via @mussesolomon

29.8k 0 276 767

Musse Solomon

1 Jan, 12:44

በህንድ የኮምፒውተር ባለሙያው ለአለቃው ስራ ማቆም እንደሚፈልግ ከመናገር ይልቅ አራት ጣቶቹን ቆረጠ

የ32 ዓመቱ ህንዳዊው ሰው በዘመድ ኩባንያ ውስጥ የኮምፒተር ኦፕሬተር ሆኖ ሲሰራ የነበረ ሲሆን የግራ እጁን አራት ጣቶችን እንደቆረጠ አምኗል።

አይሆንም ማለትን መማር ቀላል ይመስላል፣ ነገር ግን ለአንዳንድ ሰዎች፣ አይሆንም ወይም እምቢ ከማለት ይልቅ የገዛ ህይወታቸውን የበለጠ ከባድ አደጋ ላይ እስከ መጣል ሊሄዱ ይችላል። ለአለቃው ስራውን መልቀቅ እንደሚፈልግ ላለመናገር በግራ እጁ ላይ አራት ጣቶቸን እንዲቆረጥ ያደረገው የጉጃራቱ ሰው አደጋ እንደደረሰበት ሲያስመስል ቆይቷል። በዚህ ወር መጀመሪያ ላይ ማዩር ታራፓራ የግራ እጁ አራት ጣቶች መቆረጣቸውን ለማሳወቅ በትውልድ ከተማው ሱራት ወደሚገኘው ፖሊስ ጣቢያ አምርቷል። ሞተር ብስክሌቱን እየጋለበ ወደ ጓደኛው ቤት እየሄደ እንደነበር ተናግሯል።

ታዲያ በድንገት ራስን የማዞር ስሜት ተሰማው እና በመንገዱ ዳር ላይ መውደቁን ገልጿል። ከ10 ደቂቃ በኋላ ከእንቅልፉ ሲነቃ የግራ እጁ አራት ጣቶች ተቆርጠዋል። ፖሊሶች መጀመሪያ ላይ የሰውዬው ጣቶች ለጥቁር የአስማት የአምልኮ ሥርዓቶች እንደተቆረጠ በማመን እርሱ ከተናገረው ውጪ ተጠራጥረው ነበር። ነገር ግን ምርመራቸው ማዩር ላይ ጫን አድርገው ሲቀጥሉ ያልጠበቁት ሆኖ ተገኝቷል።አስገራሚው ጉዳይ ወደ ከተማው የወንጀል ቅርንጫፍ ከመዛወሩ በፊት በሱራት ፖሊስ ጣቢያ ተመዝግቧል። መርማሪዎች ተጎጂው እንደወደቀ በተናገረበት አካባቢ የክትትል ካሜራ ቀረጻ እና የዓይን እማኞችን ማጣራት ሲጀመር ግን እርሱ የተናገረውን መረጃ ማግኘት አልቻሉም።

Via @mussesolomon

32.2k 0 44 301

Musse Solomon

1 Jan, 11:59

ኢለን መስክ በኤክስ ገጹ ላይ ስሙን "ኬኪዩስ ማክሲመስ" በሚል መቀየሩ አነጋገረ

ታዋቂው ቢሊየነር መስክ የአሜሪካ ምርጫ 2024ን ላሸነፉት ትራምፕ ድጋፍ ካደረጉት ባለሀብቶች ውስጥ በቀዳሚነት የሚጠቀስ ነው
ኢለን መስክ በኤክስ ገጹ ላይ ስሙን "ኬኪዩስ ማክሲመስ" በሚል መቀየሩ አነጋገረ።

የአለም ቁጥር አንዱ ሀብታም ኢለን መስክ የራሱ በሆነው ማህበራዊ ሚዲያ ኤክስ ላይ ስሙን "ኬኪዩስ ማክሲመስ" በሚል ከቀረ በኋላ መነጋገር ሆኗል።

የቴክኖሎጂ ከበርቴው እና የተመራጩ ፕሬዝደንት ዶናልድ ትራምፕ ሚስጥረኛ ስሙን የቀየረበትን እና በቀኝ ዘመም ቡድኖች የሚዘወተረውን አስቂኝ ምስል ወይም 'ሜም' ለምን 'ፕሮፋይል' እንዳደረገው እስካሁን ምላሽ አልሰጠም።

ይህን ተከትሎ ተመሳሳይ ስም የሚጋራ ሜምኮይን ወይም ዲጂታል ከረንሲ እንዲነቃቃ በማድረግ የክሪፕቶከረንሲ ገበያ ላይ ተጽዕኖ መፍጠሩን ቢቢሲ ዘግቧል።

ከዚህ ቀደም መስክ በማህበራዊ ሚዲያ በሰጠው አስተያየት በክሪፕቶ ገበያ ላይ ተጽዕኖ አሳድሮ የነበረ ቢሆንም በዚህ ሜምኮይን ላይ ተሳትፎ ስለማድረጉ ግልጽ አይደለም።

Via @mussesolomon

28.5k 0 10 92

Musse Solomon

1 Jan, 06:41

ባንኮች ላይ ተጥሎ የነበረው አመታዊ የብድር እድገት ገደብ በመጠኑ ተሻሻለ።

የኢትዮጵያ ብሄራዊ ባንክ ቦርድ በቅርቡ ማእከላዊ ባንኩን ለማቋቋም በፀደቀው አዲስ አዋጅ መሰረት በተቋቋመው የገንዘብ ፖሊሲ ኮሚቴ የቀረበለትን የውሳኔ ሃሳብ አፅድቋል።

በዚህም መሰረት ከፀደቁ የውሳኔ ሃሳቦች መካከል በ2015ዓም ነሃሴ ወር አንስቶ ተግባራዊ መደረግ የጀመረው የባንኮች አመታዊ ብድር እድገት ገደብ ላይ ማሻሻያ አድርጓል።

በዚህ መሰረት ቀደም ሲል ተጥሎ ከነበረው የ14 በመቶ አመታዊ እድገት ወደ 18 በመቶ እንዲሆን ተወስኗል።

Via @mussesolomon

30.6k 0 29 161

Musse Solomon

31 Dec 2024, 17:39

በ2024 የአለም ህዝብ ቁጥር በ71 ሚሊየን ጨመረ

የአለም ህዝብ ቁጥር በነገው እለት 8.09 ቢሊየን እንደሚደርስም የአሜሪካ የህዝብ ቆጠራ ቢሮ ገልጿል።

በተገባደደው 2024 የአለም ህዝብ ቁጥር በ0.9 በመቶ አድጓል፤ ይሁን እንጂ ከ2023 የህዝብ ቁጥር እድገት (75 ሚሊየን) አንጻር ዝቅ ያለ ነው ተብሏል።

በጥር 2025 በየሰከንዱ 4.2 በመቶ ውልደት እና 2.0 ሞት እንደሚመዘገብ ተተንብዩዋል።

Via @mussesolomon

33.8k 0 15 281

Musse Solomon

31 Dec 2024, 15:24

የአሜሪካ ግምጃ ቤት በቻይና የመረጃ መንታፊዎች መበርበሩን ገለጸ

በቤጂንግ የሚደገፍ የመረጃ ጠላፊ የሰራተኞች ኮምፒውተሮችና ሚስጢራዊ መረጃዎች ተመልክቷል ተብሏል።

የአሜሪካ ግምጃ ቤት በቻይና የመረጃ መንታፊዎች መበርበሩን ገለጸ።
በቤጂንግ የሚደገፍ የመረጃ ጠላፊ በታህሳስ ወር መጀመሪያ የሰራተኞች ኮምፒውተሮችና ሚስጢራዊ መረጃዎችን መመልከቱን ነው የአሜሪካ ባለስልጣናት የተናገሩት።

ሚኒስቴር መስሪያ ቤቱ "ትልቅ ክስተት" ነው ያለው ጥቃት ያስከተለውን ጉዳት ከአሜሪካ የወንጀል ምርመራ ቢሮ (ኤፍቢአይ) እና ሌሎች የደህንነት ተቋማት ጋር በመሆን እየመረመረ ነው።

Via @mussesolomon

33.3k 0 4 128

Musse Solomon

31 Dec 2024, 11:04

በኢትዮጵያ ባለፉት 24 ሰዓታት ውስጥ ከ13 በላይ የመሬት መንቀጥቀጦች ተመዝግበዋል

የመሬት መንቀጥቀጦቹ ሌሊት ላይ በተደጋጋሚ የተከሰተ ሲሆን ንዝረቱ እስከ አዲስ አበባ ተሰምቷል
በኢትዮጵያ ባለፉት 24 ሰዓታት ውስጥ ከ13 በላይ የመሬት መንቀጥቀጦች መመዝገባቸውን የአሜሪካ ጂኦሎጂካ ሰርቬይ መረጃ ያመለክል።

የመሬት መንቀጥቀጦቹ በሬትከተር ስኬል ከ4.4 እስከ 4.8 ማግኒትዩት መካከል መመዝገባቸውንም ነው ከማእከሉ ያገኘነው መረጃ የሚያመለክተው።

በአዋሽ እና መትሃራ አካባዎች ከትናንት ቀን ጅምሮ እስከ ሌሊት ድረስ ከ4.5 እስከ 4.7 ማግኒትዩት መካከል የተመዘገቡ ከስምንት በላይ የመሬት መንቀጥቀጦች መከሰታቸውን የአሜሪካ ጂኦሎጂካል ሰርቬይ መረጃ ያመለክታል።

Via @mussesolomon

35.2k 0 57 301

Musse Solomon

30 Dec 2024, 13:51

ከ499 ሺህ በላይ ተማሪዎች የዩኒቨርሲቲ መግቢያ ፈተና ለመውሰድ ተመዝግበዋል

እስካሁን 499 ሺህ 200 ተማሪዎች የዩኒቨርሲቲ መግቢያ ፈተናን ለመውሰድ መመዝገባቸውን የሀገር አቀፍ የትምህርት ምዘናና ፈተናዎች አገልግሎት አስታወቀ፡፡ በአገልግሎቱ የተፈታኞች ምዝገባ፣የፈተና ዕርማትና ውጤት ጥንቅር ዴስክ ሀላፊ ማዕረፉ ሌሬቦ÷በ2017 የትምህርት ዘመን ለሚሰጠው የ12ኛ ክፍል የዩኒቨርሲቲ መግቢያ ፈተና በመደበኛና በግል 750 ሺህ ተማሪዎች ይመዘገባሉ ተብሎ እንደሚጠበቅ ተናግረዋል።

39.1k 0 33 268

Musse Solomon

29 Dec 2024, 21:21

በሲዳማ ክልል በደረሰ የትራፊክ አደጋ የ71 ሰዎች ሕይወት አለፈ

በሲዳማ ክልል ምስራቃዊ ዞን ቦና ዙሪያ ወረዳ በደረሰ የትራፊክ አደጋ የ71 ሰዎች ሕይወት አለፈ።

የክልሉ ፖሊስ ኮሚሽነር ሽመልስ ቶማስ ለፋና ዲጂታል እንዳሉት ፣ አደጋው አይሱዙ ተሽከርካሪ ሰርገኞችን ጭኖ ሲጓዝ በቦና ዙሪያ ወረዳ ጋላና ወንዝ ድልድዩን ስቶ ወደ ወንዝ በመግባቱ ነው የተከሰተው።

በዚህም የ የ71ሰዎች ሕይወት ማለፋን ገልጸው ፥ጉዳት የደረሰባቸው ሰዎች በቦና አጠቃላይ ሆስፒታል ሕክምና እየተከታታሉ ነው ብለዋል ።

Via @mussesolomon

42.6k 0 26 912

Musse Solomon

29 Dec 2024, 21:16

በአዋሽ አካባቢ ዛሬ ምሽት በሬክተር ስኬል 5.0 የደረሰ የመሬት መንቀጥቀጥ ተከሰተ!

በዛሬው ዕለት ከተሰሙ ሰባት የመሬት መንቀጥቀጦች አንዱ በአዋሽ አካባቢ ተመዝግበዋል። በአፋር ክልል አዋሽ አካባቢ ከሰሞኑ ከደረሱት የመሬት መንቀጥቀጥ ክሰተቶች በመጠኑ ከፍተኛ የሆነ ርዕደ መሬት ዛሬ እሁድ ምሽት መከሰቱን የጀርመን የጂኦሳይንስ የምርምር ማዕከል አስታወቀ።

በአካባቢው ከምሽቱ 2 ሰዓት ከ10 ላይ የደረሰው የመሬት መንቀጥቀጥ፤ በሬክተር ስኬል 5.0 የደረሰ እንደሆነ የማዕከሉ መረጃ አመልክቷል። በሬክተር ስኬል የመለኪያ መሳሪያ ከ2.5 እስከ 5.4 መጠን ያላቸው የመሬት መንቀጥቀጦች አነስተኛ ጉዳት የሚያስከትሉ እንደሆኑ በዘርፉ ምርምር የሚያደርጉ ተቋማት ይገልጻሉ።

በዚህ መጠን የሚከሰቱ የመሬት መንቀጥቀጦች ንዝረታቸው በበርካታ ኪሎ ሜትር ርቀት ላይ ባሉ ከተሞች ጭምር የሚሰማ እንደሆነም የተቋማቱ መረጃ ያሳያል። የምሽቱ የመሬት መንቀጥቀጥ በአዲስ አበባ ጭምር ዘለግ ላሉ ሰከንዶች የቆየ ንዝረት አስከትሏል። ከአዋሽ ከተማ 14 ኪሎ ሜትር ርቀት ላይ ባለ ስፍራ የተከሰተው የምሽቱ ርዕደ መሬት፤ በዛሬው ዕለት ብቻ በአካባቢው የተመዘገቡ መሬት መንቀጥቀጦችን ቁጥር ሰባት አድርሶታል።

Via @mussesolomon

42.2k 0 40 211

Musse Solomon

29 Dec 2024, 15:06

ADDIS ABABA NO 3 Total Tax Payers (1).pdf

6.4Мб

43.7k 0 126 99

Musse Solomon

29 Dec 2024, 15:05

ስታዲየም አካባቢ የሀ ህንፃ ከሚገኘው ከአዲስ አበባ ቁጥር 2 ወደ ጉርድ ሾላ አካባቢ በተከፈተው ከሳሊተ ምህረት ቤተክርስቲያን ፊት ለፊት ወደሚገኘው አዲስ አበባ ቁጥር 3 የተዘዋወሩ ግብር ከፋዮች ስም ዝርዝር ከዚህ በታችና ካለው ፎልደር ይመልከቱ

Via @mussesolomon

45.4k 0 65 115

Musse Solomon

29 Dec 2024, 13:59

በመሬት መንቀጥቀጡ ከ30 በላይ የመኖሪያ ቤቶች ጉዳት ደረሰባቸው

በጋቢ ረሱ ዞን በተደጋጋሚ እየተከሰተ ባለው የመሬት መንቀጥቀጥ ከ30 በላይ የመኖሪያ ቤቶች ጉዳት ደርሶባቸው ነዋሪዎች ሌላ አማራጭ እንዲፈልጉ አስገድዷል፡፡

በአዋሽ 7 ከተማ አሥተዳደር፣ በአዋሽ ፈንታሌ እና አሚባራ ወረዳዎች በሚገኙ የተወሰኑ ቀበሌዎች የመሬት መንቀጥቀጥ በተደጋጋሚ እየተከሰተ መሆኑን የዞኑ ዋና አሥተዳዳሪ አብዱ ዓሊ ገልጸዋል፡፡

በዚህም እስከ አሁን በአዋሽ ፈንታሌ ወረዳ ሳቡሬ እና ዶኾ ቀበሌዎች ከ30 በላይ የመኖሪያ ቤቶች ላይ ጉዳት መድረሱን አረጋግጠዋል፡፡

ጉዳት በደረሰባቸው እና ሌሎችም ሥጋት ባለባቸው መኖሪያ ቤቶች ያሉ ወገኖችን ከአካባቢያቸው ሳይርቁ ቀለል ባለ ባህላዊ ቤት እንዲኖሩ እየተደረገ ነው ብለዋል፡፡

Via @mussesolomon

42.7k 0 35 199

Musse Solomon

29 Dec 2024, 13:39

በአስደንጋጩ አውሮፕላን አደጋ እስካሁን 151 ሰዎች ሞቱ።

በደቡብ ኮሪያ ውስጥ በማረፍ ላይ የነበረ አንድ አውሮፕላን ባጋጠመው አደጋ እስካሁን ድረስ 151 ሰዎች መሞታቸው ተሰምቷል።

" ጄጁ " የተባለው አየር መንገድ ንብረት የሆነው አውሮፕላን ከባንግኮክ መጥቶ በደቡብ ኮሪያው ሙዋን አየር ማረፊያ ሲያርፍ ነበር መንገዱን ስቶ የአውሮፕላኑ የፊተኛው ክፍል በእሣት ሲያያዝ የታየው።

ምንም እንኳ እስካሁን ድረስ የአደጋው መንስዔ ባይታወቅም የእሣት አደጋ አገልግሎት " ምናልባት ከወፍ ተጋጭቶ አሊያም ባለው ከባድ የአየር ፀባይ ምክንያት ሊሆን ይችላል " ብሏል።

አውሮፕላኑ 181 ሰዎች አሳፍሮ ነው ከታይላንድ የተነሳው።

አብዛኛዎቹ ደቡብ ኮሪያዊያን መሆናቸውን መገናኛ ብዙኃን ዘግበዋል።

እስካሁን አንድ ተሳፋሪና አንድ የበረራ ሠራተኛ በሕይወት ሲተርፉ ሌሎች ከአደጋው የተረፉ ሰዎችን የማዳን ሥራው መቀጠሉን ቢቢሲ ኒውስ ፣ ቲአርቲ ወርልድና ሮይተርስ ዘግበዋል።

Via @mussesolomon

42.4k 0 12 307

Musse Solomon

28 Dec 2024, 22:16

I am honored to have won the 2024 Best Informative Content TikTok Creative Award in Ethiopia! Thank you all for your votes and support. Here’s to continuing our journey with even greater achievements ahead!

የ2024 Best Informative Content የTikTok Creative Award in Ethiopia በማሸነፌ ክብር ይሰማኛል! ለሰጣችሁኝ ድምጽ እና ድጋፍ ሁላችሁንም አመሰግናለሁ። ከፊታችን በላቀ ስኬት ጉዟችንን እንቀጥላለን!

Via @mussesolomon

56.2k 0 49 5.5k

Musse Solomon

27 Dec 2024, 21:04

ቪኒሰስ ጁኒየር የአመቱ ምርጥ አጥቂ ተባለ !

የ 2024 የግሎብ ሶከር የአመቱ ምርጥ ሽልማት ስነስርዓት በዩናይትድ አረብ ኤምሬትስ ዱባይ ሲካሄድ የአመቱ ምርጥ አጥቂ እና አማካይ ታውቋል።

በዚህም መሰረት ብራዚላዊው የፊት መስመር ተጨዋች ቪንሰስ ጁኒየር የግሎብ ሶከር የ2024 የአመቱ ምርጥ አጥቂ በመባል መመረጥ ችሏል።

እንግሊዛዊው የመሐል ሜዳ ተጨዋች ጁድ ቤሊንግሀም በበኩሉ የአመቱ ምርጥ አማካይ በመሆን መመረጥ ችሏል።

የሪያል ማድሪዱ አሰልጣኝ ካርሎ አንቾሎቲ የግሎብ ሶከር የ2024 የአመቱ ምርጥ አሰልጣኝ በመባል ተመርጠዋል።

Via @mussesolomon

54.4k 0 12 395

Musse Solomon

27 Dec 2024, 13:54

በአዲስ አበባ ባለቤት አልባ ውሾች ቁጥር በጣም ጨምሮ ከ300 ሺህ በላይ እንደደረሰ ይገመታል፤ እነዚህ ውሾች የሚያደርሱት ንክሻ የእብድ ውሻ በሽታን ወደ ሰዎች ያስተላልፋሉ የሚል ስጋት ፈጥሯል፡፡

ከእነዚህ አካባቢዎች አንዱ አስኮ አካባቢ የሚገኘው ሚኪሊላንድ ኮንዶሚኒየም ነው፡፡ 5,000 ነዋሪዎች ባሉበት በዚህ አካባቢ እየተፈጠረ ያለው የባለቤት አልባ ውሾች ንክሻ ነዋሪውን ስጋት ውስጥ ከትቶታል ተብሏል፡፡

ችግሩ የተፈጠረው በኮልፌ ቀራኒዮ ክፍለ ከተማ አስኮ ብርጭቆ ወይም ሚኪሊላንድ እየተባለ በሚጠራው ኮንዶሚኒየም አካባቢ ነው፡፡

በአካባቢው በሚርመሰመሱ ባለቤት የሌላቸው ውሾች ልጆቻችንና አቅመ ደካሞች እየተነከሱ ነው፤ በወር 5 እና 6 ሰዎች ይነከሳሉ፤ በዚህም ምክንያት ለመውጣትም ይሁን ለመግባት ተቸግረናል የአስኮ ሚኪሊ ላንድ ኮንዶሚኒየም ነዋሪዎች ነግረውናል፡፡

Via @mussesolomon

49.1k 0 78 330

Musse Solomon

27 Dec 2024, 13:49

የህዝብ ትራንስፖርት አገልግሎት እስከምሽቱ 4:00 እንዲሰጥ ተወስኗል

በአዲስ አበባ ከተማ የህዝብ ትራንስፖርት አገልግሎት የምትሰጡ አካላት እስከ ምሽቱ 4:00 የትራንስፖርት አገልግሎት እንዲሰጥ 4ተኛ ዓመት፣ 4ተኛ መደበኛ ስብሰባ ላይ የከተማ አስተዳደሩ ካቢኔ ወስኗል። በዚህ ውሳኔ መሠረት ማንኛውም የህዝብ ትራንስፖርት አገልግሎት የምትሰጡ አውቶቡሶች፣ ሚዲ ባስ እና ሚኒ ባሶች ቢሮው ባወጣው መደበኛ ቀን በሚትሰሩበት መስመር እና ቀን ላይ በሚከፈለው ህጋዊ ታሪፍ መሠረት እስከምሽቱ 4:00 አገልግሎት እንድትሰጡ ቢሮው ያስታውቃል።

ስለሆነም የትራንስፖርት አገልግሎት ተጠቃሚዎች ይህን በሚገባ በመረዳት እስከምሽት 4:00 አገልግሎት እንድታገኙ እና የትራንስፖርት ቁጥጥር ሠራተኞች እንዲሁም የሚመለከታችሁ አካላት ክትትልና ቁጥጥር በማድረግ ለተግባራዊነቱ የበኩላችሁን ሚና እንድትወጡ ቢሮው ጥሪ ያስተላልፋል።

Via @mussesolomon

40.9k 0 16 108

Показано 20 последних публикаций.

183 412

подписчиков

Статистика канала

Язык сайта

Musse Solomon

Гео и язык канала

Категория

183 412

Популярное в канале