ነይ ነይ እምዬ ማርያም መዝሙሮች

📌 የማንን መዝሙር ማዳመጥ ይፈልጋሉ?

📌 ሊቀ መዝሙራን ቴዎድሮስ ዮሴፍ
📌 ሊቀ መዝሙራን ይልማ ኃይሉ
📌 ዘማሪ አርቲስት ይገረም ደጀኔ
📌 ዘማሪ ገ/ዮሐንስን ገ/ፃዲቅ
📌 ቀሲስ ምንዴዬ ብርሀኑ
📌 ቀሲስ እንግዳወርቅ በቀለ
📌 ዘማሪ ምርትነሽ ጥላሁን
📌 ዘማሪት አቦነሽ አድነው
እና የሌሎችንም ...........

የዘማሪዎችው መዝሙሮችን ለማግኘት ከስር Join የሚለውን ንኩት 🔻🔻🔻
                   👇👇👇

https://t.me/+2ua4-eAbNTI1MTRk
https://t.me/+2ua4-eAbNTI1MTRk

• ሥላሴ ማለት ሦስትነትን የሚገልፅ ቃል ነው፡፡

የእግሊዝኛውም መዝገበ ቃላት(Trinity)ይለዋል ይህም
ሦስትነትን የሚያሳይ ቃል ሆኖ እናገኘዋለን፡፡ ምሥጢረ
ሥላሴ በዘመነ ብሉይ ግልጽ አልነበረም ነገር ግን ብዙ
ማስረጃዎች ነበሩ በአዲስ ኪዳን ግን ግልጽ ሆኗል፡፡
• ሥላሴ ‹‹‹አንድም››› ‹‹‹ሦስትም››› ናቸው፡፡

*የሥላሴ አንድነት*

• በሥልጣን
• በመለኮት
• ዓለምን በመፍጠር
• በአነዋወር(በአኗኗር)
• በአገዛዝ
• በሕልውና
• በማሰብና በመናገር ፍፁም አንድ ናቸው፡፡

የሥላሴ ማለትም
የአብ የወልድና የመንፈስ ቅዱስ የአንድነት መጠሪያቸው

‹‹እግዚአብሔር›› ይባላል፡‹‹እግዚአብሔር›› የሚለው ቃል
የተገኘው፡

‹‹‹እግዚእ››› ‹‹‹አብ››› ‹‹‹ሔር››› ከሚለው ሦስት የግዕዝ
ቃላት ነው፡፡

‹‹‹እግዚእ››› ማለት (ኢየሱስ ክርስቶስ)

‹‹‹አብ››› ማለት (እግዚአብሔር አብ)

‹‹‹ሔር››› ማለት ደግሞ ጠባቂ፣ ቸር፣ ሩህሩህ (መንፈስ ቅዱስ) ማለት ነው፡፡

ይህም ማለት፡-

• አብ እግዚአብሔር ነው
• ወልድም እግዚአብሔር ነው
• መንፈስ ቅዱስም እግዚአብሔር ነው ማለት ነው፡፡

እግዚአብሔር ብሎ ተናግሮ ይህን ቃል ለአብ ብቻ ነው
ማለት በጣም ትልቅ ስህተት ነው ምክንያቱም ቃሉ የሦስቱም
ፍጹም አካላት የአንድነት መጠርያ ነውና! የብዙዎችም የውድቀት
መነሻም የእግዚአብሔርን ሥምና ትርጓሜን ያለማስተዋል
ነው፡፡

ለምሳሌ ዓለምን ሲፈጠር አብ ብቻውን አልፈጠረም
ከወልድና ከመንፈስ ቅዱስ ጋር እንጂ ማስረጃ፡- “በመጀመሪያ
እግዚአብሔር ሰማይና ምድርን ፈጠረ” ዘፍ 1÷1 በዚህ
አስተምህሮ ሥላሴ በአንድነት ዓለማትን እንደፈጠሩ
በግልፅ ታውቋል፡፡

*የሥላሴ ሦስትነት*

• በስም
• በአካልና
• በግብር (በሥራ)
***ሥላሴ በሥም ሦስት ናቸው፡፡ እነርሱም አብ፣ ወልድ እና
መንፈስ ቅዱስ (ማቴ 28÷19)፡፡

*ሥላሴ በአካል ሦስት ናቸው*

• ለአብ የራሱ መልክ ,ገፅ እና አካል አለው፡፡
• ለወልድም የራሱ መልክ ,ገፅ እና አካል አለው፡፡
• ለመንፈስ ቅዱስም የራሱ መልክ ,ገፅ እና አካል አለው፡፡
አብ እና መንፈስ ቅዱስ ረቂቅ አካላት ሲኖሯቸው
የሚዳሰስስ እና የሚጨበጥ ግዙፍ አካል ያለው ግን ወልድ ብቻ ነው፡፡ ይህም በተዋህዶ ከድንግል ማርያም በነሣው ሥጋ ነው፡፡
በአካል አብ ወልድን እና መንፈስ ቅዱስን መሆን አይችልም! ወልድም አብና መንፈስ ቅዱስን መሆን አይችልም!
መንፈስ ቅዱስም አብና ወልድን መሆን አይችልም!
ሦስቱ አካላት በአካል ቅልቅል የለባቸውም! ነገር ግን ሦስት አካል
እንላለን እንጂ ሦስት አምላክ(መለኮት) አንልም!

አንድም ሦስት ስም እንላለን እንጂ ሦስት እግዚአብሔር አንልም!

*አብ*፡- አካላዊ *ልብ* ነው (የወልድ እና የመንፈስ ቅዱስ
*ልባቸው* ነው)

*ወልድ*፡- አካላዊ *ቃል* ነው(የአብ እና የመንፈስ ቅዱስ
*ቃላቸው* ነው)

*መንፈስ ቅዱስ*፡– አካላዊ *እስትንፋስ* ነው(የአብ እና
የወልድ *ሕይወታቸው* ነው)፡

*ሥላሴ (በአብ) ልብነት ያስባሉ (በወልድ) ቃልነት ይናገራሉ
(በመንፈስ ቅዱስ) ሕያዋን ሆነው ይኖራሉ፡፡

*ሥላሴ በግብር (በሥራ) ሦስት ናቸው*

+ አብ፡- አባት(ወላዲ አስራጺ) ነው፡፡ (ወልድን ይወልዳል
መንፈስ ቅዱስን ያሰርጻል)

+ ወልድ፡- ልጅ(ተወላዲ) ነው፡፡ (ከአብ ይወለዳል)
+ መንፈስ ቅዱስ፡- ሰራጼ ሕይወት ነው፡፡ (ከአብ ይሰርጻል)

*ነገር ግን*

-አብ አባት ቢባል ወልድን እና መንፈስ ቅዱስን በአኗኗርም
ሆነ በሥልጣን ፍፁም አይበልጣቸውም!

-ወልድም ልጅ ቢባል ከአብና ከመንፈስ ቅዱስ በአኗኗርም
ሆነ በሥልጣን ፍፁም አያንስም!

-መንፈስ ቅዱስም ከአብና ከወልድ ጋር በሥልጣንም
በአኗኗርም ፍፁም እኩል ነው!

*እንዲሁም*

-አብ ወልድን ስለወለደ እና መንፈስ ቅዱስን ስላሰረጸ ቅድምና የለውም!

-ወልድም ከአብ ተወለደ ስንል ፍፁም አብን መስሎና አብን አክሎ ተገኘ ማለት ነው!\

-መንፈስ ቅዱስም ከአብ ሰረጸ(ወጣ) ስንል ፍጹም አብን መስሎና አብን አክሎ ተገኘ ማለት ነው!

***አብ መቼ ወልድን እንደወለደ እና መንፈስ ቅዱስን እንዳሰረጸ
አይታወቅም!

ወልድ ከአብ መቼ እንደተወለደም አይታወቅም!

መንፈስ ቅዱስም ከአብ መቼ እንደሰረጸ አይታወቅም!

ወልድ ከአብ መቼ ተወለደ ብሎ መጠየቅ
እግዚአብሔር ከመቼ ጀምሮ ነው የነበረው ብሎ እንደመጠየቅ ይሆናል! ኢየሱስ ክርስቶስ ከአብ መቼ እንደተወለደ ቢታወቅ ኖሮ ፍጡር ነው የሚሉ ሰዎች ምክንያት ባገኙ ነበር፡፡ ልክ እንዲሁ መንፈስ ቅዱስ ከአብ መቼ እንደሰረጸ አይታወቅም! መቼ
እንደሰረጸ ቢታወቅ ኖሮ መንፈስ ቅዱስ ፍጡር ነው የሚሉ
ሰዎች ለስህተታቸው ምክንያት ባገኙ ነበር፡፡

ምስጢረ ሥላሴም ረቂቅነቱም እዚህ ላይ ነው፡፡ እግዚአብሔር ለአነዋወሩ ጥንት ፤ ለዘመኑም ፍጻሜ የለውም! ጥንት የነበረ ዐልፋ ፤
ለዘለዓለም የሚኖር ዖሜጋ አምላክ ነው ፡፡ መቼ ነበር ፤ እስከ መቼስ
ይኖራል አይባልም አይመረመርምም!

እስትንፋስ ያለው ሁሉ እግዚአብሔርን ያመስግን( መዝ 150 - 6 )

የኢ/ኦ/ተ/ቤ/ክ መዝሙሮችን ለማግኘት
ይሄን link በመንካት ይቀላቀሉን 👇👇👇


@ney_ney_emye_maryam
#ሼር
🙏🙏🙏🙏🙏


🕊ለወዳጅ ለዘመዶ ያካፍሉ🕊