Qoosa

"'Qarshiif jettee na dhiistee deemte' jedheetu boo'aa jira. Jalqabumayyuu qarshii otuu hin qabaatin maaltu ol utaalchisaan? Bro bara kana qabaachuu qofa otuu hin taane sirritti qabaachuu qabda. Warri durii kan akkaa jedhan lafa gaasha tokko qabaatanii qotiyyoo cimdii tokko qofaan qotuu waan hin dandeenyef namni akkaasii hiyyeessa jedhama ture. Hiyyeessi barasii yoo xinnaate lafa qaba. Atihoo miindaa mana kiraa hin kaffalleen sanuu amma yoo hin hir'ifamin maal abdattee teessi." Jedhaanimmoo hiriyaan isaa biraan.

@Qoosa430

"Hiriyaan koo tokko...

Jaalalleesaa gaafa yaadu nan yaadeeni jedhee natti himee boo'a. "Anatti maaf boossaree dhaqi bilbilii argadhuunii" gaafan jedhuun, "Si biratti boo'ee fixadhee achitti #qofxan jechuufi" naan jedha" jettee natti himte

😂
@Qoosa430

Maatiin mucaa tokko qananii addaan guddisaa otuu jiranii daa'ima lammataa godhatan. Mucaan jalqabaa daa'ima lammataatti inaafuu eegale. Xiyyeeffannoo fi jaalala isa qofaaaf kennamaa ture waan jalaa qooddateef aarii keessa galee waan tokko gochuuf murteesse. Galgala tokko Waan taphatu fakkaatee Harma haadha isaa qoricha hantuutaa dibe. Ganama yemmuu ka'an Abbaan isaa du'eera.

😂
@Qoosa430

Amalli al tokko nama bare nama hin lakkisu. Tokko guard turetu booddeerra itti gaafatamaa waajjira wa'ii ta'e. kunooti maamiltoota hundaa balbala irratti keessummeessaa jira.

😂
@Qoosa430

Galagala tokko Niitiin Haadha ishee faana Dhirsa faana taa'anii otuu taphatanii ishee barbaachisee jennaan ijaan Dhirsa isheef mallattoo kennitee.

Niitii:- Nagaan bulaa Harmee xinnoo mataa na dhukkuba nan rafa.

Jettee galatti ol seenti. Dhirsi xinnoo turee "Ilaaleen deebi'a" jedhee ol seene. Marsaa tokko erga qoricha kenneefii booda xinnoo turee deebi'a. Akka tasaa ziipiin isaa banaa ture

Harmee:- Akkami akkam taate
Dhirsa:- Itti fureera qoricha kenneefin dhufe.
Harmee:- Maaliree mana qorichaa banaatti dhiistehoo?
Dhirsa:- 😳

😂
@Qoosa430

Waggaa Darbe
Isa:- Damma koo anaafi si'i maaltu adda nu baasuu danda'a?
Ishee:- Du'a qofatu gargaar nu baasa

Barana
Isa:- Du'a qofa kan gargar nu baasu hin jennee maalif na dhiistee deemte?
Ishee:- Du'a eenyuu akka ta'e waan hin murteessiniif Adaadoon kiyya duuteetti sanaaf adda baane.

😂
@Qoosa430

Namichatu "Lubbuun jirtiif Udduun xiixxi" jennaan dhuufuu isaa lakkisee, Hiriyaan isaa funyaan qabatee "Deemibboo ajaa'a kee qabadhuutii. Balbala kee seeran hin cufattuu?" Jedheen

@Qoosa430

Haati Manaako Isheen Bareedina Ishee Illaalee Fuudhe Marqaa Hojjettee Daabboo Waliin Moo Buddeenaan Sii Fiduu Naan Jette 😁

@Qoosa430

#JusticeforSalaalee
#JusticeforHorroguduruu
#JusticeforOromoo

Challenge accepted!

Namichatu firaashii galabaa irraa hojjatame irra bulee abjuu isaan sangaan isa reebaa bulee nama abjuu hiiku bira deemee gaafa gaafatu, Hiiktun deebisee "Nyaata isaarra raftee si ariyuu qofaan hafuu keefuu galata galchi" jedheen.

🤭
@Qoosa430

Giiftiikoo?!

Si fuudhuullee
sin fuudha
amalakoo sanammoo
akkam aabba koon godha!?

Amalakoo

Amalakoo suusii hewwaanotaa
Yoon si fudhe akkam goota?!

Ni jiraattaa na qooddattee
masaanuu keen walii galtee?!

Daadhii Taammiruu
@Qoosa430

Interviewer:- Saani kee aannan hagam siif kenniti?
Farmer:- Sa'a ishee kami, sa'a ishee gurraattii moo ishee adii?

Interviewer:- Ishee gurraattii?
Farmer:- Guyyaatti liitira lama.

Interviewer:- Ishee adiin hoo?
Farmer:- Isheenis guyyaatti liitira lamuma elmamti.

Interviewer:- Eessa bulu saawwan kee kun?
Farmer:- Ishee gurraattii moo ishee adii?

Interviewer:- Ishee gurraattii?
Farmer:- Mooraa loonii keessa.

Interviewer:- Ishee adiin hoo eessa bulti?
Farmer:- Isheenis mooraadhuma loonii keessuma bulti.

Interviewer:- Saawwan kee baay'ee babbareedu, maal soorta akkasitti?
Farmer:- Ishee gurraattii moo ishee adii?

Interviewer:- Ishee gurraattii.
Farmer:- margaa fi qoricha (talaallii) yeroo yeroottin kennaaf.

Interviewer:- Ishee adiif hoo?
Farmer:- Ishee adiifis akkasuma margaa fi qoricha (talaallii) yeroo yeroottin kennaaf.

Interviewer:- (baay'ee aaruun) deebiin saawwan lameeniifuu kennitu wal-fakkaataa ta'ee osoo jiruu maalif wa'ee ishee adii moo ishee gurraattii na gaafatta jettaa?

Farmer:- Sababni isaas ishee gurraattiin kan kiyya waan taateef.

Interviewer:- Saawwi isheen adiin hoo kan eenyuuti?

Farmer:- Ishee adiinis kiyyuma 😁

@Qoosa430

Lammii Ameerikaatu akkas jedhe

“Biyyi keenya baay'ee dimookiraatiidha. Amma otoo 'white house bira dhaabbattee ‘Donaald Tiraamp biyyeen si haa nyaatu!’ jetteeyyuu namni sitti bu'u hinjiru”

Lammiin Itiyoophiyaas jalaa qabee,

“Biyyi keenyas akkasuma, dimookiraatiidha. Amma otoo 'arat kiiloo' dhuftee dhaabbattee, ‘Donaald Tiraamp biyyeen si haa nyaatu!’ jettee namni tisiisa sirraa kaasu hinjiru” jedheen

@Qoosa430

Barsiisaa tokkotu utuu cireesaa hin nyaatin sa'aatiin itti barfannaan, cireesaa mi'a laaqana itti qabatu keessa godhatee mana barumsaa deeme.

Baay'ee waan itti barfateef akkuma dareesaa jalqabaa seeneen barattootasaa fuuldura taa'ee mi'a laaqanasaa banatee nyaachuu eegale. Akkuma gaariitti dadachaasee afaan kaawwachaa, koddaa bishaansaatiis banee qomarraa buufate.

Yammuu inni kana hunda godhu barattoonnisaa callisanii ilaalu turan. Afaan kaa'aa isa xumuraa bishaaniin gadi buufatee yoo ol jedhu qindeessaan mana barumsichaa toora dudduubaarra barattoota gidduu taa'ee isa ilaalaa ture. Barsiisichis nahee maal gochuu akka qabu yaade.

"Barattootaa, amma utuun maal godhuu na argitan?"

Barattoota: Firfirii saahinii tokko guutuu utuu nyaattanii isin argine.

"Baayyee gaariidha barattootaa, itti aanseehoo maalan godhe?"

Barattoota: Bishaan litira walakkaa dhugdan.

Barsiisaa: Xiyyeeffannoon keessan baayyee namatti tola. Kanaafuu barsiisaan tokko qindeessaa mana barumsaasaa fuuldura taahee firfirii nyaatee bishaan dhuga taanaan, barsiisicha maal qaba jechuudha?

Barattoota: Ofitti amanamummaa!

Barsiisaa: Ofitti amanamummaan afaan Ingiliziitiin maal jedhama?

Barattoota: Self Confidence

Barsiisaa: Baayyee gaariidha barattootaa; amma dabtara Siiviksii keessanii baafadhaatii mata duree 'OFITTI AMANAMUMMAA' jedhamu waliin baranna.

Barsiisaadhaaf dhiyeessii nyaataa taasisuu caalmaa, mindaa dabaluun waan barbaachisu sitti hinfakkaatuu?

Kan barreesse: Tesfaye Hailemariam
Kan hiike: Gamachu Tsegaye Firisa !
@Qoosa430