Статистика Избранное

ሰሌዳ | Seleda

Гео и язык канала: Эфиопия, Амхарский

Категория: Другое

የመረጃዎች ቁንጮ የሆነውን ሰሌዳ ለሚወዱት ጓደኞችዎ እና ቤተሰብዎ ያካፍሉ። አንድ ላይ፣ ዘምነን እንቆይ!

Связанные каналы | Похожие каналы

Гео и язык канала

Эфиопия, Амхарский

Категория

Другое

Статистика

Избранное

Фильтр публикаций

Скрывать удаленные

Скрывать репосты

ሰሌዳ | Seleda

27 Jan, 09:25

መነኸሪያ ሬዲዮ ይቅርታ ጠየቀ፣ ፕሮግራሙ ታግዷል።

ቲክቶከር ሮማን በመናኸሪያ ሬዲዮ 99.1 በተባባሪ አዘጋጆች ከሚቀርቡ ዝግጅቶች መካከል አንዱ በሆነው የብርሐን መንገድ በተሰኘ ፕሮግራም ላይ መቅረቧ ይታውቃል፡፡

የቀረበችው “ማኅበራዊ ሚዲያን ለበጎ አላማ ማዋል” በሚል ከዚህ በፊት በማህበራዊ ሚዲያ ያስተላለፈችውን የተዛቡ አመለካከቶችን በተመለከተ ይቅርታ ለመጠየቅ እና ከስህተቷ ሌሎች ትምህርት እንዲወስዱ ነው፡፡

በመሆኑም በርካታ አድማጮቻችን በግለሰቧ መቅረብ መከፋታቸውን ነግረውናል፡፡ ለተፈጠረው ጉዳይ ጣቢያችን ይቅርታ እየጠየቀ ላልተወሰነ ጊዜ በተባበሪ አዘጋጆች የሚቀረበው የብርሐን መንገድ የተሰኘ ፕሮግራም የታገደ መሆኑን እናሳወቃለን፡፡

በተጨማሪም በቀጥታ ስርጭት ወቅት የፕሮግራሙ አዘጋጆች በቀጥታ ስልክ መስመር የገባ አድማጭን ያቋረጡበት መንገድ ከሙያ ስነምግባር ያፈነገጠ በመሆኑ አጣርተን እርምጃ የምንወስድ መሆኑን እናሳውቃለን፡፡

8.6k 0 20 112

ሰሌዳ | Seleda

23 Jan, 20:47

ትራምፕ በዩክሬን ያለውን ጦርነት እንዲያስቆሙ ፑቲንን አሳሰቡ ‼️

አዲሱ የአሜሪካ ፕሬዚዳንት ዶናልድ ትራምፕ በዩክሬን ያለውን ጦርነት እንዲያስቆሙ ፕሬዚዳንት ፑቲንን አሳስበዋል፡፡

ትራምፕ የሩሲያው ፕሬዚዳንት ጦርነቱን ማስቆም ካልቻሉ በሀገሪቱ ላይ ከፍተኛ ቀረጥ እና ተጨማሪ ማዕቀብ እንደሚጥሉም አስጠንቅቀዋል።

ትራምፕ በምርጫ ቅስቀሳ ዘመቻቸው ወቅት የሩሲያ እና ዩክሬን ጦርነትን “በአንድ ቀን” ውስጥ አስቆመዋለሁ ማለታቸው ይታወሳል፡፡

ከዶናልድ ትራምፕ ንግግር ጋር ተያይዞ እስካሁን ከሩሲያ በኩል የተሰጠ ምላሽ አለመኖሩን ቢቢሲ ዘግቧል፡፡

ከሰሞኑ ፕሬዚዳንት ትራምፕ በቅርቡ ከፑቲን ጋር እንደሚነጋገሩ በመግለጽ ፤ “ይህን አታካች ጦርነት ማስቆም ይገባል” ማለታቸው አይዘነጋም፡፡

14.7k 0 7 102

ሰሌዳ | Seleda

22 Jan, 12:23

ትራምፕ ለካፒቶል ዓመጽ ሁከት ቀስቃሾች ይቅርታ አደረጉ‼️

ትራምፕ በመጀመሪያ ቀን የስልጣን ዘመናቸው በካፒቶል ሂል ተፈጥሮ በነበረው አመጽ የታሰሩትን ሁሉ እንደሚፈቱ አስታውቀዋል፡፡

ሁሉንም ሁከት ፈጣሪዎች ነፃ ያወጣ እና በአሜሪካ ታሪክ ትልቁን የወንጀል የምርመራ ስራ የሰረዘ ይቅርታ አስተላልፈዋል።

ሰኞ ዕለት የሰጡት ፕሬዝዳንታዊ ትዕዛዝ አንዳንድ እስረኞች ከጠየቁት የመንግስት የገንዘብ ካሳ ክፍያ ውጭ ሁከት ፈጣሪዎቹ እና ደጋፊዎቻቸውን ሲጠይቁ የነበሩትን ነገሮች በሙሉ የሰጠ ነው ማለት ይቻላል።

ትራምፕ ማክሰኞ ዕለት በዋይት ሃውስ በሰጡት ጋዜጣዊ መግለጫ "እነዚህ ሰዎች በእስር ቤት ዓመታትን በመጥፎ ሁኔታ አሳልፈዋል።

"አስጸያፊ እስር ቤት ነው። በጣም አሰቃቂ ነበር። ኢሰብአዊ ነው" ብለዋል።

በርከት ያሉ በሁከቱ የተያዙ ሰዎች በታሰሩበት በዋሽንግተን ዲሲ እስር ቤት፤ በተከሳሾቹ እና በደጋፊዎቻቸው በሚዘወሩ የማህበራዊ ሚዲያዎች ላይ ብዙዎች ደስታቸውን ገልጸዋል።

ማክሰኞ የተለቀቀው የፕራውድ ቦይስ መሪው ኤንሪኬ ታሪዮ እናት ስለልጇ በመደበኛነት መረጃዎችን ስታጋራ ቆይታለች።

"የእኛ ፕሬዝደንት ልጄን እና ለሌሎቹም ሕይወታቸውን መልሰዋል! እንደገና መኖር ይችላሉ! እንደገና ንጹህ አየር ይተነፍሳሉ! እንደገና የፀሐይ ብርሃን ያገኛሉ" ስትል ዙኒ ታሪዮ 22 ዓመት ተፈርዶበት በፕሬዝዳንቱ ይቅርታ በነጻ ስለተለቀቀው ልጇ ጽፋለች።

15.5k 0 10 74

ሰሌዳ | Seleda

21 Jan, 13:35

London, looking forward to see you all! 🏴󠁧󠁢󠁥󠁮󠁧󠁿

https://Teddyafrolondon.eventbrite.com

13.2k 0 10 40

ሰሌዳ | Seleda

21 Jan, 13:34

ጅቡቲ ወደብ የደረሰው የአፈር ማዳበሪያ ወደ ኢትዮጵያ እየተጓጓዘ ነው‼️

ዩሪያ እና ዳፕ ማዳበሪያ የጫኑ 6 መርከቦች ጅቡቲ ወደብ መድረሳቸው ተገልጿል።

እስከአሁን በወደቡ ከደረሰው 313 ሺህ 260 ሜትሪክ ቶን የአፈር ማዳበሪያ 256 ሺህ 398.2 ሜትሪክ ቶን የሚሆነው ወደ ኢትዮጵያ መላኩን በኢትዮጵያ የጅቡቲ ኤምባሲ መረጃ ያመላክታል።

ቀሪው ማዳበሪያ በመጓጓዝ ላይ እንደሚገኝም በመረጃው ተያይዞ ተገልጿል።

በተጨማሪም 56 ሺህ 000 ሜትሪክ ቶን ዳፕ የአፈር ማዳበሪያ የጫነች ሰባተኛ መርከብ ትናንት ዶራሌ ሁለገብ ወደብ ደርሳ ጭነት እያራገፈች እንደምትገኝ ተጠቁሟል።

በሚቀጥሉት ቀናትም ተጨማሪ 4 የአፈር ማዳበሪያ የጫኑ መርከቦች ጅቡቲ ይደርሳሉ ተብሎ እንደሚጠበቅ ተገልጿል።

11.8k 0 9 50

ሰሌዳ | Seleda

19 Jan, 15:41

ሰደድ እሳቱ በቁጥጥር ስር ውሏል ‼️

በኦሮሚያ ክልል ምዕራብ አርሲ ዞን ወንዶ ወረዳ ተነስቶ የነበረው ሰደድ እሳት በቁጥጥር ስር ውሏል፡፡

ሰደድ እሳቱ በትናንትናው ዕለት ከቀን 10 ሰዓት አካባቢ ተነስቶ እንደነበር ይታወሳል፡፡

እሳቱ በአሁኑ ሰዓት በቁጥጥር ስር መዋሉን የኢቢሲ ሪፖርተር ፈቃደአብ አለማየሁ ከሥፍራው አረጋግጧል፡፡

ሰደድ እሳቱ እስካሁን ባለው መረጃ በሰው ህይወት እና በንብረት ላይ ምንም አይነት ጉዳት አላደረሰም፡፡

13.8k 0 9 98

ሰሌዳ | Seleda

19 Jan, 08:18

ሰበር ዜና ‼️

#ቲክቶክ በአሜሪካ ከዛሬ ጀምሮ መታገዱን እና አገልግሎት ማቆሙን ይፋ አደረገ። ድርጅቱ ሰኞ ስራ ከሚጀምሩት አዲሱ ፕሬዝዳንት ትራምፕ ጋር አብሮ በመስራት መፍትሄ ይገኛል ብሎ እንደሚያምንም አስታውቋል።

12.8k 0 14 85

ሰሌዳ | Seleda

18 Jan, 10:36

ፕሬዝዳንት ታየ አጽቀሥላሴ የጥምቀት በዓልን ለማክበር ጎንደር ከተማ ገቡ‼️

የኢፌዴሪ ፕሬዝዳንት ታየ አጽቀሥላሴ እና የፌደሬሽን ምክር ቤት አፈ ጉባኤ አቶ አገኘሁ ተሻገር የጥምቀት በዓልን ለማክበር ጎንደር ከተማ ገብተዋል።

ፕሬዝዳንት ታየ አጽቀሥላሴ እና የፌደሬሽን ምክር ቤት አፈ ጉባኤ አገኘሁ ተሻገር አፄ ቴዎድሮስ አውሮፕላን ማረፊያ ሲደርሱ የአማራ ክልል ርዕሰ መስተዳድር አቶ አረጋ ከበደን ጨምሮ የክልሉና የጎንደር ከተማ ከፍተኛ የሥራ ኃላፊዎች፣ የኃይማኖት አባቶችና የሀገር ሽማግሌዎች አቀባበል እንዳደረጉላቸው የጎንደር ከተማ ኮሙዩኒኬሽን መረጃ ያመለክታል፡፡

17.6k 0 9 100

ሰሌዳ | Seleda

17 Jan, 21:58

ለከተራ እና ጥምቀት በዓላት ዝግጅት የአዲስ አበባ ጎዳናዎች እና አደባባዮች በወጣቶች እያሸበረቁ ነው ‼️

11.1k 0 5 114

ሰሌዳ | Seleda

15 Jan, 10:41

የዩክሬን መጠነ ሰፊ የአየር ላይ ጥቃት በኬቭ‼️

ዩክሬይን ትላንት ማምሻውን መጠነሰፊ የአየር ላይ ጥቃት በሩሲያ ላይ ማድረሷ ተገልጿል።

ዩክሬን በርካታ ኢላማቸውን የጠበቁ ድብደባዎች በተለያዩ የሩሲያ አካባቢዎች ማድረሷ ነው የተነገረው፤

ይህም የሩሲያ ዩክሬን ጦርነቱ ከተጀመረ እጅግ ግዙፍ የተባለ ጥቃት መሆኑ ተገልጿል።

እንደ ዩክሬኑ ኢታማጆር ሹም ገለፃ በጥቃቱ በርካታ የኬሚካል ፋብሪካዎችና የጥይት መጋዘኖች ተደብድበዋል፤ በመቶ ኪሎሜትሮች ርቀት ላይ የሚገኙት ላይ ሳይቀር ድብደባው ተፈፅሟል።

የኬቭ ባለስልጣናት በበኩላቸው ሩሲያ ከአሜሪካንና እንግሊዝ የተቸራትን አክታምስ እና ስቶርም ሻዶው ክሩዝ ሚሳኤሎችን በመጠቀም ጥቃቱን ፈፅማለች፤ ከበድ ላለ ምላሽ ትዘጋጅ ብለዋል።

የዩክሬን ኤስቢዩ የስለላ ድርጅት ምንጮች ለቢቢሲ እንደተናገሩት በአንድ ሌሊት የተፈፀመው ጥቃት የሩሲያ ጦርነትን የማካሄድ አቅም ላይ ያደረሰው ጉዳት ከባድ ነው ዘገባው የቢቢሲ ነው።

15.7k 0 18 71

ሰሌዳ | Seleda

15 Jan, 09:42

በድሮኖቹ ቁጥጥር ከማድረግ በባሻገር ርምጃም መውሰድ ይችላሉ ‼️

የትራፊክ ፍሰት እና በበዓላት ወቅት የከተማዋን ጸጥታ ለመቆጣጠር በርካታ ድሮኖች መግባታቸው እና የሚቆጣጠሯቸው ብቃት ያላቸው ባለሙያዎች ሰልጠና አጠናቅቀው በቀጣይ ጥቂት ቀናት ውስጥ ወደ ስራ እንደሚገቡ ተገልጿል፡፡

ድሮኖቹ የከተማዋን ፀጥታ ሁኔታና የትራፊክ ፍሰት ከመቆጣጠር ባሻገር እርምጃም እንደሚወስዱ የፌዴራል ፖሊስ ኮሚሽን ተናግሯል፡፡

በቅርብ ቀናት በአዲስ አበባ ከተማ የትራፊክ ፍሰትና አጠቃላይ የፀጥታ ሁኔታ እንዲሁም ታላላቅ ፕሮግራሞችን ቁጥጥር ማድረግ የሚችሉ የድሮኖች ስምሪት እንደሚደረግ፣ የፀጥታ ጥምር ግብረ ኃይል ከቀናት በፊት መግለጹ ይታወቃል፡፡

አሁን ላይ በርካታ ድሮኖች አገር ውስጥ መግባታቸውን እና የሚቆጣጠሯቸው ብቃት ያላቸው ባለሙያዎች ስልጠና አጠናቅቀው በቀጣይ ጥቂት ቀናት ወደ ስራ እንደሚገቡ የፌዴራል ፖሊስ ኮሚሽን የህዝብ ግንኙነት ሃላፊ አቶ ጄይላን አብዲ አስታውቀዋል፡፡

ድሮኖቹ ቀድሞ ስምሪት ተሰጥቷቸው ለዋናው መስሪያ ቤት መረጃ የሚያቀብሉ ሲሆን መረጃ ከመስጠት ባሻገር ታጥቀው የሚንቀሳቀሱ በመሆናቸው አስፈላጊ ሆኖ ከተገኘ ፈጣን እርምጃ እንደሚወስዱም አቶ ጄይላ ተናግረዋል፡፡

ከመደበኛ የካሜራ ድሮኖች የተለዩ መሆናቸውን የገለጹት ኃላፊው ለፖሊስ ወንጀል መከላከል፣ በዘመናዊ ቴክኖሎጂ የተሰሩ ናቸውም ብለዋል፡፡

ከዚህ ቀደምም በተለያዩ ህዝባዊ እና ኃይማኖታዊ በዓላት ላይ በድሮኖች የጸጥታ ሁኔታ ክትትል ይደረግ እንደነበር የገለጹት አቶ ጄይላን፣ የተለየ ነገር እንደማይፈጠር እና ህዝብን በማይረብሽ መልኩ ስራው እንደሚከናውን አመላክተዋል፡፡

13.4k 0 45 136

ሰሌዳ | Seleda

13 Jan, 11:59

በሚቀጥሉት ቀናቶች አንጻራዊ የደመና ሽፋን መጨመር ይኖራል‼️

በሚቀጥሉት ቀናቶች በአንዳንድ የሀገሪቱ አካባቢዎች ላይ አንጻራዊ የእርጥበት መጠንና የደመና ሽፋን መጨመር እንደሚኖር የኢትዮጵያ ሚቲዎሮሎጂ ኢንስቲትዩት አስታወቀ፡፡

በሚቀጥሉት ቀናቶች ከሚጠናከሩት የአየር ሁኔታ ክስተቶች ላይ በመነሳት በጥቂት የመካለኛው፣ በምሥራቅ፣ በሰሜን ምሥራቅ፤ በሰሜን ምዕራብ እንዲሁም በደቡብ ኢትዮጵያ የሀገሪቱ አካባቢዎች ላይ አንጻራዊ የእርጥበት መጠንና የደመና ሽፋን መጨመር እንደሚኖር የትንበያ መረጃዎች ጠቁመዋል፡፡

ከዚሁ ጋር በተያያዘም የደቡብ ኦሮሚያ፣ ሲዳማ፣ ደቡብ ምዕራብ እና የምዕራብ አካባቢዎች ላይ ከቀላል እስከ መካከለኛ መጠን ያለው ዝናብ እንሚያገኙም ነው የኢንስቲትዩቱ መረጃ የሚያመላክተው፡፡

በሌላ በኩል አሁን ላይ እየተስተዋለ ያለው የበጋው ደረቅ፣ ጸሀያማ እና ነፋሻማው የአየር ሁኔታ በሚቀጥሉት ቀናትም ቀጣይነት እንደሚኖረው አሀዛዊ የትንበያ መረጃዎች ይጠቁማሉ ተብሏል፡፡

15k 0 15 40

ሰሌዳ | Seleda

13 Jan, 11:05

ከውጭ ባንኮች ጋር ለመወዳደር እየተዘጋጁ መሆኑን ባንኮች ገለጹ ‼️

የውጭ ባንኮች በሀገር ውስጥ በዘርፉ እንዲሰማሩ የሚፈቅደው የባንክ ሥራ አዋጅ በቅርቡ መጽደቁ ይታወቃል።

ይህን ተከትሎም ፋና ዲጂታል ከውጭ የሚገቡ ባንኮች ጋር በዘርፉ ለመወዳደርና አቅማቸውን ለማሳደግ የሀገር ውስጥ ባንኮች ምን እየሰሩ ነው ሲል ጠይቋል፡፡

የኢትዮጵያ ንግድ ባንክ ፕሬዚዳንት አቤ ሳኖ÷ የውጭ ባንኮች በሀገር ውስጥ እንዲሰማሩ የሚፈቅደው አዋጅ የውጭ ምንዛሪ አቅርቦት ከማሳደግ ባለፈ በዘርፉ የዕውቀትና ቴክኖሎጂ ሽግግርን ለማሳለጥ ያስችላል፡፡

ንግድ ባንክ ከውጭ ባንኮች ጋር ለመወዳደርና ተመራጭ ለመሆንም አዳዲስ እና ዘመኑን የዋጁ ስትራቴጂዎችን በመቅረጽ እየሰራ መሆኑን አንስተዋል፡፡

በተለይም የአገልግሎት ጥራት፣ የዋጋ ተወዳዳሪነት እና የተሻለ ቴክኖሎጂን እውን ለማድረግ በትኩረት እየሰራ መሆኑን ነው ያስረዱት፡፡

የውጭ ባንኮች የተሻለ ካፒታልና አገልግሎት ይዘው እንደሚመጡ ይጠበቃል ያሉት አቶ አቤ÷ ለዚህም ባንኩ የካፒታል አቅሙን ከማሳደግ ጀምሮ ሁለንተናዊ ዝግጅት እያደረገ ነው ብለዋል፡፡

ከቅርንጫፎች ጋር ተያይዞም በቅርብ ርቀት ላይ የሚገኙ የባንኩን ቅርንጫፎች የማዋሃድ ሥራ መጀመሩን አጽንኦት ሰጥተዋል፡፡

የግሎባል ባንክ ዋና ሥራ አስፈጻሚ ተስፋዬ ቦሩ (ዶ/ር) በበኩላቸው÷ ባንኩ እንደ ሀገር የሚወጡ ሕጎችን ለመተግበር ሁሌም ዝግጁ ሆኖ እንደሚጠብቅ ተናግረዋል፡፡

በዚህ መሰረትም ከውጭ የሚገቡ ባንኮች ጋር በዘርፉ ተወዳዳሪ ሆኖ ለመቀጠል የባንኩ ሒደቶች ላይ ጥናት እየተካሄደ መሆኑን ጠቅሰዋል፡፡

ለዚህም ከፍተኛ የዘርፉ ባለሞያዎችን ያካተተ ኮሚቴ ተዋቅሮ ዓለም አቀፋዊ ተሞክሮዎችንና ሀገራዊ ሁኔታዎችን እያጠና ይገኛል ብለዋል፡፡

13.4k 0 15 81

ሰሌዳ | Seleda

12 Jan, 11:53

በኦሮሚያ ክልል ለቀድሞ ታጣቂዎች የተሃድሶ ስልጠና መሰጠት ጀመረ‼️

የብሄራዊ ተሃድሶ ኮሚሽን በኦሮሚያ ክልል የሚገኙ የሰላም መንገድን የመረጡ የቀድሞ ታጣቂዎችን የተሃድሶ ስልጠና መስጠት ጀምሯል።

ከምዝገባ ጀምሮ፣ የትጥቅ ርክክብ፣ መልሶ ማቋቋምና ማቀላቀልን ማዕከል ያደረገው ስልጠናው የሚሰጠውም በአዋሽ ቢሾላ የዲሞቢላይዜሽን ማዕከል ነው።

የብሄራዊ ተሃድሶ ኮሚሽን ከዚህ ቀደም በአማራ፣ አፋርና ትግራይ ክልሎች በተመሳሳይ በሺዎች ለሚቆጠሩ ታጥቀው ይንቀሳቀሱ ለነበሩ ታጣቂዎች ተመሳሳይ ስልጠናዎችን መስጠቱ ይታወሳል።

13.2k 0 3 94

ሰሌዳ | Seleda

11 Jan, 11:24

በኬኒያ አውሮፕላን ተከስክሶ የ3 ሰዎች ሕይዎት አለፈ‼️

በኬኒያ ማሊንዲ አውሮፕላን ማረፊያ አቅራቢያ በምትገኘው ክዋቾቻ ከተማ በደረሰ የአነስተኛ አውሮፕላን አደጋ የሦስት ሰዎች ሕይዎት ማለፉ ተሰምቷል፡፡

የዐይን እማኞች አውሮፕላኑ በአካባቢው የነበሩ ሰዎችን መምታቱንና ከዚያም በእሳት መያያዙን ገልጸዋል፡፡

ሁለት ሰዎች በአውሮፕላኑ ስብርባሪዎች ተመትተው ወዲያውኑ ሕይዎታቸው ሲያልፍ፥ አንዱ በእሳት ከባድ ጉዳት ከደረሰበት በኋላ መሞቱን የአካባቢውን ባለስልጣናት ዋቢ አድርጎ አፍሪካ ኒውስ ዘግቧል፡፡

በሌላ በኩል በአውሮፕላኑ ውስጥ የነበሩ አንድ ፓይለት እና ሁለት ተማሪዎች አደጋው ከመድረሱ በፊት መውጣታቸውን እና አሁን ላይ የሕክምና ክትትል እየተደረገላቸው መሆኑን የዘገበው ደግሞ አሶሺየትድ ፕሬስ ነው፡፡

ሰሞኑን በተለያዩ የዓለም ሀገራት በተደጋጋሚ እየተከሰተ ያለው የአውሮፕላን አደጋ የአቪየሽን ዘርፉን እየፈተነው ነው ተብሏል፡፡

15.9k 0 11 61

ሰሌዳ | Seleda

11 Jan, 11:19

በእሳት እና በረዶ የተፈተነችው ልዕለ ኃያል ሀገር ‼️

የዓለማችን ልዕለ ኃያል ሀገር አሜሪካ ከሰሞኑ እሳት እና በረዶ ለጥፋት አብረውባት ሰንብታለች፡፡

ሀገሪቱ በአንድ በኩል ያገኘውን ሁሉ በሚበላ ከባድ ሰደድ እሳት፤ በሌላ በኩል ደግሞ አጥንትን በሚሰረስር በረዶ ተፈትናለች፡፡

በሎስ አንጀለስ ከተማ የተነሳው ሰደድ እሳቱ እስካሁን የ10 ሰዎችን ህይወት መቅጠፉ የተረጋገጠ ሲሆን፤ ከ170 ሺህ የሚበልጡ ሰዎችም መኖሪያቸውን ለቀው ለመሸሽ በተጠንቀቅ እንዲያሳልፉ አድርጎ ነበር፡፡

በከባድ ሙቀት እና ኃይለኛ ንፋስ የታጀበው ሰደድ እሳቱ ከ10 ሺህ በላይ መኖሪያ ቤቶችን፣ ህንጻዎችን እና ሌሎች መሰረተ ልማቶችን አውድሟል፡፡

ስመ ጥር የአሜሪካ የፊልም ባለሙያዎች መኖሪያ እና የግዙፉ የሆሊውድ የፊልም መንደር መገኛ የሆነችው ከተማዋ በእሳት እና ጭስ ጽልመት ለብሳ አሳልፋለች፡፡

በሌላ በኩል ከሰሞኑ 7 የሚደርሱ የሀገሪቱ ግዛቶች ከባድ በረዶ ወርዶባቸው ቅዝቃዜ ሲቆረጥማቸው ሰንብቷል፡፡

በበረዶ ውሽንፍሩ የ5 ሰዎች ህይወት ሲያልፍ ሜሪላንድ፣ ቨርጂኒያ፣ ካንሳስ፣ ሚዙሪ፣ ኬንታኪ፣ አርካንሳስ እና ሌሎች ግዛቶችም የአደጋ ጊዜ አዋጅ አውጀው ነበር፡፡

የበረዶ ውሽንፍሩ በሀገሪቱ ከ2 ሺህ 300 በላይ በረራዎች እንዲሰረዙ፣ 9 ሺህ በረራዎችም እንዲዘገዩ እንዲሁም 190 ሺህ የሚደርሱ ቤቶች ከኤሌክትሪክ አገልግሎት ውጩ እንዲሆኑም ምክንያት ነበር፡፡

ሀገሪቱን ያስጨነቀው የበረዶ ውሽንፍሩ እስከ 8 ኢንች ድረስ ወደ ላይ ሊወጣ እንደሚችል እና ደቡብ ምስራቅ ኦክላሆማን ይዞ እስከ ካሮላይና ግዛት ሊዘልቅ እንደሚልችልም የሀገሪቱን ብሔራዊ የአየር ትንበያን ጠቅሶ ዩኤስኤ ቱደይ ዘግቧል፡፡

14.2k 0 9 66

ሰሌዳ | Seleda

10 Jan, 08:46

" የማጣራት ሥራውን እስክናጠናቅቅ ሁሉም ሰው በተረጋጋ መንፈስ እንዲጠባበቅ በትህትና እንጠይቃለን " - የኢትዮጵያ የስፔስ ሳይንስ ሶሳይቲ

የኢትዮጵያ የስፔስ ሳይንስ ሶሳይቲ በትናንትናው ዕለት ከምሽቱ 1፡30 ገደማ በደቡብ እና ደቡብ ምዕራብ የሀገራችን ክፍሎች በሰማይ ላይ እየተቀጣጠሉ በከፍተኛ ፍጥነት ሲንቀሳቀሱ የነበሩ የቁስ አካላት ስብስብ መታየታቸው ሪፖርት እንደደረሰው ዛሬ ጥዋት አሳውቋል።

" በደረሰን ተንቀሳቃሽ ምስል ለመመልከት እንደቻልነው የእነዚህ አካላት ስብስብ የጠፈር ፍርስራሾች አልያም የሚቲዮር አለቶች ይመስላሉ " ብሏል።

" ስብስቡ ወደ ደቡባዊ የሃገሪቱ አቅጣጫ በከፍተኛ ፍጥነት በሰማይ ላይ ሲምዘገዘግ እንደነበረም ለማወቅ ተችሏል " ሲል አክሏል።

" የክስተቱን ተፈጥሮ በእርግጠኝነት ለማብራራት ያስችለን ዘንድ ሁኔታውን በቅርበት እያጣራን የምንገኝ ሲሆን ፤ ወቅታዊ መረጃዎችን እንደደረሱን የምናቀርብ ይሆናል " ብሏል።

" የማጣራት ሥራ እንኪጠናቀቅ ድረስ ሁሉም ሰው በተረጋጋ መንፈስ እንዲጠባበቅ በትህትና እንጠይቃለን " ሲል ጠይቋል።

15.2k 0 20 117

ሰሌዳ | Seleda

9 Jan, 15:36

በአሜሪካ ሎስ አንጀለስ ግዛት በተነሳው ሰደድ እሳት የ5 ሰዎች ሕይወት አለፈ‼️

በአሜሪካ ሎስ አንጀለስ ግዛት ማክሰኞ እለት የተነሳው ሰደድ እሳት እየተስፋፋ ሲሆን በአደጋው እስከ አሁን የ5 ሰዎች ሕይወት ማለፉ ተገልጿል፡፡

ሰደድ እሳቱ ከ10 ሄክታር ተነስቶ በከተማዋ ባለው ከፍተኛ አውሎ ንፋስ ምክንያት 80 ኪሎሜትር በሰዓት በፍጥነት በመጓዝ በከፍተኛ ሁኔታ መዛመቱ ተገልጿል።

በአደጋው ከ2 ሺህ በላይ የሚሆኑ ሕንፃዎች እና መኖሪያ ቤቶች እንዲሁም በርካታ መሰረተ ልማቶች መውደማቸው ተነግሯል፡፡

ይህን ተከትሎ 200 ሺህ ነዋሪዎች የውኃ እና የኤሌክትሪክ አቅርቦት ተቋርጦባቸዋል ተብሏል፡፡

ሎስአንጀለስ በአስቸኳይ ጊዜ አዋጅ ስር የምትገኝ ሲሆን፣ የሀገሪቱ ፕሬዚዳንት ጆ ባደን ለተፈናቀሉ ዜጎች የሚውል የፌደራል በጀት ማፅደቃቸውም ተጠቁሟል፡፡

በሎሳንጀለስ ዙሪያ የተቀሰቀሰው ከባድ የሰደድ እሳት አደጋ ትናንት ምሽት ጀምሮ ወደ ሆሊውድ ኮረብታዎች እየተስፋፋ መሆኑንም ቢቢሲ ዘግቧል።

አደጋውን ለመግታት በምድር እና በአየር እሳቱን የማጥፋት ስራ እየተሰራ መሆኑም ተጠቅሷል።

ከ100 ሺህ በላይ ነዋሪዎች አካባቢያቸውን ለቀው እንዲወጡ የታዘዙ ሲሆን፣
በዚህም ከአደጋው ስፍራ ወደ ሌላ ቦታ እያቀኑ በሚገኙ ነዋሪዎች ሳቢያ የትራፊክ መጨናነቅ መፈጠሩም ነው የተነገረው፡፡

አኩ ዌዘር የተባለው ተቋም በእሳት አደጋው የደረሰው የኢኮኖሚ ጉዳት ከ 50 ቢሊዮን ዶላር በላይ እንደሚገመት ገልጿል።

የሙቀት መጨመር፣ በድርቅ የተጠቁ አካባቢዎች መስፋፋት እና መሰል የአየር ንብረት ለውጥ ጉዳቶች ለአደጋው መከሰት ብሎም መባባስ አስተዋፅኦ እንዳላቸው ነው የተገለፀው፡፡

11k 0 15 95

Показано 18 последних публикаций.

49 696

подписчиков

Статистика канала

Популярное в канале

በአዋሽ ፈንታሌ ወረዳ ሁለት ት/ቤቶች በመሬት መንቀጥቀጡ ጉዳት ደርሶባቸዋል‼️ በአዋሽ ፈንታሌ ወረዳ ሳቡሬ ቀበሌ የሚገኙት ዑንጋይቱ የመጀመሪያ ደረጃ ...

ለከተራ እና ጥምቀት በዓላት ዝግጅት የአዲስ አበባ ጎዳናዎች እና አደባባዮች በወጣቶች እያሸበረቁ ነው ‼️

ፕሬዝዳንት ታየ አጽቀሥላሴ የጥምቀት በዓልን ለማክበር ጎንደር ከተማ ገቡ‼️ የኢፌዴሪ ፕሬዝዳንት ታየ አጽቀሥላሴ እና የፌደሬሽን ምክር ቤት አፈ ጉባኤ አ...

ዛሬ ምሽት በሬክተር ስኬል 5.5 የተመዘገበ ርዕደ መሬት ተከሰተ በኢትዮጵያ ከሰሞኑ ከተከሰቱት የመሬት መንቀጥቀጦች ከፍተኛ የሆነው እና በሬክተር ስኬ...

መንግስት የርዕደ መሬት በታየባቸው አካባቢዎች የጉዳቱን መጠን አሠሣ እያደረገ እንደሚገኝ ገለጸ የመንግሥት ኮሙኒኬሽን አገልግሎት ጉዳዩን አስመልክቶ ባ...