ትምህርት በቤቴ®

ክሪፕቶ ከረንሲን በኢትዮጵያ መተግበር የሚቻልበት ሁኔታ እንዳለ ተገለጸ

ከወረቀት እና የሳንቲም ገንዘብ በተጨማሪ የዲጂታል ገንዘቦች የክፍያና ኢንቨስትመንት አማራጭ እየሆኑ እንዳሉ ይገለፃል፡፡

ሀገራት ከእነዚህ መገበያያ አማራጮች ክሪፕቶከረንሲ (ምናባዊ ገንዘብ) በመባል የሚታወቀውን በህጋዊ መንገድ በግብይት ስርዓቱ በስፋት ጥቅም ላይ እያዋሉት ይገኛል፡፡

በኢትዮጵያም ምናባዊው የዲጂታል መገበያያ በስፋት ገበያ ላይ እየዋለ በመሆኑ እንዴት መቆጣጠር ይቻላል የሚል ጥያቄ በህዝብ ተወካዮች ምክር ቤት መነሳቱ የሚታወስ ነው፡፡

የኢትዮጵያ ብሄራዊ ባንክ ገዥ አቶ ማሞ ምህረቱ በሰጡት ምላሽ አሁን ላይ በኢትዮጵያ ክሪፕቶ ከረንሲን እንደ መገበያያ መጠቀም የተፈቀደ እንዳልሆነ ቢጠቅሱም፤ የዓለም የንግድ ስርዓት ተለዋዋጭ እንደመሆኑ ባንኩ በሒደት መመሪያዎችን ሊያወጣ ይችላልም ነው ያሉት፡፡

በዚህ ጉዳይ ላይ ማብራሪያ የሰጡት የምጣኔ ሃብት ባለሙያው አቶ ደረጄ ፍቃዱ አለም ወደዚህ የመገበያያ ስርዓት እየተቀየረ ከመጣ ኢትዮጵያም ተግባራዊ ማድረጓ የማይቀር ነው ብለዋል፡፡

በሌሎች ሀገራትም ሆነ በሀገራችንም የሚጠቀሙ መኖራቸውን እና ጠቀሜታ ያለው መሆኑን፤ እንዲሁም የሚፈጥረው ተፅዕኖ ቢኖርም አጣጥሞ ማስኬድ እንደሚቻል ገልፀዋል፡፡

ከቁጥጥር አንፃር የሚነሱ መመሪያዎችም ሆነ ህጎች እንዲሁም የአሰራር ስርዓቶች ቴክኖሎጂ እንደመሆኑ ተግባራዊ ከተደረገ በኋላ እየታየ ጥናት ተደርጎ ህግም ሆነ መመሪያ የሚወጣበትን ሂደት መፍጠር እንደሚቻል አመላክተዋል፡፡
                      
ይህንን ሃሳብ የሚቃረኑት ሌላኛው የምጣኔ ሃብት ባለሙያው አቶ እዮብ አዳሙ ኢትዮጵያ አሁን ላይ የምናብ መገበያያውን ልትጠቀም የምትችልበት አስቻይ ሁኔታ እንደሌለ ይገልፃሉ፡፡

ሀገሪቱ ያላት የፋይናስ ስርዓት ጠንካራ ባልሆነበት ሁኔታ ትግበራ ውስጥ ቢገባ ጉዳቱ የሚያመዝን መሆኑን ተናግረዋል፡፡ በምክርቤቱም በህግ የታገደው ለዚህ የሚመጥን ሲስተም ባለመዛርጋቱ እና መቆጣጠር ስለማይቻል ነው ብለው እንደሚያምኑም ሃሳባቸውን ገልፀዋል፡፡
                        
ክሪፕቶ ከረንሲን በስፋት ለመገበያያነት የሚያውሉ ሀገራት ቁጥር እየጨመረ መሆኑን መረጃዎች ያመላክታሉ፡፡


መረጃዎችን በፍጥነት ለማግኘት የትምህርት በቤቴ ቴሌግራም ገፃችንን JOIN እና ሼር ያድርጉ!

https://t.me/temhert_bebete
https://t.me/temhert_bebete

#AASTU

የሥርዓተ ትምህርት ክለሳ በማድረግ የሚያስመርቃቸው ተማሪዎች የትምህርት ማስረጃቸው አለም አቀፍ ተቀባይነት እንዲኖረው እየሰራሁ ነው ያለው የአዲስ አበባ ሳይንስና ቴክኖሎጂ ዩኒቨርስቲ፤ በሰባት ወር ጊዜ ውስጥ እውቅና የማግኘት ሂደቱ ይጠናቀቃል ብሏል፡፡

ዩኒቨርስቲው በአለም አቀፍ መስፈርት ከልሼዋለሁ ባለው የትምህርት ሥርዓት ያስተማራቸው የመጀመርያ ዙር ተማሪዎችም አስመርቆ ወደ ስራ ማስገባቱንም ሰምተናል፡፡

#የአዲስ_አበባ_ሳይንስና_ቴክኖሎጂ_ዩኒቨርስቲ ፕሬዝዳንት ደረጄ እንግዳ(ዶ/ር) ከ2019 ጀምሮ ዩኒቨርስቲው ይህን እውቅና ለማግኘት የሚያስችለውን ስራ ሲሰራ ነበር ሲሉ ጠቅሰዋል፡፡

እንደ ማሳያነት ያነሱት የትምህርት ካሪኩለም ክለሳ ማድረግ አንዱ ሲሆን በዚህ ሥርዓት ያለፉ ተማሪዎች ከባለፈው ዓመት ጀምሮ መመረቅ ጀምረዋል በማለት ነግረውናል፡፡

አለም አቀፍ እውቅና ለማግኘት ባለፈው ሳምንት ግምገማ የሚያካሄድ ቡድን መጥቶ ስራውን አከናውኗል ያሉት ደረጄ እንግዳ(ዶ/ር)  በመጀሪያው ሪፖርታቸውም አብዛኛዎቹ የትምህርት ክፍሎች ይህንን እውቅና እንደሚያሟሉ ተነግሮናል ብለዋል፡፡

ነገር ግን አንዳንድ ስራዎች በአንድ ወር ውስጥ እንድናስተካክል ተነግሮናል ያሉት የአስቱ ዩኒቨርስቲ ፕሬዝዳንት ዩኒቨርስቲው የተነሱ ችግሮችን ለማስተካከል እየሰራ ነው ብለዋል፡፡

ውጤቱም ከ7 ወር በኋላ ሐምሌ ውስጥ ይታወቃል መባሉን ሰምተናል፡፡

እውቅናው ሲገኝ ከባለፈው ዓመት ጀምሮ የተመረቁ የዩኒቨርስቲው ተማሪዎች የትምህርት ማስረጃቸው በየትኛውም ተቋም አለም አቀፍ ተቀባይነት ይኖረዋል ተብሏል፡፡

[ዘገባው የሸገር ራዲዮ ጣቢያ ነው]

መረጃዎችን በፍጥነት ለማግኘት የትምህርት በቤቴ ቴሌግራም ገፃችንን JOIN እና ሼር ያድርጉ!

https://t.me/temhert_bebete
https://t.me/temhert_bebete

#MoE

በወጥነት ይተገበራል የተባለው የዩኒቨርሲቲ ተማሪዎች ሜኑ ምን ይመስላል ?

የዩኒቨርሲቲ ተማሪዎች ዕለታዊ የምግብ ወጪ ከታህሳስ 01/2017 ዓ.ም ጀምሮ 100 (መቶ ብር) እንዲሆን መወሰኑ ይታወቃል።

የዩኒቨርሲቲ ተማሪዎች የምግብ ሜኑም ሁሉም ጋር ወጥ እንዲሆንብ እየተሰራ መሆኑን ትምህርት ሚኒስቴር መግለጹ አይዘነጋም።

ይህንን ተከትሎ ፤ የተማሪዎች የምግብ አቅርቦት በሁሉም ዩኒቨርሲቲዎች በወጥነት እንዲከናወን ትምህርት ሚኒስቴር ከምግብ ተመን ማሻሻው ጋር የተጣጣመ ስታንዳርድ የምግብ ሜኑ በማዘጋጀት ለሁሉም የመንግሥት ዩኒቨርሲቲዎች ልኳል።

የምግብ ሜኑው ዝቅተኛውን መስፈርት መሠረት በማድረግ መዘጋጀቱን የገለጸው ሚኒስቴሩ ተቋማት ከባቢያዊ ነባራዊ ሁኔታን ከግምት ውስጥ በማስገባት በአንድ ተማሪ ሳምንታዊ ወጪው ከ700 (ሰባት መቶ) ብር ባልበለጠ መልኩ ስራ ላይ መዋል እንዳለባቸው ማሳሰቢያ አስተላልፏል።

ለዩኒቨርሲቲዎች በተላከው የምግብ ሜኑ ከላይ የተያያዘ ሲሆን ፦

👉 ቁርስ ላይ ፦ እንጀራ ፍርፍር / ሩዝ + ዳቦ + በሻይ ፣ ቅንጬ ፣ ስልስ ፣ ማካሮኒ ተካተለዋል።

👉 ምሳ ላይ ፦ ምስር/አተር ክክ/ሽሮ / አተር / ባቄላ / ድንች / አትክልት ማለትም ጎመን ፣ድንች፣ ካሮት የመሳሰሉ / ፓስታ /  + እንጀራ / ዳቦ ፣ ከዚህ በተጨማሪም በሳምንት 1 ቀን ስጋ በምስር/በድንች/ በክክ (በዳቦ ወይም በእንጀራ) ተካተዋል።

👉 እራት ላይ ፦ ምስር/ክክ/ፓስታ / ሽሮ + በእንጀራ/ዳቦ ፣ ከዚህ በተጨማሪ በሳምንት 1 ቀን ስጋ በምስር/በድንች/ በክክ (በዳቦ ወይም በእንጀራ) ተካተዋል።

🔵 ለበለጠ መረዳት ከሰኞ እስከ እሁድ የተከፋፈለውን የምግብ ሜኑ ከላይ መመልከት ይቻላል።

አጠቃላይ ትምህርት ሚኒስቴር ለዩኒቨርሲቲዎች በላከው የምግብ ሜኑ መሰረት ለቁርስ ፣ ለምሳ፣ ለእራት ለአንድ ተማሪ የተመደበው 100 ብር ነው።

በከፍተኛ ትምህርት ተቋማት / ለመንግሥት ዩኒቨርሲቲ ለተማሪዎች የተመደበው ዕለታዊ የምግብ በጀት በየጊዜው እየጨመረ ያለውን የምግብ ዋጋ ንረት ሊሽፍን ባለመቻሉ መንግሥት በፊት የነበረውን ዕለታዊ የተማሪ ምግብ ወጪ 22 ብር ወደ 100 ብር ከፍ አድርጎታል።

(በትምህርት ሚኒስቴር ዴኤታ ኮራ ጡሸኔ ተፈርሞ ለሁሉም የመንግሥት ዩኒቨርሲቲዎች የተላከው ሰርኩላር ከላይ ተያይዟል)

#TikvahEthiopia

መረጃዎችን በፍጥነት ለማግኘት የትምህርት በቤቴ ቴሌግራም ገፃችንን JOIN እና ሼር ያድርጉ!

https://t.me/temhert_bebete
https://t.me/temhert_bebete

ቴሌግራም የተጠቃሚዎችን ደኅንነት በተመለከተ የአቋም ለውጥ ማድረጉ ተሰማ!

ተጠቃሚያቸው እያደገ ከሚገኙት የማኅበራዊ ሚዲያ የትስስር መተግበሪያዎች መካከል አንዱ የሆነው ቴሌግራም ሲወቀስበት የነበረውን የተጠቃሚዎች ደኅንነት ጥበቃን በተመለከተ የአቋም ለውጥ ማድረጉ ተገልጿል።

በዚህም ቴሌግራም ከዓለም አቀፍ ተቋም ጋር በመተባበር የሕጻናት የወሲብ ብዝበዛ ይዘቶች በገጹ ላይ እንዳይዘዋወሩ ለመገደብ መስማማቱ ቢቢሲ ዘግቧል።ቴሌግራም ለሕጻናት ጥበቃ የሚያደርግ አሠራርን እንዲከተል ለዓመታት ጫና ሲደረግበት ቢቆይም፣ ይህንን ተግባራዊ ለማድረግ ፈቃደኛ ሳይሆን ቀርቶ ነበር።

ቴሌግራም አብሮት ለመሥራት የተስማማው ‘ዘ ኢንተርኔት ዋች ፋውንዴሽን’ ወይም አይደብሊውኤፍ ተቋም የበይነ መረብ አገልግሎት ሰጪዎች ለሕጻናት ጥበቃ የሚገለገሉበት ነው።ባለፈው ነሐሴ ወር ላይ የቴሌግራም መሥራች ፓቫል ዱሮቭ በፓሪስ አውሮፕላን ማረፊያ በቁጥጥር ሥር ከዋለ በኋላ፤ ቴሌግራም ይዘቶች ላይ ቁጥጥር ለማድረግ ተስማምቷል።

ቴሌግራምን ከ950 ሚሊዮን በላይ ሰዎች የሚጠቀሙት ሲሆን፤ ሌሎች ዓለም አቀፍ ማኅበራዊ ሚዲያዎች ከሚከተሉት ፖሊሲ በተለየ የተጠቃሚዎችን የግል መረጃን የሚጠብቅ መተግበሪያ እንደሆነም በመግለጽ ራሱን ያስተዋውቃል።ነገር ግን በቴሌግራም ላይ አደንዛዥ ዕፅ ዝውውርን ጨምሮ የሕጻናት ወሲባዊ ይዘት ያላችው ይዘቶች ይዘዋወራሉ፤ የበይነ መረብ ምዝበራም እንደሚፈጸም መገናኛ ብዙኃን የሠሩት ምርመራ ያሳያል።

ቴሌግራም መሥራቹ በፓሪስ ከታሰሩ በኋላ፤ ፖሊስ ሕጋዊ ጥያቄ እስካቀረበ ድረስ ደንብ የጣሱ ሰዎችን የኮምፒውተር አድራሻ እና የስልክ ቁጥር ለሕግ አስከባሪዎች መስጠት፣ በቅርብ ያሉ ሰዎችን የሚጠቁመው እና ለበይነ መረብ አጭበርባሪዎች የሚዳርገውን ‘ፒፕል ኒር ባይ’ አሠራር ማጥፋት እንዲሁም ደንብ ጥሰዋል የተባሉ ምን ያህል ይዘቶች ከገጹ እንደወረዱ ሪፖርት ማድረግን የመሳሰሉ ለውጦችን አድርጓል።ቴሌግራም እንደ ዋትስአፕ እና እንደ ሲግናል በተጠቃሚዎች መካከል ያለን የመረጃ ልውውጥ በምሥጢር የሚይዝ መተግበሪያ መሆኑም ተገልጿል።
Via_yenetub

መረጃዎችን በፍጥነት ለማግኘት የትምህርት በቤቴ ቴሌግራም ገፃችንን JOIN እና ሼር ያድርጉ!

https://t.me/temhert_bebete
https://t.me/temhert_bebete