Walaloo Jaalalaa™

Kan uumama yakkee
Waan hin jirres fide
Kan cubbuus bocatee
Dhugaa arguu dide

Baraa miti nama
Barri maal balleesse
Deemeet jijjiirama
Badii isaatin malee
Akkamiin yakkama?

Osoo ganna roobee
Aduun bonaa dhaamu
Osoo birraan habaabee
Cidhaaf nama yaamu

Osoo akkuma lixxeen
Aduun hin hafin takkaa
Balleessaa isaa kamiin
Namni bara yakka?

Osoo akka namaatti
Barri karaa hin bulin
Yookan garaaf jedhee
Karra namaa hin galin

Kan faayidaan bitamee
Karaa irratti hafu
Kan garaa guuttatee
Bakkuma oole rafu

Kan garaarraa-n hafne
Osoo ilmi namaa jiru
Inni dhibamee-n ciifne
Kan fageenya hifatee
Deemsa isaa-n dhiifne
Bara maalif abaaru?

Bara hamtuu diigee
Sona namaaf ijaaru
Kan laafaa utubee
Dadhabaa gargaaru

Bara hamaa jedhanii
Maalif xuriin qaqqabu
Barri waa hin yakkine
Badii homaa hin qabu

✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

NUTI QAAMA TOKKO 🌹

Nuti qaama tokko
Miilaa hanga mormaa
Addaan facaatanii
Hin ta'inaa orma!

Wallottis dhaladhu
Wallaggaafi jimmaa
Dhabnikee dhabakoo
Dhimmikee naaf dhimma

Harargees yoo taate
Arsii yookaan Baalee
An wol hin caalchisu
Gandaaf gooxii laalee

Booranaa fi Gujii
Matakkaliif Shawaa
Anaafis qoricha
Wanti-isiniif dawaa

Faffaca'uun fafa
Addaan wal dhiluuni
Anaaf biyya kooti
Beddelleef Iluuni...

Kutaan adda baanee
Hin dhandhamnu eelaa
Dheebuunkee kan kooti
Beelli kee naaf beela

Bahaaf lixa-n jennu
Kaaba yookaan kibba
Wol jaalanna sabaa
Haa jibbinu jibba!......

Na gahee sin hanqatu
Cabnu woliin okkolla
Gufannus walumaani
Ceenus waliin offolla!..

Ija bitaaf mirgaa
Hin laallu addatti
Hin galinaa sabaa
Hin gallu gandatti!

Tokkummaan Oromummaa
Irbuu goota kumaati
Galfata hin nyaatinaa
Dhaamsa kiyya dhumaati!

✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Afaan Jaalalaa ⭕

Maal jedheen sitti himaa
akkan si jaaladhuu
mallattoo miira koo
atoo na hin hubattuu

Ija koo na cabsa
labooba nyaara koo
yoon sitti himuuf ka'e
na luugama arrabnikoo

Si arguuf sardameen
sitti himuuf holladhaa
Utuun afaan beekee
miira koon baafadhaa

Beeka afaan dubbii
qooqa walii galaa
maaf naa dumdumaa
qooqni afaan jaalalaa.

✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Baguman Si fuudhe!
•••
Hamiifi gorsa ormaa
Hin dhageenye ciraatti
Jaalattee natti heerumte
Mana dhabus kiraatti!
~
Dhangaa jaalala dhugaan
Mi'eessite jiruukoo
Ati naaf haadha kooti
Obboleettii tiruukoo!
~
Gameettii haadha manaa
Tokkeekoo yaa shaggituu
Ijji kiyya simalee
Nama biraa hin argitu!
~
Waa meeqa osoo jedhanii
Dhagahuu diddee duuddee
Abbaa manaakee gootee
Ofirratti na muudde!.
~
Namummaan na madaalte
Hiyyummaaf nan tuffanne
Argadhu waliin nyaannee
Dakkuus waliin uffanne!
~
Kanin dur fala dhabee
Olii fi gadi fiigu
Haaraa ijaaruun hafee
Kan ijaarame diigu!
~
Gorsaafi obsa keetiin
Dawaa taatee anaa
Kiraa keessaa baaftee
Natti ijaarte mana!
~
Kaleessa koof har'a
Gaafan laalu dhaabbee
Durumaan sifuuchuu
Dhabuu kiyyan gaabbe!
~
Mil'uun ija keetii
Naaf soora qalbiiti
Ati kennaa kiyya
Badhaasa rabbiiti!
~
Baguman sifuudhe
Tokkee hanga kumaa
Ani kee, atis koo....
Jiruu hanga dhumaa..
~
Gar-tokkee qaamakoo
Naaf waan hunda ati
Sin mararsiifadha
Siifan baasa gatii...
~
Gaara feeten ba'a
Goda feeten bu'a
Bara jireenya koo
Siif jiraadheen du'a!
~
Uumama kee tolchee
Kan siin na badhaase
Galatan galfadha
Waaqatti ol asaasee!

✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Hirriyyaa dhugaa ❤️

Hiriyyaan dhugaa
Fakkeenya jiruuti
Hedduu waljaallatu
Akkuma tiruutti

Eenyutu adda baasa
Dhufu malee duuti
Hiriyyaan dhugaa
Kan waljaalatuuti

Warqiif meedaaliyaa
Miti kennaa namaa
Jaalalaaf tokkummaa
Baay'eetu beekamaa

Qaamaan fagaatanus
Qalbiidhaan walfaanaa
Hiriyyaa dhugaa malee
Eenyu walitti Aanaa

Dhiiras ta'ee Dubaraa
Namni Hiriyyaan tolaa
Rakkinaaf dhiphinaa
Walirraatii qolaa

Kan gatiinsaa qaalii
Yoomuun jirre gabaa
Hiriyyaa kee kunuunsi
Eeyyee kun si darbaa

𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕

✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Naaf Hin Godhin Dhiifama 😭💔

Balleessan kan kootuma
Ati homaa hin qabdu badii
Anatu si dallansiise
Yeroo lamaa sadi 🥹

Anatu daangaa darbee
Balleesse Adaba
Ati qulqulluudha
Anumatu badii qaba

Dogongora kan koo
Amanee fudheera
Battaluma sanas
Dhiifama si kadheera 🥹

Utuma dhageessuu
Akka waan hin dhageenyee
Akka waan dhiifama
Afaan kee hin beeknee 😡

Tasa garaa jabaattee
Na cuftee na ilaalaa
Sagaltama si waamus
Ni calliste na jalaa 😭

Nama fedhe yoo ta'es
Hinuma dogongora
Animmoo balleessaa koo
Amanee fudhadheera 🥀

Dogongora akkanaa
Ittin deebi'u lamuu
Boolla wal fakkaatutti
Si'a lama hin kufamu 🥹

Amanee fudheera
Badiikoo hundumaa
Yoo garaa jabaatte
Naaf hin godhin dhiifama 😢

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Wal Hubachuu 🆗

Wal hubadhu haadhoo
Haadhoo garaa tokkoo
Yoo diddee waljeeqxe
Wal dhabda gaaf tokko

Har'a jirta kunoo
Kan borii hin beektu
Waliif garaa laafi
Utuu lubbuun jirtu

Gargaaruu dadhabdus
Harka gabaabbattee
Rakkoo haadhoo keetii
Maali yoo hubatte?

Madaan isaa hin mullatu
Xin-sammuun hiyyeessa
Rakkinni wal guuree
Onneesaa bobeessa
Namnis hin hubatuuf
Arrabaan gaggeessa

Dubbachuu dadhabee
Of keessatti iyyaa
Imimmaan soorachaa
Garaachas yoom fayyaa?
Cal jettee hin dhiisin
Wal hubachuu wayyaa

Ati inni qabduu
Ati inni dureessaa
Gargaari haadho kee
Baasi hiyyuma keessaa
Yoo ati harka isaa qabde
Innis of jabeessa

Rakkinaan machaa'ee
Amala yoo dhabe
Inni haadhoo keeti
Haadhoo hamileen cabe
Nan dhageessu hin jedhin
Rakkootu isa qabe.

Tuttuqqaa hin jaallatu
Abiddaaf hiyyeessi
Galata irraa dhabdus
Dhiifamaan gaggeessi
Jireenya itti aanuuf
Gammachuu qindeessi

Namni yeroo hundaa
Gammadee hin jiraatu
Waan guute fakkaatee
Yeroo inni hir'atu
Abdii hin kutatin
Waaqayyo sin gatu
Ani hubadheera
Akka inni sirratu

Atis of sirreessi
Hin hawwinis findee
Obsaan dabarsuum
Rakkoo haalli fide
Wal hubachuu wayya
Isa guutuu dide

Barris ni dabarti
Guyyaanis ni dhufa
Warri si darbatu
Harka keetti kufa
Wal hubachuun dhibnaan
Rakkoon itti fufa

Tasa wal hin simu
Haalli itti jirruuf
Karoorri jireenyaa
Haadhokee hin dhabiin
Rakkinni jiraatus
Isatu qabeenya
Wal hubadhuu darbii
Lafa irraa yoo dhabdes
Olii qabda Beenyaa


  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Onneen koo,... ✍️

〰️〰️〰️💌〰️〰️〰️

Sitti Hin Argamu Malee
Keessi Koo Akka Alaa
Silaa Dhugaa Jaalala Koo
Naaf Hubatta Siif Galaa

〰️〰️〰️ 💌〰️〰️〰️

Dilbata Si Jaalladhee
Wiixata Sirraa Hin Maquu
Qalama Jaalala Keetii
Muka Jibbaan Hin Haqu

〰️〰️〰️ 💌〰️〰️〰️

Biqiltuu Jaalala Dhaabe
Bishaan Jibbaa Itti Hin Coru
Onneen Koo Siif Jiidhadha
Bona Saafaas Hin Qooru.

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Lapheensaa siif Naate ❤️

Dararaa jaalalaa
Isa kophaat-beeka
Kaayyoof abdii baatee
Obsaan guyyaa eega
~
Gaafa yaaddoon marsee
Kophummaan dhiphisu
Imimmaansaa roobsa
Halkanis hin ciisu
~
Abjuudha wareera
Kophummaan doorsisee
Dhugaa jaalala keen
Ofiisaa moosisee
~
......eeyyee.......
~
Abbaa hirbuu ta’ee
Baatee joora waadaa
Siqiqiin ajjeesee
Kophaa ciisee aadaa
~
Yaadakeen oofamee
Daaka seenee Gibee
Namatti hinmakamu
Dhoksaa taa'a riphee
~
Ofiisaa sodaata
Akka waan si dhabuu
Gaafis taa'ee bula
Hin nyaatin agabuu
~
Qofaasaa hasaasa
Utuun quba nyaatee
Yoom deebiti laata
Lapheensaa siif naate?

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Harmee ✅

Biiftuu qarri baatu
Hirribarraa kaata
Galaana rakkoo daaktee
Galaa anaaf taata

Dadhabe hin jettu - Dugda keetti baattee
Ofiif hin boqonne - Boqonnaa naaf laatte
Rakkoo hin himattu - Kan kiyyaaf yaaddofta
Nan bareeda hin jettu - Anaaf daalachoofta

Gaara baatee daka buutee
Dafqa kan kee xuruurfatta
Dadhabbii kee of dhokfattee
Guddisa koof shan gugguufta

Harkaa dhabdus yoom waakkatte
Anaaf jecha ifatamte
Dungoo taatee anaaf iftee
Ofiif dhumtee kan dhabamte.

Si'if akkam jedheen
Maal barreessaa?
Jecha kamtu si addeessaa
Bakka qabda ana keessaa

Jecha filee yoon qubeessu
Oolmaa kan kee hin addeessu
Osoo addunyaan si jedhamee
Innuu sin gitu bar harmee!

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Anaan Aayyoo 😭

Ibidda itti kaa'ee
Mana ati ijaarratte
Godaannisa ida'ee
Dhala kee sirraa nyaatee

Sirnichi nama lagu
Boqonnaa qe'ee ofiitti
Mirga jiraachuu sarbuun
Qomoo koo si doorsifti

Dhiiga isaan boochisaa
Haadholii fi daa'immanii
Nu qaluun nu doorsisa
Hidhanii nu gaadi'anii

Sabatti jabaattekaa
Waggootni kurnoon
Kan rasaasaa miti....
Albeen nu waadekaa
Akka hoolaa tuntunoo,
Akka daabboo furnoo

Jabaan dhidhimfamee
Qilileedhaa Watwaata
Dhugaan liqimfame
Erga balfamee qaata

Imimmaan dur boonye
Har'a dhiiga gatiinsaa
Biqilaan bishaan dhiisee
Dhiigaan eegale latiinsaa

Ji'i Daandidha ibsa
Bakkalchi Bari'uu labsa
Arrabni dhugaa dabsa
Jedhee qaamni nagaa
Morma koo narraa cite
Taasise oduu aaga

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

"Edaa" Garamitti Hiikuu?
➿➿➿➿
Ani siif jedhee cabeen
Caba kee siif okkola
Dubbachuullee dadhabeen
Cobni imimmaanii naan lola

Halkan walakkaa faa
Hiriyyoota koo raffisee
Keessattuy Alalasaa
Dhokfachuun boochisee

Michuu gaafa rakkoo
Jedhamee waamamee
Beelaf dheebuun koo
Garaadhan waadamee
* *
Maafan galata dhabee
Nyaachisee obaasee
Isa uffata hin qabne
Daarayyuu baasee
**
Rakkataa meeqa ilaalen
Keessi koo naan lola
Ijaaree hin qabuuf malee
Mana koottan siin gala
***
Edaa edaa yaa jiruu
Jiruu lafa kanarraa
Ol baatee samii xuqxuu?
yookaa badii lafarraa
***
Cinaacha tokkoon rafuun
Ani mee si gammachiisuufi
Beenyan koo didee dabuun
Luugama malee kaachisuufi
**
Edaa garamitti hiikuu?
yaa isa guyyaa gurraachessite
Dadhabiin silaa hin mul'atu
"Edaanuu" maaf barbaachifte? 🥹


✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Ni Dhufta Jedhee 💔

Ni dhufta jedheen urgooftuu aarsa
Qoraasuma qaaliin hin waakkadhu
Yaa'ii sinbiraa yaaseen waccisiisa
Nan yaala simannaa addaa godhuu

Ganama abdiin dammaqeen
Waaree hafuu keef mufadha
Guyyuummoo of haaresseen
Deebi'ee abdii godhadha

Bariikoo yeroo hundaa na sobutti
Mufadhee itti gaddee hin beeku
Guyyaa gaafa muffii koos
Sirraa dheessuu hin akeeku

Ni dhufta jedhee si dhabeen
Sababaan of sossoba
Waaqa komachuu yaadeen
Of tuffadhee, of taajjaba

Ni dhufta jedhee....

Akkuma koo gaafasii
Amaamota kadhadhuu?
Waca sinbirrootaatiin
Barfannaa kee simadhuu?

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Hawwii 🫣

Meeqatu guuttate
hawwii jireenya isaa
Gammachuu argatee
Kan ciise garaansaa

Nama meeqa laata
Kan harkaan ga'ate?
Fedhiii garaasaatii
hawwii kan dhuunfate
Hinaaffaan guutamte
Hammeenyan hudhamtee
Meeqatu hawwee dhabee?
Meeqatu hawwee harkaan qabe
Hawwii bira ga'uuf
Meeqatu dadhabe?
Nama meeqa laataa
Hawwee kan argatee

Fedhii garaasaatti
Sonaan kan guutate
Eenyutu natti hima
Eenyutu beeka laata?
Eessa daangaan hawwii
Eessatti dhaabbataa?
Eessan ba'ee deemee
Eessatti jal'ataa?

Eessan qajeelee
Eessa irrattuu gufataa?
Dhugaa ta'uu baannaan
Hawwiin hawwiidhuma.
Kan qoricha hin qabne
Dhukkuba hundumaa
Kan deebiis hin qabne
Gaaffii ilma namaa

@Walaloo_jaalalaa24

Garaan duraan,... 🥹
➿➿➿➿➿
Akka waan si
malee jedhuu
akka waan siin lafti
bari'ee dukkanuu

Dhibbaan of baayistee
of baastee Qooxii gubbaa
Edaa nan barree ati na
jibbiinan ani sin jibbaa

Kadhaan hin jiru siif
kufee hin Jilbiiffadhu
Barbaachisaa taanan
Argaa keeyyuu hin fedhu

Atis kanumaafuu karaa
kee kutte gaafa na miitu
Anoo Kamiif Jedheen
kan guyyaan natti dhiitu

Ati silaa fedha kee
hunda raawwattee qajeelte
Anaan garuu gidiraa
Yandoo sanaan na qabsiiste

Akka Namnuu hin
amanamne sirraan baree
Amma kaa martuu naaf
tokko hin ilaalu gargargallee

Akkanan siin jedha kun
bu'aa siif taanan milkaa’i!
Garuu miidhamni koo
Sitti argamnaan deebi'i!

Yoo kanaa Achii lafa garaa
kee deemii iddoo yaadde
Anis sin jibbaa garaan
duraan ittiin si jaaladhe

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Akkanatti Sin Eegnee ❤️
➿➿➿➿➿
Karaan ganda
keenyaa geessuu
Lagni dur ittiin
deemnee ittiin ceenu

Qe'een dur tole martu
achii gahuuf hawwuu
Kan ijji koos Barbaadee
Arguuf dhimmuu

Har'a Garuu faarri isaa
bade hulaan balbalaas cufaa
Kan nagaan deeme gara
kee dhuftu si biratti kufa

Daandin mana keetti na geessu
qoreedhaan cufamee
Jaalalan siif qabu haala
kanaaf jechaan danqamee

Sirraa na ittisuuf
akkan dhufee sin argine
Anis akka akkana taatu
Akkanatti sin eegnee

Yeroo miilli koo lafa kee
gubbaa dhufee dhaabbatu
Argaan ija kootii waa'ee
kee yaadee dudubbatu

Garuu
Natu achi hiiqee ture malee
warri kaan lubbuun dhiphatu
Karaan ganda keetti ol seensisu
Badee qoreedhaan cufatu

Yaadees hawwee
sammuu kootin xiinxalee
Akkanatti sin eegne
tasa karaa abjuullee

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join