ዳጉ-ጆርናል/Dagu-Journal

ገንዘብ ለመቆጠብ በሚል ኑሮዋን በመስርያ ቤቷና በጂምናዜየም ዉስጥ ያደረገችዉ ግለሰብ እያነጋገረች ነው

አነጋጋሪውን ታሪክ የተመለከቱ አስተያየት ሰጪዎች የ2025 ዓመት ቤት አልባነት ከከዚህ ቀደሞቹ የሚለይ ነው ሲሉ ተደምጠዋል።በማህበራዊ ትስስር ገፆች የተጋራው ምስል እንደሚያሳየው ከሆነ እንስቷ በስራ ቦታዋ ባለ አንድ አነስተኛ ክፍል ውስጥ የጠረጴዛ መብራት፣ የእቃ ማጠብያ ማሽን፣ እንዲሁም አነስተኛ ፍሪጅ የሚታዩ ሲሆን ይሄው በመስርያ ቤቷ የሚገኘው አነስተኛ ክፍል መኖሪያዋ እንደሆነ ተገልጿል። ይህ ወጣ ያለ የአኗኗር ዘይቤን ያሳያል የተባለለት ተንቀሳቃሽ ምስል በተለቀቀ በአጭር ጊዜ ውስጥ የበርካቶችን ቀልብ ለመግዛት የቻለ ሲሆን የተለመደውን የአኗኗር መንገድ በማስቀረት የቤት ኪራይ ወጪን የሚያስወግድና ገንዘብ ለመቆጠብ የሚያስችል ፍቱን መፍትሄ ነው ተብሎለታል።

ዴስቲኒ የተባለችው ይህቺ እንስት ቤት አልባ ለመሆን ወስና በመስርያ ቤቷ ውሰጥ መኖር መጀመሯን በቲክቶክ ላይ ይፋ ያደረገች ሲሆን ቲክቶክ ላይ በለቀቀቺው ቪድዮ በየወሩ ለቤት ኪራይና ተያያዥ ወጪዎች ከ2ሺ የአሜሪካ ዶላር በላይ ማውጣት እንዳሰለቻት ስትናገር ተደምጣለች። በዚህ በመማረር እንስቷ ወጪዎችን ለመቀነስ ስትል ቤት ተከራይታ መኖር ያቆመች ሲሆን ይህም ገንዘቧን እንድትቆጥብ እምዳስቻላት ትገልፃለች።

በኢንስታግራም ላይ ከፍተኛ ትኩረት በሳበው የዲስቲኒ ቪድዮ እነስቷ ቤት ላለመከራየት ከወሰነች በኃላ በመኪና ውስጥ ለመኖር ሞክራ እንደነበረች የተናገረች ሲሆን ይሄው አማራጭ የቤት ኪራይ ወጪ የከበዳቻው በርካታ አሜሪካውያን የሚከተሉት መንገድ ነው። ነገር ግን ዴስትኒ መኪናዋ መበላሸቱን ተከትሎ ለረዥም ጊዜ በመኪጋዋ ውስጥ ለመኖር ሳትችል ቀርታለች። ከዚህ በመቀጠልም እንስቷ ሰለገጠማት ችግር ከአሰሪዋ ጋር በነፃነት የተነጋገሩ ሲሆን የስራ አለቃዋ እንስቷ በመስርያ ቤቱ ውስጥ ማደር መጀመሯን ብትነግረውን ድርጊቷን እንድታቆም ወይንም ስራ እንድትለቅ ሳያደርጋት ቀርቶ ችግሯን በመረዳት እዛው ማደሯን እንድትቀጥል እንደፈቀደላት ተገልፆል።

እንስቷ ኑሮዋን በመስርያ ቤቷ ውስጥ ከማድረጓ በተጨማሪ አስፈላጊ የሆኑ ነገሮች ማለትም ገላዋን መታጠብና ሌሎች ተዛማጅ ነገሮችን መከወን ስትፈልግ ደግሞ ስፖርት በምታዘወትርበት ጂምናዝየም ሻወር ወስዳና ተዘገጃጅታ ወደ ስራ እንደምትገባ ተናግራለች። ከዚህ በተጨማሪ አንድ አንድ ንብረቶቿን ለማስቀመጥ ደግሞ በወር 75 ዶላር የሚከፈልበት አነስተኛ መጋዝን መከራየቷን ኢንስታግራም ገፆ ላይ ባጋራችው ተንቀሳቃሽ ምስል አስታውቃለች።

ታድያ እንስቷ ይህንን ታሪኳ ለሰዎች በምታጋራበት ሰዓት በርካቶች ከቆሻሻ ማጠራቀምያ ምግብ እየለቃቀምኩ የምኖር ነው የሚመስላቸው ነገር ግን እንደዛ አይደለም እኔ እነሱ በየወሩ ለቤት ኪራይ ለመብራትና ውሃ ክፍያ የሚያወጡትን ወጪ በባንክ አካውንቴ እየቆጠብኩ የተሻለ ህይወት እየኖርኩ ያለሁ ሰው ነኝ ስትል እንደምትመልስላቸው ትናገራለች። ታድያ ይህ ታሪክ በርካቶች የአውሮፓውያኑ 2025 ዓመት አዲስ አይነት ጎዳና ተዳዳሪነት እያስመለከትን ይገኛል የሚል አስተያየት እንዲሰጡ አስገድዷቸዋል።

በሚሊዮን ሙሴ
#ዳጉ_ጆርናል

በአውስትራሊያ አንዲት ነርስ ለእስራኤላውያን ታካሚዎች ህክምና እንደማትሰጥ በመናገሯና በመዛቷ ክስ ተመሰረተባት

በአውስትራሊያ የምትኖር አንዲት ነርስ የሆስፒታሉ ሰራተኞች ለእስራኤል ታማሚዎች ህክምና እንዳይሰጡ እና የግድያ ዛቻ ስትፈፅም የሚያሳይ ቪዲዮ መሰራጨቱን ተከትሎ ክስ ተመስርቶባታል። የኒው ሳውዝ ዌልስ ፖሊስ ረቡዕ ዕለት እንዳስታወቀው የ26 ዓመቷን ሴት በሶስት ወንጀሎች ክስ እንደተመሰረተባት ይፋ አድርጓል።

የኒው ሳውዝ ዌልስ ፖሊስ ኮሚሽነር ካረን ዌብ እንዳሉት ሴትየዋ ሳራ አቡ ሌብዴህ የምትባል ሲሆን አውስትራሊያን ለቅቃ እንዳትወጣ እና ማህበራዊ ትስስር ገጾችን እንዳትጠቀም ተከልክላለች። ዌብ እንደተናገሩይ ሴትየዋ በመጋቢት 19 በሲድኒ ፍርድ ቤት ትቀርባለች ብለዋል። ይህ እርምጃ የተወሰደው በሲድኒ ሆስፒታል ውስጥ የሚገኙ ሁለት የእስራኤል ታማሚዎችን ለመጉዳት ስትፎክር የሚያሳይ ምስል በዚህ ወር መጀመሪያ ላይ በማህበራዊ ሚዲያ ላይ በመሰራጨቱ የተነሳ ሲሆን ሰፊ ውግዘት አስከትሏል።

በእስራኤላዊው የይዘት ፈጣሪ ማክስ ቬፈር በተጋራ የቪዲዮ ውይይት ላይ አቡ ሌብዴህ ህክምና የሚፈልጉ እስራኤላውያንን እንደማታከም እና "እንደምትገድላቸው ስትናገር ትታያለች። በቪዲዮው ላፕ በተጨማሪም አንድ ወንድ የሆስፒታል ባልደረባ ብዙ እስራኤላውያን ታካሚዎችን ወደ ሲኦል እንደላከ ሲናገር ይታያል። በሀገር ውስጥ በወጡ ዘገባዎች አህመድ ረሻድ ናዲር የተባለው ግለሰብ በድርጊቱ ክስ አልተመሰረተበትም።

የአውስትራሊያው ጠቅላይ ሚኒስትር አንቶኒ አልባኔዝ “አስጸያፊ ፣ አሳፋሪ ” በማለት አውግዘዋል። የጤና ባለሥልጣናት ሁለቱ የሆስፒታል ሠራተኞች በጤና አጠባበቅ ውስጥ “በማንኛውም ሁኔታ” እንዳይሠሩ አግደዋል ። የጤና ባለሥልጣናቱ እስራኤላውያን የሆኑ ሕመምተኞች ጉዳት እንደደረሰባቸው የሚያሳይ ምንም ማስረጃ እንዳላገኙ ተናግረዋል።

በስምኦን ደረጄ
#ዳጉ_ጆርናል

በኢትዮጵያ እና ኬንያ ድንበር በተፈጠረው ግጭት ከ13 በላይ ኢትዮጵያዊያን ዜጎች ህይወት አለፈ

በደቡብ ኢትዮጵያ ክልል ዳሰነች እና በሰሜን ኬንያ ቱርካና የድንበር አከባቢ የኢትዮጵያን ድንበር ዘልቀው የገቡ የቱርካና ታጣቂ የሚልሻ አባላት አርብቶ አደሮች ባደረሱት ጥቃት የ13 ንፁሀን ዜጎች ህይወት ሲያልፍ 3 ሰዎች በከፍተኛ የህክምና ክትትል ላይ እንደሚገኙ የደቡብ ኢትዮጵያ ፖሊስ ኮሚሽን ህዝብ ግንኙነት እና ገጽታ ግንባታ ዳይሬክተር ምክትል ኮማንደር አሸናፊ ኃይሌ ለብስራት ሬዲዮ ቴሌቪዥን ተናግረዋል።

"ከየካቲት 12 ቀን 2017 ከቀኑ 8 ሰዓት ጀምሮ የኢትዮጵያን ድንበር ዘልቀው የገቡ የተደራጁ ታጣቂ የሚልሻ አባላት ተከታታይነት ባለው ሁኔታ በተለያዩ አካባቢዎች ባደረሱት ጥቃት በአከባቢው ከፍተኛ ውድመት ደርሷል"።

ይህንን ተከትሎ የክልሉ ከፍተኛ የሥራ ኃላፊዎች ኢትዮጵያ እና ኬንያ በሚዋሰኑበት የድንበር አከባቢ በንፁሀን ኢትዮጵያዊያን ዜጎች ላይ የደረሰው የህይወት መጥፋትና የንብረት ዘረፋን አስመልክቶ ከአካካቢው ማህበረሰብ ጋር ተወያይተዋል።

በተደጋጋሚ ድንበር ዘልቀው የሚገቡ ታጣቂዎች በሚያደርሱት ጉዳት ለከፍተኛ ችግር መጋለጣወን ነዋሪዎች የገለፁ ሲሆን መንግሥት በድንበር አከባቢ ዘላቂ ሠላምን ለማስፈን ከጎረቤት ሀገር ኬንያ መንግሥት ጋር ሊሰራ ይገባል ሲሉ መናገራቸውን ኮማንደር አሸናፊ ኃይሌ ለብስራት ሬዲዮ ቴሌቪዥን ተናግረዋል።

በሳምራዊት ስዩም
#ዳጉ_ጆርናል

"እንዳለሁ አበራለሁ" የተሰኘና ኦቲዝም ላይ ትኩረቱን ያደረገ መፅሀፍ በአሜሪካን ሃገር ተመረቀ

በደራሲ ማክዳ አርሺ Shining As I am በእንግሊዝኛ ግጥም ተፅፎ በታገል ሰይፉ ወደ አማረኛ የተተረጎመው "እንዳለሁ አበራለሁ" የተሰኘው መፅሃፍ የካቲት 16 ቀን 2017 ዓ.ም በአሜሪካን ሃገር ሲልቨር ስኘሪንግ ሜሪላንድ ቬተራንስ ፕላዛ በርካታ ኢትዮጵያውያን በተገኙበት ተመርቋል::

"እንዳለሁ አበራለሁ" ለልጆች ኦቲዝም ምን እንደሆነ በቀላል ቋንቋ የሚያስረዳ ሲሆን ታሪኩ አንድ የኦቲዝም ተጠቂ የሆነ ልጅ ቀኑን ሙሉ የሚገጥመውን ነገር የሚገልፅበት እና በልዩነት ውስጥ ያለን ውበት አጉልቶ የሚያሳይ ስለመሆኑ ታውቋል፡፡ ለልጆችም ትዕግስትን፣ ሌሎችን መቀበልን እና ርህራሄን ያስተምራል ተብሏል፡፡

በምርቃቱ ላይ የመፅሃፉ ደራሲ ማክዳ አርሺ ኦቲስቲክ ልጆች አለምን የሚገነዘቡበት መንገድ ልዩ ነው ያሉ ሲሆን ሆኖም በሃገራችን እንደሚታሰበው ኦቲዝም “ እብደት” ወይም “እርግማን” ሳይሆን በተፈጥሮ የሚከሰት ሰዎች ከማያስተውሉት አነስተኛ የባህሪ ልዩነት አንስቶ እጅግ በጣም ከፍተኛ እገዛና እርዳታ የሚያስፈልገው የአዕምሮ እድገት ልዩነት መሆኑን ተገንዝቦ ልጆቹ የፈጣሪ ስጦታ መሆናቸውን አምኖ መቀበል ያስፈልጋል፤ እስከዛሬ ግን ይህን በቅጡ አልተረዳነውም ሲሉም አክለዋል።

ብዙ ወላጆች ከማህበረሰብ የሚደርስባቸው መገለልና እነሱም ስለ ህመሙ በቂ መረጃ ስለማይኖራቸው ለከፍተኛ ስቃይና እንግልት እንደሚዳረጉም አንስተዋል።ኑሯቸውን በሃገረ አሜሪካ ያደረጉት ማክዳ አርሺ ከዚህ ቀደም "የአለም መብራቶች" የተሰኘ የልጆች መፅሃፍ ደራሲ ሲሆኑ በዚሁ መፅሃፍ moms choice award የተሰኘ አሜሪካን ሃገር የሚገኝ ሽልማትን ጨምሮ የአምስት ሽልማቶች አሸናፊ መሆናቸው ይታወሳል::

"እንዳለሁ አበራለሁ" በአሁኑ ወቅት Amazon ላይ እየተሸጠ ሲሆን Shining As I am “Amazon Best seller” መሆኑም የሚታወቅ ነው::በቅርብ ጊዜ በሃገር ውስጥ ለሚገኙ አንባቢያን ይደርሳልም ተብሏል::


#ዳጉ_ጆርናል

ዩክሬን ያላትን ማዕድን ለአሜሪካ ለመስጠት ተስማማች

ዩክሬን ከዩናይትድ ስቴትስ ጋር በዋና ማዕድን ልማት ስምምነት ላይ ደርሳለች ሲሉ የኪዬቭ ከፍተኛ ባለስልጣን ተናግረዋል። ባለሥልጣኑ ምንም ተጨማሪ ዝርዝር መግለጫ ሳይሰጡ "በርካታ ጥሩ ማሻሻያዎች ተስማምተናል እናም እንደ አወንታዊ ውጤትም ተመልክተናል" ብለዋል። የመገናኛ ብዙሃን ዘገባዎች ዋሽንግተን የተፈጥሮ ሀብቱን ከመጠቀም ሊገኝ የሚችለውን 500 ቢሊዮን ዶላር የማግኘት መብትን የመጀመሪያ ጥያቄዎች የተወች ሲሆን ነገር ግን በጦርነት ለተጎዳችው ዩክሬን ጠንካራ የደህንነት ዋስትና የማትሰጥ ይሆናል።

የዩናይትስ ስቴትስ ፕሬዝዳንት ዶናልድ ትራምፕ ከዩክሬን አቻቸው ቮሎዲሚር ዜለንስኪ በዋሽንግተን በዚህ ሳምንት ስምምነቱን ይፈራረማሉ ብለው እንደሚጠብቁ ስማቸው ያልተገለፀ የዩክሬን ባለስልጣን ተናግረዋል ።
ስምምነት ላይ መድረሱን ሳያረጋግጡ ትራምፕ ማክሰኞ እለት እንደተናገሩት ለስምምነቱ ምላሽ ዩክሬን "የመዋጋት መብት" ታገኛለች ብለዋል። የዩናይትድ ስቴትስ ገንዘብ እና ወታደራዊ መሳሪያዎቿ ባይኖሩ ኖሮ ይህ ጦርነት በአጭር ጊዜ ውስጥ ያበቃ ነበር ሲሉ አክለዋል።

ለዩክሬን የአሜሪካ መሳሪያዎች እና ጥይቶች አቅርቦቶች ይቀጥላሉ ወይ ተብለው ለቀረበላቸው ጥያቄ “ምናልባት ከሩሲያ ጋር ስምምነት ላይ እስክንደርስ ድረስ ድጋፍ ማድረግ አለብን፣ ስምምነቱ ካልተደረሰ ግን ይቀጥላል” ብለዋል። ማንኛውንም የሰላም ስምምነት ተከትሎ በዩክሬን ውስጥ “አንዳንድ የሰላም ማስከበር ዓይነቶች” እንደሚያስፈልግ ትራምፕ አክለው ተናግረዋል።

ባለፈው ሳምንት ትራምፕ ዜለንስኪን “አምባገነን” ሲሉ የገለፁት ሲሆን ጦርነቱን የጀመረችው ዩክሬን ናት ማለታቸው ይታወሳል። የዩክሬኑ ፕሬዝዳንት የአሜሪካን የ500 ቢሊዮን ዶላር የማዕድን ሀብት ጥያቄ ውድቅ ካደረጉ በኋላ የአሜሪካው ፕሬዝዳንት ሩሲያ በፈጠረችው የሃሰት የመረጃ ውስጥ እንደሚኖሩ ጠቁመዋል። ትራምፕ ሞስኮ ሙሉ ወረራ ከጀመረች ከሦስት ዓመታት በፊት ጀምሮ ዋሽንግተን ላደረገችው ወታደራዊና ሌሎች ድጋፎች የዩክሬን ማዕድን ለማግኘት ግፊት ሲያደርጉ ቆይተዋል።

በስምኦን ደረጄ
#ዳጉ_ጆርናል