፨ጨረስኩ ሳልጀምረው፨ 📝✏️
ከፊደላት ተራ ከሆህያት ገብቼ
ክብርሽን ለመግለጽ አሙልቼ አስፍቼ
አበው ሲናገሩ ስላንቺ ሰምቼ
ቃላትን ከቃላት መርጬ አሳክቼ።
ብዬ ጀመርኩኝ ልናገር ጸጋሽን
መጽሐፍ ከሚለው በልቢም ያለውን
አባቶች ቅዱሳት ያስተላለፉትን
በሕይወት ከነሱ የተቀበልኩትን።
ከነ ነጎርቤት ከነ አዝማዳት
በሰባት በሰባት ከተከፋፈሉት
ከላይ እስከታች የተደረደሩት
እስከነ ድረስ ከተሰበሰቡት።
ያንንም ሳወጣው ይንንም ስመዘው
ጥንት የመረጥኩትን መልሼ ስተወው
ፊት ያስገባሁትን ኃላ ስመልሰው
አንዱን አስገብቼ ሌላውን ሳወጣው
ፈጽሜአለሁ ብዬ የፃፍኩትን ሳየው
ድንግል ውዳሴሽን ጨረስኩ ሳልጀምረው።
🌺🌺🌺🌺🌺🌺🌺🌺🌺🌺

ተፈፀመ ማህሌተ ፅጌ
@MENFESAWItsufoche
🌺🌺🌺🌺🌺🌺🌺🌺🌺🌺