ሰው ልክ እንደ ወተት
"""""""""""""" """"""""""""""


ንፁህ እንደሆነ ከእናት ሆድ ሲወጣ ፣
እንባ እያፈሰሰ ምድር እንደ መጣ ፣
ትንሽ ሲድህ ሲቆም ደሞ ሲወድቅ ሲጋጥ ፣
ሲቦርቅ ሲጫወት እንደ ወተት ሲናጥ ።

እርጎ መሆን ሲመኝ ወጣትነት ሲሻ ፣
ራሱን ደብቆ መኖር ባሉት ዋሻ ፣
ከእሳት ተጥዶ ሆኖ እንደ አሬራ ፣
እየፈላ ያልፋል በሀዘን መከራ ።

ጉርምስናን አልፎ ፍላጎቱን ሲያህል ፣
እየተላመደው የመኖርን ትግል ፣
አካሉ ሲረጋ በእድሜ ጎልምሶ ፣
ያንን ልጅነቱን ይመኛል መልሶ ።

ሰው
እንደ እርጎ ይሰክናል እንደ ወተት ፈሶ ፣
ሁሉንም ይሆናል ጊዜን ተንተርሶ ፣
ሰው ኑሮውን ቢፅፍ
በጊዜ ሰሌዳ በምግባሩ ጠመን ፣
የሰው መጨረሻ
ቂቤ ሆኖ መቅለጥ አጓት ሆኖ መቅጠን ።


#በረከትዘውዱ

@ye_hagere_wegoch
@Ye_hegere_wegoch