በአዲስ አበባ ከተማ ነዋሪነት ለመመዝገብ ጥያቄ ላቀረቡ አመልካቾች አገልግሎቱ ከህዳር 1 ጀምሮ ይሰጣል-የሲቪል ምዘገባ እና የነዋሪነት አገልግሎት ኤጀንሲ‼️
በአዲስ አበባ ከተማ ነዋሪነት ለመመዝገብ የክፍለሃገር መሸኛ አስገብተው በመጠባበቅ ላይ ያሉ ተገልጋዮች ያቀረቡትን መረጃ የማጥራት ሂደት ማጠናቀቁን የሲቪል ምዘገባ እና የነዋሪነት አገልግሎት ኤጀንሲ አስታውቋል፡፡

አገልግሎቱን ከህዳር 1 ጀምሮ ለመጀመር ዝግጅት መደረጉንም ኤጀንሲው ገልጿል።

በመሆኑም ከነገ ጥቅምት 14/2017ዓ.ም ጀምሮ በነዋሪነት ለመመዝገብ ያመለከቱ ተገልጋዮች የሲቪል ምዘገባ እና የነዋሪነት አገልግሎት የወረዳ ጽ/ቤት እስከ ጥቅምት 22 ቀርበው ሪፖርት እንዲያደርጉ ኤጀንሲው አሳስቧል፡፡

ተገልጋዮች የፋይዳ ምዝገባ አስገዳጅና ምዝገባው በኤጀንሲው ጽ/ቤት የሚከናወን በመሆኑ የክፍለሃገር መልቀቅያ ባስገቡበት ወቅት ከጽ/ቤቱ የተሰጣቸውን ማስረጃ ይዘው እንዲቀርቡም ተጠይቋል፡፡

በዚህ የማጥራት ሂደት ያላለፈ አመልካች በነዋሪነት ተመዝግቦ አገልግሎት ማግኘት የማይችል በመሆኑ በተቀመጠው የጊዜ ገደብ ዘውትር ከሰኞ እስከ እሁድ ቀርበው ሪፖርት እንዲያደርጉ የሲቪል ምዘገባ እና የነዋሪነት አገልግሎት አሳስቧል፡፡
👇👇👇
የቴሌግራም ቻናላችንን join በማድረግ ወቅታዊ መረጃዎችን በቀላሉ ይከታተሉ፣ሊንክ👇
https://t.me/+Vl6V8k9V3YNEOp2s
https://t.me/+Vl6V8k9V3YNEOp2s