በጋራ መኖሪያ ቤቶች ላይ ያሉትን ሊፍትች በሚቀጥሉት አራት ወራት ወስጥ ለአገልግሎት ብቁ በማድረግ ወደ ሥራ ለማስገባት የሚያስችል ዝግጅት መደረጉ ተገለፀ፡፡

የአዲስ አበባ ቤቶች ልማት ኮርፖሬሽን የኮንስትራክሽን ዘርፍ ምክትል ዋና ዳይሬክተር ኢንጂነር ስጦታው

የአሳንሰር/ሊፍት/ ስራ ከጋራ መኖሪያ ቤቶች ግንባታ ጋር የተያያዘ በመሆኑ ከግንባታው እኩል ተጠናቆ ለአገልግሎት ብቁ ካልሆነ በነዋሪዎች ላይ ችግር ማስከተሉ እንደማይቀር ያመለከቱት ኢንጂነር ስጦታው የከተማ አስተዳደሩ በሰጠው ትኩረት ለአሳንሰር/ሊፍት/ የሚያስፈልገው ዝርዝር ግብዓት እና የወቅቱን የገበያ ዋጋ ያገናዘበ ጥናት ተካሂዶ ለአስተዳደሩ ቀርቦ እንደፀደቀና ወደ ስራ እንደተገባም ገልፀዋል፡፡

ከሊፍቶች በተጨማሪ የውሃ መስመር ላልገባላቸውና ሌሎችም መሟላት ያለባቸውን የመሠረተ ልማት ግንባታዎች ጉዳዩን ከሚመራው ተቋም ጋር በመቀናጀት በተያዘው የ2017 በጀት ዓመት ትኩረት ተሰጥቶት እንደሚሰራ አመልክተው አዲስ አበባ ዩኒቨርስቲ ባቀረበው ዝርዝር 184 የውሃ ፓምፖችን አስቸኳይ ግዢ ለመፈፀም ዝግጅት ተደርጎ ወደ ስራ እንደተገባም አመልክተዋል፡፡

የኮዬ ፈጪ ሳይትን በተመለከተ በሸገር ከተማ ስር የተካለለ ቢሆንም አካባቢውን የማልማት ስራው በጋራ እንደሚከናወን አስታውቀው የሊፍት እና ሌሎች የመሰረተ ልማት ግንባታ ስራዎችንና ሌሎች ግንባታዎችን 24/7 በመሥራት ጭምር ለማጠናቀቅ መታቀዱን አስታውቀዋል፡፡

www.condoaddis.com