በአዲስ አበባ ከተማ ተግባራዊ እየተደረገ የሚገኘው የቤት እና የቦታ ግብር እስካሁን ከ600 ሚሊዮን ብር በላይ መሰብሰቡ ተገለጸ

በአዲሱ የቤት እና መሬት ግብር ክፍያ ከተጀመረበት ጊዜ አንስቶ እስካሁን ከ600 ሚሊዮን ብር በላይ መሰብሰቡን የአበባ ከተማ አስተዳደር ገቢዎች ቢሮ የግብር አወሳሰን እና አሰባሰብ ክትትል እና ድጋፍ ዳይሬክተር ወንድማገኘሁ ካሳዬ አስታውቀዋል፡፡

የቤት እና የመሬት ግብሩ የሚከፈልበት ጊዜ እስከ ሰኔ 30 ድረስ ብቻ እንደሚቆይ አስታውሰው፤ ከ90 ሺሕ በላይ የሚሆኑት የከተማው ግብር ከፋዮችም ቀደም ብለው ክፍያቸው እንዳጠናቀቁ ገልጸዋል፡፡

አክለውም፤ አሁን የመጀመሪያ ጊዜ እንደመሆኑ መጠን ለመኖሪያ ቤት አገልግሎት በሚውሉት ላይ የ50 በመቶ ለንግድ ቤቶች ደግሞ የ25 በመቶ የሚሆነውን ክፍያ ቅናሽ የተደረገ ሲሆን፤ የተሰጠው ቀነ ገደብ ከተጠናቀቀ በኋላ ለሚመጡት ግን ተፈፃሚ እንደማይሆን መጠቆማቸውን አሐዱ ራድዮ 94.3 ዘግቧል፡፡
መረጃ ህይወት ነው፣ ይህንንም መረጃ ለጓደኞቻችሁ#Share በማድረግ ተባበሩን🙏


👉ወሳኝ መረጃዎችን በፍጥነት ለማግኘት የቴሌግራም ቻናሉን ይቀላቀሉ
👇👇👇👇👇👇👇

t.me/emsmereja
t.me/emsmereja
t.me/emsmereja