╔════════════╗
ወተት ነጋዴው ኢማም ሶትጆ
╚════════════╝

ከአንደኛው የዓለም ጦርነት በኋላ ዓለምን ያንቀጠቀጠው ታላቁ የዑስማኒያ ኺሊፋ በውስጥ መናፍቃንና በጣላቶቹ ሴራ ከወደቀ ወዲህ የፈረንሣይ ኃይሎች ደቡብ ቱርክ "ካህራማማራስ" ግዛትን ተቆጣጠሩ። በወቅቱ ሁሉም ሙስሊም ሴቶች የሚለብሱት ኒቃብ ነበር። ኒቃብ የኢስላም መገለጫ፣ የክብራቸው ማረጋገጫ፣ የውበት ማጌጫ ነበር።

አንድ ፈረንሳዊ ጄኔራል ኒቃብ ለብሰው በመንገድ ዳር የሚጓዙ ሶስት ሴቶችን ተመለከተ። ውስጡ በገነ ኢስላም ዛሬም አለ ሲል ተብከነከነ። ሊያጠፉት የቋመጡት ኢስላም በመኖሩ ልፋቱ ከንቱ የሆነ ያህል ተሰማው።

"ኸሊፋው ተወግዷል አሁን በፈረንሣይ አገዛዝ ሥር ናችሁና ኒቃባችሁን አውልቁ" በማለት አዘዛቸው። ሴቶቹ ኒቃባቸውን ከማውለቅ በያዘው ጥይት ተበሳስተው ነፍሳቸውን መሰዋትን መረጡ። በኒቃባቸው ምክንያት ሸሂድ ሆነው ጌታቸውን መገናኘትን ተመኙ።
በዚህ መሐል ከወታደሮቹ መካከል አንዱ የአንዷን ኒቃብ ለማውለቅ እጁን ዘረጋ። ይህን ክስተት ይመለከት የነበረ "ኢማም ሶትጆ" የተባለ ወተት ነጋዴ ሙስሊም ሴቶቹ ላይ የተጋረጠውን ጥቃት ለመከላከል የፈረንሳዩ ወታደር ላይ እንደተቆጣ ነብር ዘሎ ተጠመጠመበት። ከጄኔራሉ ሽጉጡን ነጥቆ ገደለው። ስለሙስሊም ሴቶች ክብር ሲል ጠላታቸውን ገድሎ በነጠቀው የፈረንሳይ ጀነራል ሽጉጥ አጅቦ ቤት አደረሳቸው።

በዚህ ክስተት ምክንያት በካህራማማራስ ከተማ ውስጥ ግዙፍ አብዮት ፈነዳ። ፈረንሳውያንን በማባረር ከተማዋን ከጸያፍ ድርጊታቸው ነፃ አወጡ።
ከተማዋ በኢማም ሶትጆ ስም አሸብርቃ ዋለች። የተሸፈነች ሙተነቂብ ሴት መሬት የወደቀ የፈረንሳይ ጄኔራልና ኢማም ሶትጆ ሽጉጥ አነጣጥሮ ሲገድለው የሚያሳይ ምስል በከተማው አደባባይ ላይ ተተከለ። የበጎ አድራጎት ድርጅቶች በስሙ ተሰየሙ። ታሪክ የማይረሳው ጀግና ሲሉ እስከ አሁንም ያስታውሱታል።

አላህ መልካም ስራውን ይቀበለው።

═════════════════
ይህ የዩቱዩብ አድራሻችን ነው ሰብስክራይብ ያድርጉ
👇👇👇👇
https://youtube.com/channel/UCPgxFIQ_qZ2XHM1di_y_xoA
═════════════════
ለሌሎችም ሼር በማድረግ ተደራሽነቱን እናስፋ
╔═══════════════╗
http://t.me/sehkaliderashid
http://t.me/sehkaliderashid
╚═══════════════╝