Lubbuu koo.....

Akkam jiruuf jireenyi
Sitti toleeraa laataa
Erga narraa adda baatee
Erga naan na dhiiftee

Mee maaloo natti himii
Hirribni si qabaa
Osoo naan bilbiliin
Rafuuf yoo gad ciiftee

Moo na dagatteettaa
Na irraanfatteettaa
Dhimma koos hin qabduu

Raftee bultaa laataa
Na yaadee akka koottii
Ati ciisaa hin dhabduu

An jiraachaa hin jiruu
Ciisus ciisa hin qabuu
Rafuudhaaf gad ciisee

Erga ati na dhiiftee
Naan si qofaa mitii
Ani iyyuu ofan dhiisee

Ijaan si arguudhaaf
Bakka ati jirtu dhabee
As achi kaadhee

Siin iyyee si waamaa
Ati owwaachuu didnaan
Al meeqan owwaadhee

Beekaa diddee garuu
Kan ati hin owwaannee
Al meeqa an si waamee

Beektaa laata garuu
Siif ifuudhaaf jedhee
Ibsaan koo akka dhaamee

@Walaloo_Jaalal