ጭለማ ውሃ

ደም እግዜርን ያሙታል... አይሰማ ይመስል እንደው ክፉ ጌታ ማይሸከመውን ተሸከሙ የሚል ይሉታል

ግጥም አደለም ቤተሰብ ሪላክ በ ስህተት ገጥሞብኝ ነው ፤ እሱ ስጋ አይከብደው መለኮት ከ ሃጢያት የፀዳ ምን አለበት ግደል ግደል ስረቅ ስረቅ የሚል ውስዋስ የለበት ይሉታል... አሃ እሱ ከዚህ ሁሉ የጠራ ነዋ ፤ እኛ ምስኪን ፍጡራን በስጋ ምኞት ስንጎተት ምንውል

እኔው ምስኪን ነኝ እንጂ እጄ ስረቅ ስረቅ የሚለኝ የኔው አይን ሲቀላውጥ አፌ ሲቀላምድ የምገኝ ፣ ወድጄ አደለማ እግዜር ግን ሁሉ በጁ ሁሉ በደጁ ህግ አውጥቶ የሚቀጣኝ... አይከሰስ ሆነብኝ ብዬ ሳማርር ጊዜና

ለምን ስል ሰው መስረቅ ልክ ባይመስለው ህግ አደረኩለት ያኔ መግደል ልክ ባይመስለው ህግ አደረኩለት ያኔ ህሊናውን በሚሰማ ግዜ አለኝ... እሺ ከዛስ ስል ደሞ ምነው ሰው መሆንን እንደከባድ ነገር አየኸው ብሎ ሰው አልሆነ መሰለህ

እሱ ሲገርመኝ ደሞ ፣ እንደኔ ባይሰርቅስ... ባያመነዝር ባይገድልስ... ጭራሽ ለገዳዮቹ ራሱን አሳልፎ ቢሰጥስ... ሃይማኖቱስ ይቅር የኔ የሱ መባባሉ ግን ሃሳቡ ይገርመኛል

ኡኡኡ ይሄ ኑሮ ከበደኝ ስትል... ቆይ ቆይ...ቆይ ይቺ ያዝልኝ ብሎ የፈጠነ ሰው የሚሆን አምላክ 😂 ከዛ ደሞ ሰው ጥራ ብትባል እሱን እንድትጠራ የሚያደርግህ አምላክ...

ከቻልክ አይቀር እንዲ ነው


🖋ውሃ
https://t.me/wuhachilema

በስብሰን ብንቀርማ ግልግል... ደሞ አለልሽ እኮ ከሞት በኋላ ሂወት የሚባል ጣጣ ፣ ሳትፈልግ ትፈጠርና በግድ አኑሮህ አልሞትም ኡኡኡ እያልክ ይገድልህና ከዛ ደሞ እፎይ በምትልበት ጊዜ ወስዶ ሌላ ኑሮ ጀምር ይልሃል

(ፈጣሪ አለ ብንል)

የለ የለ በስብሶ መቅረት አለ ብትል አለመቅረትስ የሚባል ጥርጣሬ ይንጥሃል ፣ ለመጠርጠር አማኝ መስካሪ መሆን አይጠበቅብሽም እኮ... መፍራት ማሰብ በቂ ነው... በ ሁለት ሜትር ጉድጓድ ለሚያበቃ ሂወት ይሄ ሁላ ጭንቀት.... ምናልባት

የሆነ ያላየነው ነገር ይኖር ይሆናል ፤ ጥቂቶች ብቻ ናቸው የሰመረላቸው ግን ለጠመመብን ሰዎች የሆነ የረፍት ቀንና ይሰጠን የለ ( ያው ሁሉም ተጎዳሁ እንጂ ከኔ የባሰ አለ አይል) ያቺ ቀን ትሆናለች... life

ከዛ ሁሉ ገለባ ክምር አንድ የጤፍ ፍሬ... ፍሬው ተለቅም እንጀራ ሊሆን... ማን አሰባት?... ዱላው ጋብ ያለልን ሽራፊ ድቃቂ ቀናት ተደምረው ሆድ የሚሞላ እንጀራ ሊሰሩ ይሆናል... እኔ ምን አውቃለሁ


ተመለሰልሽ? ፨


🖋ውሃ

https://t.me/wuhachilema

'ገብቶኛል' እና 'እኔም ጋር እንደዛው ነው' ይለያያሉ አደል... ደስታዬ ተጋብቶብህ ተደስተህ ሳትደሰት ብቻ ገብቶህ... እከክ ሳያሳክክህ ያሳከከህ ያክል ስትረዳው ደሞ ይለያያል አደል
?

ይመስለኝ ነበር የገባኝ ያከኩኝ የተደሰትኩ የቆሰልኩ... ደርቆልኝ ልጬው ጠባሳው የሻረ ፤ ተደስቼ የጠገብኩ ጥጉን ያየሁ ይመስለኝ ነበረ... መች አወቅኩ ታዲያ ካለፈው የበረታ የጠለቀ ቁስል ካለፈው የበረታ ሆድን የሚያሳምም ፈገግታ እንደምፈግግ መች አወቅኩ... ከፀሐይ በታች አዲስ ነገር የለም ብዬ የተገበዝኩበት ኑሮ ፀሐይና በታችን እንኳን በግል ያልተረዳሁበት ሆነኣ ታዲያ።


አልገባኝም ገና... በዚህ አያያዜ መቼም ላይገባኝ ይችላል ፣ የገባኝ እንዳልገባኝ የገባኝ ብቻ መሆኑ ከ ሶቅራጥስ (ጲላጦስ ብዬ ልፅፍ ነበር... ለነገሩ ያው ናቸው ያም እጁን ታጠበ ይሄም እጁን ታጠበ) ከሶቅራጥስ ጋር ያዛምደኝ ይሆን እንዴ?... ርዕስ የሌለው መጽሐፍ ስም አልባው ደራሲ... ሃሳብ አልባ አሳቢ እግር አልባ ተጓዥ ምናምን እንደሚሉት እነዛ የጥበብ ሰዎች...... አልገባኝም...ገብቷቸዋል ግን እኔ አልገባኝም... ላስረዳህ ቢሉኝ እንኳ ይደብመኛል እና አልደክምም

"...ስለ ጲላጦስና ሶቅራጥስ( ፈላስፋ በጠቅላላው) ሌላ ጊዜ በደንብ እናወራለን

🖋ውሃ

https://t.me/wuhachilema

ስለት ሲወጋህም ሲወጣልህም እኩል ይቆርጥ የለ?

እና ስትወጋ ነው ይበልጥ ያመመህ ወይስ የተወጋህበት ሲወጣ?... ስትመጣ ያኔ የተወጋሁ ጊዜ እኔም ከዚህ በላይ አያምም ብዬ ነበር መች የፈጠነ እንደምትሄድ አወቅኩና

ማጣት ከማግኘት እኩል ሲያመኝ የመጀመሪያ ነው በምን አይነት አመክንዮ ላስረዳ ይሄንን?

የሄደች ሰሞን ተንቦጃቦጅኩ መልኬ ሰፋኝ... የመጣች ሰሞን አፌን ከፍቼ እሷን ሳስብ እውል ነበር ሁሉም ነገር እያለፈኝ ፣ ከሃሳቧ ውጪ ገለባ ሆኖብኝ

የሄደች ጊዜ ድጋሚ አፌን ከፈትኩ ከህመሙ ውጪ ምንም አልታይህ አለኝ ፤ ለሰው አካላዊ ህመም እና ስሜታዊ ህመም አንድ ናቸው አሉ... ኮቪድ ከተረሳ በኋላ የሚገርም ጉንፋን እሽት አድርጎኝ ነበር ይሄ ከሱ አይብስም ግን ያስናፍቃል ፤ ጭንቅላቴ ደንዝዞ አስር ጊዜ እንዳትመላለስበት... ይመኛል

ራሱን ገርፎ ራሱ አለቀስ አለች

መች የሷ ጥፋት ሆነና እኔው ነኝ እንጂ ቅዠታሙ ሳታውቀኝ አግብቼ ወልጄ ከብጄ የኖርኩ ሚስቴ ያልኳት እኔ ነኝ እንጂ ሳትመጣ እንደመጣች አብራኝ ሳትሆን እንደተወቺኝ ነገር ራሴን የጣልኩ እንጂ

እሷ ምን አጠፋች ፤ ይሄ ለየት ያደርገኛል ብዬ ስለማስቦ ራሴ ላይ በግድ የጫንኩት ሸክም መሰለኝ።



ውሃ

https://t.me/wuhachilema

አርጅቻለሁ

ስለ ነገ ምን ታስባለህ?... የ አጭር ጊዜ እቅድ? ( አይ ይቺስ ቀልድ ናት)... ግን በዚህ አመት ምን ለማድረግ አሰብክ?... ብዙ ጥያቄ... ሰው እንኳ ባይጠይቅ ሊጠይቁ ይችላሉ ብሎ የሚያስበው ጭንቅላቴ ቃፊርነት ቆሞ ይሞግተኛል... አሁን ስለ እነርሱ ጥያቄ ምን አገባውና ነው እ?... ስለማናውቀው ነገ ፣ ነገ ላይ ከዛሬው እኛነታችን ለምንሻል ነገር... ዛሬ ላይ እናቅዳለን

በጊዜ ክፍተት ያለውን የኛን እድገት እና ለውጥ አንፈልገውም መሰል... ዛሬ ላይ የነገን እናቅዳለን... ጠዋት ስነሳ አራት እጅ ኖሮኝ እንደማልነሳ በምን አውቅና ነው... ወይም አህዮች ቅኝ ግዛት ገዝተውን ለ ጠዋት የወፍጮ ቤት ጭነት በ ዱላ ተነርቼ እንደማልነሳ በምን አውቄ ነውና ነው?

ወይስ ያለፈ ልምድ ለነገ ዋስትና ይሆናልና ነው?... እርጅና ሲመጣ አዕምሮ ይላሽቃል እና የኔውም ሊወድቅ እንዳለ ዛኒጋቢ ግጣሞቹ ላይ ያቃስታል... እንደዚህ።

ግን አርጅቻለሁ... በማይታወቅ ነገ ከ ነገው ባልበረታሁ እኔ አስልቼው እንዳልኖር ደብሮኝ... ዛሬ የሚባለው ጊዜ ደሞ አልጨበጥ ብሎኝ በ ትላንት ውስጥ በምቾት ከተንፈላሰስኩ ስለቆየሁ አረጀሁ...
ባለፈው ነገር ውስጥ ከሚኖር በላይ ያረጀ ሰው አለ?

ጥያቄ ነው

ውሃ

https://t.me/wuhachilema

-

ያንተ ጀግና ማነው?... እንጃ ብዬ ለጠየቀቺኝ ጥያቄ አንድ ሰው አንስቼ ጀግና አደረኩት not my hero, but a hero

ምናልባት አጉል ሃቅ ጠልፎ ይጥል ይሆናል... ባንተ ነጭ ነጠላ አልፈው ቆሻሻ እድፍ ካለብህ ሊያዩ ይቻኮላሉና
ባንተ እውነት ግላጭ ሾልከው ገብተው ውሸትን ያነፈንፋሉና

ግትርነታችን ጥሎን የጠፋ ቀን ግን እንጃ...
ወደ ቀድሞ ነገር ስመለስ... ያንተ ጀግና ማነው ተብለው ለተጠየቁት ጥያቄዎች ብዙ አይነት ሰው የጠቀሱ ገፋ ሲል ደሞ እኔው ራሴ ያሉ... ሲራቀቁ( በነሱ ቤት) my future self ያሉ አሉ።

የኔ ጀግና ማነው?

የቻለ ያሸነፈ ያልተረታ የመሰለኝን ሰው ጀግና ብዬ ብጠራ ብዙ ስም ይመጣልኛል ግን ሁሉም ወድቀው የተረገጡበት ታሪክ አላቸው... ሁሉም ሌላ ቦታ ቁስለኛ የሆኑበት ገፅ አላቸው
እና ማን ጀግና ይባል

ወይ እንደ ጀለስ እናት ጊዜ ነው ጀግና ብዬ ለሱ ላሸክመው ይሄን ሁሉ ክብር?... ወይስ ተስፋ የማይቆርጡ ናቸው ብዬ motivational speech ላድርገው?

ግን ጀግና ጀግና ነው.... በቃ
ወተት ነጭ አይደለም ነጭ መልክ አለው እንጂ

ስሜት ይሰጥ ይሆን?

ንፋስ

https://t.me/wuhachilema

፨ ልጅ ወለዱ ፨

ከተፈጥሮ በተጣላ መንገድ... እንዴት?

የተጣለ ፍሬ ዘር ሆኖ ይበቅላል... ድንጋይ ሆኜ በቀረሁበት የ አረም ሽበት ከወረረኝ... ቦታ ተመላላሽ በዛ ፣ ከጎኔ ሌላ ተሸናፊ ወደቀኣ... በ ትንሽ የ አፈሩ ጉብታ ላይ የተጎነጎነ አበባ በየኑ የሚቀይሩለት በየቀኑ ያልወየበ ልዩ ልዩ ጥቁር ልብስ ( መልኩ ቢመሳሰልም ማስታወቁ መች ይቀራል) እየለበሱ እንባቸውን በ ሶፍት እያበሱ በትልቅ መነጥር ተጋርደው የሚመጡ ብዙ ወዳጆች ያሉት ሬሳ ከጎኔ አረፈ

አዲስ ጫማ... ጥቁሩን፤ የሚቅለጨለጭ ቁልፍ በጃቸው... ባጁ ያልተነቀለ ኮፊያ ካናታቸው ደፍተው በየተራ ይመላለሳሉ .... የሃውልቱን መብቀል በጉጉት ይጠብቁት ይመስል... አንዱማ እየነዳሁ ካልገባሁ ብሎ የተገለገለ ነው አሉ አስር ጊዜ የመኪና ቁልፉን የሚያቅለጨልጨው ፣ ግን የወደቀ ሁሉ ጊዜውን ጠብቆ ይረሳል( ይነሳል ለ ሬሳ አይሰራም)... ወዳቂውን ይዞ መውደቅ የትም አያደርስ ብለው አልፈው ሂያጆች በረከቱ... ጉንጉኑ የ አበባው ፣ ከውሃ ጠገብ ወደ ጠወለገ ተቀየረ... ደረቀ... ከሰመ... ረገፈ.... ተረሳ... ሃውልቱ ብቅ ያለ ጊዜ ግር ብለው መጥተው አዳነቁ ( ውድ ነበራ ፣ እምነ በረድ ውድ ነበራ) ጥበቡን አዩ በነዛ ትላልቅ መነጥሮች የተደበቁት ጥቃቅን አይኖቻቸው በ ቅናት የተንገበገቡ ይመስላል

ሰው እንዴት በሟች ይቀናል? ፣ ሃውልቱ በቶሎ ተረሳ የሟች ታሪክ እንደወደቀ ቀርቶ በ ሆነ ጊዜ የሚያነሳው ሰው ተገኘ... አልለቅም ያለ... አልለቅም ያለች በየቀኑ የምታለቅ ተገኘች...

[ ሰው እንዴት ያለተፈጥሮ ይወልዳል? ፤ ሌላ እንቆቅልሽ... ደሞ እኔ ምን ቤት ነኝ? ]

ጊዜዋን ጠብቃ የማትቀር አንድ እሷ ኖረች ለሟች... አንድ አይነት ጥቁር ልብስ... ትላንት የነካትን አዋራ ዛሬም ለብሳው ምትመጣ... ፈጠን ቸኮል እያለች ደርሳ የወጓን አድርሳ እየተንደረደረች ትኼድ የነበረች ከጊዜ በኋላ ቀስ እያለች እየተራመደች ትመጣ ጀመረቻ

ከፊት በርከክ ብላ ጉልበቷን በመቃብሩ አፈር እንዳላቦካች አሁን ቆማ ሆነ የወጉን ምታደርሰው... እንባዋ ግን አልተቀየረም... በሆዷ ያለው ሃዘን ሁሌ እንደከበዳት ነው ግን ልጇ ባሰ... ተባብረው ከበዷት ሆዷ ገፋ...

በማታ መጣች ያልለመደባትን... ጥድፍ ብላ... እንባዋ ታንቆ ረገፈ... ጉልበቷ መሬት ነካ
... የሃዘን ሳይሆን የጭንቅ እንባ... በ እኩለሌሊት አጋነንንት ለቡና ሲጠራሩ የሷ ልጅ እያለቀሰ ፈልቅቋት ወጣ... በሙሉ ጨረቃ

ቀጥቁር ሻርፗን ጠቅልላ ታቀፈችው... አይን አይኑን አየችው... ጨረቃ ይቺ አሽቃባጭ ጉድ አልደብቅ ብላ ታበራባታለች... ልጅቷ ልጇ ላይ አመነታችና... ለመወሰን አንገራግራ ከነጨርቁ ሸፋፍና ከ መቃብሩ ላይ አኖረችው

ከኔ መቃብር ላይ... ሽበታም ድንጋይ እንዴት ካለቀሰችለት አፈር በላይ ይታመናል?... ድንጋይ እንዴት ለዚህ ሃላፍትና ይበቃል?... አላየችም እንዴ ምንም እንደሆንኩ?... አይታ የለም እንዴ?

ሌላ ቀዝቃዛ ደሞ የጨቅላ ሬሳ በላዬ ላይ ሲደረብ ተሰማኝ... ቸኮለች... አውቃ ይሆን?... ሊኖር የወጣ ገና አንዴ በማገው አየር ድፍት ይላል?... ደሞ የሷ እየፈገጉ መሄድ?
መረጋጋቷስ እ?

ሄደቻ... እኔ ባለ አደራ ህእ? ማን እንዲወስደው ማን እንዲበላው? በምኔ ላሞቀው ከብርዱ ላስጥለው እ?... ጨነቀኝ ፤ ሟች እንደሚጨንቀው ነዋሪ ሆኜ አለማወቄ

ማን አወቀ?

አይነጋ የለ... አነጋሁት

መሞት አያምም... ይሄ ግን ያማል... ነግቶ ጠሃይዋ አየሩን ማሞቅ ጀመረች... ያረፈደ... ለሃውልቱ ምርቃት

የተራውን ቅራቅንቦ እያቅለጨለጨ መጣ... አይኑን ወደላይ አንጋጦ ሃውልቱ ጋር ሲደርስ መለስ አለ... መነጥሩን አውልቆ ከላይ እስከታች ቃኘው... ፊቱን አጣሞ

ከዛ... መለስ አለ... ማየት ባንፈልግም የምናያቸው ነገሮች አሉ አደል?... የተጠቀለለ ከፊቱ በቀር፣ የተደገፈ በኔ መቃብር አፈር ህፃን ልጅ አየ...

ድንጋጤ ፣ ወድቆ ያገኘው ወርቅ ይመስል ዞሮ መቃኘት ፣ ድጋሚ ድንጋጤ... ቀረብ፣ ራቅ ፣ሄድ ፣መጠት ማለት
ተጠግቶ ትንፋሽ ካለው ማየት... ልብ ምቱን ለማዳመጥ ከመሬት አንስቶ መደ ጆሮው ማስጠጋት... አቀፍ እንደማድረግ ማለት... የልጁ ነብስ መዝራት... ከ እንቅልፉ ተቀስቅሶ እንደነቃ ህፃኖ ከ እናቱ ሆድ የወጣ ጊዜ የጀመረውን ለቅሶ ካቋረጠበት ቀጥሎ እሪሪሪሪሪሪ አለ

ልጅ ወለዱ... እንደዚህ


ውሃ

https://t.me/wuhachilema