☀️ አላህ (ሱ·ወ) እስልምናን ለኛ እኛንም ለእስልምና በመምረጡ ፤ እሱ ዘንድ ብቸኛው እና ተቀባይነት ያለው ዲን በማድረጉ ምስጋና ይገባው ።

☀️ እስልምናን ለአለም በማድረስ ለተላኩት እና የነቢያቶች መደምደሚያ በሆኑት በ«ሙሀመድ» ላይም የአላህ ሰላም ይስፈን ።

☀️ የሰው ልጆች ከተፈጠሩበት እለት አንስቶ ዓለም እስከምትጠፋበት ቀን ድረስ ሰዎች እንዲጓዙበት ከፈጣሪያቸው የታዘዙበት እምነት * ኢስላም * ነው ።

☀️ ይህ ስርዓት ዱንያ ላይ ለሰዎች አስፈላጊ የሆኑ ነገሮችን በሙሉ ጠቅልሎ የያዘ ከመሆኑም በተጨማሪ፤ በቀጣዩም ዓለም ( በአኺራ) በምንም ሊተመን የማይችል ሽልማትና ደስታ የሚያስገኝ ነው ።

☀️ በተቃራኒው ይህንን ስርዓት ባልተቀበለና ባልተከተለ ላይ ደግሞ ማብቂያም ሆነ እረፍት በሌለው አሳማሚ ቅጣት ይስተናገዳል ።

☀️በሌላ አባባል በሁለመናቸው ሙስሊም ለሆኑ ‘ ጀነት’ ኢስላምን ላልተቀበሉ ደግሞ ‘ ጀሀነም ’ የተባለ ሀገርን ያዘጋጀ ስርዓት ነው ።

☀️ ማንኛውም ሰው "ሙስሊም " ነኝ በማለቱ ብቻ ወይም ደግሞ የሙስሊም ስም በመጠቀሙ ብቻ ‘ጀነትን’ ያገኛል ማለት አይደለም!!!

☀️ በመሆኑም የዱንያንም ሆነ የአኼራን ስኬት ለመቀዳጀት ኢስላም ያዘዘውን መታዘዝ ፣ የከለከለውን መከልከል የግድ ይላል ።

☀️ አላህ (ሱ· ወ) ለሰው ልጆች በየጊዜው #መፅሀፍትን በማውረድ ፣ ነቢያትን በመላክ፣ እነዚህንም ነብያት ትዕዛዛትንና ክልከላዎችን እንዲያስተምሩ በማድረግ በአጠቃላይ የሚድኑበትን መንገድ ያሳያቸዋል ።

☀️ለዚህ ኡመት ( ህዝብ) ደግሞ የቀደሙትን መፅሀፍቶች የሚሽር « ቁርአን» ፤ የነቢያቶች መቋጫ አድርጎ «ሙሀመድን» አለይሂ ሰላቱ ወሰላም ልኮልናል ።

☀️ አልሀምዱሊላህ ‼ ይህም ማለት የእስልምና ምንጮች « ቁርአን» እና « የታላቁ ነቢይ "ሱና"» ብቻ ናቸው ማለት ነው ።

☀️ ከነዚህ ሁለቱ ምንጮች እንደተገኘው እስልምና ከአምስት [ 5] ነገራቶች የተገነባ ነው ።

እነርሱም ፦
① ከአላህ በቀር በእውነት የሚገዙት አምላክ እንደሌለ ሙሀመድም ( አለይሂ ሰላቱ ወሰላም ) የአላህ ባርያ( ፍጡር): እና መልዕክተኛው መሆናቸውን መመስከር ፣

② “ሰላትን ” በተከታታይነት መስገድ ፣

③ "ዘካን" መስጠት ፣

④ " ረመዷንን ” መፆም እና

⑤ ለቻለ ሰው “ሀጅን” ማድረግ ናቸው ።

@yenebiyatwrs