YeneTube

የነዳጅ ማደያዎች ፈቃድ የመስጠት ሥራ ሙሉ በሙሉ መታገዱ ተገለጸ!

በኢትዮጵያ ያሉ የነዳጅ ማደያዎች የትኞቹ የሚጠበቅባቸውን ደረጃ አሟልተዋል? የትኞቹስ አስፈላጊውን አገልግሎት እየሰጡ ነው? የሚለውን እና ተያያዥ ጉዳይዎች እስኪጣሩ ድረስ ፈቃድ የመስጠት ሥራው ለጊዜው መታገዱን የነዳጅ እና ኢነርጂ ባለስልጣን ለአሐዱ ገልጿል፡፡

የባለስልጣኑ የሕዝብ ግንኙነት እና የኮሙኒኬሽን ሥራ አስፈፃሚ ወይዘሮ በቀለች ኩማ በዚህ ጉዳይ ላይ በሀገር አቀፍ ደረጃ ጥናት እየተደረገ መሆኑን አንስተው፤ በአዲስ አበባ በልማት የፈረሱ መኖራቸውን አስታውሰዋል፡፡

በአዲስ አበባ በልማት የፈረሱትን ጨምሮ የትኞቹ ማደያዎች አስፈላጊ ቦታ ላይ ናቸው? የትኞቹ ደረጃ አሟልተዋል የሚሉ እና ተያያዥ ጉዳይዎችን በተመለከተ ከከተማና መሰረተ ልማት ሚኒስቴር ጋር በመሆን ለመለየት ጥናት እየተደረገ መሆኑን ገልጸዋል፡፡ጥናቱ ሲጠናቅ እና ውጤቱ ሲታወቅ ፍቃድ የመስጠት ሥራው ሊጀምር እንደሚችልም ጠቁመዋል፡፡

ጥናቱ ተጠናቆ ወደ ሥራ ሲገባ ማደያ የሌለባቸው ቦታዎች ላይ ማደያዎች እንዲኖሩ ለማድረግ ያግዛልም ነው የተባለው፡፡ከዚህ ጋር በተያያዘ የነዳጅ ግብይት ክልሎች ያቀረቡት ጥያቄ ሁሉም የፋይናስ ተቋማት ወደ ነዳጅ ግብይት እንዲገቡ ማስገደዱ አንስተዋል፡፡

የነዳጅ እና ኢነርጂ ባለስልጣን የግብይት ስርዓትን በኤሌክትሮኒክስ ካደረገ በኋላ ያሉት ሦስቱ የፋይናስ ተቋማት ብቻ ማለትም፤ የኢትዮጵያ ንግድ ባንክ፣ የኦሮሚያ ህብረት ሥራ ባንክ እና ቴሌ ብር መሆናቸው በተገልጋዮች ላይ ቅሬታ ፈጥሮ እንደነበር ነው የተነሳው፡፡

"ክልሎች የሚገበያዩባቸው የፋይናንስ ተቋማት እና ባለስልጣኑ ግብይት እንዲፈፅሙ የፈቀደላቸው ተቋማት መጣጣም ባለመቻላቸው፤ ሁሉም የፋይናስ ተቋማት ወደ ዘርፉ እንዲገቡ ማድረግ አስፈላጊ ሆኗልም" ሲሉም ወይዘሮ በቀለች አክለዋል፡፡

"በሁሉም ክልሎች ያሉ እና የፋይናንስ ግብይቱ የሚጠይቀውን መስፈርት አሟልተው የግብይት ሪፖርት ማቅረብ የሚችሉ ባንኮች ሁሉ መግባት እና በዘርፉ ላይ መስራት ይችላሉ" ሲሉም ገልጸዋል፡፡

"የፋይናስ ተቋማቱ መብዛት እና የግብይት ሁኔታው መስፋት ለቁጥጥር አዳጋች አይሆንም ወይ?" ሲል አሐዱ የጠየቀ ሲሆን፤ ተቋማቱ የፈቃድ ግዴታዎችን አሟልተው የሚገቡ ስለሚሆን ለቁጥጥር እና ለክትትል የሚከብድ ሁኔታን አይፈጥርም የሚል ምላሽ አግኝቷል፡፡የነዳጅ ግብይት በኤሌክትሮኒክስ ቢደረግም ነገር ግን በተደጋጋሚ ሕገ-ወጥ የነዳጅ ነጋዴዎች ምርቱን ሲያዘዋዉሩ መያዙን ባለስልጣን መስሪያ ቤቱ እና ተባባሪ አካላት ሲገልጹ ይደመጣል፡፡

Via Ahadu
@YeneTube @FikerAssefa

በደቡብ ወሎ ዞን የ 7 ዓመት ህፃን አስገድዶ የደፈረው ግለሰብ በእስራት ተቀጣ

በደቡብ ወሎ ዞን ቃሉ ወረዳ የሰባት ዓመት ህፃን ልጅ አስገድዶ የደፈረው ተከሳሽ በእስራት መቀጣቱን የቃሉ ወረዳ ፖሊስ አስታወቀ።

ተከሳሹ ከድር ይመር በእስራት ሊቀጣ የቻለው ታህሳስ 14 ቀን 2017 ዓ.ም ቃሉ ወረዳ 029 ቀበሌ ልዩ ቦታው ገረገራ ተብሎ ከሚጠራው አካባቢ የ7 ዓመት ታዳጊ ህፃን ልጅ አስገድዶ በመድፈሩ የተነሳ ነው። የወረዳው ፖሊስ ከማህበረሰቡ በደረሰው ጥቆማ ተጠርጣሪውን በቁጥጥር ስር በማዋል የምርመራ መዝገቡን በሰውና በቴክኒክ ማስጃ አጠናክሮ መዝገቡን ለሚመከተው የፍትህ አካል ልኳል።

የደቡብ ወሎ ዞን ከፍተኛ ፍረድ ቤትም ጉዳዩን ሲመረምር ከቆዬ በኋላ ተከሳሹ ጥፋተኛ ሆኖ በመገኘቱ የካቲት 4 ቀን 2017 ዓ.ም በዋለው ችሎት በ17 ዓመት ፅኑ እስራት እንዲቀጣ እና ለ 4 ዓመት ያህል ከማንኛውም ህዝባዊ መብቶች እንዲታገድ ተወስኖበታል ሲል  የቃሉ ወረዳ ፖሊስ ኮሙኒኬሽንና ሚዲያ ክፍል አስታውቋል።

@Yenetube @Fikerassefa

አቅመ ደካማወችን በነፃ ሀኪም ጥበቡ

እውነታውን ቻናሉን በመቀላቀል የብዙሀኖችን ድምፅ እንስማ

ታምራዊ ፈውስ እና ሰወች ከነበራቸው ህምም በሽታ ሲፈወሱ ሲመሰክሩ እንባቸው ሲታበስ  የምናይበትን ቻናል በመቀላቀል አይተን ተረድተን ለሌሎች ሸር እናድርግ  ኢትዮጵያውይነት ደግነት
    👇
https://vm.tiktok.com/ZMkQ1pTSL/
    ለበለጠ መረጃ
      ሀኪም ጥበቡ
0912718883
0917040506 በቴሌግራም በውስጥ መስመር የሚፈልጉትን ያስቀምጡ
👉አድራሻችን አዲስ አበባ አየር ጤና ካራቆሬ ወደመድኀኒአለም 200ሜትር ገባ ይበሉ
ቁጥር 2ባህርዳር ቀበሌ 11ዲያስፖራ በአሮየው 
አስፓልት መስጊዱ ፊት ለፊት ያገኙናል ይምጡ
ይፈወስ
https://vm.tiktok.com/ZMkQJh8WX/

''ብልፅግና የምክክር ኮሚሽንን የመንግስት የአስተዳደር ሥርዓት ከፓርላመንታሪ ወደ ፕሬዝዳንታዊ ስርዓት ለማሸጋገር ላለው ፍላጎት ማሳኪያ መሳሪያ ሊያደርገው መሆኑ ይነሳል'' -የምክር ቤት አባል

ብልፅግና ፓርቲ የሀገራዊ ምክክር ኮሚሽንን የመንግስት የአስተዳደር ሥርዓት ከፓርሊያመንታሪ ወደ ፕሬዝዳንታዊ ስርዓት ለማሸጋገር ላለው ፍላጎት ማሳኪያ መሳሪያ ሊያደርገው መሆኑ በህዝብ ዘንድ ይነሳል ሲሉ አንድ የምክር ቤት አባል ተናገሩ፡፡ይህን የተናገሩት የምክር ቤት አባል ደሳለኝ ጫኔ(ዶ/ር) ናቸው፡፡

ዶክተር ደሳለኝ ይህንን የተናገሩት የህዝብ እንደራሴዎች ምክር ቤት የስራ ዘመኑ የካቲት 14 አርብ ሊጠናቀቅ ለነበረው #የሀገራዊ_ምክክር_ኮሚሽን ተጨማሪ የአንድ ዓመት የስራ ዘመን ለመጨመር እና የሶስቱን ዓመት የስራ ክንውን ሪፖርት ለማዳመጥ በጠራው ስብሰባ ላይ ነው፡፡

በፓርላማው የመንግስት ተጠሪ ሚኒስትሩ ተስፋዬ ቤልጅጌ (ዶ/ር) በበኩላቸው የፕሬዘዳንታዊ የአስተዳደር ስርዓት ለኢትዮጵያ ያስፈልጋል ከተባለ እንደ አንድ ባለድርሻ አካል በአጀንዳነት ይዘን ልናቀርብ እንችላለን ብለዋል፡፡

የምክር ቤት አባሉ ዶክተር ደሳለኝ ጫኔ ምን ያህል ህዝብ የምክክር ሂደቱን ህጋዊ ነው ብሎ ያምናል? ለደረቅ ፕሮፓጋንዳ ሲባል እንደ ዓይኑ ብሌን ነው የሚጠብቀው ልንል እንችላለን ወይ? ግን ደግሞ ሰፊ ጥርጣሬ እንዳለ መካድ የለብንም ሲሉ ተናግረዋል፡፡

በዋንኛነትም ብልፅግና የሆኑ የፖለቲካ አላማዎቹን ለማሳካት የሚጠበቅበት በግልፅ እንደሚነገረው ላንሳ የመንግስት የአስተዳደር ስርዓቱን ከፓርላሜንታዊ ወደ ፕሬዝዳንታዊ ስርዓት ለማድረግ የሚፈለገውን ሽግግር ማስኬጃ መሳሪያ ነው ተብሎ በህዝብ ዘንድ ይነሳል ብለዋል፡፡ስለዚህ በአግባቡ ለህዝብ ማስረዳት መቻል አለብን ሲሉ ዶክተር ደሳለኝ ተናግረዋል፡፡

በህዝብ ተወካዮች ምክር ቤት የመንግስት ተጠሪ ሚንስትር የሆኑት ዶክተር ተስፋዬ በልጅጌ በበኩላቸው እንደራሴው ላነሱት ሃሳብ በሰጡት መልስ የኢትዮጵያ ህዝብ ከጫፍ እስከ ጫፍ አሁን እያነሱ ያለው ሀገራዊ ምክክር ኮሚሽን ሆይ ፍጠኑ ነው የሚለው ሲሉ አስረድተዋል፡፡

በህዝብ ዘንድ ኮሚሽኑ ቅቡልነት አለው ያሉት ዶክተር ተስፋዬ ነገር ግን የተወሰኑ አካላት ቅቡልነት እንዳይኖረው የሚያደርጉ አሉ ሲሉ ከሰዋል፡፡ብልፅግና ለሀገራዊ ምክክር እንደ አንድ ባለድርሻ አካል ይዞ የሚቀርባቸው የራሱ አጀንዳዎች አሉት ያሉት ዶክተር ተስፋዬ ወቅቱ እና ጊዜው ሲደርስ ይቀርባል ብለዋል፡፡

ብልፅግና ፓርቲ ፕሬዝዳንታዊ ስርዓት ለዚህ ሃገር ያስፈልጋል ከተባለ ይዘን ልንቀርብ እንችላለን ምን ችግር አለው? ምን የሚያስፈራ ነገርስ አለው? ሲሉ ተደምጠዋል፡፡ኮሚሽኑ በህዝብ ዘንድ ያለውን ቅቡልነት በተመለከተ ምላሽ የሰጡት የኮሚሽኑ ምክትል ኮሚሽነር ሂሩት ገብረስላሴ በተለያዩ አካባቢዎች የተመለከትነው ህዝብ በኮሚሽኑ ላይ ከፍተኛ እምነት እንዳለው ነው ብለዋል፡፡

Via Sheger FM
@YeneTube @FikerAssefa

ፍርድ ቤቱ : በነጻ እንዲሰናበቱ ወስኗል

#Ethiopia | በፌዴራል ፍርድ ቤት ሀዋሳ ምድብ ችሎት ተይዞ የነበረዉ የረ/ፕ ጸጋዬ ቱኬ፣ የሲዳማ ክልል ፖሊስ ኮሚሽነር ኮሚሽነር አበራ አሬራና እንዲሁም የረ/ፕሮፈሰሩ የእህት ልጅ አብረሃም አማሎ ክስ ፍርድ ቤቱ በ11/06/2017 ዓ.ም በዋለዉ ችሎት በነጻ እንዲሰናበቱ ወስኗል።

በሦስቱ ተከሳሾች ላይ የክልሉ አቃቤ ሕግ በሙስና ፈጽመዋል በሚል ክስ አቅርቦባቸዉ ሲከራከሩ የቆዩ ሲሆን ፍርድ ቤቱ የግራ ቀኙን ሲያከራክር ከቆየ በኋላ ነጻ መሆናቸዉን አረጋግጦ ከቀረበባቸዉ የሀሰተኛ ክስ ነጻ አዉጥቷቸዋል ሲሉ ጠበቃ ገብረመድህን ተክላይ በስልክ አድርሰውኛል።

የቀድሞው የሀዋሳ ከተማ ከንቲባ እና የቀረቡባቸውን ክሶች የማይገባ ጥቅም በመቀበል የሙስና ወንጀል በመፈጸም እና በወንጀል ድርጊት የተገኘን ገንዘብ ወይም ንብረት ህጋዊ አስመስሎ በማቅረብ የተከሰሱት የቀድሞው የሀዋሳ ከተማ ከንቲባ አቶ ጸጋዬ ቱኬ፤ በቀረቡባቸው ሁለት ክሶች ላይ እንዲከላከሉ ብይን ተሰጥቶ ነበር። በቀድሞው ከንቲባ እና አብረዋቸው በተከሰሱ ሁለት ተከሳሾች ላይ ጥቅምት 19፣ 2017 ብይኑን የሰጠው፤ የፌደራል ከፍተኛ ፍርድ ቤት የሀዋሳ ማዕከል ነው።

የሲዳማ ክልል ፍትህ ቢሮ፤ በአቶ ጸጋዬ እና ሁለት ተከሳሾች ላይ በፌደራል ከፍተኛ ፍርድ ቤት ክስ የመሰረተው፤ ባለፈው ዓመት ግንቦት ወር መጀመሪያ ላይ ነበር። በአንድ መዝገብ ክስ ከቀረበባቸው ተከሳሾች መካከል፤ የሲዳማ ክልል የቀድሞ የፖሊስ ኮሚሽነር አቶ አበራ አሬራ ይገኙበታል።

የክልሉ ዐቃቤ ህግ በአቶ አበራ እና በአቶ ጸጋዬ ላይ የመሰረተው የመጀመሪያ ክስ፤ በሙስና ወንጀሎች አዋጅ የተቀመጠን ድንጋጌ በመተላለፍ “የማይገባ ጥቅም በመቀበል የሙስና ወንጀል ፈጽመዋል” የሚል ነው።

የመጀመሪያው ክስ፤ በሀዋሳ ከተማ ሳውዝ ስታር ኢንተርናሽናል ሆቴል ጎን የተወሰደ ቦታ ምትክ መሬት እንዲሰጥ ከቀረበ ጥያቄ ጋር የተያያዘ ነው።

የምትክ ቦታ ጥያቄ ቀርቦ የነበረው፤ ከአቶ ጸጋዬ አስቀድሞ በነበሩት የሀዋሳ ከተማ ከንቲባ አቶ ጥራቱ በየነ የአመራር ጊዜ እንደነበር በክሱ ተመላክቷል። አቶ ጥራቱ የምትክ ቦታ እንዲሰጥ ውሳኔ ቢያስተላልፉም፤ የመሬት ርክክብ ከመፈጸሙ በፊት ከኃላፊነታቸው በመነሳታቸው ጉዳዩ እርሳቸውን ለተኳቸው አቶ ጸጋዬ ተላልፏል የሚል ነበር።

ዛሬ በዋለው ችሎት ሦስቱንም የፌዴራል ፍርድ ቤት ሀዋሳ ምድብ ችሎት በነጻ አሰናብቷቸዋል ፤ ሁለተኛው ክስ በክልሉ ፍርድ ቤት የሚታይ ይሆናል ሲሉ ጠበቃ ገብረመድህን ተክላይ አስረድተዋል።

@Yenetube @Fikerassefa