አዲስ ሪፖርተር - NEWS

የአሜሪካው የተራድዖ ድርጅት (ዩ ኤስ ኤ አይ ዲ) ዕርዳታ መቋረጥ፣ በመላው ኢትዮጵያ ከባድ ንዝረት ፈጥሯል ሲል ዘ ጋርዲያን ዘግቧል

በዕርዳታ ዕገዳው ሳቢያ፣ የዓለም ምግብ ፕሮግራም ኢትዮጵያ ውስጥ ለተጠለሉ 800 ሺሕ ለሚጠጉ ስደተኞች ይሰጥ የነበረውን ዕርዳታ በ40 በመቶ መቀነሱን ዘገባው ጠቅሷል።

በተያዘው የአውሮፓውያኑ ዓመት የምግብ ዕርዳታ ፈላጊዎች ቁጥር ወደ 5 ሚሊዮን የተቀነሰበት አንዱ ምክንያት፣ የዕርዳታ ድርጅቶቹ እጅጉን ዕርዳታ ለሚያስፈልጋቸው ብቻ ዕርዳታ እንዲያቀርቡ የሚያስገድድ ኹኔታ በመፍጠሩ መኾኑንም ጋዜጣው ጠቅሷል።

አሁን ባለው ተጨባጭ ኹኔታ፣ የዓለም ምግብ ፕሮግራም የምግብ አቅርቦቶቹን ከጨረሰ፣ ተጨማሪ የዕርዳታ ምግብ መግዛት እንደማይችልና ማሽላና የምግብ ዘይትን ጨምሮ 2 ነጥብ 1 ሚሊዮን የሚሆኑ ዜጎችን ላንድ ወር መመገብ የሚችል 34 ሺሕ 800 ሜትሪክ ቶን እህል፣ ወደ አገር ውስጥ ለሚያስገቡ ኮንትራክተሮች የሚከፈል ገንዘብ ባለመኖሩ ጅቡቲ ወደብ ላይ መቆሙንም የዜና ምንጩ ጠቅሷል።

@Addis_Reporter
@Addis_Reporter

ለመረጃ ያህል‼️
ከመቀጠር የሚገኝ ገቢ ግብር የማስከፈያ ምጣኔዎች‼️
በፌዴራል የገቢ ግብር አዋጅ ቁጥር 979/2008 መሰረት ከመቀጠር የሚገኝ ገቢ ግብር የማስከፈያ ምጣኔዎች እና ተያያዥ ጉዳዮች ላይ የሚከተሉትን ይላል፡-

👉 ከግብር ነፃ ከሆነው በስተቀር ቀጣሪው ለተቀጣሪው በሚከፍለው ማንኛውም የገንዘብ መጠን ላይ ከመቀጠር የሚገኝ ገቢ ግብር ይከፈልበታል፡፡
👉 ቀጣሪ ማለት ተቀጣሪን የቀጠረ ወይም ለተቀጣሪው ደመወዝ የሚከፍል ሰው ነው፡፡
👉ተቀጣሪ ማለት ደግሞ ራሱን ችሎ የሚሰራን የስራ ተቋራጭ ሳይጨምር በሌላ ሰው /በቀጣሪው/ መሪነትና ቁጥጥር ስር ሆኖ አገልግሎት ለመስጠት በቋሚነት ወይም በጊዜያዊነት የተቀጠረ ግለሰብ ሲሆን የድርጅት ዳይሬክተር፣ ወይም በድርጅቱ አመራር ውስጥ ኃላፊነት የተሰጠውን ሌላ ሰው እንዲሁም ተሿሚንና የህዝብ ተመራጭን ጨምሮ የመንግስት ስራ ኃላፊን ያጠቃልላል፡፡

• ከመቀጠር የሚገኝ ገቢ የሚከተሉትን ይጨምራል፡-

👉 ከሰራተኛው ቅጥር ጋር በተያያዘ ሰራተኛው የተቀበለው የደመወዝ ምንዳ፣ አበል፣ ጉርሻ፣ ኮሚሽን፣ የመልካም ስራ አፈፃፀም ማበረታቻ ስጦታ ወይም ሌላ የአገልግሎት ክፍያ፣
👉 ሰራተኛው ከቅጥር ውሉ ጋር በተያያዘ በዓይነት የሚቀበለው ማንኛውም ጥቅማጥቅም ዋጋ፣
👉 ተቀጣሪው ከስራ ሲቀነስ ወይም ከስራ ሲለቅ ወይም ስራን እንዲለቅ ለማግባባት የሚከፈል ገንዘብን ጨምሮ የስራ ውል በመቋረጡ ምክንያት በፈቃደኝነት፣ በስምምነት ወይም በዳኝነት ውሳኔ መሠረት የተቀበለ ሰው ማንኛውም የገንዘብ መጠን፣

• ቀጣሪው ለተቀጣሪው ከተከፈለው የገንዘብ መጠን ላይ ግብሩን ሳይቀንስ ከራሱ ግብሩን የከፈለ እንደሆነ የተከፈለው ግብር በተቀጣሪው ደመወዝ ላይ ተደምሮ ግብሩ ይሰላል፡፡

ለምሳሌ፡- የ4ሺ 500 ብር ተቀጣሪ ግብር ተቀንሶበት የተጣራ ደመወዙ ይህ ነው፡፡
ይህ ደመወዝ ተራ ቁጥር 4 ላይ የሚያርፍ ሲሆን ስሌቱ፡-
ተቀናሽ ግብር = የወር ደመወዝ x የማስከፈያ መጣኔ - ተቀናሽ ብር
ተቀናሽ ግብር = 4,500 x 20% - 302.50
ተቀናሽ ግብር = 597.50
የተጣራ ደመወዝ   = አጠቃላይ ደመወዝ - ተቀናሽ ግብር
የተጣራ ደመወዝ   =  4,500 – 597.50
የተጣራ ደመወዝ   =  3ሺ 902 ብር ከ50 ሳንቲም (ይህ የጡረታ ተቀናሽን አያካትትም)።
ገቢዎች ሚኒስቴር

@Addis_Reporter
@Addis_Reporter

መረጃ ‼️

ሱዳን ከኬንያ ጋር ዲፕሎማሲያዊ ውዝግብ ውስጥ መግቧቷን ተከትሎ፣ በኬንያ የሚገኙ አምባሳደሯን ትናንት መጥራቷን ከአገሪቱ ውጭ ጉዳይ ሚንስቴር መረዳቱን ጠቅሶ ሱዳን ትሪቡን ዘግቧል።

ሱዳን አምባሳደሯን የጠራችው፣ ኬንያ የሱዳን ፈጥኖ ደራሽ ኃይልንና አጋሮቹ ትይዩ መንግሥት ለማቋቋም የጠሩት ስብሰባ ናይሮቢ ውስጥ እንዲካሄድ በመፍቀድ የባላንጣነት አቋም አሳይታለች በማለት እንደኾነ ዘገባው ጠቅሷል።

የኬንያ ድርጊት፣ ካኹን ቀደም በአሕጉሪቷም ይኹን በአፍሪካ ቀንድ "ታይቶ የማይታወቅ"፣ "አደገኛ" እና "አሳፋሪ" ድርጊት ነው በማለት ሚንስቴሩ ማውገዙን ዘገባው አመልክቷል።

@Addis_Reporter
@Addis_Reporter

አስተያየት ፤ ሀሳብ አልያም ጥያቄ ካላችሁ ከታች ባለው የመልዕክት ማስቀመጫ ቦት ላይ አስቀምጡልን እናመሰግናለን

መልክታችሁን አስቀምጡልን
👇👇👇
@Addis_reporter_bot