Bemnet Library

አንድ ጊዜ እየዘለለ መጣ።

ምን አገኘህ? አልኩት

"አቤት የእግዚአብሔር ድንቅ ስራ!እንዴት ያለች ውብ ቺክ ጠበስኩ መሰለህ?"

"የት?"

አየር መንገድ ያሬድን ሸኝቼ ስመለስ አንዲት የእግዚአብሔርን ድንቅ ስራ ተመልክቼ  በመሄድ "አገራችሁ በጣም ይሞቃል" በማለት ጠጋ አልኳት....እሷም እንደ እኔ ሰው ሸኝታ እየወጣች ነበር፤ኦ ፈጣሪ እንዴት ታምራለች መሰለህ?"

"ከዚያስ?'

የት አገር ነበርክ አለችኝ"

"ስፔን ነበርኩ"

"የት?"

"ባርሴሎና"

"Spanish ትችላለህ'

"ያ"

"እስቲ የሆነ ነገር በል"

"ሉኔስ ማርቴስ ማርኮሌስ ሁየቬክ ቪየርኔስ ዶሚንጎ" አልኳት

"ምን ማለት ነው" አለችኝ

"እስከዛሬ እንዳንቺ ውብ አላየሁም" ስላት ክትክት ብላ ነው የሳቀችብኝ።ከዚያ በጎን እያየችኝ "አሪፍ ውሸታም ይወጣሀል።ለማንኛውም Spanish ቋንቋ ተናጋሪ ነኝ።አሁን ያወራህው እኮ ሰኞ..ማክሰኞ ርዕቡ ሐሙስ አርብ ቅዳሜና እሁድ ነው" ብላኝ እርፍ.......

"ቅሌት ተከናነብካ?" ስለው

"በቃ ለዚህ ውሸቴ ጁስ ልጋብዝሽ አልኳትና እያሳሳኳት ጁስ ጋበዝኳት!ስልኳን ተቀበልኩ!አየህ ውብ ሴቶችን ብዙ ወንዶች በተለይ መኪና እና ገንዘብ ከሌሏቸው ስለሚፈሯቸው አንተ መፍራት የለብህም!በዚያ ላይ ውብ ሴቶች ቀለል አድርጎ የሚቀርባቸውን ወንድ ይወዳሉ።

📘 ለሚስቴ ባል ፍለጋ
✍️አዘርግ

✈️ @Bemnet_Library

"ከሟቹ ጋር የነበራችሁን ግንኙነት ብትገልፅልኝ"

"ሟች በሕይወት በነበረበት ጊዜ የነበረን ግንኙነት ያስተናጋጅ እና የተስተናጋጅ ነበር!"

"ሟች በሞተበት ቀን የነበረውን ሁኔታ ትገልፅልኛለህ?"

"ወደ ካፊያችን መጥቶ ውሃ አዘዘ፤አቀረብኩለት።በአጠገቡ ተቀምጠው ሻይ ሲጠጡ የነበሩ ሰዎች እንደነገሩኝ ወዲያው ከኪሱ ብዙ ክኒኖች አውጥቶ ባቀረብኩለት ውሃ እያወራረደ ዋጣቸው።አይ የቀን ጎዶሎ......ምነው ውሃውንም እንደ ክኒኑ ከቤቱ ይዞት በመጣ....."

"በጊዜው በሟች ፊት ላይ ላይ የተስፋ መቁረጥ ስሜት አንብበሃል?"

"ንባብ ላይ ያን ያህል ነኝ፤ጌታዬ"

"አልገባህም፤ስትመለከው ተስፋ ቆርጧል ብለህ ገምተህ ነበር?"

"መቼስ በርገር በሚቀረጠፍበት፤ኮካኮላ እንደ ውሃ በሚፈስበት ካፌ ውስጥ አንድ ሰው የቧንቧ ውሃ ብቻ ካዘዘ ተስፋ ቢቆርጥ ነው! ግን መልሶ እጁን ቦርሳው ውስጥ ሲከት ሳይ፤የምሳ ዕቃ ሊያወጣ ነው ብዬ ተዘናጋሁ"!

"ከዚያስ?"

"ከዚያ ልቤን ሲያወልቀው ለነበረ ተስተናጋጅ ስቴክኒ አድርሼ ስመለስ፣ያ ወጣት ወንበሩ ላይ ዘፍ ብሎ ተኝቷል።አይ ምስኪን! ይሄኔ ሮንድ አድሮ ይሆናል ብዬ ቸል አልኩት"

"የመጀመሪያ ርዳታ አላደረክለትም?"

"አድርጌለታለሁ፤ተኝቷል ብዬ ስላሰብኩ ዘፈኑን ቀነስኩለት፤በተጨማሪም አንገቱን ወደ ወንበር መደገፊያው አቃናሁት።በእኔ ቤት በስነስርዓት ማስተኛቴ ነበር።ለካ አጅሬ በሥነ-ሥርዓት እየሞተ ኖሯል"

"ሟች ከመሞቱ በፊት የተናገረው ነገር አለ?"

"ሰው ሲኖር መናገሩ መች ይቀራል!"

"አባባሌ አልገባህም፤ከመሞቱ ጥቂት ደቂቃዎች በፊት የተናገረው ነገር አለ ወይ?"

"የለም።ባይሆን ከጎኑ የተቀመጠ ተስተናጋጅ ተናግሯል'

ፖሊሱ በረጅሙ ተንፍሶ ወደ ወንበሩ መደገፊያ ተንጋሉ ሲያስብ ከቆየ በኃላ "አቶ አባተ፤ለማንኛውም ሟች ለነገይቱ ኢትዮጵያ ብዙ ምርምሮችን ያበረክታል ተብሎ የታሰበ ወጣት ነበር።ምን ያደርጋል፤ብዙ የእንቅልፍ ክኒኖችን በመውሰድ ራሱን አጥፍቷል፤" ብሎ በረጅሙ ተነፈሰ።

አባተ አንገቱን ደፍቱ ትንሽ ካሰበ በኃላ "ከእናንተ ባላውቅም......ብሎ ጀመረ.....ሟች የዋጠው የእንቅልፍ ክኒን ከሆነ ጊዜው ይርዘም እንጂ መንቃቱ አይቀርም፣ቁርጡ እስኪታወቅ ድረስ መንግስት አስክሬኑን መቅበር ትቶ በወዶገባ ዘበኛ ቢያስጠብቀው ይበጃል ባይ ነኝ"

መርማሪው ፖሊስ አባተን በንቀት ለጥቂት ደቂቃ ካተኮረበት በኃላ መሄድ እንደሚችል ገለፀለት።

📘 ርዕስ፦መግባት እና መውጣት
✍️ደራሲ፦በእውቀቱ ስዩም

✈️ @Bemnet_Library

አንዳንድ ነገሮችን መቀየር አልችልም።ለምሳሌ አንቺን ማፍቀሬ ስዕተት መሆንን እያወኩ እንኳን ፍቅሬን ማስቆም አልቻልኩም ነበር።ምክንያቱም ከባዷ እጣፋንታዬ በአንቺ ህይወት መካካል አቅም-አጥታ ወደቃ ነበር.......

ጓደኞቼ ጠየቁኝ.....ቤተሰቦቼም በደምብ ጠየቁኝ....ሁሉም ወዳጆቼ የምር እንዳፈቀርኩ ማመን ፈልገው ነበር......ያ ዝምተኛው ሰው፤ያ ከክፍሉ የማይወጣው ሰው፤ያ አይናፋሩና ሴቶችን ማውራት በጣም የሚከብደው ሰው ያፈቅራል ብለው አላሰቡም ነበር።

ግን የሆንኩትን የማውቀውና የምረዳው እኔ ብቻ ነበርኩ።ማንም ሰው ማፍቅር ስለፈለገና ስላልፈለገ እንደማያፈቅር ተረድቻለው።በሌሎች ማፍቀር የሚስቀው ሁሉ ነገ እሱም ተረኛ እንደሆነ አውቂያለው።ፍቅር ባልጠበቅነውና ባላሰብነው ጊዜ የሚመጣ ከባድ ነገር መሆኑንም በደምብ ተገንዝቢያለው......ስለዚህ ፍቅር ወደደንም ጠላንም እኛ ስለፈለግንና ስላልፈለግን የሚሆን ሳይሆን እንደ ድንገት የሚከሰት ምትሃታዊ ሀይል ነው።

(ከአንቺ ፍቅር እንደማይዘኝ ያጣጣልኩት እኔ አንቺን ያፈቀርኩበት የማይታመን ጊዜ)

(Unreal)
✍️ Bemni Alex

አንዳንድ ሴቶች ፍቅረኛቸው እንቅልፍ የመንሳት መብት ያላቸው ይመስላቸዋል። ድምፃቸው ፍራሽ፣ ሹክሹክታቸው አንሶላ፣ ሳቃቸው አንቅልፍ ሆኖ እረፍት እንደሚሰጥ። የምንሰለቻቸው አይመስላቸውም። ከተፈጥሮ በላይ የመሆን አቅም ያላቸው ይመስላቸዋል? ልካቸውን አያውቁም!!

📚ርዕስ፦ ዙበይዳ
✍️ፀሃፊ፦ አሌክስ አብረሃም

📖 @Bemnet_Library