Biiroo Fayyaa Oromiyaa

Miidhaa Koorniyaa Bu'uureffate Hambisuun Hirmaannaa Hawaasa Hundaa Gaafata. Mudde 10 bara 2016. Adaamaa
=================================/
Biiroon Fayyaa Oromiyaa Guyyaa Rivaanii Adiii Kabajee jira.
Guyyaan Rivaanii adii akka addunyaa yeroo 33 fi akka biyyaa fi naannotti yeroo 19 ffaaf mata-duree 'Miidhan koorniyaa bu'uureffate kan kooti hin callisu' jedhuun kan kabajame ta'uu Hooggantuu Itti Aantuu Biiroo Fayyaa Oromiyaa Sr. Tigiisti Tafarii saganticha irratti argamuun kasanii jiru.
Kaayyon kabaja guyyaa Rivaanii adii miidhaa koorniyaan wal qabatee mudatu hambisuuf hubannoo hawaasaa uumuun hirmaannaa cimsuu akka ta'e ibsanii jiru.
Miidhaan koorniyaa sarbama mirga namoomaa ta'ee miidhaa qaamaa, xiin-sammuu fi hawaas- diinadee waan dhaqabsiisuf, rakkoon kun akka hin muudanne ittisuu, namoota miidhan irra dhaqabeef kunuunsa taasisuu fi qaama rakkoo kana uume seeratti dhiyeessuu irratti xiyyeeffannaa guddaan hojjatamuu qaba jedhanii jiru.
Daayrektarri Idileessa Koriniyaa Dargaggoottaa fi Daa'immanii Biiroo Fayyaa Oromiyaa Sr. Salam Hasan gama isaanitiin miidhaan koorniyaa safuu, duudhaa fi aadaa hawaasaa kan cabsu waan ta'eef Abbootiin Gadaa, Haadholiin Siinqee, Abbootin Amantaa fi hawaasni bal'aan hirmaannaa irraa eegamu taasisuun miidhaa koorniyaan walqabatee muudatu ittisuu keessatti gahee irraa eegamu bahuu akka qaban dhaamanii jiru.

#share
         t.me/BiirooFayyaaOromiyaa
         t.me/BiirooFayyaaOromiyaa
         t.me/BiirooFayyaaOromiyaa