Digital Woyane - ድጅታል ወያነ

👉ደሕንነት ተጋሩን ትግራይን ብኸመይ ይሕሎ?
➖➖➖➖➖➖➖➖➖➖➖➖➖➖
፩. ህዝቢ ትግራይ በብግዚኡ ዝበፅሖ ናይ ዘርኢ ምፅናት ብኸመይ ንመክቶ?
ዘሕለፍናዮም ገበን ዘርኢ ምፅናት ብድንገት ሓደ ግዘ ወይ ኸዓ ክልተ ግዘ ዝፀነትናሉ ዘይኾነስ ኾነ ተባሂሉ ንነዊሕ ግዘ ተሰሪሑሉን ተኣቂድሉ ዝግበር ዘርኢ ምፅናት እንትኸውን ፤ ኣንሕና ተጋሩ ኸዓ ዘዝሓለፈ እንዳረሳዕና ንኻልእ ፀነተ ባዕልና ነውፊ። ኖኖኖ ካብ ሎሚ ጀሚሩ ክኣክል ኣለዎ!።

ኣብቲ ሕሉፍ እኹል መፅናዕቲ ተገይሩ ንቀፃሊ ንኸይድገምን ፤ ክድገም ዝመስል ኣዝማምያ እንትህሉ ካብ መበቆሉ ዘምክን ብሳይበርን ብዘመናዊ ኣፅዋርን ዝወነነ #ትካል_ስለያ_ትግራይ (Tigrai intelligence agency) ክጣየሽ ይግባእ።

እዚ ትካል ብንቕሓትን ብብርሒን ንቕድሚት እንዳረአየ ኣብ ልዕሊ ህዝቢ ትግራይ ዝኾነ ሓደጋ ክፈጥሩ ዝኽእሉ ብሳይንሳዊ ዘምኽን (eliminate or mitigate) ክኸውን ድሕሪ ፀነተ ካብ ዝፍጠር ብፅሑልናየ ፣ ረኣዩልናየ ፣ ሕደጉ በሉልናየ ገለመለ ካብ ዝብል ጥርዓን ዓለምለኸ ትካላት (እሞ ንዘይበፅሑልካ) ቀዲሙ ፀጥ ዘብል ፍሉይ ናን ስለላ ኽእለትን ልዕልና ስነልቦና ዝውንን ትካል ክጣየሽ ይግባእ።

፪. ኣብ ልዕሊ ትሕዝቶን ግዝኣትን ትግራይ ካብ ዝካየድ ናይ ርስቲ ምቅርማት ብኸመይ ንከላኸልን ውሕስነት ግዝኣትና ንሕሉን?
ብስሩ ኸ ንምንታይ ኢና ናይ ባዕልና ዝኾነ ናይባዕልና ምዃኑ ብዕልን ብግልፅን ዘይንእውጅ? መልሱ ቀሊል እዩ። ‛ባዕልና እንዳሰላዕና እናረከብና ንመን ክንጥይቕን ንመን እሞ ክንወቅስ?’ ዝብል ስፍሕ ዝበለ መፅናዕቲ ዘድልዮ ዳልሳስ የድሊ።

ይኹን እምበር እዚ እውን ግዝኣት ትግራይ ብዝምልከት እኹል መፅናዕትን እኹል ናይ ውሽጥን ናይ ደገን (ዓለምለኸ ምሁራት ዝሰነድዎ) መረዳእታታት እንዳሰነድና ግዝኣትና ሕዚ ትግራይ ካብ ዝሓዘቶ ምምሕዳር ግዝኣት ልዕሊ ዕፅፊ ብሕጋዊ መንገዲ ዘይንምልሰሉ ምኽንያት ኣይክህሉን።

ኣብዚ ጉዳይ ዝርአየኒ እቲ ዋና ፀገም፦ ትሕዝቶ ግዝኣት ትግራይ ፖለቲካዊ ምኽንያት ኾይኑ ውድብ ኣብ ልዕሊ ግዝኣት ትግራይ ቆራፂትን ፈላፂትን ምዃና እዩ። ምኽንያቱ፦ ኣፍቲ ናይ ኢትዮጵያ ብዝነበረ ምኽላል ግዝኣት ትግራይ ፤ ንዘመናት ግዝኣት ትግራይ ዝነበረ ትሕዝቶን ብዘመነ ባዕዳውያን ገዛእቲ መሳፍንቲ ዝተመንጠለ ግዝኣትና (ዋላ ናይቲ ኸባቢታት ግዝኣት ትግራይ ዝነበረ መፀውዒ ሽም ብትግርኛ ምዃኑ እንዳተፈለጠ ብዘየግድስ) ምዃኑ እንዳፈለጡ ፤ ብግዚኡ እቶም ባዕዳውያን ገዛእቲ ኾነ ኢሎም ካፍቲ ዝነበሮም ትሕዝቶ ብዝተፀነዐ መንገዲ ብምልጋስን ብምፅናትን ናይ ባዕሎም ቋንቋ ዝዛረቡ ማሕበረሰባት ኸምዘቐመጡ እንዳተፈለጠ ፤ ብሽም ትግርኛ ተዛረብትን ኸባቢኡን ዝብል ናይ ለሃምም ፖለቲካዊ ኣካለላ ግዝኣት ትግራይ ካብ ነባር ትሕዝቶኣ ተሸምሪራ ኣፍቲ ሕዚ ዘለቶ ቦታ በፂሓ እያ።

እሞኸ ሕዚ ዘይፖለቲካዊ ትካል መላሲ ግዝኣት ትግራይ ፤ ምሁራትን ዓበይቲ ዓድን ዘካተተ ኣብ መፅናዕትን ምርምርን ትኹረት ዝገበረ በዓል ሞያታት ኣንትሮፖሎጂ ዝሓቖፈ ፤ ኣብ ደገ ዝነብሩ ግዱሳት ምሁራት ተጋሩ ዝሓቖፈ ትካል ክጣየሽ ይግባእ። ክሳብ እቲ ንሓተሉ መዓልቲ ዝበፅሕ ዕዮኦም እናኣመሙ ኽፀንሑ ክግበርን ብግዚኡ ግዝኣት ትግራይ ናብ ንቡር ቦትኡ ዝምለሰሉ ንኽኸውን ይሕደር ዘይበሃሎ ዕማምና ክኸውን ኣለዎ።

#ንኣፍልጦኹም ፦ ዓዲ ፫ ናይ ትግራይ ግዝኣት ዝነበሩ ኸባቢታት ብትግርኛ መፀውዒ ዝፅውዑ ዝነበሩ ቁሸታትን ኸባቢታትን ናብ ኣምሓርኛ ይቕይርዎም ከምዘለዉ ዝፍለጥ እዩ።

ተወሳኺ ሓበሬታ እኝተሃልዩኹም እስኪ ብጭዋ ባህልና ኣብ ኮሜንት ንካታዕ!!....!!!

መሰል ትግራይን ተጋሩን ምኽባርና ካብ ቀፃሊ ጎንፅን ፅንተትን የትርፈና እምበር ፤ ናብ ኹናት ኣየእትወናን።

ሰላም ኢና ንደሊ! እወ ሰላም ኢና ንደሊ! እሞ ሰላምና ኸሕልወልና ዝኽእል ሓይሊ እውን ኽህልወና ከምዘለዎ ንፍለጥ!

#ሼር ግበርዎ እሞ ነውግዐሉ!

#DigitalWoyane

ተርእዮ ምንቅጥቃጥ መሬት ትግራይ
(ተፅሓፈ ብ Tigray sci-Tech)

ኣብ ትግራይ ተደጋጋሚ ናይ መሬት ምንቅጥቃጥ የጋጥም ኣሎ መንቀሊኡን ሓደግኡን ምፍላጥ ኣገዳሲ ስለ ዝኾነ ንሎሚ ነዊሕ ትንተና ክፅሕፍ ተገዲደ ።

መሬት ምንቅጥቃጥ (earth quake) ካብቶም ትሕቲ መሬት ርዕዳዊ ምፍላሕ ዝመኸኸ ከውሕን ዝተዓፈነ ናይ ዘመናት ሙቐት ትሕቲ መሬትን ማያዊ ኣካላትን ብዝፈጥሮ ድፍኢት ዝኽሰት geomorphological event ምዃኑ እዩ ።

በዚ መዳይ በፍላይ ድማ ብርዕደ መሬትን ናይ መሬት ስሕበትን ምስንጣቕን (plate movement juncture ) ስሉጥ ምዕባለታት ዝረአየሎ ከባቢ ሓደ እቲ ዓብይ ምውት መሬት ክፋል ዓለምና (The great rift valley) ካብ ኢስራኤልን ጆርዳን ክፋል ባሕሪ ኤዴንን ቐይሕ ባሕርን ኤርትራን ብየማናይ ክንፊ ድማ ባሕሪ ኤደን (Gulf of Aden) ኣቋሪፁ ናብ ሃገርና ይፅምበር ።

ናብ ኣፍሪካ ምስተፀምበረ እቲ ዝዓበየ ክፋሉ ኣብ ረባዳ መሬት ዓፋር (Afar triangle) እቲ ዝሰፍሐ ክፋል ሓጓፍ ሽንጥሮ (Rift valley) ብገፊሑ ተሰንጢቑን በቢ እዋኑ ስሉጥ ናይ ርዕደ መሬት ክስተታት ዝረአየሉ ናቁጣ (Siesmic zone) እዩ ።

በዚ መዳይ ኣብዚ ከባቢ ክሳብ 90-150 ኪ/ሜ ንኣንፈት ምዕራብ ናብ ዞባ ምብራቕ ዓድግራት ፣ ስንቃጣ ኸምኡ እውን ውቕሮ ፣ ኣፅቢ ፣ ኣጉላዕ ፣ መቐለ፣ ኣብዓላ ወሰን ናብ ዓፋር ዝዋሰና ወረዳታት ዞባ ደቡብ ትግራይ (በተለይ ራያ valley) active seismic zone ካብ ዝባሃሉ ርዕደ መሬት ዝፍፀመሎም ከባቢታት እዮም ።

ካብዚ ቐፂሉ ድማ እቲ ፅልዋ ካብ ኣዋሽ ሸሎቖ ጀሚሩ ብማእኸላይ ኢትዮጵያ ኣቋሪፁ ኣዋሳን ኣርባምንጭን ኦሞ valley ሒዙ ኬንያ ተሓዊሱ ናብ Victoria ቓላይ ይፅምበር ።

ናብ ትግራይ እንትንምለስ ኽልተ መልክዕ ዝሓዙ ሓደጋታት ይረአዩኒ ፦

1) ዓፋር triangle ሒዙ ክፍጠር ዝኽእል ስንጣቅ መሬት (plate fault) ካብ ቐይሕ ባሕሪ ማይ መሊኡ ምዕልቕላቅን ምውሓጥ ረባዳ መሬት ከባቢታት ትግራይ ።

2) ምስሕሓብ plates ብዝተፈጠረ ውጥጥ ትሕቲ መሬት ሓይሊ ብዝፍጠር ነዃል ዝፍጠር ምፍንዳእ ሓዊ መሬት (volcanic eruption ) ኸምኡ እውን ርዕደ መሬት (earth movement)

3) እቲ ስንጥቕ መሬት እናገፍሐ ምስገደ ብዝፍጠር ኣርተፊሻል ቓላይ ትግራይ ኣብ ኽልተ ኽፋል በተለይ ወሰን ወሰን ዘባታት ምብራቕ ፣ ደቡብ ምብራቕን ደቡብን ብከፊል ምግማዕን ምስማጥ ገለ ከባቢታትን።

እዚ ዘረጋግፆ ኣብቲ ከባቢ Afar triangle ዘዋስና ከባቢታት ትግራይ ርዕደ መሬት ዝፍጠረሉ ጥልቀት በኣሽሓት ኪ/ሜ ጥልቀት ዘይኾነስ ብቐረባ 15 ኪ/ሜ ጥልቀት ምዃኑ እዩ ።

ኻሊእ ኣብ ከባቢ ባዳን ዳሉልን ካብ ቐይሕ ባሕሪ ዝብገስ ስንጣቕ ሓጓፍ ሽንጥሮ ብምስሊ ሳትላይት (satellite imagery) እንትረአ ብፍጥነት ንጎኒ እናገፍሐን ዓብይ ክፍለ-ኣህጉራዊ ምስንጣቕ መሬት (continental drift) ኾይኑ ማይ ዝመልአሉ ዕድል እናዛየደ ምምፅኡ እዩ ካብ ዝተገመተ ንላዕሊ ብዝኾነ ፍጥነት ።

እቲ ኻሊእ geological evidence ኣብ ኣማኢቲ ዓመታት ዝፍጠር ዝነበረ መሬት ምንቅጥቃጥን ቅሁም ቮልኮኖን (passive eruption) ኣብ ሒደት ዓመታትን ኣዋርሕን ክደጋገም ምርኣይ ልሙድ እናኾነ ምምፅኡ እዩ ።

ስለዚ ፅልዋ ናይ ዓፋር ትርያንግል ናብ ትግራይ ይጋፋሕ ኣሎ ብኸይዲ ተፈጥሮኣዊ ስሕበትን ድፍኢትን ውሽጣዊ ክፋል መሬት crust.

እቱ ዝላዓለ ረብሑ ግን ኸይዲ ስሕበት ዓብይ ሓጓፍ ሽንጥሮ ተኸቲሉ ትግራይ በሪ ባሕሪ ክህልዋ ይኽእል እዩ::

እዚአን እተን ግልፂ ኣብነታዊ ተርእዮታት ዝሓለፋ 30 ማዕልትታት እምበር፤ ኣብይ ኣሕመድን ጉጅልኡን ብዕቱብ በብማዕልቱ ኣብ ፅንተትን ብርሰትን ህዝቢ ትግራይን ትግራይን ዝፍሕሱዎ ውዲትን፤ ዝፍፅሙዎ ዝተዋደደ ወፍሪ ገበን ኵናትን፤ ንፃት እውን ኣየብደዩን፡፡

ስለዙይ ግዚያዊ መንግስቲ ትግራይ፣ ቤት ምኽሪ ብሄራዊ ክልላዊ መንግስቲ ትግራይን፣ ኣብዝሓ መንበር ዝሓዝካን ውዕል ፕሪቶሪያ ዝፈረምካን መሪሕነት ውድብ ህወሓትን፤

1. ኣብዙ ዓመት ብቤት ምኽሪ ብሄራዊ ክልላዊ መንግስቲ ትግራይ፤ ልኡኽ ዘተ ሰላም ትግራይ ንምጥያሽን ስርሑን ሓላፍነቱን ንምውሳንን ዝወፀ፤ ኣዋጅ ቑፅሪ 364/2015 ዓ.ም ኣበይ ኣተወ? ኣብዙ ኣዋጅ ዓንቀፅ 6 ንኡስ ዓንቀፅ 1 ዝተቐመጠ ዕላማ ልኡኽ ዘተ ሰላም ትግራይ፤ «…ህልውና፣ ድሕንነት፣ መሰልን ረብሓን ህዝቢ ትግራይ ኣብ ሰላማዊ መድረኽ ቃልሲ ምርግጋፅ…» ይብል! ብተመሳሳሊ ኣብዙ ኣዋጅ ዓንቀፅ 7 ንኡስ ዓንቀፅ 1 ንመሰረታዊ መትከላት ልኡኽ ዘተ ሰላም ትግራይ እንትገልፅ፤ «…ህልውና፣ ድሕንነት፣ መሰልን ረብሓን ህዝቢ ትግራይ ምርግጋፅን ምኽባርን…» ይብል! ኣበይ ድኣ ኣሎ?

2. ምስ ኣብይ ኣሕመድ ተቐራሪብካ ተኣማሚንካ ምእንተ ሰላም ምስራሕ ማለት፤ እዛ ዝረኸብናያ ኣፋፍኖት ሰላም ከይንዘርጋ ዓንቀፍቲ ሰላም ከይንኸውን ማለት፤ ጉዳይ ትግራይ ብሳላ ፅኑዕ ቃልሲ ዲያስፖራ ትግራይ በፂሑዎ ካብ ዝነበረ ዓለምለኸ ተዓዘብቲ ዝነበሩሉ ብራኸ ኣውሪድካ ናብ ቁፅፅርን ትኳቦትን ኣራት ኪሎ ክወድቕ ምግባር ማለት፤ ንሃለዋት፣ ድሕንነት፣ ክብሪ፣ መሰልን ረብሓን ህዝቢ ትግራይን ትግራይን ብኸመይ እዩ ዘረጋግፅ?

ስለዙይ ዲያስፖራ ትግራይ ከም'ቱ ኣብ መፈለምታ ወራር ዘርአናዮ ማዕበላዊ ዓለምለኸ ወፍሪ ሸሞንተ ኣዋርሕ፤ ምስ ህዝብን መንግስትን ትግራይ ተኣሳሲርና ሓድነትና ኣደልዲልና ድምፂ ህዝብና ክንኸውን ግድን ይብለና!

ብሓው ካሳ ዝተፀሓፈ

ሕማምና ንሓኪም ዘይነገርና ዓቢጥና ምሓዝና፤ ኣብ መወዳእታ ክሓዊ ዘይኽእል መንሽሮ ከይኸውን ስግኣት ኣለኒ!

ኣብ ልዕሊ ህዝቢ ትግራይ ንዝተፈፀምን ይፍፀምን ንዘሎ ምፅናት ዘርኢ ቀንዲ ቁፅሪ ሓደ ተሓታቲ፤ ገበነኛ ኵናትን ገበን ምፅናት ዘርእን ጀኖሳይደር ኣብይ ኣሕመድ እዩ፡፡

ካብ ማንም ህዝቢ ንላዕሊ እዙ ብመጠኑ እውን እንተኾነ ተረኺቡ ዘሎ ሰላም ንሕና ተጋሩ ነስተማቕሮ ንደልዮ! ግና ክፋል ኣካልና ለሚሱ ህዝብና ሐዚ እውን ብኸውሊ ሰላም ይፀንት ይበርስ ኣሎ! ምእንተ እዙ ሰላም ከይንዘርግ ካብ ምፅሓፍን ምዝራብን ንትሽዓተ ኣዋርሕ ዝተሸበብናዮ ይኣክል!

እዙ ገበነኛ ኣብ ልዕሊ ህዝቢ ትግራይ ዝፍፅሞ ዘሎ ምፅናት ዘርኢ፤ ብኸውሊ ሰላም ንሓንቲ ማዕልቲ እውን ከይደቀሰ፤ ብዕቱብ ቀፂሉሉ፤ ብኹሉ መዳይ ከምህዝቢ ከምዘይንሓዊ ገይሩ ይሓስየና፣ የማስነና የፅንተና እዩ ዘሎ፡፡

ስምምዕ ሰላም ፕሪቶሪያ ካብ ዝፍረም፤ ክፍፅሞ እየ እናበለ ዘላገፀልና ትሽዓንተ ኣዋርሕ ገዲፍና፤ ዝሓለፋ 30 ማዕልትታት እኳ ምልስ ኢልና እንተርኢና፤ ንሕና ብዝድርብዩልና ማዕልታዊ ኣጀንዳ ኣብ ማሕበራዊ ሚዲያን መግለፅን ዓውዓው ኢልና ተናቑርና ንሓልፎ፤ ንሳቶም ግና ፅንተት እናላመዱና፣ ብዝተተለመ ኣካይዳ ንህዝቢ ትግራይ ካብ መበቆሉ ከብርሱዎ ዝተዋደደ ውዲቶም ይትግብሩ ኣለዉ፡፡

1. ብርሃኑ ነጋ ኣብያተ ትምህርቲ ምዕራብ፣ ሰሜን ምዕራብን ደቡብን ትግራይ ናብ ጎንደርን ወሎን ኣካቲቱ ዕላዊ መንግስታዊ መግለፂ ኣውፅአ፡፡ ብዘይ ኣፍልጦ ኣብይ ኣሕመድ ኣይኮነን! ንሕና ድማ ንሓደ ማዕልቲ ዓውዓው ኢልና ገዲፍናዮ!

2. ሲኖዶስ ኢትዮጵያ ኣብያተ ክርስትያናት ምዕራብ፣ ሰሜን ምዕራብን ደቡብን ትግራይ ኣብ ትሕቲ ሃገረ ስብከት ደባርቅ፣ ጎንደርን ሰሜን ወሎን ከሊሎምወን እንተብቅዑ፤ መግለፂ ላጊፅ «...እናፅነትናኩም እንተለና፤ ድምፅና ስለዘየስማዕና ይቕሬታ ቅር ኢሉኩም ድዩ...» ኢሎምና፡፡

3. ኣብ ምዕራብ ትግራይ ልዕሊ 360 ሽሕ ኣምሓሩ ካብ ወለጋን ካልኦት ከባብታት ኣምሓራን ኣምፂኦም ኣስፊሮም ኣለዉ፤ (እዙ መረዳእታ ባዕሎም ኣብ ናይ ባህርዳር ኣኼብኦም ዝገለፁዎ ብፅሑፍ ዘቕረቡዎ እዩ፤ «...500 ሽሕ ክነስፍር ተሊምናስ፤ ክሳብ ሐዚ 360 ሽሕ በፂሕና ኣለና...» እንትብሉ እዮም ይልቃል ኣብ ዝመርሖ ኣኼባ ፀብፃብ ዘቕረቡ)

4. ኣብ መሬት ትግራይ ኣምሓሩ ምስፋሮም ጥራሕ እንተይኮነስ፤ ንቶም ሰፈርቲ ብዕሊ ብስም ሚሊሽያ ወተሃደራዊ ስልጠናታት እናተውሃበ፣ ክላሽናት ካብ ኤርትራ እናተጉዓዓዘ የዕጥቑዎም ኣለዉ፡፡ እዙይ ኩሉ ሰፈራ፣ ስልጠናን ምዕጣቕን እንትፍፀም ድማ፤ ኣባላት ሰራዊት ምክልኻል ኢትዮጵያ ኣብ'ቱ ከባብታት ኣለዉ፡፡ ስለ'ዙይ ብዘይኣፍልጦ ኣብይ ኣሕመድ ኣይኮነን!

5. ምስፋኖ ኵናት ገጢመ ብዝብል ዝተዋደደ ላጊፅ፤ ፅንተት ህዝቢ ትግራይን ምጉባጥ ሉዓላዊ መሬት ትግራይን ብውዲት ዘሳልጥ ዘሎ ኣብይ ኣሕመድ፤ ኣብ ውሽጢ እዘን ዝሓለፋ 30 ማዕልትታት ነይሩ ኣብ ቅሉዕ ዘረብኡ፤ «ኣብ ዶባት ትግራይን ኣምሓራን ዘሎ ጎንፂ ብህዝበ ውሳነ ክፍታሕ እዩ» ዝበለ፡፡ እዙ ጉዳይ ግና ምውጣጥ ዶባት እንተይኮነስ ገዚፍ ሕገመንግስታዊ ክፋል ትግራይ እዩ ተጎቢጡ ዘሎ፡፡ «...ብመሰረት ህገመንግስቲ ዶብ ክልላት ናብ ዝነበሮ ይምለስ...» ንዝብል ስምምዕ ፕሪቶሪያ እዩ ብዕሊ ጥሒሱዎ ዘሎ፡፡

6. ኣብይ ኣሕመድ ንኣገኘሁ ተሻገር ናብ ቤት ምኽሪ ፌደሬሽን እንተምፅእ ኣትሒዙ፤ ብተደጋጋሚ ብዲፕሎማሰኛታቱ ኣቢሉ ንኣሜሪካን ኣውሮፓን ኣብ ዘቕረቦ ዘሎ ሓሳብ መፍትሒ ጉዳይ ምዕራብ፣ ሰሜን ምዕራብን ደቡብን ትግራይ፤ «…ምእንታን ኣብ ሞንጎ ህዝብታት ደም ምፍሳስ ከይፍጠር፤ እዘን ከባብታት ኣብ ትሕቲ መንግስቲ ፌደራል ኮይነን፤ ብዲያሎግን ብህዝበ ውሳነን መፍትሒ ክግበረለን ኣለዎ…» ዝብል ጎስጓስ እናካየደ እዩ፡፡ ንኣና ግና ንኣዋርሕ ሎሚ ትኣትዉ ፅባሕ እናበለ ካብ ወርሒ ናብ ወርሒ ብዘየለ ተስፋ የዕሸወና የፅንተና ኣሎ!

7. ንህዝቢ ትግራይ ዝመፀ ረድኤት ማሕበረሰብ ዓለም፤ ብዝተዋደደ መስርሕ ናብ ዕዳጋ ኣውፂኡ ክሳብ ናይሮቢን ኣስመራን እናሸቀጠ፤ ብዝፍሓሶ ውዲት ህዝቢ ትግራይ ረድኤት ከይረክብ ክማስንን ክመውትን ፈሪዶምሉ፡፡ ብኣፍልጦ ኣብይ ኣሕመድ ዝተፈፀመ ውዲት ምፅናት ዘርኢ እዩ!

8. ሚኒስትር ጥዕና ኣብ ዘውፅኦ መግለፂ ድማ፤ ኣብያተ ጥዕና ትግራይ ናብ ጎንደርን ወሎን ዘካተተ ዕላዊ መንግስታዊ መግለፂ ወዚዑ ኣሎ፡፡ ስለዙይ እቱ ብላዕለዋይ ኣካል ቤት ምኽሪ ተወከልቲ ዝውሰን በጀት እዛ ሃገር ብዕሊ በጀት ምዕራብ፣ ሰሜን ምዕራብን ደቡብን ትግራይ ናብ ጎንደርን ወሎን በጂቱዎ ኣሎ ማለት እዩ፡፡ እዙይ እውን ብዘይ ኣፍልጦ ኣብይ ኣሕመድ ኣይኮነን!

9. ሰሜን ምዕራብ፣ ማእኸልን ኣብዝሓ መሬት ኢሮብን ክሳብ ሐዚ ብኣራዊት ሰራዊት ኢሳያስ ተጎቢጡ ኣብ ትሕቲ መግዛእቲ፣ ፅንተትን ብርሰትን እዩ ዘሎ፡፡ ብመሰረት ስምምዕ ፕሪቶሪያ ንዘን ከባቢታት ሓራ ምውፃእ፤ ግድነት ኣብይ ኣሕመድ እዩ ነይሩ፡፡

10. ጉዳይ ተሓታትነት ገበን ኵናት ምፅናት ዘርኢ ተዓቢጡ ንኽተርፍ፤ ብውድብ ሕቡራት መንግስታት ጉዳይ ሰብኣዊ መሰላት ዝተጣየሸ መፃረዪ ኮሚሽን ናብ ትግራይ ኣትዩ ምፅራይ ንኸይገብር ኣብይ ኣሕመድ ማዕፆ ዓፅዩ ምስከልአ እዩ ዘሎ፡፡

11. ትግራዋይ ብምዃኖም ጥራሕ ንሕገመንግስትን ዓለምለኸ ሕግን ጥሒሶም፤ ኣብ ልዕሊ ኣባ ሰረቀብርሃን ዝፈፀሙዎ ገበን፤ ብዘይ ውሳነ ቤት ፍርዲ ንዜግነታዊ መሰሎም ቀንጢጦም፤ ናብ ዘይፈልጡዎ ሃገር ሰጉጎምዎም፡፡ ብሳላ ጅግንነትን ሕራነን ኣቦና ከም ህዝቦም ክቐትሉዎም ስለዘይጥዓሞም እምበር፤ እዙ ተግባር ኣካል ፅንተት ህዝቢ ትግራይ እዩ፡፡ ብዙሓት ወፃእተኛታት ሰብሙያ ሕጊ እዙ ኣብ ልዕሊ ኣባ ሰረቐ ዝተፈፀመ ገበን ክኣምኑዎ ከቢዱዎም እዩ፡፡ ብፍላይ ምዕራባውያን፤ ኣይኮነንዶ ንዜግኦም ካብ ሃገሩ ክሰጉ፤ ኣብ ዝኾነ ጫፍ ዓለም ዘሎ ዜግኦም እንተተዓንቂፉ ከመይ ከምዝጣበቑሉን ዝጓየዩን ስለዝፈልጡ፤ ንምእማኑ ዝኸበደ መንግስታዊ ገበን እዩ ኮይኑዎም፡፡ ኣብ ልዕሊ ትግራዋይ ኣቦና ዝፈፀሙዎ እዙይ መንግስታዊ ገበን ድማ፤ ንሓደ ውልቀሰብ ንኣቦና ጥራሕ እንተይኮነስ፤ ኣብ ልዕሊ ኩልና ተጋሩ ዝፍፅሙዎ ኣካል ተግባር ምፅናት ዘርኢ ትግራይ እዩ፡፡

12. ብሄራዊ ባንክ መንግስቲ ኢትዮጵያ ኣብ ትሕቲ ኲናት ፅንተት ዝነበረ ህዝብና ወለድን ናይ ወለድ ወለድን ምስ መቕፃዕቱ ንክኸፍል ዘገድድ ዘውፅኦ ዕሙት መምርሒ፤ ብዘይኣፍልጦ መንግስቲ ኣብይ ኣሕመድ ኣይኮነን! ህዝቢ ትግራይ ከይሓዊ፣ ርእሱ ከየቕንዕ፣ ገዛ ንብረቱ ሸይጡ ክበርስ ዝዓለመ ተግባር ፅንተት እዩ!

13. ኣብ ትሕቲ ወራር ፅንተት ዘሎን ከቢድ ስነኣእምሯዊ ማሕሰይቲ ዝበፅሖን መንእሰይ ትግራይ ናብ ስፖርት ንኸይምለስ፤ እተን ውሩያት ጋንታታት ኩዕሶ እግሪ ትግራይ ካብ'ቱ ዝነበረኦ ብርኪ ወሪደን ንኽወዳደራ ዝብል ውሳነ መንግስቲ ብውነ ዝፍፅሙዎ ዘለዉ ውዲት እዩ::

14. ንሃገሮም ዘገልገሉሉ ኣበል ጡረትኦም ብመንግስቲ ፌደራል ተኸሊኦም፤ ብዘይ ረድኤትን ሕክምናን ብጥምየትን ሕማምን ዝማስኑ ዝሞቱ ዘለዉ፤ ልዕሊ 75 ሽሕ ኣረጋውያን ትግራይ ብኣፍልጦ ኣብይ ኣሕመድ ዝፍፀም ዘሎ መቐፀልታ ፅንተት ህዝቢ ትግራይ እዩ::

15. ፍትሒ ዘይረኸቡ ትግራዋይ መንነቶም ገበን ኮይኑ፤ ንዓመታት ኣብ ዝተፋላለየ ቤት ማእሰርትታት ኢትዮጵያ ተዳጉኖም ዘለዉ ተወለድቲ ትግራይ ብዘይኣፍልጦ ኣብይ ኣሕመድ ኣይኮነን!