የላቀ ዉጤት ላስመዘገቡ ተማሪዎች የማበረታቻ ሽልማት ተበረከተ፤

በጅማ ዩኒቨርሲቲ በ2016 ዓ.ም የትምህርት ዘመን የላቀ ዉጤት ላስመዘገቡ ተማሪዎች የማበረታቻ ሽልማት ተበረከተላቸዉ፡፡

በዩኒቨርሲቲዉ ሴቶች፣ህጻናት እና ወጣቶች ጉዳይ ዳይሬክቶሬት “በጋራ ጎበዞቹን እንሸልም”በሚል መርሃ ቃል በተዘጋጀዉ መርሃ ግብር ላይ የጅማ ዩኒቨርሲቲ የአካዳሚክ ጉዳዮች ም/ፕሬዚዳንት ዶ/ር ታደሰ ሀብታሙ ተገኝተዉ ባደረጉት ንግግር ተሸላሚዎቹ በብዙ ልፋት ዉጤታማ ሆነዉ ለሽልማት መብቃታቸዉ ተናግረዋል፡፡ ተማሪዎች ባገኙት ዉጤት ሳይዘናጉ ጠንክረዉ በመስራት የተሻለ ዉጤት ማስመዝገብ እንዳለባቸዉም መክረዋል፡፡

የጅማ ዩኒቨርሲቲ አስተዳደርና ልማት ም/ፕረዚዳንት ፕሮፌሰር ገመቺስ ፊሌ በበኩላቸዉ፤የላቀ ዉጤት የሚያስመዘግቡ ተማሪዎችን ማበረታታት ሌሎች ተማሪዎችንም ለዉጤታማነት የሚያተጋ በመሆኑ የማበረታታት ተግባሩ ተጠናክሮ ይቀጥላል ብለዋል፡፡

በዛሬዉ ዕለት 3.25 እና ከዛ በላይ ነጥብ ያስመዘገቡ 536 ሴት ተማሪዎች እና 3.85 እና ከዛ በላይ ነጥብ ያስመዘገቡ 136 ወንድ ተማሪዎች በድማሩ ስድስት መቶ ሰባ ሁለት/672/ ተማሪዎች ተሸላሚ ሆነዋል፡፡

@EthiopianUniversitystudents1