Gorsa Ganamaa

Seerota Milkaa'ina Jireenyaa

Barruu kana wayita dubbistu, yaada kee gara kaayyoo jireenya keetti sassaabbadhu! Qalbii mana buleetiin dubbisi!

Seera 1ffaa: Wanti hundinuu Waqtiidha. Lafa irratti wanti hundi yeroodhaaf akka ta’e, wanti hundinuu immoo waqtii akka ta’e hubadhu. Yeroon olka’aan ni jira, yeroon gadi aanaanis ni jira. Yeroon gaariin ni jira, yeroon hamaanis ni jira. Yeroo ammaa kana yeroo hamaa keessa jirta taanaan hin turu. Yeroo ammaa kana hojii argachuu yoo dadhabde, sun yeroo tokkoof qofa. Yoo daldalli kee kallattii dogoggoraatiin deemaa jiraate, kunis waqtii qofa. Yeroo ammaa kana namni si waliin jaalala jalqabuu yoo hin barbaanne, sun bara tokkoof qofa. Waan hunda kan ajjeesu yeroo qofa.

Seera 2. Milkaa'inni Yaada. Milkaa’ina hin hordoftu. Namni milkaa'e jalqaba yaada tokkoon jalqabe. Milkaa'ina ykn maallaqa gonkumaa hin ari'an. Kanaa mannaa yaada tokko fidu, sana booda maallaqni dhufe. Maallaqa hin hordofiin, mul'ata tokko hordofi. Addunyaa kana irratti namoonni gosa sadii qabu: hiyyeessa, sooressa, fi badhaadhoota yaadaati. Namoonni hiyyeeyyiin yeroo hunda waa'ee maallaqaa ni dubbatu. Dureeyyiin waa'ee wantoota isaan jaallatan kan akka konkolaataa faashinii, mana gurguddaa fi kkf, yeroo hunda ni dubbatu. Namoonni sooreyyii garuu yaada irratti xiyyeeffatu. Kanaafidha namoonni dureeyyiin yaada bitachuuf maallaqa guddaa kan baasan.

Seera 3. Hojii Mataa Uumuu. Qaxarrii jechuun nama biraatiif hojjechuudha, kana jechuun nama biraa abjuu isaa galmaan ga’ee akka milkaa’u gargaaruuf qacaramte jechuudha. Dhuma guyyaa sanaatti dhaabbatichi kan kee waan hin taaneef ba’uuf dirqamta. Nama kaappitaala walitti qabuuf hojjedhu yoo dirqama ta'e garuu seera 2 yaadadhu.

Seera 4. Jijjiirama Gaarii Uumuu. Jijjiiramni qajeelfama jireenyaati. Jijjiiramni qaama jireenyaati. Jireenya keessatti guddina hiika qabu kamiyyuu argachuuf jijjiirama akka hammattu of hayyamuu qabda. “Jijjiirama yoo hin hammanne jijjiiramni si jijjiira.”

Dhalli namaa qaamoota sadii qabatee gara addunyaa kanaatti dhufe. Namnis nama jedhamuuf ijaarama qaamaa kan sadeen yoo qabaate, nama guutuu jedhama. Kunneenis..
1. Qaama Lubbuu /Sprit
2. Qaamaa Foonii/Body
3. Qaamaa Sammuu/Mind

Qaamni sammuu qaama leenjifamee, qaamota keenya biroo akka to'atuuf aangeffamudha qaamni sammuu kun bakka sadiiti qoqqoodama.

1. Sammuu dhokataa /Subconscious mind
2. Sammuu hatattamaa/Critical mind
3. Sammuu dammaqaa/conscious mind

Hundi keenya kennaa garaagaraa dhuunfaa dhuunfatti nuuf kenname qabna. Addunyaa kana irraa namoonni kennaan isaanii %100 walfakkaataa ta’an hin jirani. Kanaaf ofiikee dhiistee namoota biraa fakkaachuuf yaaluun dogoggora guddaadha. Waa’ee dandeettii keetii, carraawwan jireenyakee keessatti qabduufi eenyummaa dhuunfaakee yaadi malee nama biraa fakkaachuuf hin yaaliin.

Namni kamiyyuu jireenya isaa keessatti ergama mataa isaa ni qaba. uumaan tokko tokko keenyatti dirqama adda addaa kenneera. dirqama siif kenname namni biraan hojjechuu hin danda'u. kanaaf waanti nurraa eegamu kaayyoo uumamneef adda baafnee beekuufi of taanee jiraachuudha.

Akkaataa ati ofiikee itti ilaaltu akkaata ati itti tarkaanfaattu murteessa.kanaaf dandeettiikootti nan amanaa? jedhii of gaafadhu. Humna si keessa jirutti hin amantu taanaan milkaa’ina gonfachuu hin dandeessu. Bakkuma jirtutti waanuma of harkaa qabdu fayyadamiitii waan dandeessu hojjedhu. Kaayyookee irratti xiyyeeffattee waan hojjechuu dandeessu hojjennaan kanbiraa maaltu sirraa eegamaree?

Yoom akka hojjettu, maal akka hojjettu, akkamitti akka hojjettu qajeelfama nama biraa hin eeggatiin. Waan dandeessuu hojjechuudhaaf har’a siif guyyaa addaati. Kanaaf ganamaan ka’ii deemsakee eegali. Amma yoo imala eegalte karaa dhiyeeffattee bulta waan ta’eef.

Namoonni baay’een kaayyoo ofiisaanii ni beekuu, hojjechuuf garuu tarkaanfii hin fudhatan. Haala mijataa ykn nama si gargaaruu teessee eeguu irra kaayyoo uumaamteef jiraachuuf of qopheessi.

Akka nama bidiruudhaan galaana irra naanna’uudhaan bashannanuu bakkuma tokko marsaa hin ooliin. Kaayyoo uumaamteef bakka gahuu qabdu gahuudhaaf ofiikee irratti murtoo fudhadhu. Milkaa’inni waan barbaadan argachuu osoo hin taanee imala jireenyaa eegaluudha. Milkaa’inni walitti fufinsaan daandii milkaa’inaa irra imaluudha malee bakka yaadaan gahuu qofaa miti.

Kaayyoon jireenya dhala namaa tokko namoota biroof taajajila kennuu, waan gaarii yaaduufi gargaaruudha. Viv Tolasaa Burqaa

Positive mind find opportunity in everything.

Akkaataa Namoonni Milkaa'oon
Itti Guddatan" jedhu kan Jiim Koolinsi barreesse
1. Dandeettiiwwan ijoo kee guddifadhu. Maal irratti addatti dandeettii qabda? Wantoonni ati hojjettu kan warri kaan hin dandeenye maali? Dandeettiiwwan ijoo kana guddisuu irratti xiyyeeffadhu karaa milkaa’ina gaarii irra jirtaa.

2. Mul’ata ifaa ta’e qabaadhu. Jireenya kee keessatti maal galmaan gahuu barbaadda? Kaayyoon kee maali? Mul’ata ifaa ta’e qabaachuun kaayyoo kee galmaan ga’uuf kallattii fi kaka’umsa siif kenna.

3. Itti cichi. Abjuu keetiif abdii hin kutatin. Yeroo meeqa yoo kufteyyuu carraaqqii kee itti fufi. Cichoominni milkaa’inaaf furtuudha.

4. Balaa dhufuu danda'u fudhachuuf fedhii qabaadhu. Waan gurguddaa galmaan gahuu yoo barbaadde balaa dhufuu danda'u fudhachuuf fedhii qabaachuu qabda. Naannoo mijataa hin taane keessa tarkaanfachuun waan haaraa yaaluu hin sodaatiin.

5. Barataa umurii guutuu ta'i. Addunyaan yeroo hunda jijjiiramaa waan jirtuuf yeroo hunda barachuu qabda. Kitaaba dubbisi, konfiraansii irratti hirmaadhu, akkasumas koorsii fudhadhu dursitee turuuf.

6. Namoota yaada gaarii qabaniin of marsi. Namoota waliin yeroo dabarsitu jireenya kee irratti dhiibbaa guddaa qabu. Kanaafuu namoota gaarii abjuu kee deeggaraniin of marsi.

7. Deebisii kenni. Hawaasa keetiif ykn waa'ee isaaniif dhimmaa jiraachuu keetiif karaa ittiin deebiftee kennitu barbaadi. Kana gochuu keetiif miira gaariitu sitti dhagahama akkasumas namoota biroo wajjin akka wal qunnamtuuf si gargaara.

8. Milkaa'ina kee kabaji. Yeroo galma tokko galmaan geessu yeroo fudhadhuutii milkaa'ina kee kabaji. Kunis kaka’umsa qabaachuu fi gara fuulduraatti tarkaanfachuun akka itti fuftuuf si gargaara.

9. Namoota biroo wajjin of hin madaalin. Hunduu imala mataa isaa irra jira. Kanaaf namoota biroo wajjin of hin madaalin. Kaayyoo mataa keetii fi guddina mataa keetii qofa irratti xiyyeeffadhu. Guutummaa isaa dubbisaa

Telegiramii t.me/Gorsaa_Ganamaa