Walaloon Jaalala

Karaa lamatu jira.
Wal maddii-wal bira.

Achi siqee...fagaatee,
Wal irraa gora
Damee danuu hora!

Imalaan daandiif bahu
Lama filachuun hin ta'u!
Gaafa deemsa eegalu
Dhuma dagachuun hin malu!

Sababni...

Daandiin Jaldeessaa
Dhumni qilee geessa

Diinagdee Dabalee
Walaloo erguuf 👉 @Walaloo_bot
@Walaloon_Jaalala

Sangaa bituun yoona yoonaa
Sangaa bite Abbaan Bashaanee
Kan arfaasaa camadatuu
Hin gaabbinee yoona yoonaa
Silaa fooxaa natti martaa
Silaa siiquun na marartaa

Shaamaan sun dhume yaa jigaa
Bittee daara maa nan baaftuu
Natu daare, natu aaree
Situ jaare, natu jaaree?
Jaaru maan maqaa si dha'aa?
Jiruun seedaa natti ta'aa?

Dallaa ijaarta siin jedhuu
Dhanquu keessa naqaa naqxee
Dallaa ijaara maa jedhuu
Meerre dallaan ati ijaartee?
Atoo boolla hordaa uluu
Qe'ee dhiistee gabaa dhaqxee🫣

Taliilee
Walaloo erguuf 👉 @Walaloo_bot
@Walaloon_Jaalala

Ani fi Ati

Ijaan wal argina
Qalbiin wal darbina

Qamaan - Waliin fiigaa
Yaadan - Wal diddiigaa

Irra dibaa - Soba kolfaa
Keessa keessa - Wal o'orfaa

Hin fakkannee fakkeessina
Waan hin taane odeessina
Qoraan baaqqee bobeessina
Mi'aa jechaa hadheessina

Jiruun keenya duuwwaa dhoraa
Hireen keenya adda goraa

Mee maal baasuf dhama raasna
Kottu...
Adda baanet adda baasna.

✍️YW Kaachuu
Walaloo erguuf 👉 @Walaloo_bot
@Walaloon_Jaalala

Nama anan feenee
Kan argaa koo jibbu
Nama gadda kootiif
Akka cidhaa sirbuu
Nama na hamachaa
Afaaniin na saaduu
Nama dantaasaatiif
Qofa na barbaaduu
~
Kabajaa kenneefiin
Onnee kiyya keessa
Isaaf baga jedheen
Eebbisee geggeessa!

Amena Teferi
Walaloo erguuf 👉 @Walaloo_bot
@Walaloon_Jaalala

Umrii keenya kanattuu
Wanta hedduu dabarre
Gatiin hamminaa tollaan
Dhageenyee hin agarre.

Waan facaafne haammanna
Shoggorannee, aramnee
Malee, ooyruu gadoorraa
Midhaan nyaachuu'n baramne.

Dalagaaf yaadni namaa
Gaariis haa ta’u hamaa
Murtiinsaa Rabbumaafi
Gatiinsaas abbumaafi.

Eelessinu in eelofna
Qaanessinu in qaanofna,
Beelessinu in beelofna
Yaanessinu in yaanofna.

Gammachiifnu in gammanna
Mufachiifnu in mufanna,
Tola oollu nuuf tola
Gufachiifnu in gufanna.

“Nan miliqa” hin jedhin
Siif tollaan nama miitee
Kaaniif bari’uu beeki
Gaaf tokko sitti dhiitee.

Gaafas bu’aa kaleessaan
Qilee hin baane buuta
Haada namaaf fannifteen
Deebiteemmoo of huuta
Waan kennite fudhatta
Akka ajjeeftetti duuta.

Gatiin Sanbataa, Gindoo
Gatiin Roobii, Jimaata
Hojiinkee si nyaachisa
Yookaanimmoo si-nyaata.

Kanaafuu...
Kan harkakee siif taa’a
Sin hanqatuu homaatuu
Baayyee gad hin fageessin
Boolla namaaf gomaatu!

©️ Riyaad Raayyaa
Walaloo erguuf 👉 @Walaloo_bot
@Walaloon_Jaalala

Hin qaanoftuu garuu
Hangana yoo turtu
Na'eegallee jettee
Xiqquma hin jarjartuu

Karra seensa keetii
Waggaa ji'aan diigaa
Har'a dhufta jedhee
Inuman si eega

Silaa dhufaa hin jirtuu,...
Hafuu kee naan himtuu?!

Keenboob Rattaa
Walaloo erguuf 👉 @Walaloo_bot
@Walaloon_Jaalala

• BORU AKKA HIN GAABBINE

Abdiin jira bor guddatee firii kenna
Har'a garuu hin guddattu ittiin jenna
Inni beeka ka'umsasaa
Tolfateera ga'umsasaa

Nuti garuu biqiltucha gad cabsina
Firii hin laattuu oduu gaddaa itti labsina
Hin guddattu gogdee badda
Bu'aa maaltu sirraa madda

Habaaboo guddachaa jiru
Wal gargaarree daboon ciruu
Hamma hongeen sitti dhufa
Jirmi kees dadhabee kufa

Akkas jennee gogsuuf yaalla
Akka ta'uu qabuun faallaa
Kunuunsuu akka qabnu haalla
Gogsuudhaaf karaa ilaalla

Garuu inni hundee cimaa
Akka qabu hundatti hima
Jecha keenyaaf bakka hin laatu
Kuufatee qaba waan nyaatu

lnni garuu of hin shakku
Akka kennu bu'aa lakkuu
Albuuda gaarii yaabbatee
Hundeensaa cimee dhaabbate

Hongee dhufus damdamachaa
Boru laachuuf firii dachaa
Qophii hundaa xumureera
Dagaaguuf garaa mureera

Kanaaf nuti 
Kan haamilee gad cabsine
Badii irratti labsinee
Gaabbii boru nu eeggatu
Namni hunduu haa beekkatu

Kunuunsinee guddisuudhaaf
Aramaa irraa buqqisuudhaaf
Dirqamni utuu nurra jiruu
Isa jigii yaane ciruu

Bor gaabbiidhaan quba nyaachaa
Firii habaabichaa baachaa
Yeroo jiraannu lafarra
Hammeenya keenya safarra

Kanaaf 
Bor gaabbiin akka nu hin waadne
Kunuunsuudhaaf har'a yaadnee
Haamileedhaan haa guddisnu
Aramaa irraa haa buqqisnu
₩₩₩₩₩₩₩₩₩₩₩₩

Martinaan Siraataatiin
Walaloo erguuf 👉 @Walaloo_bot
@Walaloon_Jaalala

#Achi
Achi kan guute
Wal geettin tuute

Ejersa urgaa'u
Qurquraa mi'aa'u

Galma Afaan Irreecha
Harka mirgi meedhecha

Booka ulaan Ettecha
Biluuf bulaan Dullacha

Ciibsan cincaa
Mijuun Waancaa

Guduruu Uumoo
Cicha Huummoo

Seenxoo mudhii baataa
Mudhii Seenxoo nyaataa

Dachee akka lamaa
Dachee akka namaa

Kan qotanii facaafatan
Kan qotanii hobbaafatan

Nyaattee bor soortuu
Nyaattee bor hortuu

Kan dhageechu
Kan dandeechu

Achi kan guute Coqorsa
Dil'uu buusaan Goromsa

Achi dhaquuniyyuu👇
Akka lamaan miti! akka tokko
Bojaa Sirnaa, didaa cokoo

Hin sileessu yoo jette
Hin mi'eessu yoo jette

Gogoraa jalaa buufattee
Labbaasa dirratti uffattee

Sirnaan sirba caaltee
Bobbaastuyyuu daartee

Arraba kee liqimsitee
Sakkaba kee dhidhimsitee

Lama yoo hin dagatin
Lama yoo hin kakatin

Tokko, Habaabilee durba keetii yoo jedhatte
Lama, Habaabilee duuba keetii yoo kadhatte

Cabsii Taliilaa
Walaloo erguuf 👉 @Walaloo_bot
@Walaloon_Jaalala

Chaanaala Miseensa 10k ol qabu namni gurguruu barbaabaadu @Walaloo_bot irratti nu dubbisaa

Baga Geessan!

FANNOO IRRATTI!

Dirrakee urate keessaan
Coccobuu dhiigakee ilaalee
Wargama keettan gatee
Sossodaachaa deemuu kalee
Gollikoo seenaa hin beeku
Seenaa golgootaa malee

Eyyee..
Yeessoon golgoota oole
Golgaa golaa godhee galee
Kanaaf jechi nan geenye
Uffee... yoon jedhe malee

Yeessoo!!!..
Utuu si dhukkubuu
Obsitee rukkuttaa gaafichaa
Cobdee dafqa xuruurte
Dirqama waamichaa
Tulluuti hollachaa ijaarte
Olfageenyi gaarichaa
Gindiiti gangalchite
Ulfaatinni jirmichaa

Waaqaaf lafa gidduudhaa
Xumuruunkee dhimmicha
Utuu si ta'uu baatee
Maaltu mo'aa lolicha!
Ulfaadhu tokkichakoo
Ati dhuguma mooticha

  TOKKICHA KOO....
Gaarummaa keen daddarbaakoo
Qajeelummaatti jijjiirtee
Afaan du'aarraa na buufte
Alaanfataasaa miccirtee
Barbaraan akkan jiraadhuuf
Seerrata dachee jijjiirtee

Naaf baattee godaannisa
Dirmammooftee dhiiga roobdee
Harka garaa laafu dhabdee
Bakkakoo boossee gadooddee

Akkamittan dagadha oolmaakee
Tulluu lafee mataa kaleessaa
Siidaa dhugaa ijaarrattee
Jiraatta malee na keessa

Hireekoo hiraarfamtee
Daddarbamaa orma tarree
Tokkicha naaf of wareege
Fakkaataa keen agarre

Abba keetti gaafa iyyattu
Nuffitee alangaa reebichaa
Qoonqoo kee gogaarratti
Si unachiisan eebicha

Anaaf taate kana mara
Na oolchuuf dararamte
Daddarbamaa tulluu golgootaa
Bitaaf mirgaan kabalamtee
Sababbii kee lubbuun kan koo
Tolootatti dabalamte

Oolmaakee maal siif laadheen
Dadhabbii kee ofirraa baasaa?!
Qumbii galatakoo buqqiseen
Kuusaa ililleekoo
Jilbakeetti dhagalaasaa.

TOKKICHA KOO....🙏🙏

#Abay...✍
Walaloo erguuf 👉 @Walaloo_bot
@Walaloon_Jaalala

Namootni chaanaala miseensa 3k o qabda beeksisa waloo (wave) keessa galuu barbaaddan @Walaloo_bot irratti nu dubbisaa

Jabaannan jabaa koo
Itti cabsi yaa Waaqoo

Addunyaan laaqii hin feetu
Atis kanniisa keessi keetuu

Garamitti deemuutu bitaacha?
Beeki lukkuunuu allaachaa

Tolee koo jabaannan
Atis jabaadhu
Dhoqqee minii
Waanjooyyuu baadhu

Biyya lafaa kanarratti
Oddoo tamboo
Qarruus taatu akka
Bishaan Amboo

Namuu sin amanu
Siin ulmaa bahu
Namuu sitti hin aanu
Siin ilmaa gahu

Namuu sin jaallatu
Lubbuun si xaphatu
Namuu sin gaafatu
Bunaan si alaanfatu
Barruu harka keerraa
Nyaachaa si waakkatu

Kanaafuu mee yaa Baatuu
Eenyu abbaa isaatiree
Kan si caalaa si fakkaatu

✍️ Diinaa'ol Mul'ataa
Walaloo erguuf 👉 @Walaloo_bot
@Walaloon_Jaalala

Jigiirratti Badhaasoo
Bona keecha Iyyoolee
Figiirratti Laaffisoo
Ona keecha Ishkoolee

Arrabarra Finniisa
Dubbiidha Aboottata
Dammarratti Tisiisa
Furriitti Hamoommata

Ilmoo dura Obbaatii
Nooruu Sanyoo baratte
Muchaaf dura Owwaatti
Ribbii Baakkuu Fudhatte

Cabsii Taliilaa
Walaloo erguuf 👉 @Walaloo_bot
@Walaloon_Jaalala

Onneen osoo dubbaatee
Afaan immoo cal jedhee
Alaan haguugee
Keessaan si ibsuu fedhee

Afaan koo

Afaanin si ibsuu dadhabee
Keessoo hoo akkasumaa?
Gaaf gaafii cal jedhee
Imimmaan koo qofat dhumaa

Dirra dachee kana
Homtu kan si ibsun jiruu
Lubbuun osoo siif bahee
Galata keen jijjiiruu

Eegaa

Jechi si ibsun jiruu
Hundumtisaa hoofaa
Galata kee kan deebsiuu
Rabbii guddatte qofaa

@Jamaalrashiid
Walaloo erguuf 👉 @Walaloo_bot
@Walaloon_Jaalala