Ahmed Habib Alzarkawi

ይህ አሜሪካዊ ስሙ ኢሳያስ ማቴዎስ ይባላል።
አሜሪካን አይዶል ላይ ቀርቦ እንዲህ አለ...

"ልጅ እያለሁ እንደንማኛውም ልጅ ብዙ ምኞትና ተስፋ ነበረኝ። አድጌ፣ ተመርቄ፣ ስራ ይዠ፣ ሚስት አግብቸ፣ ልጆችን ወልጀ፣ በቤተክርስቲያን በዘማሪነት እያገለገልኩ በደስታና በስኬት የመኖር ትልቅ ህልምና ተስፋ ነበረኝ። ነገር ግን ከዚህ ሁሉ አንዱም አልተሳካልኝም። ምክንያቱም 18 ዓመት ሲሆነኝ በአንድ በተረገመች ዕለት ምንም በማላውቀው ጉዳይ ፖሊሶች በዘረፋ ተጠርጥረሀል አሉና ያዙኝ። ኧረ ንፁህ ነኝ ብልም የሚሰማኝ ጠፋና ተዘርፈዋል የተባሉት ሰዎች ይመስላል ስላሉ ብቻ የእድሜ ልክ እስራት ተፈረደብኝ። ያለ ጠያቂ ለ54 ዓመታት በአንድ ክፍል ውስጥ ተቆለፈብኝ።

መጀመሪያ አካባቢ ተስፋ ቆረጥኩ። ቆየት ብዬ ግን ይህ ነገር የእግዚአብሔር አላማ ይሆናል ብዬ በፀጋ መቀበል ጀመርኩ። ከዚያም ያለ አጃቢ ባንድ፣ ያለ ምንም ሙዚቃ መሳሪያ፣ በባዶ ክፍል ውስጥ በየቀኑ እግዚአብሔርን በመዝሙር ማመስገን ጀመርኩ። ብዙ አመታት ያለምንም ለውጥ ነጎዱ...

ከ54 ዓመታት በኃላ መዝገቤን በአጋጣሚ ሲያየው አላግባብ እንደተፈረደብኝ የተገነዘበ አንድ ወጣት የህግ ባለሙያ ወደእኔ መጣና ጉዳዬ እንደገና እንዲታይ(Judicial review) ሊያደርግ እንደሆነ ነገረኝ። ተስፋ ባላደርግበትም ይቅናህ አልኩት። በአጭር ጊዜ ውስጥ ጉዳዩን እንደገና አሳይቶ በ72 ዓመቴ በነፃ እንድለቀቅ አደረገኝ።
ስወጣ ግን ምንም ነገር አላገኘሁም። ቢሆንም እግዚአብሔር ይመስገን እዚያ እያለሁ በነፃነት በመኖራቸው እቀናባቸው የነበሩት ብዙዎች በህይወት የሉም። እኔ ግን ዛሬ ላይ ንፁህ አየር እየተነፈስኩ የማለዳ ፀሀይ በነፃነት እየሞቅኩ በህይወት አለሁ። በህይወት መኖር ብቻ ሳይሆን አንድ ቀን በህዝብ ፊት እዘምራለሁ ብዬ ስመኘው የኖርኩት ምኞቴ እውን ሆኖልኝ ይሄው በእናንተ ፊት ቆሜ እግዚአብሔርን ላመሰግን ስለሆነ ደስተኛ ነኝ" አለና በለስላሳ ድምፁ....
"በሀሰት በከሰሱኝ ጊዜ፣ የሚሰማኝ አጥቸ በተፈረደብኝ ጊዜ፣ ከ50 ዓመታት በላይ ያለበቂ ምግብና ልብስ፣ ያለጠያቂ ወገን በአንድ ክፍል ውስጥ በተዘጋብኝ ጊዜ፣ አለም ሁሉ በረሳኝ ጊዜ፣ አበቃልኝ ብዬ ተስፋ ቆርጨ ቀኑም ሌቱም በጨለመብኝ ጊዜ ከጎኔ ያልተለየኸው አባቴና አምላኬ እግዚአብሔር ሆይ ከልቤ አመሰግንሀለሁ!" እያለ በእንባ ታጅቦ መዝሙሩን ያንቆረቁረው ጀመር።
ይህኔ ከአወዳዳሪዎች እስከመድረክ አስተናባሪዎች፣ ከታዳሚዎች እስከጥበቃዎች አዳራሹ በሙሉ በለቅሶ ተናጋ።

መልካም ጊዜ!
©ከሀቅ እና ድንቅ ገጽ የተወሰደ

የቀልድ አስመስሎ የምር ሚስት ያገባው ሰው በመጨረሻም ትዳሩ ፈረሰ

ግለሰቡ አዲስ ተጋቢዎች መስለን ቪዲዮ እንስራ በሚል ያሳመናትን ሴት የምር አግብቷል

አታሎኛል ያለችው ሚስትም ረጅም ጊዜ በፈጀ ክርክር ትዳሩ እንዲፈርስ አስደርጋለች

በአውስትራሊያ ይኖራሉ የተባሉት ሰዎች በማህበራዊ ትስስር ገጾች አማካኝነት ነበር ትውውቀቸው የጀመረው፡፡

በሜልቦርን እና ሲድኒ ከተሞች የሚኖሩት እነዚህ ሰዎች ቀስ በቀስ ወዳጅነታቸውን ወደ ፍቅር ይቀይሩታል፡፡

ወንዱ በኢንስታግራም ቪዲዮዎችን ለተከታዮቹ በማጋራት የሚታወቅ ሲሆን ለየት ያለ ነገር ማድረግ እንደሚፈልግ እቅድ ያወጣል፡፡

ለዚች ጓደኛውም የኢንስታግራም ገጽ ተከታዮቹን ለማሳደግ በሚል የተጋባን እስመስለን ቪዲዮ እንቀረጽ እና ላጋራ ሲልም ጥያቄ ያቀርብላታል፡፡

ይህን የሚያደርገውም የኢንስታግራም ተከታዮቹ እንዲያድግለት እና የተሻለ ገቢ ከመተግበሪያው ለማግኘት እንደሆነም ያሳምናታል፡፡

ጓደኛዋን ለመርዳት በሚል ቪዲዮውን ለመቀረጽ የተስማማችው ይህች ሴትም ሁነቱ የእውነት እንዲመስል የተባለችውን ሁሉ እያደረገች ትቀረጻለች፡፡

ከተወሰነ ጊዜ በኋላም ከዜግነት ጋር የተያያዘ አገልግሎት ለማግኘት ስትሞክር ግን የባሏንም ስም እንድትጠቅስ ይነገራታል፡፡

በዚህ ጊዜ ነበር ለቀልድ ተብሎ የተደረገው ዝግጅት የምር ትዳር እንደመሰረተች እና ባልም እንዳላት የተረዳችው፡፡

ባል የተባለው ጓደኛዋን ስለጉዳዩ ስታወራውም ይህን ያደረገው የአውስትራሊያ ዜግነት ለማግኘት ሲል እንደሆነ ይነግራታል፡፡

በድርጊቱ ማዘኗን የምትናገረው ይህች ሴትም ትዳሩ በህጋዊነት ስለተመዘገበ የግድ በፍርድ ቤት እንዲፈርስላት ለማመልከት መገደዷን ኦዲቲ ሴንትራል ዘግቧል፡፡

ባልየውም ለፍርድ ቤቱ ሚስቱን በህጋዊ መንገድ ማግባቱን፣ ለዚህም የእሷ እውቅና እና ፈቃደኝነት እንዳለበት ይናገራል፡፡

ባልየው ከፍርድ ቤቱ የቀረቡለትን ጋብቻው ስትፈጽሙ ለምን ቤተሰቦቻችሁ ባለበት አላደረጋችሁም፣ አብራችሁስ መኖር ለምን አልቻላችሁም የሚሉ ጥያቄዎችን መመለስ ባለመቻሉ ከረጅም ጊዜ ክርክር በኋላ ጋብቻው እንዲፈርስ ውሳኔ ተላልፏል፡፡