Development Bank of Ethiopia (DBE)

እናስተዋውቅዎ!

ውድ የኢትዮጵያ ልማት ባንክ የማህበራዊ ሚዲያ ትስስር ገጾቻችን ተከታዮች በዛሬው የእናስተዋውቅዎ ጽሑፋችን የምናስተዋውቃችሁ በምክትል ፕሬዝዳንት ኢንዱስትሪ ፋይናንሲንግ ዘርፍ በኢንዱስትሪ ክላስተር ከተቋቋሙት የደንበኞች ግንኙነት ማኔጅመንት /CRM/ 5 ክፍሎች ውስጥ አንዱ የሆነውን የፉድ ኤንድ አግሮ ፕሮሰሲንግ ዳይሬክቶሬት /Food and Agro Processing Directorate/ ይሆናል፡፡

ዳይሬክቶሬቱ ምን? ምን? ዋና ዋና ሥራዎችን ያከናውናል? የሚለውን ከክፍሉ ዳይሬክተር አቶ ለገሰ ከበደ መረጃ በመውሰድ አሰናድተንላችኋል፡፡

የክፍሉ ዋና ሥራ የደንበኞች ግንኙነት እንደመሆኑ ቀጥታ ግንኙነታቸው ከደንበኞች ጋር ሲሆን፣ ለደንበኞች ብድር ከመስጠትና ብድር ከመሰብሰብ ጋር የተገናኙ ሥራዎች ይሠራሉ፡፡ ዳይሬክቶሬቱ በዋናነት ከሚሠራቸው ሥራዎች መካከልም፡-

ኢንትግሬትድ አግሮ ፕሮሰሲንግ /integrated Agro-processing/፤ የእንስሳት መኖ፣ የወተት እና ወተት ተዋጽዖ፣ ስታርች እና ግሉኮስ ምርት፣ ፉድ ፕሮሰሲንግ /food processing/፤ ዳቦ ቤት፣ የጣፋጭ ምግብ ማምረቻዎች፣ ዘይት መጭመቂያዎች፣ ቡና እና የመሳሰሉት፣ ሊከር ኤንድ ቢቨሬጅ /liquor and beverage/፤ የታሸገ ውሃ፣ ለስላሳ መጠጦች፣ አልኮል ነክ እና ከአልኮል ነጻ የሆኑ መጠጦች ላይ የሚሠሩ ፕሮጀክቶችን የብድር አገልግሎት ይሰጣል፡፡

ደንበኞች ለብድር አገልግሎት ወደ ባንኩ ሲመጡ ሰነዶች በሚፈለገው ጥራትና ቁጥር ልክ ይዘው መቅረብ የሚገባቸው ሲሆን ያልተሟላ ሰነድ ይዞ የሚቀርብ ደንበኛ መመላለሶች ሊገጥሙት እንደሚችሉ ይጠበቃል፡፡ በመሆኑም ደንበኞች ጥናት የሚያደርግላቸውና ሰነድ የሚያደራጅ ባለሙያ ሲመርጡ ልምድና ብቃት ያለው ባለሙያ ቢያሠሩ ያለምንም ችግር አገልግሎት እንዲያገኙ ያግዛቸዋል፡፡

ደንበኞች የሚፈለግባቸውን መስፈርቶች ባንኩ በሚፈልገው የጥራት ደረጃ አሟልተው እስከመጡ ድረስ ሁሉንም እኩል የሚያስተናግድ ሲሆን ከተለያዩ ምንጮች የተዛቡ መረጃዎችን ከውጭ በመስማት እንዳይታለሉ መጠንቀቅና ተጨማሪ መረጃዎችን በባንኩ ለማግኘት ጥረት ማድረግ ይገባቸዋል፡፡

ትክክለኛ መረጃና ትክክለኛውን አሠራር ለመረዳት ወደ ባንኩ በአካል በመምጣት የሚመለከተውን አካል ማነጋገር አልያም የባንኩን ትክክለኛ የማኅበራዊ ድኅረ ገጾች ላይ ብቻ የሚለቀቁ መረጃዎችን ብቻ እንደ መረጃ ምንጭ መውሰድ ይጠበቅባቸዋል፡፡

እንደ ኢትዮጵያ ልማት ባንክ አሠራር በአንድ ሰው ብቻ የሚወሰን ውሳኔ የሌለ በመሆኑ ሁሉም ብድር ሂደቱን፣ አሠራሩና ደረጃውን ጠብቆ በሚመለከታቸው ክፍሎችና ኃላፊዎች እየታየ ውሳኔ እየተሰጠበት የሚያልፍበት ሂደትን የሚከተል በመሆኑ ደንበኞች ይህንኑ አሠራር ተከትለው ጉዳያቸውን ማስፈፀም ይጠበቅባቸዋል፡፡

ከባንካችን የሚለቀቁ ማናቸውንም መረጃዎች ለማግኘት የማህበራዊ ትስስር ገጾቻችንን እንድትከታተሉ እንጋብዛለን::
ዌብሳይት፡- www.dbe.com.et
ፌስቡክ፡- https://www.facebook.com/dbethiopia
ቴሌግራም፦ https://t.me/DBE1900
ትዊተር፡- https://twitter.com/DBE_Ethiopia
ሊንክድኢን፡- https://www.linkedin.com/in/dbe1900/
ዩቱብ:- https://www.youtube.com/@developmentbankofethiopia

የኢትዮጵያ ልማት ባንክ
የልማት አጋርዎ!

የኢትዮጵያ ልማት ባንክ በሀገራችን "ፈጣንና ቀጣይነት ያለው ሁሉን አቀፍ ለውጥ በሴቶች ተሳትፎ ይረጋገጣል!" በሚል መሪ ቃል ለ49ኛ ጊዜ የሚከበረውን ዓለም አቀፉ የሴቶች ቀን በድምቀት አከበረ፡፡

በዓሉ ዶክተር እመቤት መለሰ፣ የባንኩ ፕሬዝዳንት፣ የኢትዮጵያ የፋይናንስ ተቋማት ሠራተኞች ማኅበራት የኢንዱስትሪ ፌደሬሽን ዋና ጸሐፊ አቶ አንተነህ ግርማ፣ የባንኪንግና ፋይናንስ ም/ፕሬዝዳንት ወ/ሮ የምሥራች አለምነህ እና ሌሎችም የባንኩ ሴት ሥራ መሪዎች እና ሠራተኞች፣ እንዲሁም ተጋባዥ የባንኩ ሥራ ኃላፊዎች በታደሙበት ሰፊ መድረክ የተከበረ ሲሆን፣ ባንኩ የመጀመሪያዋን ሴት ፕሬዝዳንት መሪው አድርጎ እያሠራ ባለበት ጊዜ መከበሩ በዓሉን ልዩ አድርጎታል፡፡

በዚሁ በዓል ተገኝተው መልእክት ያስተላለፉት ዶክተር እመቤት መለሰ ‹‹ሁሉን አቀፍ ለውጥ ለማምጣት የሴቶችን ተሳታፊነት ማረጋገጥ ያስፈልጋል›› ያሉ ሲሆን ‹‹ሴቶች ወደ አመራር በመጡ ቁጥር የተቋማት ውጤታማነት እንደሚጨምር በተግባር የታየበት ወቅትም ነው›› ብለዋል፡፡

በበዓሉ ተገኝተው መልእክት ያስተላለፉት የኢትዮጵያ የፋይናንስ ተቋማት ሠራተኞች ማኅበራት የኢንዱስትሪ ፌደሬሽን ዋና ጸሐፊ አቶ አንተነህ ግርማ በበኵላቸው ሴቶች ሁሉም ቀን የሴቶች እስኪሆን ድረስ መታገልና መትጋት እንዳለባቸው ያሳሰቡ ሲሆን፣ የፋይናንስ ተቋማት የሴት አመራሮችን ቁጥር ከፍ ለማድረግ ቁርጠኝነት እንዲያሳዩ አሳስበዋል፡፡

የባንኩ የሴቶች ተወካይ ወ/ሮ ዓለም ስዩም ‹‹በዓሉን በባንካችን እያከበርን ያለነው ለመጀመሪያ ጊዜ ሴት ፕሬዝዳንት የተሾሙበት እና በተሾሙ ማግስትም በሴቶች የአመራርነት አቅም ግንባታ ላይ ሰፊ ሥራ ለመሥራት የሚያስችሉ ሥልጠናዎች በተከተታይ እየተሰጡ ባለበት ጊዜ መሆኑ በዓሉን ልዩ ያደርገዋል›› ብለዋል፡፡

በዓሉ በዓለም አቀፍ ደረጃም “For ALL women and girls: Rights. Equality. Empowerment.” በሚል መሪ ቃል ለ114ኛ እየተከበረ መሆኑ ይታወቃል፡፡

ከባንካችን የሚለቀቁ ማናቸውንም መረጃዎች ለማግኘት የማህበራዊ ትስስር ገጾቻችንን እንድትከታተሉ እንጋብዛለን::

ዌብሳይት፡- www.dbe.com.et
ፌስቡክ፡- https://www.facebook.com/dbethiopia
ቴሌግራም፦ https://t.me/DBE1900
ትዊተር፡- https://twitter.com/DBE_Ethiopia
ሊንክድኢን፡- https://www.linkedin.com/in/dbe1900/
ዩቱብ:- https://www.youtube.com/@developmentbankofethiopia

የኢትዮጵያ ልማት ባንክ
የልማት አጋርዎ!