ሰበር ዜና ET🇪🇹

በመዲናዋ በአምስት ወራት ውስጥ ከ300 በላይ ሕጻናት በተለያዩ ቦታዎች ተትተው መገኘታቸው ተገለጸ‼️
👉ሕጻናትን ወልደው በተለያዩ ቦታዎች ላይ የሚተው ወላጆች ከድርጊታቸው እንዲቆጠቡ ማሳሰቢያ ተላልፏል

ታሕሳስ 17/2017 (አሐዱ ሬዲዮ) በአዲስ አበባ ከተማ ባለፉት አምስት ወራት ውስጥ ብቻ እድሜያቸው ከ8 ዓመት በታች የሆኑ ከ300 በላይ ሕጻናት በወላጆቻቸው የተለያየ ቦታዎች ላይ ተትተው መገኘታቸውን የከተማ አስተዳደሩ ሴቶችና ሕጻናት ማህበራዊ ጉዳይ ቢሮ ገልጿል፡፡

ቢሮው የተለያዩ አካባቢዎች ላይ ሕጻናትን ወልደው የሚተው ወላጆች ከድርጊታቸው እንዲቆጠቡ ማሳሰቢያ አስተላልፏል፡፡

በወላጆቻቸው ተትተው የተገኙት ሕጻናትም፤ በክበበ ፀሀይ የሕጻናት መንከባከቢያ ማዕከል ውስጥ እንዲገቡ መደረጉንም አስታውቋል፡፡

በቢሮው የሕጻናት ደህነት መብት ማስጠበቅ ዳይሬክተር አቶ አንዷለም ታፈሰ ለአሐዱ እንደተናገሩት፤ ሕጻትን በተለያየ ቦታ በመተው እና ወላጅ አጥ ሆነው እንዲያደጉ ማድረግ በሀገር ላይ ሁለንተናዊ ተፅእኖ እያሳደረ ይገኛል፡፡

ከቅርብ ጊዜያት ወዲህ መሰል ችግሮች በመዲናዋ እየተስፋፉ መምጣታቸውን አንስተው፤ ከ3 መቶው ሕጻናት በተጨማሪ በቅርቡ አንድ መቶ አምሳ ሕጻናት ከተለያዩ አካባቢዎች ተገኝተው ወደ ማዕከሉ መቀላቀላቸውን ተናግረዋል፡፡

ወላጆች ሕጻናትን በተለያዩ ቦታዎች ለመተዋቸው ዋንኛው ምክንያት ድህነት መሆኑን የገለጹት ዳይሬክተሩ፤ መሰል ድርጊቶችን መፈጸም ከሀይማኖት እና ባህል ጋር የሚጣረስ እንዲሁም ፍጹም ከኢትዮጵያዊነት ያፈነገጠ በመሆኑ ወላጆች ከዚህ ድርጊታቸው እንዲቆጠቡ አሳስበዋል፡፡

በዚህ ማዕከል ውስጥ ሕጻናትን በመንከባከብ፣ በመጠበቅ እና በማስተማር ደረጃ በመንግሥት በኩል በርካታ ሥራዎች እየተሰሩ ስለመሆኑንም ጠቁመዋል፡፡

ኃላፊው አያይዘውም የችግሩን መስፋፋት ግንዛቤ ውስጥ በማስገባት በ3 ዓመታት ውስጥ ተጨማሪ አንድ ሺሕ የህፃናት ማቆያ ማዕከላት  እንደሚገነቡ ተናግረዋል።
#አሀዱ
======================
ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA

ከሞት በኋላ ኩላሊት እንዲለገስ የሚፈቅድ የሕግ ማዕቀፍ ለሕዝብ ተወካዮች ምክር ቤት መቅረቡ ተገለጸ‼️
👉 በኢትዮጵያ ከ400 ሺሕ በላይ የኩላሊት እጥበት የሚያስፈልጋቸው ሰዎች አሉ ተብሏል

ሰዎች ከሞቱ በኋላ ኩላሊት እንዲለግሱ የሚፈቅደው የሕግ ማዕቀፍ ሀሳቡ ከዓመታት በፊት በረቂቅ ደረጃ የተዘጋጀ ሲሆን፤ በቅርቡ ለሕዝብ ተወካዮች ምክር ቤት እንዲጸድቅ መቅረቡን የኩላሊት ሕመምተኞች እጥበት በጎ አድራጎት ድርጅት አስታውቋል።

ሰው በሕይወት እያለ ወዶና ፈቅዶ በመስማማት ሕይወቱ ካለፈ በኋላ ኩላሊቱ እንዲወሰድ የሚፈቅደው የሕግ ማዕቀፍ ለብዙ ጊዜ ይፀድቃል፤ በሚል ሲጠበቅ እንደነበረ የገለጹት የድርጅቱ ዋና ሥራ አስኪያጅ ዶ/ር ሰሎሞን አሰፋ፤ በቅርቡ በሕዝብ ተወካዮች ምክር ቤት ይፀድቃል ተብሎ እንደሚጠበቅ ለአሐዱ ተናግረዋል።

ዋና ሥራ አስኪያጁ አክለውም ኢትዮጵያ ውስጥ የታማሚዎች ትልቁ ችግር ኩላሊት ማጣት እንደሆነ የገለጹ ሲሆን፤ "አንዳንዱ ጭራሹንም የሚሰጠው ሰው የለም፡፡ ሌላኛው ደግሞ ኩላሊት የሚሰጠው አግኝቶ ግን በምርመራ አይመሳሰልም፣ በተጨማሪም ሕመምተኛ ሁኖ ከቤተሰቡ መውሰድ የማይፈልግ ስላለ የኩላሊት ንቅለ ተከላን ለማድረግ አዳጋች ነው" ብለዋል።

"ለዚህ ሁሉ መፍትሄ ይሆናል ብለን የምናስበውን ሕይወቱ ካለፈ ሰው የሚደረገው የኩላሊት ንቅለ ተከላ ላይ ጠንከር ያለ ሥራን ለመስራት እያሰብን ነው" ሲሉም ገልጸዋል።

በተጨማሪም በሀገሪቱ ከሚገኙ የኩላሊት ህመምተኞች መካከል ከ400 ሺህ በላይ የሚሆኑት የኩላሊት እጥበት የሚያስፈልጋቸው እንደሆኑ  ዋና ሥራ አስኪያጁ ዶ/ር ሰሎሞን አሰፋ ለአሐዱ ገልጸዋል።

ከነዚህ ውስጥ በሳምንት ከ30 እስከ 45 ሺሕ ብር በመክፈል የኩላሊት እጥበት በማድረግ ሕይወታቸውን ለማቆየት ሲታገሉ አንዳንዶቹ ደግሞ፤ በገንዘብ እጥረት ምክንያት በሳምንት ሦስት ጊዜ ማድረግ ያለባቸውን እጥበት አንድ ጊዜ ብቻ በማድረግ ላይ ይገኛሉ ሲሉም ተናግረዋል።

በኢትዮጵያ ለኩላሊት ሕመምተኞች ፈታኙ ነገር የገንዘብ እጥረት እንደሆነ የገለጹም ሲሆን፤ ግብአቶች ከውጩ የሚመጡ በመሆናቸው በተለይም ከማክሮ ኢኮኖሚው ማሻሻያው በኋላ ሕመምተኛው በከፍተኛ ችግር ውስጥ እንደሚገኝ አክለዋል።

በአዲስ አበባ ቅዱስ ጳውሎስ፣ ዳግማዊ ምኒሊክና ዘውዲቱ ሆስፒታል ብቻ የሚሰጠውን ነፃ የኩላሊት እጥበት አገልግሎት በመዲናዋና ላይ የማስፋፋት ሌሎች ከተሞች ላይ ደግሞ የማስጀመር ሥራ እየተሰራ እንደሚገኝም ዋና ሥራ አስኪያጁ ለአሐዱ አሳውቀዋል።

እድሜው ከ40 ዓመት በላይ የሆነ ማንኛውም ሰው ቢያንስ በዓመት አንድ ጊዜ ከ40 ዓመት በታች የሆነ ደግሞ፤ በዓመት ሁለት ጊዜ የኩላሊት ምርመራ እንዲያደርግም አሳስበዋል፡፡

በተጨማሪም በኢትዮጵያ ውስጥ ለኩላሊት መድከም 60 በመቶ የሚሆነው የስኳርና ደም ግፊት ሕመም በመሆኑ በዚህ ሕመም የተጠቁ ሰዎች በሙሉ ቢያንስ በየዓመቱ እንዲመረመሩና መድኃኒታቸውን በአግባቡ እንዲከታተሉ እንዲሁም፤ በሀኪማቸው የሚሰጣቸውን ምክር ተግባራዊ ማድረግ እንዳለባቸው አጽንኦት ሰጥተዋል።
#አሀዱ
======================
ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA

ለባለይዞታዎች‼️
የአዲስ አበባ ከተማ አስተዳደር የመሬት ይዞታ ምዝገባና መረጃ ኤጀንሲ ለ8ኛ ጊዜ የመሬት ይዞታ ማረጋገጥ እና ምዝገባ ስራ ሊያከናውን ነው ‼️
👉የይዞታ ማረጋገጫ ከታህሳስ 10-ሚያዚያ 15 ይከናወናል ብሏል።
የኤጀንሲው ዋና ዳይሬክተር አቶ ግፋ ወሰን ደሲሳ ዛሬ ለጋዜጠኞች በሰጡት መግለጫ እንዳስታወቁት ኤጀንሲው ይዞታ ማረጋገጥና ምዝገባ ከጀመረበት 2007 በጀት ዓመት ጀምሮ እስከ 2016  በጀት ዓመት ድረስ 7 ጊዜ የይዞታ ማረጋገጥ እወጃ በማካሄድ በ 337 ቀጠናዎች ላይ የማረጋገጥ ስራ ማከናወኑን ተናግረዋል  ፡፡

በዚህ መሰረት በያዝነዉ በጀት  አመት  ለመጨረሻ ጊዜ  ለስምንተኛ ዙር  ቀሪ  በአዲስ አበባ ከተማ አስተዳደር ስር ያሉትን ያልተረጋገጡ  136 ቀጠናዎች   የሚገኙ ቁራሽ መሬቶችን   አረጋግጦ ለመመዝገብ  ዝግጅቱን  በማጠናቀቅ  ዛሬ ታህሳስ 10/4/2017 ዓ.ም እወጃ ማካሄዱን ገልፀዋል ፡፡

የይዞታ ማረጋገጡ ስራ በተመረጡ ስድስት  ክፍለ ከተሞች ማለትም የካ ክፍለ ከተማ( በወረዳ  ወረዳ1፤2፤ 3፤9፤10፤11፤12  በ 25 ቀጠናዎች   በለሚ ኩራ በወረዳ 2፣3፤4፤5፤6፤9፤10፣ 13 እና 14 በ 44 ቀጠናዎች፤ አቃቂ ቃሊቲ  ክፍለ ከተማ  ወረዳ 1፣2፣3፣4፤6፣ 9፣13   በ 19 ቀጠናዎች ንፋስ ስልክ ላፍቶ በወረዳ 6 ፣7፣8፤9፤10፣11፣14 የሚገኙ  በ 22 ቀጠናዎች  ቦሌ በ ወረዳ 11፡12፤13  በ 15 ቀጠናዎች   ኮልፌ ቀራኒዮ  በወረዳ 3፤11   በ 11 ቀጠናዎች አጠቃላይ  በ 136 ቀጠናዎች (በ 467 ሰፈሮች)  ያልተረጋገጡ ይዞታዎችን የማረጋገጡ ስራ  በስልታዊ ዘዴ / በመደዳ /  የማረጋገጥ ስራ የሚከናወን  ሲሆን ስራውም ከ ታህሳስ 10/04/2017 ዓ.ም ጀምሮ ባሉት ተከታታይ አምስት ወራት ውስጥ እስከ  ሚያዝያ 15 2017 ዓ.ም የሚቆይ ሲሆን ሙሉ ወጪውም በመንግስት እንደሚሸፈን ተናግረዋል፡፡
ኤጀንሲው አረጋግጦ ላልመዘገበው ይዞታ ምንም ዓይነት ህጋዊ ዋስትናና ከለላ የማይሰጥ መሆኑን የተናገሩት ዋና ዳይሬክተሩ ባለይዞታዎች ከታህሳስ 20/ 2017 ዓ.ም ጀምሮ ባሉት ተከታታይ 10 የስራ ቀናት በክፍለ ከተማ ቅርንጫፍ ጽ/ቤት አስፈላጊውን መረጃ ይዘው የይዞታ ይረጋገጥልኝ ማመልከቻ እንድታቀርቡ በድጋሜ አሳስበዋል፡፡

ኤጀንሲው የይዞታ ማረጋገጥና ምዝገባ ከጀመረበት 2007 በጀት ዓመት ጀምሮ እስከ 2016 በጀት ዓመት ድረስ 7 ጊዜ የይዞታ ማረጋገጥ እወጃ በማካሄድ በ337 ቀጠናዎች ላይ የማረጋገጥ ሥራ ተካሂዷል፡፡ በዚህም በቁራሽ መሬት 219 ሺ 722፣ በጋራ መኖሪያ ቤት 173 ሺ 136 በመብት 400 ሺ 84 ይዞታዎች ላይ የይዞታ ማረጋገጥ ሥራ በመስራት የአዲስ አበባን ከጠቅላላው የቆዳ ስፋት 54% መሸፈኑ ይታወቃል፡፡
======================
ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA

ደባርቅ ዩኒቨርስቲ‼️
በአማራ ክልል የደባርቅ ዩኒቨርስቲ ተማሪዎች ትናንት  ጀምሮ በካፍቴሪያ የቀረበልን ምግብ ተበላሽቶ ተማሪዎች ተቃውሞ ቢያሰሙም የፀጥታ አካላት ገብተው በርካታ ተማሪዎችን ደብድበዋል፣ ተኩስም ነበር ብለዋል።
አሁን ላይ ወደውጪም መውጣት አይቻልም፣ ትናንት ጀምሮ ምግብ አልበላንም የሚመለከተው አካል መፍትሔ ይስጠን ሲሉ ጥቆማቸውን ለአዩዘሀበሻ አድርሰዋል።
ትምህርት ሚኒስቴር ለሁሉም ዩኒቨርስቲ ተማሪዎች ተመሳሳይ የሆነ የምግብ ሜኑ ዝርዝር ማድረጉ ይታወሳል።
======================
@ET_SEBER_ZENA

ባባ ቫንጋ በቀጣዩ የፈረንጆች አመት 2025 ምን ይከሰታል ብለው ተነበዩ?
ታዋቂዋ የቡልጋሪያ ጠንቋይ "ሶሪያ በአሸናፊዎች እጅ ትገባለች፤ በምስራቁ ምዕራባውያንን የሚያጠፋ ሶስተኛው የአለም ጦርነት ይጀመራል" ብለዋል‼️
ከ28 አመት በፊት ህይወታቸው ያለፈው ባባ ቫንጋ እስከ 2030 ድረስ አለማችን የምታስተናግዳቸውን አበይት ክስተቶች ተንብየዋል
ቫንገሊያ ፓንዴቫ ጉሽቴሮቫ ወይም በተለምዶ ባባ ቫንጋ እየተባሉ የሚጠሩት ቡልጋሪያዊት ጠንቋይ አዲስ አመት ሲቃረብ የመገናኛ ብዙሃንን ትኩረት ይስባሉ።
አይነስውሯ ባባ ቫንጋ በ85 አመታቸው በፈረንጆቹ 1996 ህይወታቸው ቢያልፍም እስከ 2030 አለማችን የምታስተናግዳቸውን አበይት ክስተት ተንብየዋልና አሁንም ድረስ ይነሳሉ።
በ12 አመታቸው የአይን ብርሃናቸው ካጡ በኋላ የወደፊቱን የመተንበይ ብቃት እንዳዳበሩ የሚናገሩት ባባ ቫንጋ የመስከረም 11ዱን የኒውዮርክ መንትያ ህንጻዎች ጥቃት፤ የሶቪየት ህብረት መፈራረስና ካንሰር የተባለ በሽታ ቀጣይ ስጋትነትን አስቀድመው ተንብየዋል።
ከ16 ቀናት በኋላ በሚገባው 2025ም በአለማችን የሚከሰቱ ዋና ዋና ጉዳዮችን ከህልፈታቸው በፊት ተንብየዋል ብሏል ዴይሊ ታር በዘገባው።
የአውሮፓ ጥፋት
ባባ ቫንጋ የፈረንጆቹ 2025 ምዕራባውያንን ክፉኛ የሚጎዳ አስከፊ ጦርነት የሚከሰትበት መሆኑን ተንብየዋል። በሶሪያ ጉዳይ አስቀድመው ተናገሩት የተባለውም የቡልጋሪያዊቷን እንስት የመተንበይ ችሎታ በጉልህ አሳይቷል። "ሶሪያ በመጨረሻ በአሸናፊዎች እጅ ትወድቃለች፤ አሸናፊው ግን አንድ አይሆንም" ያሉት ባባ ቫንጋ፥ "በምስራቁ ምዕራባውያንን የሚያጠፋ ሶስተኛ የአለም ጦርነት ይጀመራል" ሲሉ ተንብየዋል።
ከዮፎ ጋር ግንኙነት
ባባ ቫንጋ "በ2025 የሰው ልጆች ምንነታቸው ከማይታወቁ በራሪዎች (ዮፎ) ጋር ግንኙነት ይጀምራሉ፤ ይህም ምናልባትም አለማቀፍ ቀውስ ያስከትላል" ይላሉ።
የአሜሪካዋ ኒው ጀርሲ ከአንድ ወር በላይ ዩፎ ይሁኑ ድሮኖች እስካሁን በውል ያልተለዩ በረሪ አካላት በሰማይ እያንዣበቡባት ነው።
ዶናልድ ትራምፕ በምርጫ ቅስቀሳቸው ካሸነፉ የአሜሪካ መንግስት በዩፎዎች ዙሪያ ያለውን ዝርዝር መረጃ ይፋ እንደሚያደርጉ ቃል መግባታቸው ይታወሳል። የትራምፕ መመረጥም የባባ ቫንጋ ትንበያ እውን ሊሆን እንደሚችል አመላካች ነው ተብሏል።
#Alain #Vanga
=====================
ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA