Etv Afaan Oromoo

Pirezidaantiin Mootummaa Naannoo Oromiyaa Obbo Shimallis Abdiisaa Misooma ruuzii godina Bunnoo Beddellee daawwatan
*

Obbo Shimallis Abdiisaa fi hoggantoonni olaanoon naannichaa godina Buunnoo Beddellee Aanaa Booraatti misooma ruuzii kilaastaaa daawwatan.

Bara kana naannoo Oromiyaatti ruuziin heektaara miliyoona 1.5 ol irratti oomishamaa jiraachuu obbo Shimallis Abdiisaa himaniiru.

Ruuzii kilaastaraan oomishamaa jiru kanarraa oomishni kuntaala miliyoona 63 ol akka eegamu kan ibsan sadarkaa pirezidaantii itti aanaatti qindeessaan kilaastara baadiyyaa Addisuu Araggaa dubbataniiru.

Hojii guddina baadiyyaa fi magaalaa walitti hidhuuf hojjatameen naannichatti qonnaan bultoonni fi dargaggoonni kuma 3 ol gara investimantiitti ceesifamuu kan himan immoo sadarkaa pirezidaantii itti aanaatti qindeessaa kilaastara magaalaa obbo Masfin Malaakuuti.

Godinicha keessatti kan argamu ijaarsi hidha jallisii Arjoo -Dhidheessaas daawwatameera.

Muzayyan Maammaatu gabaase

Pirezidaantiin MNO obbo shimallis Abdiisaa fi hoggantoonni naannichaa olaanoon godina Iluu Abbaaboor, Aanaa haluutti hojiiwwan misoomaa gara garaa daawwataniiru.

Aanichatti hojii misooma kilaastara baala shaayiitiin cinaatti caaseffama gandaa haaraan kan gurmaa'e ganda Abiyyuu Kidaanamiratiis daawwataniiru.

Pirezidaantiin mootummaa naannoo Oromiyaa obbo Shimallis Abdiisaa daawwannaa kanaan gurmaa'iinsi gandaa haaraan rakkoo ummataa itti dhiheenyaan furuu fi ummata rakkoo keessaa baasuudhaaf ta'uu dubbataniiru.

Hojiin misooma baala shaayii, bunaa, dammaa, Avokaadoo fi inisheetiviiwwan biroo eegalaman cimanii itti fufuu akka qabanis dhaamaniiru.

Kana milkeessuudhaaf hoggansi gandaa ramadame karooraan hogganamuu akka qabus hubachiisaniiru.

Muzayyan Maammaatu gabaase

Chaanaaliin ETV Afaan Oromoo eebbifame
********************
Tamsaasa yaalii adeemsisaa kan ture Caanaaliin ETV Afaan Oromoo hara’a eebbifame.

Chaanaalicha kan eebbisan Hogganaa Olaanaa EBC Obbe Geetinnat Taaddasaa, Waajjira Muummee Minisiraattii Qinedeessaa sirna dimookiraasii Doktar Biqilaa Hurrisaa, Hogganaa Olaanaa Aabbaa Taayitaa Biroodkaastii Itiyoophiyaa Obbo Mahaammad Idirisi fi keessummoota kabajaa birooti.

Chaanaaliich sochiiwwn aadaa, diinagdee, hawaasumma, siyaasa naannoo Oromiyaa keessa jiran kan daawwattoota biraan gahuudha.