NiSiR Int. Broadcasting Co. (Official Telegram Channel)

“ፕሮፓጋንዳ የመውጫ መንገዴ ነው” አገዛዙ
፨፨፨፨፨፨፨፨፨፨፨፨፨፨፨፨፨፨፨፨፨፨፨፨

ከ8 በላይ የሆኑ አመራርና አባላቱ የፋኖና የሸኔ ሀይሎችን የተቀላቀሉበት አገዛዝ በዛሬው ዕለት የመከላከያ  ስነልቦና ግንባታ ዋና ዳይሬክቶሬት የፕሮፓጋንዳ ወታደሮቹን አሰልጥኖ ማስመረቁን ገለፀ።

በብልፅግና ቅልብ ጄኔራሎች የጦርነት አመራር በወገን ላይ ዘምቶ ህዝብ እየጨፈጨፈ ከህዝብ ልብ ውስጥ የወጣው ሰራዊት የመሪዎችን ህልውና ለማስጠበቅና ስርዓቱን ለማስቀጠል የሚያከናውነው ተግባር በፕሮፖጋንዳ ለማስደገፍ የሚተጉ አፈቀላጤ አመራርና አባላት ናቸው በሚዲያ ሙያተኝነት ስም መሰልጠናቸውን ከኢትዮጵያ ወታደራዊ አካዳሚ ለኢትዮ 251 ሚዲያ መረጃውን አድርሰውናል።
  
የሰራዊቱን ልፋትና ድካም ለራሳቸው ሀብት መሰብሰቢያ ያደረጉት የወቅቱ የብልፅግና ጄኔራሎች በተለይ በትግራይ ፣ በአማራ ፣ በኦሮሚያ  ፣ በአፋር ፣ በሶማሌ በደቡብ እና ደቡብ ምዕራብ ኢትዮጵያ እንዲሁም በሲዳማና በጋምቤላ ክልሎች ያሉ ነባራዊ የእርስ በርስ ግጭቶችን በሌላ መልኩ ቀመዘገብና በመደበቅ እየሰሩ የቀጠሉ ሲሆኑ ከመንግሥት ኮሙኒኬሽን ፅ/ቤት እና ከመከላከያ የክብር አባላት እንዲሁም ብዙ ተከታይ ካላቸው ተከፋይ ቲክቶከሮችና ዩቲዩበሮች ጋር ወቅታዊ አጀንዳ እየተሰጣቸው በመናበብ የሚሰሩ መሆናቸውም ለኢትዮ 251 ሚዲያ ተጠቁሟል።

የሠራዊታችንን ሰነ ልቦና በውጊያም ሆነ ከውጊያ በኃላ የሚገነቡ ወታደራዊ ጋዜጠኞችን አሰልጥኜ አስመረቅሁ የሚለው በመከላከያ ሚዲያ ከከፍተኛ መኮንን እስከ መሰረታዊ ወታደር ድረስ ባለው የማዕረግ እርከን በመከላከያ ቴሌቪዥን ፣ ሬዲዬ ፣ ጋዜጣና ኦንላይን ክፍሎች የነበሩ ከ8 በላይ የሚሆኑ ወታደር ጋዜጠኞች ክፍሉ ላይ ባለው ጫና ምክንያት የፋኖ እና የኦነግ ሸኔ ሀይሎችን በተቀላቀሉቀት ወቅት ነው።
 
ከቅርብ ጊዜያት ወዲህ በተቋሙ የሚታወቁ ጋዜጠኞች ሳይቀር ወደ ፋኖ እና ሸኔ ሀይሎች እንዲሁም ወደየክልላቸው እየኮበለሉ ያሉበት የመከላከያ ሰራዊት ስነልቦና ግንባታ ዋና ዳይሬክቶሬት ከክፍሉ መሪ  ከሜጀር ጄነራል እንዳልካቸው ወልደ ኪዳን ጀምሮ ያለው በቤተሰባዊ ትስስር ዝውውርና ምደባ እየተደረገ በመሆኑና የጥቅም ቁርኝት ያለበት መሆኑ በዋናነት እንደሚጠቀስ የመከላከያ የመረጃ ምንጮችን ጠቅሶ ኢትዮ 251 ዘግቧል።

"ታጋይ ይሰዋል ትግል ይቀጥላል"
፨፨፨፨፨፨፨፨፨፨፨፨፨፨፨፨፨፨

ሚያዚያ 1 ቀን 2015 ዓ.ም አርበኛ ሻምበል ዳንኤል አለሙ ስለ አማራ ህዝብ ህልዉና መስዋዕትነትን የተቀበለበት ዕለት ነው።

አርበኛ ሻምበል ዳንኤል አለሙ የአማራን ህዝብ ሁለንተናዊ የህልዉና አደጋ ለመቀልበስና የአማራን ህዝብ እንደ ህዝብ "ሕልው" ለማድረግ ውድ ህይወቱን የሰዋበት ይህንን ቅዱስ የህልዉና ትግል "ሀ" ብሎ ያስጀመረበትና ችቦ የለኮሰበት ቀን ነው::

ገና በለጋ እድሜው የቀድሞዉን የሃገር መከላከያ ሰራዊት በመቀላቀል ትግል የጀመረው አርበኛ ሻምበል ዳንኤል አለሙ ከእግረኛ እስከ ሻምበልነት ማዕረግ ድረስ እንዲሁም የቀድሞው አግዓዚ ኮማንዶ አባል በመሆን ከሃገር ዉስጥ እስከ ዉጭ አገር ሰላም ማስከበር ተልዕኮ ድረስ ወጣትነቱን ለሃገሩ ገብሯል::

አርበኛ ሻምበል ዳንኤል አለሙ ከሃገር መከላከያ ሰራዊት ባጋጠመው ከባድ ቁስል ምክንያት በጡረታ ያገለለ ሲሆን ከ 2010 ዓ.ም ህዝባዊ እምቢተኝነት ቡሃላ ወጣቶችን በስፖርት በአካል ብቃትና በስነ ልቦና የማንቃት ስራ እየሰራ ቡሃላም ከነ ዋርካው ምሬ ወዳጆ ጋር የራያ ፋኖን በመመስረትና በመቀላቀል ፀረ ወያኔ ትግሉን ተቀላቅሎ ሁሉንም ተጋድሎዎች በመሪነትና በአሰልጣኝነት በድል ተወጥቷል:: የቀድሞው ምስራቅ አማራ ፋኖ ስልጠና መምሪያን እየመራ በመካነሰላም በደሴ በሃይቅ በወልድያ በቆቦና በራያ አላማጣ በርካታ ታጋዮችን ያሰለጠነና ያፈራ ሲሆን የአሁኑን የአማራ ህዝብ የህልዉና ትግል በሰራዊትና በመሪነት ላይ ያሉ በርካታ ጀግኖችን አፍርቷል:: በርካታ ጀግኖችን እያሰለጠነና እያስታጠቀ መሆኑን ያየው አገዛዙም በጥላቻ አይን ያየው ጀመረ:: 

ፀረ ወያኔ ትግሉን እነ አብይ አህመድና በድኑ ብአዴን በፕሪቶሪያው የድራማ ስምምነት ከቋጩት ቡሃላ የአማራ ፋኖን ህግ ማስከበር በሚል ሽፋን ትጥቅ ለማስፈታት በፌደራልና በክልል ደረጃ መከላከያ በማዝመት ዘመቻ በጀመሩበት ጊዜ ግጭቶች መጀመራቸው ይታወቃል:: በዚህም በተለያዩ ጊዜያት የምስራቅ አማራ ፋኖ ሰራዊትና አመራሮችን ቀዳሚ ኢላማ ያደረገ እንቅስቃሴ ተጠናክሮ ቀጠለ::

አርበኛ ሻምበል ዳንኤል አለሙ ከዚህ የፖለቲካ ጥያቄ ካነገቡ ግጭቶች ጋር ተያይዞ የብርሃኑ ጁላ መከላከያ ሰራዊት ላይ ያይ በነበረው ፀረ ህዝብ ተግባርና ነዉር እጅግ ይበሳጭና ያዝን ስለነበር በአንድ ከአብይ አህመድ ጀኔራሎች ጋር ቆቦ ከተማ ሁለገብ አዳራሽ በተደረገ ስብሰባ የህዝብ ናችሁ ወይስ የብልፅግና? በሚል ይጠይቃቸዋል:: ያ ለራሱ ህዝብ ሳይሆን ሰላም ማስከበር ጎረቤት አገር ሄዶ ረሽኑን ለህዝብ ሰጥቶ ቅጠል በልቶ የሚያድር ሰራዊት የት ገባ? ሲል በመጠየቅ እስከ ሰላም ማስከበር በደረሰ ተልዕኮው የነበረዉን ህዝባዊነት በመጥቀስ ዙፋን ጠባቂ መሆናቸዉንና ነውራቸዉን ነገራቸው::

አይቀሬዉን ጦርነት የተገነዘቡትና የተረዱት የአማራ ህዝብ የቁርጥ ቀን ልጆች ከወሎ ምስራቅ አማራ ፋኖ ከሸዋ ከጎጃምና ከጎንደር ፋኖዎች ጋር በመሆን ጎንደር ሱዳን ጠረፍ የአማራ ፋኖ አንድነት ምክር ቤትን በመመስረት አርበኛ ሰፈር መለሰን ዋና አዛዥ እና ዋርካው ምሬ ወዳጆን ምክትል አዛዥ አድርጎ በመምረጥ እንቅስቃሴ ጀመረ:: ምስራቅ አማራ ፋኖ አጠቃላይ የትግል ጉዞዉን የሚዘክር ታላቅ የተሃድሶ ዝግጅት የምክር ቤቱ ዋና አዛዥ አርበኛ ሰፈር መለሰ እንዲሁም ከፍተኛ የመከላከያ ልዩ ሃይልና የብልፅግና አመራሮች የሃይማኖት አባቶችና የሃገር ሽማግሌዎች መላ ሰራዊቱና ህዝብ በተገኙበት በደማቅ ሁኔታ አከበረ::

በዝግጅቱም ምስራቅ አማራ ፋኖ የአማራ ህዝብ በክልሉና በተለይ ከክልሉ ዉጭ እየደረሰበት ያለዉን ግፍና ጭፍጨፋ በማንሳትና በማስታወስ የአማራ ህዝብ የህልዉና አደጋ ተጋርጦበታል "ትግል ይቀጥላል" የሚል መልዕክት ለታዳሚው ለሰራዊቱና በዉስጥም በዉጭም ላለው መላው የአማራ ህዝብ በህዝብ ግንኙነቱ አርበኛ አበበ ፈንታው በኩል መልዕክት አስተላለፈ:: ይህንን ተከትሎም ከተሃድሶ ቡሃላ ትጥቅ ያስረክቡናል ይበተናሉ ስንል እንዴት ትግል ይቀጥላል ይላሉ በሚል የአገዛዙ ሹማምንት ከፍተኛ ንዴትና ድንጋጤ ዉስጥ ገቡ::

ይህንን ተከትሎም አገዛዙ የምስራቅ አማራ ፋኖ ቁስለኞችን ሳይቀር ሰራዊቱን ባገኘበት ምቹ አጋጣሚ ሁሉ መረሸን ጀመረ:: የለየለት ግጭትም ተጀመረ:: ጥቃት የማይወደው አርበኛ ሻምበል ዳንኤል አለሙም ሰራዊቱን በተጠንቀቅ እንዲቆምና ለሚመጣው ሁሉ ነገር ተመጣጣኝ አፀፋ እንዲሰጥ ድርጅቱና መሪው ዋርካው ምሬ ወዳጆ ያወረደዉን መመሪያ በመቀበል በአንድ ወቅት ምስራቅ አማራ ፋኖ ካምፕ ድረስ ከነ አጃቢዎቹ በፓትሮል የመጣን ኮሎኔል ከመኪናው ወርዶ እስኪፈረጥጥ ድረስ ቆፍጠን ያለ እርምጃዉን ጀመረ:: 

ምስራቅ አማራ ፋኖም ሰራዊቱን በምዕራብ በኩል ከራያ ቆቦ ጮቢ በር እስከ በላጎ እንዲሁም ወልድያ ዙሪያ ሳንቃና መቻሬ ድረስ ገዥ መሬቶች ላይ በማስፈር ለአይቀሬው ፍልሚያ ተዘጋጀ:: በበርካታ አካባቢዎች ከነበረው ግጭት ጋር ተያይዞ የነበረዉን ከፍተኛ ዉጥረትና የአማራ ልዩ ሃይል በበድኑ ብአዴን እና በነ አብይ አህመድ ሴራ መፍረሱን ተከትሎ ሚያዚያ 1/2015 አ.ም ረፋድ ላይ ቆቦ ከተማ በተጀመረ ከባድ ዉጊያ የአሁኑን የአማራ ህዝብ የህልዉና ትግል ጅማሮ ችቦ ለኩሶ አርበኛ ሻምበል ዳንኤል አለሙ መስዋዕትነት ተቀበለ:: የህልዉና ተጋድሎዉም ሸዋ በነበሩ የምስራቅ አማራ ፋኖ አሃዶችና የሸዋ ፋኖ አናብስቶች ተቀጣጥሎ ዛሬ በመላው አማራ የደረሰበት ደረጃ ደረሰ::

አርበኛ ሻምበል ዳንኤል አለሙ ስለ አማራ ህዝብ ህልዉና ቀይ መስመር ያለፈዉን በምድርም ይሁን በሰማይ ዘመኑ ያፈራዉን ጦር መሳሪያ እስከ አፍንጫው የታጠቀዉን ጨፍጫፊና ግፈኛ ፋሽስታዊ ስርዓት እስከ መጨረሻው ህቅታ ተናንቆ በጀግንነት ተሰዉቶ ችቦ ለኩሶ ይህንን የአማራ ህዝብ ቅዱስ የህልዉና ትግል ለዛሬ ካበቁ ጀግኖች መካከል ግንባር ቀደም ሆኖ አልፏል::

የተሰዋህለትን አላማ ከግብ እናደርሳለን!
ክብር ለትግሉ ሰማዕታት!
የአማራ ፋኖ በወሎ (ቤተ-አማራ)
ሚያዚያ 1 ቀን 2017 ዓ.ም

ዘመቻ አንድነት ወሎ ቤተ-አማራ ግንባር
፨፨፨፨፨፨፨፨፨፨፨፨፨፨፨፨፨፨፨፨፨

ተጠናክሮ በቀጠለው ዘመቻ አንድነት ጥራሪ ክፍለ ጦር በጠላት ጦር ላይ የበላይነትን ተቀዳጀች።

የአማራ ፋኖ በወሎ (ቤተ-አምሓራ) ላስታ አሳምነው ኮር ስር የምትገኘው በአርበኛ ኮማንዶ ብርሃን አሰፋ (ዘንዶው) የምትመራው ጥራሪ ክፍለ ጦር ተመስገን ሻለቃ የአገዛዙን ዙፋን ጠባቂ መከላከያ ሚሊሻና አድማ ብተና ከድልብ ከሳንቃና ከደቦት ከተሞች ተሰባስቦ የመጣውን 3ሻለቃ ሠራዊት በቅሎ ማነቂያ ከተማን ለማስለቀቅ ቢሞክርም ወደመጣበት አሳፍራ መልሳዋለች።

መጋቢት 30/ 2017 ዓ.ም ከጧቱ 1:30 ሰዓት አስከ 4:00 ሰዓት ለ2:30 ሰዓት በፈጀ አውደ ውጊያ የጥራሪ ክፍለ ጦር ተመስገን ሻለቃ ተወርዋሪ ፋኖዎች ወደ በቅሎ ማነቂያ ከተማ ተሰባስቦ የመጣውን 3ሻለቃ የጠላት ሃይል ከዛሬ 3ቀን በፊት ሞክሮት አሳፍረው እንደላኩት ዛሬም ሙትና ቁስለኛውን ይዞ ወደነበረበት አስፈርጥጠው መልሰውታል።

በዚህ አውደ ውጊያ አንድ ሻለቃ ፋኖዎች 3ሻለቃ መከላከያን እንዴት ሊያሸንፉን ይችላሉ በሚል ንዴትና ብስጭት ውስጥ የገባው የብልፅግና ሰራዊት ወደ ንፁሃን ዜጎች ከባድ መሳሪያ በመተኮስ የሞርታር ጥይት ንፁሃን ላይ በማረፉ አንድ የ12 ዓመት ህፃንና አንድ የ64 ዓመት አዛውንትን ገድሏል::

መዳረሻው ድልና ነፃነት የሆነው የአማራ ህዝብ ተጋድሎ በዘመቻ አንድነት ተጠናክሮ ይቀጥላል ሲል የአማራ ፋኖ በወሎ (ቤተ-አምሓራ) ላስታ አሳምነው ኮር ህዝብ ግንኙነት ሃላፊ ፋኖ ቢሆነኝ ቢያበይን ገልጿል።

ዘመቻ አንድነት!
ህልዉናችን በተባበረ ክንዳችን
የአማራ ፋኖ በወሎ (ቤተ-አምሓራ)
መጋቢት 30/2017 ዓ.ም