Sheger Press️️

ጅማ‼️

ዛሬ ጠዋት በጂማ ዩኒቨርሲቲ የተማሪዎች ተቃውሞ ተነሳ።

የተቃውሞው ምክንያት በህዝባችን ላይ ግድያ ይቁም የሚል እንደሆነ ተዘግቧል።

የፀጥታ ሀይሎች ተቃውሞው እንዳይባባስ ጥረት አድርገዋል።

ተማሪዎቹ ቁርሳቸውን ሳይበሉ ነው ተቃውሞ የወጡት።

@Sheger_press
@Sheger_press

እንኳን አደረሳቹ‼️

በመላው ሀገሪቱ በኦርቶዶክስ እምነት ተከታዮች ዘንድ የሊቀ መላዕክቱ ቅዱስ ሚካኤል ክብረ በዓል በድምቀት እየተከበረ ይገኛል።

ይህን በዓል ለምታከብሩ የኦርቶዶክስ እምነት ተከታዮች ሸገር ፕረስ መልካም በዓልን ይመኛል።

@Sheger_press
@Sheger_press

ከምትሰራበት ቤት ከ2 ሚሊዮን ብር በላይ የሚገመት ንብረት እና ገንዘብ ሰርቃ የተሰወረች ተጠርጣሪ በቁጥጥር ስር ዋለች

በቤት ሰራተኝነት ተቀጥራ ከምትሰራበት ቤት ከ2 ሚሊዮን ብር በላይ የሚገመት ንብረት እና ገንዘብ ሰርቃ የተሰወረች ተጠርጣሪ በቁጥጥር ስር መዋሏን የአዲስ አበባ ፖሊስ ገለፀ።

ተጠርጣሪዋ ወንጀሉን የፈጸመችው በለሚ ኩራ ክፍለ ከተማ ወረዳ 2 አያት ዞን 1 ተብሎ ከሚጠራው አካባቢ ጥቅምት 22 ቀን 2017 ዓ.ም ነው።

ተጠርጣሪዋ በደላላ አማካኝነት በቤት ሰራተኝነት ከተቀጠረችበት መኖሪያ ቤት በሶስተኛ ቀን ቆይታዋ የግል ተበዳይ ወደ ስራ በሄዱበት ወቅት አጋጣሚውን በመጠቀም በቤቱ ውስጥ የተቀመጠውን የተለያዩ ሀገራት ገንዘብ እንዲሁም የተለያዩ የወርቅ ጌጣጌጥ ሰርቃ ትሰወራለች።

ይህን ተከትሎም የግል ተበዳይ የተፈፀመባቸውን የወንጀል ድርጊት ለመሪ ሉቄ አካባቢ ፖሊስ ጣቢያ ያመለክታሉ፡።

ተጠርጣሪዋ የወንጀል ድርጊቱን ከፈፀመች በኋላ የግል ተበዳይ ጋር ከመቀጠሯ በፊት በክፍለ ከተማው ወረዳ 14 አባዶ አካባቢ ለሦስት ወራት ተከራይታው በነበረ ኮንዶሚኒየም ቤት ትደበቃለች።

የፖሊስ አባላት ባደረጉት ክትትል ከሰረቀቻቸው የተለያዩ አልባሳት፣ የሴትና የወንድ ጫማዎች፣ 18 ሺህ የአሜሪካ ዶላርና የህንድ ሩፒ፣ የወርቅና ልዩ ልዩ ጌጣጌጥ ጋር በቁጥጥር ስር መዋሏን ከክፍለ ከተማው የተገኘው መረጃ ያስረዳል።

በተጨማሪም ተጠርጣሪዋ በሁለት የተለያዩ ስሞች የነዋሪነት መታወቂያ እንደተገኘባትም ተገልጿል።

ተጠርጣሪዋ በእጇ ላይ የተገኘውን የውጭ አገራት ገንዘብ ከየት ያመጣችው እንደሆነ ፖሊስ እያጣራ እንደሚገኝ የአዲስ አበባ ከተማ ፖሊስ የሕዝብ ግንኙነት ዳይሬክተር ምክትል ኮማንደር ማርቆስ ታደሰ በተለይ ለEBC DOTSTREAM ገልፀዋል።

#የእግዚአብሔር ሰራዊት አለቃ ሆኜ ወዳንተ መጥቻለሁ

“በጎዳናህ ሁሉ ይጠብቁህ ዘንድ መላዕክትን ስላንተ ያዝዛቸዋል በእጃቸውም ይደግፉሃል፡፡” ይላል ልበ አምላክ ቅዱስ ዳዊት፡፡ ይልቁንም የመላእክት ሁሉ አለቃቸው የሚሆን ቅዱስ ሚካኤል ከእግዚአብሔር ተልኮ በርካቶችን ሲጠብቅ በቅዱስ መጽሐፍ ተመልክተናል፡፡ በየዓመቱ በህዳር በ12 ቀን በዓለ ሲመቱ የሚከበረው ቅዱስ ሚካኤል የዋህ፣ ርህሩህ፣ አዛኝ፣ ለወዳጆቹ ቅርብ፣ የሰው ሁሉ ልጆችን ጠላት በእሳት ሰይፍ መትቶ የጣለው በክንፎቹ ረድኤት የሚጠብቀንም ነው፡፡ “በሰማይ ብርቱ ሰልፍ ሆነ ሚካኤልና መላአክቱም ዘንዶውን ተዋጉት ዘንዶውም አልቻላቸውም። ከዚያም በኃላ በስማይ ቦታ አልተገኘለትም” ተብሎ በራዕይ 12÷7 እንደተጻፈ ዲያብሎስ በትዕቢቱ ከወደቀ በኋላ የመላዕክት ሁሉ አለቃ የሆነው ቅዱስ ሚካኤል ነው፡፡

አምላካቻን እግዚአብሔር ወደር የማይገኝለት ኃያል፣ የሚመስለው የሌለ ብርቱ፣ ዘመን የማይቆጠርለት ዘለዓለማዊ ነው፡፡ መላዕክቱን መንፈስ የሚላኩትን የእሳት ነበልባል የሚያደርጋቸው ተብሎ እንደተጻፈ የኃይሉ መገለጫ ከሆኑት አንዱ ናቸው ቅዱሳን መላዕክት፡፡ ይልቁንም የስሙ ትርጓሜ “ማን እንደ አምላክ ማለት የሆነው ታላቁ አለቃ ቅዱስ ሚካኤል በርካታ ድንቅ ስራ ሰርቷል፡፡ በበዓለ ሲመቱም በየዓመቱ ከሕዳር 12 እስከ የአእላፍ መላእ በዓል እስከሚከበርበት ሕዳር 13 ለሰው ልጆች ሁሉ ከአምላካችን ምሕረት ይለምናል፡፡ ስፍር ቁጥር የሌላቸው ነፍሳትንም ከሲዖል ያወጣል፡፡

ሕዳር 12 እስራኤላውያንን ከግብጽ ባርነት መርቶ ያወጣበትም ቀን ነው፡፡ 430 ዘመን በባርነት ከቆዩባት ምድረ ግብጽ በሙሴ መሪነት ሲጓዙ፣ ግርማ ሌሊቱን በብርሃን አምድ፣ የቀኑን ሐሩር ደግሞ በደመና ጋርዶ ወደ ተስፋይቱ ምድር ያገባቸው እርሱ ቅዱስ ሚካኤል ነው፡፡ ከሙሴ በኋላ እስራኤልን የመራው ነቢዩ ኢያሱም ኢያሪኮን ለመያዝ ሲሰናዳ የመላእክት ሁሉ አለቃቸው የሚሆን የከበረ ገናና መልአክ ቅዱስ ሚካኤል የተመዘዘ ሰይፍ በእጁ ይዞ ተገለጸለት፡፡ እርሱም በምድር ላይ በግንባሩ ተደፍቶ ሰገደለት፡፡ ወደ እርሱ ቀርቦም “አንተ ከእኛ ወገን ነህ ወይስ ከጠላቶቻችን?” ሲል ጠየቀው፡፡ እርሱም “አይደለሁም ነገር ግን የእግዚአብሔር ሠራዊት አለቃ ሆኜ አሁንም ወደ አንተ መጥቻአለው አለው፡፡ ኢያሱ 5÷13፡፡ የኢያሪኮ ግምብን አፍርሶም ድልን አጎናጽፎታል፡፡

ለሚጠሩት ሰዎች ሁሉ ቅርብ የሆነው ቅዱስ ሚካኤል ዛሬም በዙሪያችን ከቦ ይጠብቀናል፣ ያድነንማል፡፡ ነብዩ ቅዱስ ዳንኤልም “በዚያም ዘመን ለሕዝብ ልጆች የሚቆመው ታለቁ አለቃ ሚካኤል ይነሳል።” እንዲል ሁሌም ጥበቃው ከኛ ጋር ነው፡፡ ከእግዚአብሔር በተሰጠው ቃል ኪዳን ልጆቹን ለመርዳት ቸል አይልም፡፡ ይልቁንም በዱር በገደል ጤዛ ልሰው፣ ድንጋይ ተንተርሰው፣ ዳዋ ለብሰው የሚኖሩትን ገዳማዊያን ዘወትር ይጠብቃቸዋል ጸሎታቸውንም ያሳርጋል፡፡ የእግዚአብሔር ሰራዊት አለቃ ሆኖ ወደ እነርሱ ይመጣል፡፡ ለእነዚህ ገዳማዊያንና ለገዳማቸው እገዛ በማድረግ የመልአኩ ጥበቃና የጸሎታቸው በረከት ተካፋይ እንሁን፡፡

ድጋፍ ለማድረግ:-ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

ሳውዲ‼️

በፈረንጆቹ 2024 ሳውድ አረቢያ ከ100 በላይ የውጪ ሀገር እና የሀገሯን ዜግች በስቅላት የቀጣች ሲሆን

ይህም ከባለፈው ዓመት ሲወዳደር
በ3 እጥፉ የበለጠ ነው ተብሏል::

ምክንያቱ ደሞ : -

* ሰው መግደል
* ሀሺሽ ወደ ሀገሯ ማስገባት
* ሴት , ህፃናትን መድፈር እና
* ሌሎችም ህገ ወጥ ከባድ ወንጀሎች የሰሩት ሲሆን

ከዚሁ ውስጥ :-

* 21 ፓኪስታኖች 🇵🇰
* 20 የመኖች 🇾🇪
* 14 ሱሪያውያን 🇸🇾
* 9 ግብፃውያን 🇪🇬
* 8 ጆርዳናውያን 🇯🇴
* 7 ኢትዮጵያውያን 🇪🇹
* 3 ሱዳናውያን 🇸🇩
* 3 ህንዳውያን 🇮🇳
* 3 አፍጋኒስታውያን 🇦🇫
* 1 ስሪላንካውያን 🇱🇰
* 1 ኤርትራውያን 🇪🇷
* 1 ፊሊፒንሳውያን 🇵🇭

ይገኙበታል::(ጉርሻ)

@Sheger_press
@Sheger_press

ጠቅላይ ሚኒስትር ዐቢይ አሕመድ በጋምቤላ ክልል የተገነባውን ኢትኖ ማይኒንግ የወርቅ ፋብሪካ በዛሬው ዕለት መርቀው ከፍተዋል፡፡

ጠቅላይ ሚኒስትሩ በማህበራዊ ትስስር ገጻቸው ባሰፈሩት ጽሑፍ÷ ኢትኖ ማይኒንግ የአኮቦ ሚኒራልስ ኩባንያ መጋቢ መሆኑን አንስተዋል፡፡

ኩባንያው በስካንዲኔቪያን ሀገራት መሠረቱን ያደረገ በኢትዮጵያ ኢንቨስትመንት ሆልዲንግስ በኩል ከኢትዮጵያ መንግሥት ጋር ወርቅ ፍለጋ እና ማውጫ ላይ የተሰማራ መሆኑንም ጠቅሰዋል፡፡

በጋምቤላ ክልል አኮቦ ወረዳ በተከናወነው ትርጉም ባለው የኢንቨስትመንት ሥራም ለሁሉም አካላት የእንኳን ደስ አላችሁ መልዕክት አስተላልፈዋል፡፡

ባለፉት ሶስት አስርት ዓመታት በአኮቦ የምትገኘው ዲማ ከተማ በአነስተኛ ባሕላዊ የወርቅ ማዕድን ማውጣት ሒደት ለብዙ ጊዜ ብክነት የተሞላበት አሠራር መቆየቱን አስታውሰዋል።

ይህ አዲስ ኢንቨስትመንት በአጭር ጊዜ ውስጥ አመርቂ እና ደረጃውን የጠበቀ የወርቅ ምርት ከማስገኘቱም በላይ በሕገ-ወጥ የማዕድን ሥራ ለተጋረጠው ፈተና ምላሽ ይሰጣል ሲሉም አስገንዝበዋል፡፡

ከዚህ ባለፈም ለጋምቤላ ክልል ዘላቂ ልማት በክልሉ ያለውን እምቅ ሃብት ለሕዝቡ እና ለክልሉ ጠቀሜታ ለማዋል ያለውን ተነሳሽነት እንደሚያሳይም ነው ያስረዱት፡፡

ሰላሌ😭😭😭

ሰላሌ አዝናለች😭😭

ከዛ መንደር ያየነውን ቪዲዮ በእውነት በእውነት እጅግ ያሳዝናል ልብ ይሰብራል ምን ያህል ብንጨካከን ነው ግን።

እውን ኢትዮጵያ ውስጥ ነው ያለነው ከቅርብ ጊዜ ወዲ የምንሰማቸውና የምናያቸው ዜናዎች ሁሉ ልብ ይሰብራሉ።

ቪድዮው እዚ መለጠፍ ለኛ ለሸገሮች በጣም ከባድ ሆኖብናል ከልብ እናዝናለን።

እውነት ለመናገር ቪዲዮውን ለማየት አቅም ያሳጣል።

የሚመለከተው አካል እነዚህ አጥፊዎችን ይዞ ለህግ እንዲያቀርብ በትህትና እንጠይቃለን ከሸገር ፕረስ።

በተጫማሪም በአሰቃቂ ሁኔታ ለተገደሉ ወገኖቻችን ሁሉ ነብስ ይማር ነፍሳቸው በሰላም ትረፍልን።

ያሳዝናል😭😭😭😭

@Sheger_press
@Sheger_press

በኢትዮጵያ ቃሊቲ ማረሚያ ቤት በእስር ላይ የሚገኙ 2 መቶ 70 ናይጄሪያውያን ወደ ሀገራቸው እንዲላኩ ትዕዛዝ ተሰጠ

ሕዳር 11፣2017 (አራዳ ኤፍ ኤም)
በአቡጃ የሚገኘው የናይጄሪያ ፌደራል ከፍተኛ ፍርድ ቤት ዳኛ ኢንያንግ ኤኮ ለናይጄሪያ ውጭ ጉዳይ ሚኒስቴር እና የናይጄሪያውያን ዲያስፖራ ኮሚሽን ባስተላለፉት መልዕክት፣በኢትዮጵያ በቃሊቲ ማረሚያ ቤት ታስረው የሚገኙትን ከ2 መቶ 70 ያላነሱ ናይጄሪያውያን ወደ አገራቸው እንዲመለሱ አዘዋል

ዳኛው ይህን ውሳኔ ያስተላለፉት የኢትዮጵያ መንግስት ለእነዚህ እስረኞች የምግብ፣መድኃኒት እና ሌሎች ግብዓቶች የሚሆን በጀት እንደሌለው ማሳወቁን ተከትሎ ነው ተብሏል

የኢትዮጵያ መንግስት ለናይጄሪያ መንግስት በላከው ይፋዊ መልዕክቱ እስረኞቹን እንዲረከብ መጠየቁን በመግለጽ፣በእስር ላይ የሚገኙትን ናይጄሪያውያን ተቀብሎ እንዲመልስ የሚያስገድድ ትዕዛዝ ዳኛው ሰጥተዋል ተብሏል።

የናይጄሪያ ፌደራል መንግስት ለዚህ ዋናው ምክንያት ነው ያለውን የብሄራዊ የስደት ፖሊሲን በመገምገም፣የዜጎችን ሞት፣በደል፣ መድልዎ እና ናይጄሪያውያን ወደ ውጭ በሚጓዙበት ጊዜ የሚያጋጥሟቸውን ሌሎች ጉዳዮችን እንደሚገታ አስታውቋል ሲል የዘገበው ዘ ስትሪት ጆርናል ነው

!

መረጃ ‼️

በምግብ መመረዝ ምክንያት በሚል ጎሮ አንደኛ ትምህርት ቤት የሚማሩ ተማሪዎች ህመም አጋጥሞቸዉ ከደቂቃዎች በፊት በአንቡላንስ ወደ ጤና ጣቢያ መወሰዳቸዉን አንኳር መረጃ ሰምታለች፡፡

ትምህርት ቤቱ በአዲስ አበባ ከተማ አስተዳደር የምገባ ፕሮግራም ተጠቃሚ መሆኑ ይታወሳል ፡፡

ህመሙ ቀለል ያለ እና ተማሪዎቹ ከጤና ጣቢያ መጠነኛ ህክምና ተደርጎላቸዉ እየተመለሱ መሆኑ ሰምተናል ፡፡፡

@Sheger_press
@Sheger_press

የቻናል ማስታወቂያ ‼️

ወቅታዊ ፤ትኩስ መረጃዎችን የሚዘግብ ቻናል 👇👇👇
https://t.me/+gPveFwjiiXdiMDE0
https://t.me/+gPveFwjiiXdiMDE0

ለቀጣይ 10 ቀናት አብዛኛው የሀገሪቱ አካባቢዎች ደረቅ ፀሐያማና ነፋሻማ ይሆናሉ

በመደበኛ ሁኔታ በሚቀጥሉት 10 ቀናት በአብዛኛው የሀገሪቱ አካባቢዎች ላይ የበጋው ደረቅ ፀሐያማና ነፋሻማ የአየር ሁኔታ እንደሚኖር የኢትዮጵያ ሚቲዎሮሎጂ ኢንስቲትዩት አስታወቀ፡፡

ኢንስቲትዩቱ ለሚቀጥሉት 10 ቀናት በሰሜን፣ ሰሜን ምሥራቅ፣ ምሥራቅ፣ መካከለኛው እና የደቡብ ደጋማ ቦታዎች ላይ የሌሊቱና የማለዳው ቅዝቃዜ እንደሚዘወተር ገልጾ፤ አልፎ አልፎ የማስከተል ጥንካሬ እንደሚኖረውም ጠቁሟል፡፡

@Sheger_press
@Sheger_press