ትምህርት በቤቴ®

ፋይዳ / National_ID

✅ ትክክለኛውን National ID በቀላል መንገድ እንዴት እናገኛለን ?

➡️ ይህንን አገልግሎት ኢትዮ ቴሌኮም በሁሉም ክልሎች እየሰጠ ነው::
➡️ብዙ ሰራተኛ በሚገኝባቸው የመንግስት ተቋማትም ኢትዮ ቴሌኮም አገልግሎቱን እየሰጠ ይገኛል

➡️ በቀጥታ በኢትዮ ቴሌኮም በመሄድ የታደሰ ወይም ጊዜ ያላለፈበት መታወቂያ ይዞ በመሄድ fayda ቁጥር መውሰድ ይቻላል::

➡️ ዋናው ጉዳይ ከምዝገባ በኋላ ዋነው /ኦርጅናሉን መታወቂያ እንዴት ማግኘት እንችላለን የሚለው ነው!

➡️ ቴሌብር ላይ በሚሴጅ የሚላክልንን 16 ዲጂት fayda ቁጥር በማስገባት ሶፍት ኮፒ የሆነውን national id ማገኘት እና ኮፒ ማድረግ ይቻላል ነገር ግን ኦርጅናል አይደለምና በተለያዩ ጉዳዮቾ ለverify አስቸጋሪ ነው

✅ ትክክለኛውን /ኦርጅናሉን ለማግኘት
👇👇👇👇👇👇👇👇
https://id.gov.et/ በዚህ ሊንክ ገብተን order card print የሚለውን መርጠን የ fayda ቁጥር እናስገባለን

➡️ በመቀጠል normal እና premium የሚል የክፍያ አይነቶች አሉ premium በተወሰነ ጊዜ  ማለትም በ 2-3 ቀን እንዲደርሰን ሲሆን regular ደሞ እራሳቸው ባስቀመጡት ጊዜ የምንወስድበት አሰራር ነው

ዋጋውም:-
🔤 regular service 343 birr

🔤 Premium service 625 birr

✅ስለሆነም በመረጥነው መንገድ በቴሌ ብር ወይም ሲቢኢ ክፍያ በመፈጸም ከተዘረዘሩ ቦታዎች በአቅራቢያችሁ የሚገኘውን ፖስታ ቤት በመምረጥ በሚደርሰን ሚሴጅ በተጠቀሰው ቀን ያለምንም መጉላላት እና ምልልስ ባለንበት ሆነን ከመረጥነው ፖስታ ቤት ኦርጂናል National id ማግኘት እንችላለን❗️

መረጃዎችን በፍጥነት ለማግኘት የትምህርት በቤቴ ቴሌግራም ገፃችንን JOIN እና ሼር ያድርጉ!

https://t.me/temhert_bebete
https://t.me/temhert_bebete

አሜሪካዊቷ ወጣት ማንበብና መፃፍ ሳልችል ከ12ኛ ክፍል ብቁ ነሽ ብሎ አስመርቆኛል በሚል ትምህርት ቤቷን ከሰሰች

የ19 ዓመቷ የኮነቲከት ወጣት በመሠረቱ መሃይም እንደሆንኩኝ እየታወቀ “በክብር” እንድመረቅ በመፍቀዱ ያስተናራትን የሕዝብ ሁለተኛ ደረጃ ትምህርት ቤት ላይ ክስ መስርታለች።ባለፈው ሰኔ፣ አሌይሻ ኦርቲዝ ከሃርትፎርድ የህዝብ ሁለተኛ ደረጃ ትምህርት ቤት በክብር ተመርቃ የኮሌጅ ስኮላርሺፕ አግኝታለች።

አሁን ላይ ግን የቀድሞ ትምህርት ቤቷን በቸልተኝነት ያለኝን እውቀት ሳይረዳ በማስመረቁ ለስሜታዊ ጭንቀት ተዳርጌያለው ስትል ክስ መስርታለች ነው። የ19 ዓመቷ ወጣት እርሳስ በእጇ መያዝ እንደማትችል እና የማንበብ ችሎታዋ ከአንደኛ ክፍል ተማሪ ጋር እኩል እንደሆነ በመግለጽ የህዝብ ትምህርት ተቋሙን ትምህርቷን ችላ በማለቱ እንደሆነ የክሳ ዝርዝር ያሳያል። በፖርቶ ሪኮ የተወለደችው አሌይሻ ገና በለጋ ዕድሜዋ የመማር ችግር እንዳለባት አሳይታለች።

በ5 ዓመቷ ወደ አሜሪካ ከሄደች በኋላ ትምህርቷን ቀጠለች። ትምህርት ቤቷን እና በጉዳይዋ ላይ የተሾመው ልዩ አስተማሪ ለምረቃ አንድ ወር ሲቀረኝ እንኳን ብዙም እርዳታ እንዳልሰጧት ትናገራለች፣ አሌሻ ኦርቲዝ ማንበብና መፃፍ ሳትችል እንዴት የሁለተኛ ደረጃ ትምህርቷን በክብር ልትመረቅ ቻለች የሚለው ግን አነጋጋሪ ሆኗል። በዚህም ሳያበቃ የኮነቲከት ዩኒቨርሲቲ ስኮላርሺፕ አግኝታለች።

የስማርት ስልክ አፕሊኬሽኖችን ተጠቅማ ጽሁፍ ወደ ንግግር እና ንግግር ወደ ጽሑፍ በመተርጎም የኮሌጁን ማመልከቻ እንኳን ለመሙላትና ለመፃፍ ተጠቅማለች። የኮሌጅ ተማሪ መሆን ግን ፍጹም ከዚህ የተለየ ሁኔታ ነበር። አሌሻ እየተቸገረች መሆኗን አምና በየካቲት ወር መጀመሪያ ላይ ትምህርት መከታተል እንዳቆመች ተናግራለች። ለአእምሮ ጤና ህክምና እረፍት መውሰድ ያቋረጠች ሲሆን በቅርቡ ወደ ክፍል እንደምትመለስ ተስፋ አለኝ ትላለች።


አሌሻ የቀድሞ ትምህርት ቤቷን የከሰሰችው በደረሰባት ችግር የትምህርት ቤቱ አስተዳደር እንዲጠየቁ ስለፈለገች ነው። “እነሱ የሚያደርጉትን አያውቁም እንዲሁም ግድ የላቸውም” በማለት ሌሎች ወጣቶች  ትምህርታቸውን እንዳይሰረቁ ክሱ እንደሚረዳቸው ተስፋ አድርጋለች።


መረጃዎችን በፍጥነት ለማግኘት የትምህርት በቤቴ ቴሌግራም ገፃችንን JOIN እና ሼር ያድርጉ!

https://t.me/temhert_bebete
https://t.me/temhert_bebete

የቡሌ ሆራ ዩኒቨርሲቲ የቀድሞ ፕሬዚዳንትን ጨምሮ 7 ተከሳሾች በሙስና ወንጀል ጥፍተኛ ተባሉ

የቡሌ ሆራ ዩኒቨርሲቲ የቀድሞ ፕሬዚዳንት ጫላ ዋታን (ዶ/ር) ጨምሮ ሰባት ተከሳሾች በቀረበባቸው ከባድ የሙስና ወንጀል ጥፍተኛ ተባሉ።

ከ1ኛ እስከ 6ኛ ያሉ ተከሳሾች በቀረበባቸው ሁለት ከባድ የሙስና ወንጀል ጥፍተኛ የተባሉ ሲሆን÷ 7ኛ ተከሳሽ ደግሞ በቀረበበት አንድ ከባድ የሙስና ወንጀል ክስ ጥፋተኛ መባሉ ተመላክቷል፡፡

ውሳኔውን ያሳለፈው የፌደራል ከፍተኛ ፍርድ ቤት ልደታ ምድብ 4ኛ ከፍተኛ የሙስና ወንጀል ችሎት ነው።

ተከሳሾቹ የቡሌሆራ ዩኒቨርሲቲ የቀድሞ ፕሬዚዳንት ጫላ ዋታ (ዶ/ር)፣ የአካዳሚክ ጉዳዮች ም/ፕሬዚዳንት ታምሩ ኦኖሌ (ዶ/ር)፣ የአስተዳደር እና የተማሪዎች አገልግሎት ም/ፕሬዚዳንት ሮባ ደንቢ (ዶ/ር)፣ የቢዝነስና ተቋማዊ ልማት ም/ፕሬዚዳንት አብርሐም ባያብል (ኢ/ር)፣ የግዢ ዳይሬክተር አቶ ሊበይ ገልገሎ፣ የፋይናንስ ዳይሬክተር አቶ ቦሩ ህርቦዬ፣ የዩኒቨርሲቲው መምህርና የቢኤች ዩ አማካሪ ለታ ድሪባን ናቸው፡፡

በዚህም ከ1ኛ እስከ 6ኛ ተራ ቁጥር ያሉት ተከሳሾች የዩኒቨርሲቲው አመራርና የማኔጅመንት አባል በመሆን ሲሰሩ የመንግስት ግዢ አዋጅን በመተላለፍ በ2012 ዓ.ም በያዙት ቃለ ጉባዔ መሰረት ሕግን ባልተከተለ መልኩ ያለአግባብ ቢኤች ዩ ለተባለ አማካሪ ግዢው በቀጥታ እንዲፈጸም በማኔጅመንት ውሳኔ ማስተላለፋቸው ተጠቁሟል፡፡

በተጨማሪም ዩኒቨርሲቲው ውል ሲዋዋል ዩኒቨርሲቲውን በመወከል የዩኒቨርሲቲው ፕሬዚዳንት 1ኛ ተከሳሽ ውል ሰጪ ሆነው 7ኛ ተከሳሽ ውሉን በመፈረም በ5ኛ ተከሳሽ ትዕዛዝ መሰረት በ1ኛ ተከሳሽ ስም ለተመዘገበው አማካሪ ድርጅት ያለአግባብ ክፍያ እንዲፈጸም ማድረጉን ዐቃቤ ሕግ በክሱ ጠቅሷል።

በአጠቃላይ ተከሳሾቹ በመንግስት ላይ ከ196 ሚሊየን ብር በላይ ጉዳት በማድረስ ከባድ የሙስና ክስ ቀርቦባቸው ነበር፡፡

በዚህም 1ኛ ተከሳሽ ከሕግ ውጭ በሚሊየን በሚቆጠር ከደረሰው ጉዳት ውስጥ ከ2 ሚሊየን ብር በላይ ለግል ጥቅማቸው ማዋላቸው ተመላክቷል፡፡

2ኛ እና 3ኛ ተከሳሾች በተመሳሳይ ከ500 ሺህ ብር በላይ ለግል ጥቅም ማዋላቸው የተመላከተ ሲሆን÷ 4ኛ ተከሳሽ  ከ2 ሚሊየን ብር በላይ፣ 5ኛ ተከሳሽ ከ99 ሺህ ብር በላይ፣  6ኛ ተከሳሽ ከ400 ሺህ ብር በላይ እንዲሁም 7ኛ ተከሳሽ ከ1 ሚሊየን ብር በላይ በአጠቃላይ ከ7 ሚሊየን ብር በላይ ለግል ጥቅማቸው ማዋላቸው በክሱ ተብራርቷል።

ተከሳሾች የቀረበባቸውን ክስ ክደው በመከራከራቸው ዐቃቤ ሕግ የሰው እና የሰነድ ማስረጃዎችን አቅርቧል።

ተከሳሾቹ የቀረበባቸውን ማስረጃ ማስተባበል ባለመቻላቸው ከ1ኛ እስከ 6ኛ ያሉ ተከሳሾች በሁለት ክሶች የጥፋተኝነት ውሳኔ ተላልፎባቸዋል፡፡

በተጨማሪም 7ኛ ተከሳሽ በአንድ ክስ ጥፋተኛ የተባለ ሲሆን÷ ፍርድ ቤቱ ከ8ኛ እስከ 17ኛ ያሉ ተከሳሾች ላይ ደግሞ በሌሉበት የጥፋተኝነት ውሳኔ በማስተላለፍ የቅጣት አስተያየት ለመቀበል ለመጋቢት 5 ቀን 2017 ዓ.ም ተለዋጭ ቀጠሮ ሰጥቷል።

መረጃዎችን በፍጥነት ለማግኘት የትምህርት በቤቴ ቴሌግራም ገፃችንን JOIN እና ሼር ያድርጉ!

https://t.me/temhert_bebete
https://t.me/temhert_bebete