🇻 🇪 🇬 🇦 🇸 🇵 🇮 🇨 🇹 🇺 🇷 🇪 ุ

ቅበላ
አንድ አምላክ በሆነ በአብ በወልድ በመንፈስ ቅዱስ ስም እንኳን ለታላቁ ጾም አብይ ጾም የቅበላ መዘጋጃ ቀን አደረሰን አደረሳችሁ!

በዚህ የዐብይ ጾም ዝግጅታችን ወቅት ሁላችን ክርስቲያኖች እንደሚታወቀው የመጀመሪያው ዓላማችን ከመምህረ ንስሐችን ጋር መገናኘት ነው::

የተጣላነውን መታረቅ የበደልነውን መካስ ለጾም ለጸሎት ለስግደት ለምጽዋት መልካምና በጎ ነገር ለማድረግ ከእግዚአብሔር ጋር መነሳሳት:: የጸሎት የሰዓታት የኪዳን የቅዳሴ የስብከት ፕሮግራሞችን ለመካፈል ዕቅድ ማውጣት::

በመቀጠል የፀሎት መጻሕፍትን ማዘጋጀት መንፈሳዊ መጻሕፍቶችን ማዘጋጀት በዐብይ ጾም ወቅት የምንሳለማቸውን ገዳማት በዕቅድ በመያዝ ለበረከት ለመባረክ ለመቀደስ ዕቅድ ይዘን ዐቢይ ጾምን መጎዝ ያስጠቅማል::

ቅበላ
በዚህ ጽሑው ውስጥ ደግም ስለ ቅበላ አንዳንድ ነገሮች እንማማር:: ቅበላ ቃሉ ራሱ ወደ አንድ ነገር ነው የሚመራን:: አንድ የሆነ ነገርን መቀበል መጠበቀ ወደሚለው::

በዚህም አንድ የምንቀበለውን ነገር ለእንግዳው ነገር መዘጋጀት መዘጋጂያ ጊዜ ነው እንደ እንግዳው ዓይነት ክብር ዝግጅት በማድረግ::

በዚህም ምክንያት አሁን ከፊታችን የምንቀበለው ታላቅ የጾም እንግዳ አለ ታዲያ ይህን እንግዳ ለመቀበል ቅበላ እናደርጋል የምንቀበለውም እንግዳ ጾም ነውና በንስሐ ታጥበን ከቂም ከበቀል ርቀን ይህን እንግዳ መቀበልን ግድ ይለናል::

አባቶቻችን ዐብይ ጾም ከመግባቱ በፊት ለሰባትም ለሦስትም ቀን ጾምን ጾመው ቅበላ ያደርጋሉ::

ቅበላን በመብል በመጠጥ ሳይሆን ጾምን ራሱን ጹመው ቅበላ ያደርጉባታል አበው:: ምክንያቱም በጉጉት የሚጠብቁት የሚጠቀሙባት በዓመት የሚናፍቁት ታላቅ የጾም እንግዳ ሊቀበሉ ነውና! እንግዳ ሲመጣ እንደ እንግዳው ክብር መዘጋጀት ይገባልና::

እኛ ልጆቻቸው ዛሬ እንደሚታየው እንደነርሱ ባንሆን እንኳ እነርሱ የሰሩትን ሥራ ሠርተን ልንመስላቸው ይገባ ነበር:: ግን ፈጽሞ ተለየን ራቅናቸው ሆድ አምላኪዋች ስለሆን በፀጋም በረድሄትም ራቅናቸው::

ቅበላ ምግብን በመበቀል አልነበረም በጾም እንደ አበው ይገባ ነበር:: ግን ለክርስቲያኖች በማይገባ በመብል በመጠጥ በዝሙት በጭፈራ በዳንኪራ ጾምን መቀበል ነውር ኢ-ክርስቲያናዊ በሆነ መንገድ አደረግነው::

በዚህም ቅበላን በተሳሳተ አካሔድ ሔደን ዓለም በምተደሰኩረው ዲስኩር ተነድተን በጭፈራ በስካር በመብል እንዳናደርገው እንድንጠነቀቅበት የቤተ ክርሥቲያን የሥርዓት መጻሕፍት ያስተምረናል::

በማንኛውም ቀን ቢሆን ለክርስቲያን በዚህ ግብር መታደም መታየትም ማሰብም አይገባም:: በክርስቶስ ደም የከበረን ሰውነት በእንደዚህ ግብር ማቆሸሽ ተገቢ አይደለምና::

በየደብሩና በየገዳሙም ሱባኤ ያሰብንም ንስሐ ገብተን የበደልነውን ክሰን የቀማነውን መልሰን በፊት ከምንበላው ከምንጠጣው ቀንሰን በመጥን ብቻ ሳይሆን በዓይነትም ቀንሰን አስመሳይ ሳንሆን ሆነን መጾም መጸለይ መስገድ መመጽወት እንዳለብን የቤተ ክርስቲያን መጽሐፍት ይነግሩናል::

አበው "ከምግብ ከመከልከል ብቻ ጾምን እንጾማለን አትበሉ ይህንንም ጨምሩ ከክፉ ግብር መራቅም ጾማችንን ትክክል ታደርጋለች" ይላሉ::

ከጾም በኋላ በሚኖረው ሕይወታችን በረከታችንን ሳናስወስድ የተውነውን ግብር ተመልሰን ሳንደግመው ልንጓዝ ያስፈልጋል::

በዚህም የአባቶቻችን ልጆች እንባላለን አባቶቻችን የወረሷትን መንግስት በእውነት እንወርሳለን:: ለዚህም አምላከ ተክለ ሃይማኖት ይርዳን አሜን! ይቅርታውና ቸርነቱ ከእኛ ጋር ትኑር ለዘላለሙ አሜን::
🇪🇹 @fkl26 ⛪️

.@fkl00

በስመ አብ ወወልድ ወመንፈስ ቅዱስ አሐዱ አምላክ አሜን!

እንኳን ለጌታችንና መድኃኒታችን ኢየሱስ ክርስቶስ በዓለ ዕርገት አደረሳቹ አደረሰን!
🕯🕯🕯🕯🕯🕯🕯🕯🕯🕯🕯🕯🕯🕯🕯🕯

___በዓለ ዕርገት
• ┈┈•┈••●◉ ✞✟✞ ◉●••┈┈ •
ጌታችን ኢየሱስ ክርስቶስ ከሙታን ተለይቶ ከተነሳ በኋላ በምድር ላይ ምስክሮቹ እንዲሆኑ ለመደባቸው ደቀመዛሙርቱ አርባ ቀን ሙሉ ስለ እግዚአብሔር መንግስት ምስጢር ሲነግራቸውና ሲያስረዳቸው በሃይማኖታቸውም ሲያጸናቸው ቆየ፡፡ ከጥቂት ቀናት በኋላም በቅዱስ መንፈሱ ወደዚህ ዓለም ተመልሰው ከእነርሱ ጋር አብሮአቸው እንደሚሆንም አበሰራቸው፡፡ይህ እስከሚሆን ድረስ ግን በኢየሩሳሌም እንዲቆዩ አዝዞአቸው እናቱ ቅድስት ድንግል ማርያም ባለችበት እያዩት ወደ ሰማይ አረገ፡፡ በዓለ እርገት ይህችን ዕለት በማዘከር የምናከብርባት እኛም በቅዱሱ ኪዳን ክርስቲያኖች በትንሳኤ ሕይወት የኖርን የትንሳኤ ልጆች ስለሆንን በክርስትና ጥምቀታችንም ለመጀመሪያው የመንፈስ ቅዱስ የበቃንበትን መንፈሳዊ አካል ስለለበስን እያንዳንዳችን ጽዋችን ደርሶ በእረፍተ ሥጋ ከዚህ ዓለም በምንለይበት ጊዜ የመኖሪያችንን ፈለግ ተከትለን እንዲህ በአርባ ቀናችን ነፍሳችን ወደ ሰማያት የምታርግ መሆኗን የምናስታውስበት እለት ናት፡፡

ይህንም ጌታችን ኢየሱስ ክርስቶስ ከሙታን ተለይቶ እንደተነሳ ለማርይም መግደላዊት ገና ወደ አባቴ አላረግሁምና አትንኪኝ ነገር ግን ወደ ወንድሞቼ ሄደሽ እኔ ወደ አባቴና ወደ አባታችሁ ወደ አምላኬና ወደ አምላካችሁም አርጋለሁ ብለሽ ንገሪያቸው ብሎ ያሰማት የመልዕክት ቃል ከትንሳኤው በኋላ እንዲያዩት የተዘጋጀላቸው ሌላው የእግዚአብሔር ድንቅ ኃይል ምን ዓይነት እንደሆነ ያመለክታል፡፡
ደግሞሙ ከሙታን ተለይቶ የተነሳው ጌታ በእናቱ በቅድስት ድንግል ማርያም ዙሪያ የተሰበሰቡትን የመረጣቸውን ሐዋርያትን በመንፈስ ቅዱስ ካዘዛቸው በኋላ እስካረገበት ቀን ድረስ አርባ ቀን እየታያቸው ስለእግዚአብሔር መንግስት ነገር እየነገራቸው በብዙ ማስረጃ ከህማማቱ በኋላ ህያው ሆኖ ለእነርሱ ራሱን አሳያቸው፡፡ ከእነርሱም ጋር አብሮ ሳለ ከኢየሩሳሌም እንዳይወጣ አዘዛቸው፡፡ ነገር ግን ከእኔ የሰማችሁትን አብ የሰጠውን የተስፋ ቃል ጠብቁ ዮሐንስ በውሃ አጥምቆ ነበርና፡፡ እናንተ ግን ከጥቂት ቀን በኋላ በመንፈስ ቅዱስ ትጠመቃላችሁ አለ፡፡
እነርሱም በተሰበሰቡበት ጊዜ ‹‹ጌታ ሆይ በዚህ ወራት ለእስራኤል መንግሰትህን ትመልሳለህ››ብለው ጠየቁት፡፡ እረሱም ‹‹አብ በገዛ ስልጣኑ ያደረገውን ወራትና አመታትን ታውቁ ዘንድ ለእናንተ አልተሰጣችሁም፡፡ ነገር ግን መንፈስ ቅዱስ በእናንተ ላይ በወረደ ጊዜ ኃይልን ትቀበላላችሁ፡፡በኢየሩሳሌምም በይሁዳም ሁሉ በሰማርያም እስከ ምድር ዳርቻ ድረስ ምስክሮቼ ትሆናላችሁ አለ፡፡››
ይህንንም ከተናገረ በኋላ እነርሱ እያዩት ከፍ ከፍ አለ፡፡ ደመናትም ተቀበለችው፡፡ እነርሱም ሲሄድ ወደሰማይ ትኩር ብለው ሲመለከቱ ሳለ እነሆ ነጫጭ ልብስን የለበሱ ሁለት ሰዎች በአጠገባቸው ቆሙ፡፡ ደግሞሙ የገሊላ ሰዎች ሆይ ወደሰማይ እየተመለከታችሁ ለምን ትቆማላችሁ ይህ ከእናንተ ወደ ሰማይ የወጣ ኢየሱስ ወደ ሰማይ ሲሄድ እንዳያችሁት እንዲሁ ተመልሶ ይመጣል አሉዋቸው፡፡የሚለው የወንጌላዊው ቃል ስለ እርገት ምስጢር የተነገረውን እውነታ የበለጠ ያረጋግጣል።
የሐዋ.2፥1-20

• ┈┈•┈••●◉ ✞✟✞ ◉●••┈┈ •
📚 የኢየሱስ ክርስቶስ ጾምና ስቃዩ ከዘወረደ እስከ ጰራቅሊጦስ
ከገፅ 80 ጀምሮ
✍🏽በሊቀ ኅሩያን የማና ብርሃን የተጻፈ ታህሳስ 2006 ዓ.ም
@fkl00
@fkl26

በስመአብ ወወልድ ወመንፈስ ቅዱስ አሀዱ አምላክ አሜን👏እንኳን ለአባታችን ለሊቀ መላእክት ቅዱስ ገብረኤል ወርሀዊ ክብር በአል በሰላም አደረሳችሁ

ዘመነ ሰማእታት አምልኮት ፃኦት በተስፋፋበት አምልኮተ እግዚአብሔር በጠፋበት ዘመን መምለኬ ፃኦት የነበር ገዥ አለ ፣እስክንድሮስ፣በክርስቲያኖች ላይ ስደትን ስላወጀ ቅድስት እየሉጣን
የሶስት አመት ህፃን ቅዱስ ቂርቆስን ይዛ ወደ ሌላ ሀገር ተሰደደች👈


ጌታ በወንጌል በአንዲቱ ከተማ መከራ ሲያአሳያአችሁ ወደ ሌላይቱ ሽሹ(ማቴ፣ 0፪3) ያለውን በማሰብ ተሰዳ ሳለች የአላዊዉ መኰንን ወታደሮች ተከታትለው ደርሰው ለፃኦት ስገጂ ፈጣሪሽን ካጂ ቢሏት የዚህን ሚስጥር የሚያየው የሦሥት አመት ህፃን አለ እርሱን ጠይቁት አለቻቸው✍

ከዚህ በሗላ ህፃኑን አስፈልገው ቢጠይቁት፣ ነብዩ ዳዊት የተናገረውን ሀይለ ቃል፣መንፈስ ቅዱስ ተገለፀለት የአሕዛብ ጣኦታት የወርቅ እና የብር የሰው እጅ ስራዎች ናቸው✍

የሚታመኑባቸውም ሁሉ እንደ እርሱ ይሁኑ መዝ ፣(3'፯;፩3፣05)በማለት ሲዘልፏቸው አገር ገዥው ሰምቶ ተቆጣና የብረት ጋን ፣አስመጥቶ፣ ውሃ ሞልቶ፣ከአቶን እሳት፣ላይ ጥዶ፣ ልዩ ልዩ ማገዶዎች በመጨመር ነበልባሉ ከመጠን በላይ ሆነ፣የብረት ጋኑ ድምፅ ክረምት መብረቅና ነጕድጓድ እስኪያስፈራራ ድረስ አስነድዶ ሕፃኑ ከእናቱ ወስዳችሁ ጨምሩአቸው ብሎ አዘዘ👈


በዚህ ጊዜ ቅድስት እየሉጣን በጣም ፈራች የእግዚአብሔር ስራ እፁብ ድንቅ ግሩም ረቂቅ ነው አፉን ያልፈታ የሶስት አመት ሕፃን እናቴ ሆይ ገድላችን እንፈፅም ዘንድ ጨክኝ በርቺ አላት ቅድስት እየሉጣንም ፣ልጄ የነፍስ አባት ሁነኝ አለችው ፣ሕፃኑ ቅዱስ ቂርቆስም፣ከዘመናቸው ሳይደርስ ታሪካቸውን ሳይማር፣የስለስቱን ደቂቅን ታሪክ መንፈስ፣ተገልፆለት፣አናኒያን አዛሪያን፣ ሚሳኤልን ያዳነ አምላክ፣ያድነናል ቢላት ፍርሃቱ ሊለቃት ባለመቻሉ ወደ እግዚአብሔር፣ እንዲህ ሲል ፀለየ፣ ጌታ ሆይ የወይ ፍሬ ስትሻ ግንዱን ታጠፋለህን?
እንደዚህስ ሁሉ እኔን አድነህ እናቴን፣ታጠፋለህን? ብሎ በፀለየ ግዜ መንፈስ ቅዱስ አደረባትና፣መንግስተ ሰማያት፣በአይነ ስጋ እንድታይ አደረጋት

ከዚህ በሗላ ፍርሃቱ ለቀቃት፣ ልጄ ሆይ ከዛሬ ጀምሮ መምህሬ አባቴ መካሪዬ እልሃለሁ እንጂ ልጄ አልልህም ብላ በጭካኔ ከልጅዋ ጋር ወደ ፈላው፣የብረት ጋን፣ገባችበት፣በዚህን ግዜ ህፃኑ ቂርቆስ፣አናኒያን አዛሪያን ሚሳኤልን ያዳነ አምላክ፣ ያድነናል ያለው ቃል፣ለመፈፀም እግዚአብሔር አምላክ፣ መልአኩ ቅዱስ ገብረኤልን ላከላቸው፣መልአኩም በትእምርተ መስቀል እሳቱን ቢባርከው እንደ በረዶ ቀዝቅዞላቸዋል፣
በመልካቸውም እንደ ፅሀይ አበራ ከእግር ጥፍራቸው እስከ እራስ ፅጉራቸው አንድም ሳይጎዳቸው፣በደሕና ወጡ👈

በመጨርሻም ህፃኑ ሰማእተ ቅዱስ ቂርቆስ እንዲህ አለ ይህን ያህል ገደል ተጋድዬ ምን ያክል ዋጋ ትሰጠኛለህ ቢለው ጌታ ያለውን ሁሉ እሰጥሃለሁ፣አለው✝

ዳግመኛም ስጋህ በምድር ላይ እንዳይፈርስ እንዳይበሰብስ በኤሊያስ ስረገላ ላይ አኖርሃለሁ አለው✝
ስለሆነም በዚህ እለት ቤተክርስቲያናችን መልአኩ ቅዱስ ገብረኤል ለእናታችን ለቅድቅት እየሉጣን እና ለህፃኑ ለቅዱስ ቂርቆስ፣ያደረገውን ይህንን ታላቅ ተአምር፣ፅድቅ ስራ በማሰብ ከዋዜማው፣ ጀምራ እግዚአብሔርን ስታመሰግን ትውላለች ታድራለች✍

የመለአኩ የቅዱስ ገብረኤል በረከት✝ ተራዳይነቱ ከሁላችንም ጋር ይሁን አሜን፣

ወስበሀት ለእግዚአብሔር✝
ወለወላዲቱ ድንግል✝
ወለመስቀሉ ክቡር አሜን

@fkl26. @fkl00.

†✝† እንኳን ለብርሃነ ትንሣኤው በሰላምና በፍቅር አደረሳችሁ፤ አደረሰን። †✝†

†✝† በስመ አብ ወወልድ ወመንፈስ ቅዱስ አሐዱ አምላክ አሜን! †✝†

†✝† ብርሃነ ትንሣኤ †✝†

†✝† የዓለማት ሁሉ ፈጣሪ : የዘለዓለም አምላክ ወልድ ዋሕድ ጌታችን ኢየሱስ ክርስቶስ በዚህች ዕለት መግነዝ ፍቱልኝ : መቃብር ክፈቱልኝ ሳይል በባሕርይ ኃይሉና ሥልጣኑ ተነስቷልና እንኳን ደስ አለን::

††† ከዚህ በኋላ ለ50 ቀናት እንዲህ እያልን ሰላምታ እንለዋወጣለን:-
††† ክርስቶስ ተንስአ እሙታን!
¤በዐቢይ ኃይል ወስልጣን!
††† አሠሮ ለሰይጣን!
¤አግዐዞ ለአዳም!
††† ሰላም!
¤እምይእዜሰ!
††† ኮነ!
¤ፍሥሐ ወሰላም!

በእርግጥም አምላካችን በሞቱ ሞትን ገድሎ : በትንሣኤው ሕይወትን አድሎናልና ደስታ ይገባናል:: መድኃኔ ዓለም በኅቱም ድንግልና እንደ ተወለደ በኅቱም መቃብር ተነስቷል:: ለደቀ መዛሙርቱም "ሰላም ለእናንተ ይሁን" ሲል በዝግ ደጅ ገብቷል::

በዕለተ ትንሣኤው የመጀመሪያውን ደስታ እመቤታችን ቅድስት ድንግል ማርያም ተካፍላለች:: የእርሷን ያህል በሃዘን የተጐዳ የለምና:: ቀጥለው ቅዱሳት አንስት እነ ማርያም መግደላዊት ትንሣኤውን አይተዋል:: ሰብከዋልም::

††† በዚሕች ቀን ማዘን አይገባም:: በትንሣኤው የደነገጡና የታወኩ የአጋንንትና የአይሁድ ወገኖች ብቻ ናቸውና::

††† አምላካችን ወልደ እግዚአብሔር ኢየሱስ ክርስቶስ ከትንሣኤው በረከት አይለየን:: በዓሉንም የሰላም : የፍቅርና የበረከት ያድርግልን::

††† የጌታችን በጐ ምሕረቱ በሁላችን ትደርብን::

††† "ሕያውን ከሙታን መካከል ስለ ምን ትፈልጋላችሁ? ተነስቷል እንጂ በዚህ የለም:: 'የሰው ልጅ በኃጢአተኞች እጅ አልፎ ሊሰጥና ሊሰቀል: በሦስተኛውም ቀን ሊነሣ ግድ ነው' እያለ ገና በገሊላ ሳለ ለእናንተ እንደተናገረ አስቡ::" †††
(ሉቃ. ፳፬፥፭-፰)

††† "አሁን ግን ክርስቶስ ላንቀላፉት በኩራት ሆኖ ከሙታን ተነስቷል:: ሞት በሰው በኩል ስለ መጣ ትንሣኤ ሙታን በሰው በኩል ሆኗልና:: ሁሉ በአዳም እንደሚሞቱ እንዲሁ ሁሉ በክርስቶስ ደግሞ ሕያዋን ይሆናሉና::" †††
(፩ቆሮ. ፲፭፥፳)

††† ወስብሐት ለእግዚአብሔር †††. @fkl00
@fkl26

✝ ቀዳም ሥዑር (የተሻረች ቅዳሜ)

#ቀዳም_ሥዑር ፡- በዚች ዕለት ከድሮው በተለየ መልኩ የጌታችንን መከራ በማሰብ በጾም ታስባ ስለምትውል የተሻረችው ቅዳሜ ትባላለች፡፡ የማትጾመዋ ቅዳሜ ስለምትጾም ስዑር /የተሻረች/ ተብላለች በዚህ ዕለት ልብሰ ተክህኖ የለበሱ ካህናትና ዲያቆናት ቄጤማ ተሸክመው ቃጭል ሲያቃጨሉ መታየታቸው ዕለተ ትንሣኤውን ለሚናፍቅ ምእመን ትልቅ ብስራት ነው፡፡

#ለምለም_ቅዳሜ ይባላል፡- ካህናቱ ለምእመናን ለምለም ቀጤማ የሚያድሉበት ዕለት ስለሆነ በዚህ ተሰይሟል፡፡ ቀጤማውንም ምእመናን እስከ ትንሣኤ ሌሊት በራሳቸው ላይ ያስሩታል፡፡ በቀዳም ስዑር ቀሳውስቱና ዲያቆናቱ ቃጭል /ቃለዓዋዲ/ እየመቱ ገብረ ሰላመ በመስቀሉ ትንሣኤሁ አግሃደ የሚለውን ያሬዳዊ ዜማ በመዘመር፤ ጌታ በመስቀሉ ሰላምን እንደሰጠን እና ትንሣኤውንም እንደገለጠልን በማብሰር፤ ቄጤማውን ለምእመናን ይሰጣሉ፡፡ ምእመናኑም በቤተ ክርስቲያን አገልግሎት የሚውል ገጸ በረከት ያቀርባሉ፡፡ ቄጤማውንም በራሳቸው ያስራሉ፡፡ ይህም አይሁድ ጌታችንን እያሰቃዩ ሊሰቅሉት ባሉ ጊዜ የእሾህ አክሊል ጭንቅላቱ ላይ ያሠሩበትን ድርጊት የሚያስታውስ ነው፡፡

(የቀጤማው አመጣጥና ምስጢርም ከአባታችን ከኖኅ ታሪክ ጋር የተያያዘ ነው፡፡ ምድር በማየ አይኅ /በጥፋት ውኃ/ በጠፋችበት ወቅት የኖኅ ታማኝ መልእክተኛ ርግብ የውኃውን መጉደል ያበሰረችው ቀጤማ ይዛ በመግባት ነው፡፡ ዛሬም ለሐዲስ ኪዳን ክርስቲያኖች የኃጢአት ውኃ ጐደለ፣ የኃጢአት ውኃ ጠፋ በክርስቶስ ሞትና ትንሣኤ ነጻነት ተሰበከ ታወጀ በማለት ካህናት ቄጠማ ይዘው ምእመናንን ያበሥሩበታል፡፡)

#ቅዱስ_ቅዳሜ ይባላል፡- ቅዱስ ቅዳሜ መባሉ ቅዱስ የሆነ እግዚአብሔር በጥንተ ተፈጥሮ ፍጥረታትን አከናውኖ ከፈጠረ በኋላ በዚህ ቀን ከሥራው ሁሉ ያረፈበት ነው፡፡ በዘመነ ሐዲስ ደግሞ የማዳን ሥራውን ሁሉ ፈጽሞ በሥጋው በመቃብር ሲያርፍ፣ በነፍሱ ሲዖልን በርብሮ ባዶዋን አስቀርቷታል፡፡ በዚያ ለነበሩት ነፍሳትም የዘለዓለም ዕረፍትን ያወረሰበት ዕለት ስለሆነ ከሌሎቹ ዕለታት የተለየ ዕለት ለማለት ቅዱስ ቅዳሜ ተብሏል፡፡

(ስምዐ ተዋሕዶ የስምዐ ጽድቅ ልዩ እትም ዘሰሙነ ሕማማት ሚያዝያ 2004 ዓም)

____

#pray 🙏 #share ⤵

@fkl26
@fkl26
@fkl00