Walaloo Jaalalaa™

Naaf Hin Godhin Dhiifama 😭💔

Balleessan kan kootuma
Ati homaa hin qabdu badii
Anatu si dallansiise
Yeroo lamaa sadi 🥹

Anatu daangaa darbee
Balleesse Adaba
Ati qulqulluudha
Anumatu badii qaba

Dogongora kan koo
Amanee fudheera
Battaluma sanas
Dhiifama si kadheera 🥹

Utuma dhageessuu
Akka waan hin dhageenyee
Akka waan dhiifama
Afaan kee hin beeknee 😡

Tasa garaa jabaattee
Na cuftee na ilaalaa
Sagaltama si waamus
Ni calliste na jalaa 😭

Nama fedhe yoo ta'es
Hinuma dogongora
Animmoo balleessaa koo
Amanee fudhadheera 🥀

Dogongora akkanaa
Ittin deebi'u lamuu
Boolla wal fakkaatutti
Si'a lama hin kufamu 🥹

Amanee fudheera
Badiikoo hundumaa
Yoo garaa jabaatte
Naaf hin godhin dhiifama 😢

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Wal Hubachuu 🆗

Wal hubadhu haadhoo
Haadhoo garaa tokkoo
Yoo diddee waljeeqxe
Wal dhabda gaaf tokko

Har'a jirta kunoo
Kan borii hin beektu
Waliif garaa laafi
Utuu lubbuun jirtu

Gargaaruu dadhabdus
Harka gabaabbattee
Rakkoo haadhoo keetii
Maali yoo hubatte?

Madaan isaa hin mullatu
Xin-sammuun hiyyeessa
Rakkinni wal guuree
Onneesaa bobeessa
Namnis hin hubatuuf
Arrabaan gaggeessa

Dubbachuu dadhabee
Of keessatti iyyaa
Imimmaan soorachaa
Garaachas yoom fayyaa?
Cal jettee hin dhiisin
Wal hubachuu wayyaa

Ati inni qabduu
Ati inni dureessaa
Gargaari haadho kee
Baasi hiyyuma keessaa
Yoo ati harka isaa qabde
Innis of jabeessa

Rakkinaan machaa'ee
Amala yoo dhabe
Inni haadhoo keeti
Haadhoo hamileen cabe
Nan dhageessu hin jedhin
Rakkootu isa qabe.

Tuttuqqaa hin jaallatu
Abiddaaf hiyyeessi
Galata irraa dhabdus
Dhiifamaan gaggeessi
Jireenya itti aanuuf
Gammachuu qindeessi

Namni yeroo hundaa
Gammadee hin jiraatu
Waan guute fakkaatee
Yeroo inni hir'atu
Abdii hin kutatin
Waaqayyo sin gatu
Ani hubadheera
Akka inni sirratu

Atis of sirreessi
Hin hawwinis findee
Obsaan dabarsuum
Rakkoo haalli fide
Wal hubachuu wayya
Isa guutuu dide

Barris ni dabarti
Guyyaanis ni dhufa
Warri si darbatu
Harka keetti kufa
Wal hubachuun dhibnaan
Rakkoon itti fufa

Tasa wal hin simu
Haalli itti jirruuf
Karoorri jireenyaa
Haadhokee hin dhabiin
Rakkinni jiraatus
Isatu qabeenya
Wal hubadhuu darbii
Lafa irraa yoo dhabdes
Olii qabda Beenyaa


  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Onneen koo,... ✍️

〰️〰️〰️💌〰️〰️〰️

Sitti Hin Argamu Malee
Keessi Koo Akka Alaa
Silaa Dhugaa Jaalala Koo
Naaf Hubatta Siif Galaa

〰️〰️〰️ 💌〰️〰️〰️

Dilbata Si Jaalladhee
Wiixata Sirraa Hin Maquu
Qalama Jaalala Keetii
Muka Jibbaan Hin Haqu

〰️〰️〰️ 💌〰️〰️〰️

Biqiltuu Jaalala Dhaabe
Bishaan Jibbaa Itti Hin Coru
Onneen Koo Siif Jiidhadha
Bona Saafaas Hin Qooru.

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Lapheensaa siif Naate ❤️

Dararaa jaalalaa
Isa kophaat-beeka
Kaayyoof abdii baatee
Obsaan guyyaa eega
~
Gaafa yaaddoon marsee
Kophummaan dhiphisu
Imimmaansaa roobsa
Halkanis hin ciisu
~
Abjuudha wareera
Kophummaan doorsisee
Dhugaa jaalala keen
Ofiisaa moosisee
~
......eeyyee.......
~
Abbaa hirbuu ta’ee
Baatee joora waadaa
Siqiqiin ajjeesee
Kophaa ciisee aadaa
~
Yaadakeen oofamee
Daaka seenee Gibee
Namatti hinmakamu
Dhoksaa taa'a riphee
~
Ofiisaa sodaata
Akka waan si dhabuu
Gaafis taa'ee bula
Hin nyaatin agabuu
~
Qofaasaa hasaasa
Utuun quba nyaatee
Yoom deebiti laata
Lapheensaa siif naate?

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Harmee ✅

Biiftuu qarri baatu
Hirribarraa kaata
Galaana rakkoo daaktee
Galaa anaaf taata

Dadhabe hin jettu - Dugda keetti baattee
Ofiif hin boqonne - Boqonnaa naaf laatte
Rakkoo hin himattu - Kan kiyyaaf yaaddofta
Nan bareeda hin jettu - Anaaf daalachoofta

Gaara baatee daka buutee
Dafqa kan kee xuruurfatta
Dadhabbii kee of dhokfattee
Guddisa koof shan gugguufta

Harkaa dhabdus yoom waakkatte
Anaaf jecha ifatamte
Dungoo taatee anaaf iftee
Ofiif dhumtee kan dhabamte.

Si'if akkam jedheen
Maal barreessaa?
Jecha kamtu si addeessaa
Bakka qabda ana keessaa

Jecha filee yoon qubeessu
Oolmaa kan kee hin addeessu
Osoo addunyaan si jedhamee
Innuu sin gitu bar harmee!

  ✨。＼｜／。🌷
@Walaloo_Jaalalaa24 
@Walaloo_Jaalalaa24
   💔。／｜＼。⏺
          #share
            #join

Anaan Aayyoo 😭

Ibidda itti kaa'ee
Mana ati ijaarratte
Godaannisa ida'ee
Dhala kee sirraa nyaatee

Sirnichi nama lagu
Boqonnaa qe'ee ofiitti
Mirga jiraachuu sarbuun
Qomoo koo si doorsifti

Dhiiga isaan boochisaa
Haadholii fi daa'immanii
Nu qaluun nu doorsisa
Hidhanii nu gaadi'anii

Sabatti jabaattekaa
Waggootni kurnoon
Kan rasaasaa miti....
Albeen nu waadekaa
Akka hoolaa tuntunoo,
Akka daabboo furnoo

Jabaan dhidhimfamee
Qilileedhaa Watwaata
Dhugaan liqimfame
Erga balfamee qaata

Imimmaan dur boonye
Har'a dhiiga gatiinsaa
Biqilaan bishaan dhiisee
Dhiigaan eegale latiinsaa

Ji'i Daandidha ibsa
Bakkalchi Bari'uu labsa
Arrabni dhugaa dabsa
Jedhee qaamni nagaa
Morma koo narraa cite
Taasise oduu aaga

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

"Edaa" Garamitti Hiikuu?
➿➿➿➿
Ani siif jedhee cabeen
Caba kee siif okkola
Dubbachuullee dadhabeen
Cobni imimmaanii naan lola

Halkan walakkaa faa
Hiriyyoota koo raffisee
Keessattuy Alalasaa
Dhokfachuun boochisee

Michuu gaafa rakkoo
Jedhamee waamamee
Beelaf dheebuun koo
Garaadhan waadamee
* *
Maafan galata dhabee
Nyaachisee obaasee
Isa uffata hin qabne
Daarayyuu baasee
**
Rakkataa meeqa ilaalen
Keessi koo naan lola
Ijaaree hin qabuuf malee
Mana koottan siin gala
***
Edaa edaa yaa jiruu
Jiruu lafa kanarraa
Ol baatee samii xuqxuu?
yookaa badii lafarraa
***
Cinaacha tokkoon rafuun
Ani mee si gammachiisuufi
Beenyan koo didee dabuun
Luugama malee kaachisuufi
**
Edaa garamitti hiikuu?
yaa isa guyyaa gurraachessite
Dadhabiin silaa hin mul'atu
"Edaanuu" maaf barbaachifte? 🥹


✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Ni Dhufta Jedhee 💔

Ni dhufta jedheen urgooftuu aarsa
Qoraasuma qaaliin hin waakkadhu
Yaa'ii sinbiraa yaaseen waccisiisa
Nan yaala simannaa addaa godhuu

Ganama abdiin dammaqeen
Waaree hafuu keef mufadha
Guyyuummoo of haaresseen
Deebi'ee abdii godhadha

Bariikoo yeroo hundaa na sobutti
Mufadhee itti gaddee hin beeku
Guyyaa gaafa muffii koos
Sirraa dheessuu hin akeeku

Ni dhufta jedhee si dhabeen
Sababaan of sossoba
Waaqa komachuu yaadeen
Of tuffadhee, of taajjaba

Ni dhufta jedhee....

Akkuma koo gaafasii
Amaamota kadhadhuu?
Waca sinbirrootaatiin
Barfannaa kee simadhuu?

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Hawwii 🫣

Meeqatu guuttate
hawwii jireenya isaa
Gammachuu argatee
Kan ciise garaansaa

Nama meeqa laata
Kan harkaan ga'ate?
Fedhiii garaasaatii
hawwii kan dhuunfate
Hinaaffaan guutamte
Hammeenyan hudhamtee
Meeqatu hawwee dhabee?
Meeqatu hawwee harkaan qabe
Hawwii bira ga'uuf
Meeqatu dadhabe?
Nama meeqa laataa
Hawwee kan argatee

Fedhii garaasaatti
Sonaan kan guutate
Eenyutu natti hima
Eenyutu beeka laata?
Eessa daangaan hawwii
Eessatti dhaabbataa?
Eessan ba'ee deemee
Eessatti jal'ataa?

Eessan qajeelee
Eessa irrattuu gufataa?
Dhugaa ta'uu baannaan
Hawwiin hawwiidhuma.
Kan qoricha hin qabne
Dhukkuba hundumaa
Kan deebiis hin qabne
Gaaffii ilma namaa

@Walaloo_jaalalaa24

Garaan duraan,... 🥹
➿➿➿➿➿
Akka waan si
malee jedhuu
akka waan siin lafti
bari'ee dukkanuu

Dhibbaan of baayistee
of baastee Qooxii gubbaa
Edaa nan barree ati na
jibbiinan ani sin jibbaa

Kadhaan hin jiru siif
kufee hin Jilbiiffadhu
Barbaachisaa taanan
Argaa keeyyuu hin fedhu

Atis kanumaafuu karaa
kee kutte gaafa na miitu
Anoo Kamiif Jedheen
kan guyyaan natti dhiitu

Ati silaa fedha kee
hunda raawwattee qajeelte
Anaan garuu gidiraa
Yandoo sanaan na qabsiiste

Akka Namnuu hin
amanamne sirraan baree
Amma kaa martuu naaf
tokko hin ilaalu gargargallee

Akkanan siin jedha kun
bu'aa siif taanan milkaa’i!
Garuu miidhamni koo
Sitti argamnaan deebi'i!

Yoo kanaa Achii lafa garaa
kee deemii iddoo yaadde
Anis sin jibbaa garaan
duraan ittiin si jaaladhe

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Akkanatti Sin Eegnee ❤️
➿➿➿➿➿
Karaan ganda
keenyaa geessuu
Lagni dur ittiin
deemnee ittiin ceenu

Qe'een dur tole martu
achii gahuuf hawwuu
Kan ijji koos Barbaadee
Arguuf dhimmuu

Har'a Garuu faarri isaa
bade hulaan balbalaas cufaa
Kan nagaan deeme gara
kee dhuftu si biratti kufa

Daandin mana keetti na geessu
qoreedhaan cufamee
Jaalalan siif qabu haala
kanaaf jechaan danqamee

Sirraa na ittisuuf
akkan dhufee sin argine
Anis akka akkana taatu
Akkanatti sin eegnee

Yeroo miilli koo lafa kee
gubbaa dhufee dhaabbatu
Argaan ija kootii waa'ee
kee yaadee dudubbatu

Garuu
Natu achi hiiqee ture malee
warri kaan lubbuun dhiphatu
Karaan ganda keetti ol seensisu
Badee qoreedhaan cufatu

Yaadees hawwee
sammuu kootin xiinxalee
Akkanatti sin eegne
tasa karaa abjuullee

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Situ Miidhamee Guyyaa ➖
➿➿➿➿➿➿
Iddoo keeti argamee otoon
waan Meeqa sin jedhu
Dhibee kees fudhadhee
otoon siif Dhukkubsadhuu

Rakko kee hirmaadhee
siif otoon figuu
Ijaarsaa anaaf si gidduu
jiruus otoon diguu

Isaa kiyyaa dagadhe Gammachuuf
keef yeroon dhimmuu
Midhamaa kee Fudhadhee
Yeroon ani siif miidhamuu

Bakka kee of buusee
yoon ani siif hidhamuu
Ullee yaadaan Qabame
yeroon dhaanamuu

Milkaa’uu kee hawwee
kiyyatti dukkanessaa
Of saxilee maratti
balaatti of sukkanneessaa

Boollaa humna koof hin
malee irraan Gadee itti kufa
Siif Jedhe itti Dhuma sittu
irraa na hafa si naaf wayya

Jedheen dararamaa isaa
garaa koo Ibsachuu dhiisee
Guyyaas halkaniis nan yaadaa
boqodhe yoomaan ciisee

Ani siif Kanatti dabarsee of
kenne kolfa keen hawwaa
Siif Jedhen mana kooti gadda
kan kee moo duuchaa Qaawwaa


Qalbiin koo na sarbee
keessatti kootin Dhiibamaa
Fayyaati otoon jiru yoon
fakkadhees Hidhamaa


Gammachuu kee arguuf
waan Maraa siif taa'aa
Teellaa taheen siif dura
kooti gaarii hawwaa

Aarii kee akka hin argineef
Jedhe Karaa koo sisirreessa
Jaalalaan siif qabu kan hin qabne lakkoobsa garaatti Dhoksaa

Filadheen miidhamaa koo
ittiin jiraadha siif jecha
Sumaaf jedheen hirmaadha
isaan keessaa hin qabne Figichaa

✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

...Ol baasii gadi buusii
Deemsa kee ilaalladhu
Akkuma mataa keetti
Obboleessa kee jaaladhu

Jecha gaarii dubbadhu
Yookiin callisuu filadhu
Garaa jibbaa jibbiitii
Garaa jaalalaa horadhu.


✨。＼｜／。🌷
@Walaloo_Jaalalaa24
@Walaloo_Jaalalaa24
💔。／｜＼。⏺
       #share
         #join

Namni baranaa! 🙂

Hiree keetti inaafee
Si dhorkuu fedhee deemsa
Jiruukee keessa galuuf
Soqatee karra seensaa...
Akka bookee ija lixxuu
Fiigaa dhufa bararaa
Onneekee booji’achuuf
Fakkeessee si marara.

Irra keessa kokkolfee
Cinaan fakkaatee fira
Duubaan "qarxam" si gochuuf
Qopheessee kiyyoo shiraa
Arraba damma dibee
Mimmi’eeffatee afaan
Koodee fakkaatee dhufa
Malaan si ga’uuf lafaan.

Jireenyakee keessatti
Qabaachifattee qooda
Erga sitti firoomee
Siin amanamee booda...
Aarii isaatu eegala
Innaaffaadhaan finiinuu
Sabbata gootee hidhannaan
Jalqaba si ciniinuu...

Akka waan hireen kankee
Darbee kan isaa ta’uu
Rabbumaanuu sodaatee
Xiqqumallee sii-n na’u.
Si woliin oolee bulee
Ba’aa galakee baree
Iccitii diinaaf kennee
Si godha irbaata saree
Ati afaan guutattee
Osoo jettuunii "michuu"
Gara jabina hamaan
Xobbee si kuta kichuu!

Eeyyee.......!

Suma woliin nyaatee, dhugee
Onsee gumbiif okoleekee
Humna baasee suma cabsa
Dha’ee jilbaaf mogoleekee
Maaddii irraa nyaate dhiita
Ganaa irraa nyaate gana
Madda gammachuukee gogsee
Karra gaddaa sitti banaa
Nama baranaa eeggadhu
Utuma ta’eeyyuu ana!

✨。＼｜／。🌷
@Walaloo_Jaalalaa24
@Walaloo_Jaalalaa24
❤️。／｜＼。⏺
       #share
         #join

Situu...!

Gaafan sitti hiquu
Haqa natti haaltaa
Dhara ammayyeessitee
Nagoyyoomsuu yaalta

Jaalalakoof yaalaa
Ukkaamsita firaa
Gowwaa na taasistee
Abshaalomta cira

Ulaagaakee olfuutee
Bu'aan ijaarrattaa
Ormatti firoomtee
Waliin na cirattaa

Situu...!

Jaalala hiikasaa
Waliin wal wallaaltaa
Na gantaa eenyummaakoo
Bu'aan na jijjiirtaa

Osoon bu'ee ba'ee
Siif dafqa lolaasuu
Imimmaan jaalalaa
Lolaan dhangalaasuu

Osoon of ilaallee
Daawwitiikeen jiruu
Kaleekoo mummurtee
Gurguratta tiruu

Situu na jijjiira
Fayidaatti michaa
Waanan si jaalladhuuf
Iman sitti cichaa....✍️

SIN DHIISUU....!
✨。＼｜／。🌷
@Walaloo_Jaalalaa24
@Walaloo_Jaalalaa24
❤️。／｜＼。⏺
       #share
         #join

Gaaf gaaf.....

Duratti kan eegdu,
Dudduuba siqata,
Guddaadha kan jettu,
Hundarra xiqqata!

Gaaf gaaf.....

Hantuutaan firooma,
Adurreen manakee,
Diina sitti ta'a,
Guddisni harkakee

Gaaf gaaf......

Harki gabaabbateet,
Hiixachuun sitti cima,
Korojoo hormaatti,
Hawwiinkee dhidhima.

Gaaf gaaf.....

✨。＼｜／。🌷
@Walaloo_Jaalalaa24
@Walaloo_Jaalalaa24
❤️。／｜＼。⏺
       #share
         #join

A k k a s 📱 A k k a s i i n

Fuula jireenyaa irratti,
Tibba siqiqiin namatti gamu
Daddaqama le'ii jireenyaan,
Ergeramee hamileen samu

Ofiif uumamaan ganamanii,
Si'a keessi ofii saakamu
Gaadiin mogolee rigamanii,
Ala dhadhaabbati ofii daakamu

Abdiin dagalee jireenyaa,
Dagalfata gidiraatti yeroo si gatu
Firiin milkii quuqee ifa labse
Cillima summaa'een si'a gatatu

Kun murtii labsii waaqaa
Seemaa diriirfame miti
Yoos gabaa jireenyaatti bahii
Obsa ittiin keessa hulluuqxu biti!

Jireenyi:-
Takka sabbata siif hiikkataa
Takka milkooma si jala lufa
Takka fulla'aa, takka gufachaa
Jireenya jiraachuun itti fufa!

Beeki,
Sirna leetoo keessatti hiraaruun
Kitaaba jireenya keenyaa, miti azala
Akkas akkasiin jireenya jiraachuutti
Hadhooftuu dhudha'aa dhaqqabu ajala!

✨。＼｜／。🌷
@Walaloo_Jaalalaa24
@Walaloo_Jaalalaa24
❤️。／｜＼。⏺
       #share
         #join