Wiirtuu Wolaloo

Kanan deemee sirraa baheef
Kanan jooraa baraa taheef

Wanti ani si komadheef
Sababni ani si dhokadheef

Na hubachuu waan diddeefi
Anaan ooduu waan fiddeefi

Miirota koo waan wallaaletifi
Jaalala koo waan awwaaltefi

Waan harki kee na ganeefi
Waan amalli kee naa gameefi

Malee ............
Miidhaa kee tasa hin yaanne
Si miidhufis ani hin yaallee

Ani ammas......
Ati miira kee sirreessina
Jaalala koo mi'eessinaan

Akka kalee gaarii taanan
Miironni kee anaaf naanan

Waa'een koo yoo siif gale
Orma hin fedhu an si malee

Garuu..........
Akkuma kalee bultee deemnan
Gola namaa ati seennan

Ati jijjiirran dhibeen fayyaa
Si firraarra orma wayya

Hilkaan seeqaa yoo na miite
Yaadan qabdee yoo na hiite

Waliin hin waarru.......
Mana ta'aa ala ilaalaa
Fira akkasiirra orma caala

☔️☂️☂️☂️☂️☂️☂️☂️☔️
➪@Wiirtuu_wolaloo 🦋
➪@Wiirtuu_wolaloo 🦋
☔️🦋🦋🦋🦋🦋🦋🦋☔️

Bu'ee Ba'ee Boo'ee
Jaalalaan Raata'ee
Namni Bara Kanaa
Maalumadha Ta'ee

Silkiisheef Bilbilee
Nagashee Gaafataa
Sin Jaalladha Jechuu
Garuu Ni Sodaataa

Osoo Akkas Boo'uu
Woggaa Kudhan ga'aa
Isheen Heerumuudha
Kanafaa Dhaga'aa

Kanatti Maraatee
Daandii gubbaa Ta'aa
Ni Machoofte Jedhee
Namni Bira Ya'aa

Jechuu Kan Kee booda
Homaa Maaltu Dhufaa
Ergaa Kee Dubbisee
Gaddee maafin Hafaa

Ergaa Kallattiidhaan
Gurbaan Natti Himtee
Jabaadhu Maal goota
Woggaan sitti Dhumtee

☔️☂️☂️☂️☂️☂️☂️☂️☔️
➪@Wiirtuu_wolaloo 🦋
➪@Wiirtuu_wolaloo 🦋
☔️🦋🦋🦋🦋🦋🦋🦋☔️

#mother

Wolaloo Haadhaa
Gorsituu qoorsituu
Madda Jiruu kiyyaa
Dandeessuu obsituu
Giiftii haadha biyyaa

Harmeekoo harmanii
Gootittii jaalalaa
Gara bal’eettiikoo
Toltuu keessaaf alaa

Addunyaa jiruukoo
Wabii gaafa dhiphuu
Qixxeekee hiriiree
Naaf hin gitu dhibbuu

#mylife #wolaloo
☔️☂️☂️☂️☂️☂️☂️☂️☔️
➪@Wiirtuu_wolaloo 🦋
➪@Wiirtuu_wolaloo 🦋
☔️🦋🦋🦋🦋🦋🦋🦋☔️

Waanta gochaa jirtu
Si argaatan turee
Qoonqoorra wal taa'uun
Sirriidhaa gaanfure?

Sitti toluu didee moo
Barreeffama kootu
Postii koo agartee
Maaf like hin gootu
😂😂😂

☔️☂️☂️☂️☂️☂️☂️☂️☔️
➪@Wiirtuu_wolaloo 🦋
➪@Wiirtuu_wolaloo 🦋
☔️🦋🦋🦋🦋🦋🦋🦋☔️

Nuti qaama tokko
Miilaa hanga mormaa
Addaan facaatanii
Hin ta'inaa ormaa!

Wallottis dhaladhu
Wallaggaafi jimmaa
Dhabni kee dhaba koo
Dhimmi kee naaf dhimma

Harargees yoo taate
Arsii yookaan Baalee
An wol hin caalchisu
Gandaaf gooxii laalee

Booranaafi gujii
Matakkaliif shawaa
Anaafis qoricha
Wanti-isiniif dawaa

Faffaca'uun fafa
Addaan wal dhibuuni
Anaaf biyya kooti
Beddelleef iluuni...

Kutaan adda baanee
Hin dhandhamnu eelaa
Dheebuun kee Kan kooti
Beelli kee naaf beelaa

Bahaaf lixan-jennu
Kaaba yookaan kibba
Wol jaalanna sabaa
Haa jibbinu jibbaa!......

Na gahee sin hanqatuu
Cabnu woliin okkolla
Gufannus walumaani
Ceenus woliin ofkaalla!..

Ija bitaaf mirgaa
Hin laallu addatti
Hin galinaa sabaa
Hin gallu gandatti!

Tokkummaan oromummaa
Irbuu goota kumaatii
Galfata hin nyaatinaa
Dhaamsa kiyya dhumaati.

✍️ mohmed Alii
☔️☂️☂️☂️☂️☂️☂️☂️☔️
➪@Wiirtuu_wolaloo 🦋
➪@Wiirtuu_wolaloo 🦋
☔️🦋🦋🦋🦋🦋🦋🦋☔️

Garaan yaaduun jibbine
Karaatu fagaatte malee
Durbi heeruman jibbine
Dhiiratu jabaate malee😁

@wiirtuu_wolaloo🦋

Wolaloo Jaarsaa Fi Jaartii

𝙹𝚊𝚊𝚛𝚜𝚊 : 𝑺𝒊𝒊𝒇𝒂𝒏 𝒄𝒂𝒍𝒍𝒆𝒆𝒔𝒔𝒆𝒆 𝒏𝒂𝒒𝒂
𝒔𝒊𝒊𝒇𝒂𝒏 𝒄𝒂𝒄𝒄𝒂𝒃𝒔𝒆𝒆 𝒅𝒉𝒂𝒒𝒂
𝒎𝒆𝒆 𝒎𝒂𝒂𝒍𝒖𝒎𝒂 𝒅𝒉𝒂𝒃𝒅𝒆
𝒏𝒂𝒎𝒂 𝒈𝒂𝒂𝒇𝒂𝒕𝒕𝒆 𝒍𝒊𝒒𝒂𝒂

𝙹𝚊𝚊𝚛𝚝𝚒𝚒 : 𝑮𝒂𝒂𝒇𝒖𝒏𝒂 𝒏𝒂 𝒇𝒖𝒖𝒕𝒆
𝒋𝒊𝒓𝒖𝒖𝒏 𝒏𝒂𝒕𝒕𝒊 𝒅𝒂𝒃𝒆𝒆
𝒂𝒃𝒂𝒂𝒓𝒔𝒂 𝒒𝒂𝒃𝒂 𝒎𝒐𝒐
𝒌𝒂𝒏 𝒔𝒊𝒕𝒕𝒊 𝒏𝒂 𝒒𝒂𝒃𝒆

𝙹𝚊𝚊𝚛𝚜𝚊 : 𝑫𝒖𝒓𝒂 𝒔𝒊𝒕𝒖 𝒏𝒂𝒂𝒏 𝒋𝒆𝒅𝒉𝒆
𝒂𝒏𝒊 𝒔𝒊 𝒋𝒂𝒂𝒍𝒂𝒅𝒉𝒂𝒂
𝒂𝒎𝒎𝒂 𝒎𝒂𝒂𝒍 𝒓𝒂𝒌𝒌𝒂𝒕𝒕𝒆
𝒎𝒐𝒐 𝒎𝒂𝒕𝒂𝒂𝒕𝒕𝒊 𝒔𝒊 𝒃𝒂𝒂𝒅𝒉𝒂

𝙹𝚊𝚊𝚛𝚝𝚒𝚒 : 𝑵𝒂 𝒋𝒊𝒃𝒃𝒊𝒔𝒊𝒊𝒇𝒕𝒆 𝒋𝒊𝒓𝒖𝒖𝒏
𝒕𝒂𝒂'𝒆𝒆 𝒉𝒊𝒏 𝒌𝒂𝒇𝒇𝒂𝒍𝒖 𝒂𝒂𝒓𝒔𝒂𝒂
𝒔𝒊 𝒘𝒂𝒍𝒊𝒊𝒏𝒊𝒔 𝒉𝒊𝒏 𝒋𝒊𝒓𝒂𝒂𝒅𝒉𝒖
𝒂𝒃𝒂𝒂𝒓𝒂𝒎𝒂𝒂 𝒋𝒂𝒂𝒓𝒔𝒂𝒂

𝙹𝚊𝚊𝚛𝚜𝚊 : 𝒂𝒏𝒂𝒕𝒖 𝒉𝒐𝒋𝒋𝒆𝒕𝒆𝒆 𝒇𝒊𝒅𝒆𝒆
𝒎𝒂𝒏𝒂𝒕𝒕𝒊 𝒔𝒊𝒊𝒇 𝒌𝒖𝒖𝒔𝒂𝒂
𝒂𝒄𝒉𝒊𝒊 𝒐𝒍 𝒏𝒂𝒕𝒕𝒊 𝒉𝒊𝒏 𝒉𝒂𝒂𝒔𝒂'ain.
𝒅𝒉𝒂'𝒆𝒆𝒏 𝒍𝒂𝒇𝒂 𝒔𝒊 𝒃𝒖𝒖𝒔𝒂𝒂
@wiirtuu_wolaloo🦋

®
𝗟𝘂𝗯𝗯𝘂𝘂 𝗸𝗶𝘆𝘆𝗮 𝘀𝗶𝗶𝗻 𝗝𝗲𝗱𝗵𝘂𝘂
𝗶𝘀𝗵𝗲𝗲 𝗕𝗮𝗸𝗸𝗶𝗻 𝗕𝗲𝗲𝗸𝗮𝗺𝗻𝗲𝗲
𝗗𝗼𝗸𝘁𝗼𝗼𝗿𝗼𝗻𝗻𝗶𝗶 𝗛𝗲𝗱𝗱𝘂𝘂𝗱𝗵𝗮
𝗕𝗮𝗿𝗯𝗮𝗮𝗱𝗮𝗻𝗶𝗶 𝗦𝗶𝗻 𝗗𝗵𝗮𝗯𝗻𝗲𝗲

𝗷𝗶𝗿𝗲𝗲𝗻𝘆𝗮 𝗚𝗮𝗱𝗱𝗮𝗮 𝗞𝗲𝗲𝘀𝘀𝗮𝗮
𝗡𝗮𝘁𝘁𝗶𝗻 𝗔𝗮𝗿𝗿𝗲 𝗝𝗮𝗿𝗷𝗮𝗿𝘁𝗲𝗲
𝗝𝗶𝗿𝗲𝗲𝗻𝘆𝗮 𝗞𝗼𝗼 𝗛𝘂𝗻𝗱𝘂𝗺𝗮𝗮
𝗴𝗮𝗺𝗺𝗮𝗰𝗵𝘂𝘂𝘁𝗶𝘀 𝗗𝗮𝗯𝗮𝗿𝘁𝗲𝗲

𝗜𝗺𝗮𝗮𝗻𝗮𝗮 𝗳𝗶 𝗞𝗮𝗮𝘆𝘆𝗼𝗼 𝗞𝗲𝗲
𝗚𝗮𝗹𝗺𝗮 𝗚𝗮'𝘂𝘂𝗳 𝗤𝗮𝗯𝗮𝗱𝗵𝗲𝗲
𝗙𝗶𝗹𝗮𝘁𝗮𝗺𝘁𝘂𝘂 𝗛𝗮𝗮𝗱𝗵𝗮𝗸𝗼𝗼
𝗯𝗮𝗴𝘂𝗺𝗮𝗻 𝗦𝗶 𝗤𝗮𝗯𝗮𝗮𝗱𝗵𝗲𝗲

@wiirtuu_wolaloo🦋

Xib xib godhee imimmaan.

Boo'ee si deebisuufi
Hin arganne bakkakee
Kiisee sossobachuuf
Nan wallaalee akkakee

Akka nama ormaa
Garaa na dhokfattee
Gadoo qiimii guddaa
Narratti qabattee

Siif jedhee aaduukoo
Siif jedhee aaruukoo
Waan maraa dagattee
Utuun siif maraadhuu
Erga na baqattee

Anis maalan boo'aa
Xibxibgodhee imimmaan
Kan ofiin nama ganu
Jibbuu hin didu garaan

Kolfaan si geggeessaa
Beenu dhaqi dhimmakee
Anaaf sin qoodneefuu
Faannikee sigigaate

@wiirtuu_wolaloo🦋

Dubbachuun danda'u
Yaada garaa waadu
Karaa karra hin qabne
Mee maal ta'uu aadu

Maal jedheen siittimaa
Jaalalan siif qabuu
Kolfa keetu na quubsa
Yoon bules hagabuu

Tapha keefi kolfa kee
Dhokadheen sidaawwadhaa
Dhukkubaaf du'a jalaa
Eessuman si kaawwadhaa?

Ati naaf filatamtuudha
Bohaarsituu waa hundaa
Hinaaftuu jaalala keenyaa
Kolfuma keen na gubdaa

Si qofa jaalalleen koo
Kanan filee argadhee
Jaalallikee naaf gamnaan
Rabbiin taa'ee kadhadhee

Ati naaf kennaa kooti
Si argachuun badhaasa
Jaalala kootiif kankee
Du'atu addaan nu baasa

Yoomuu ATI kan kooti
Kennaa Waaqa guddaa
Lapheen koo siin feeti
Deemus yeroo hundaa

@wiirtuu_wolaloo🦋

Sin Jaalladha Jedhee
Sittin baasu Gatii
Atoo Boru Deemta
Na gattee Qofaattii

Atoo Akka Baalaa
Bubultee goggoddaa
Daandii irraa Teessee
Awwaarammoo dhugda

Akkanan Yaadutti
Uumamni kee Addaa
Adduunyaa kanaafis
Hedduu bu'aa qabdaa

@wiirtuu_wolaloo🦋

Meeshaa Gatii Jabaa
Kan Hin Jirre Gabaa
Xiqqaafi Guddaanis
Waan kanuma qabaa

Jaalalaan Beekamaa
Oromoon Jalqabaa
Sirritti Qorannuu
Seenaa Aadhaa abbaa

Arras Akkasuma
Ta'uu Quban Qabaa
Nuto Akkam Taana
Kanatu Na Dhibaa

@wiirtuu_wolaloo🦋

Siniif himuu
Waa'ee Namaa
Harra Asii
Boru Gamaa

Turee buleetu
Wol Oodaa
Qarshii xiqqoon
Wol Qoqoodaa

Himuuf jedheen
Waa Yaadadhee
Anis Namaa
Nin Dagadhee 😁

@wiirtuu_wolaloo🦋

Raajii Koo Tokko

Raakkoon Na mudatee
Abba murtiifin bilbilee
Haasawwa Taasifnes
Wolaloon Dabaalee

Ana(M), A/Murtii(X)
&Gadaa(G)

M: Hello Abba Murtii
Anadha dhageessuu?
Asidha bakki Namni
Itti Wolkasasuu

X:Jaallatamaa maamilaa
Maal Siniif haa murteessuu?
Eeyyee Anumadha
Kan rakkoo sirreessuu

M: Yakka Ta'e Tokkotu
Raawwatamaa jiraa
Bakkisaas Dhiyoodha
Kunooti Na Biraa

X:Yakkichi Maalidha
Naaf Ibsi Adaraa
Haqa Murteessuudha
Hojiin koo Inni Duraa

M: yakka Ta'ee himuuf
Bakkisaa Cimaadha
Garuu Ni Dandeessuu
Dursa Nin Gaafadhaa

X: Maafin Hin Dandeenye
Ani Nam-cimaadhaa
Dafiitii Natti Himii
Gubate Yeroonidhaa

M: yaada Ta'e Woyiitu
Sirriitti Na Jeeqaa
Baadiyyaaf magaalaa
Kamiin woyya Baqqaa?

X: Maa Namichananan
Maaf Na Jeeqxa Sammuu
Magaalaatti Galtee
Barbaaddee Nu Saamuu?

X: Gorsa yoo barbaadde
Waa'ee dhimma keetii
Manna Murtii Gadaa
Gaafadhu Dhaqiitii!

M: Thank you Abba Murtii
Waan Naan dubbataniif
Naaf Galatoomi Atii
Manni Murtii Gadaa
Bakka kabajaatii🎉

G: Woliin Taanee lammii
Haqa Keessan baasaa
Aadaa, Afaan keenyaan
Isin Tajaajilla gorsaa

Congra My person ❤️
✍️Musaab Naasir
@wiirtuu_wolaloo
@Musaab_Naasir

#poems #motivation
#funny #education
#gadaa #promotion
👍   ❤    🗨️         ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ

Yaa beekaa koo

Ofii Keetiif Gattee
Gatii X Garmalee
Barataa barbaada
Wontoonni siin gallee

Kan gaaffii Nuuf ta'u
Waa Tokko yoomullee
Gatii X yoo Jedhan
Hin Jirum Gaballee

Eessaa Akka Argamu
Nutti Himi Malee
Daree Barnootaattii
Argame Garmalee

Garuummoo ni badaa
Gaafuma Bubbulee
Mee Argii nuuf himi
Bakkashee Ammallee

Jennee Kan Gaafannu
Turre Nu Kunillee
Gattin X Barbaacha
Ammaaf boru illee

Furmaata Herregaa
Kan Furtuu jiruudhaa
Bituudhaaf gurguruu
Kan jirtu Gabaadhaa

✍️Musaab Naasir
@wiirtuu_wolaloo
@wiirtuu_wolaloo

#poems #motivation
👍   ❤    🗨️         ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ

Qabeenyi Koo Baayyatee
Samiidhaa Hanga Lafaa
Ani Du'uun Barbaaduu
Kaffaleetan As Hafaa

Abbaa Qabeenyaa Ta'ee
Jiraachuun kootu Addaa
Biliyeenaara Darbeetan
Jecha Uumuu Barbaadaa

Namootumti Naa Olii
Jiraachuu Hin Qabanuu
Jettanii yaadaa Jirtuu
Qaamtanii mirqaantanuu

Rakkataa Homaan Qabne
Ta'uudhaaf Jirta Boruu
Dhugaatii Kan Kee dhabdee
Ni Dhugda Laga Booruu

Wonta Afaaniin himtan
Hojiidhaan Agarsiisaa
Kana Hin Ta'u Taanaan
Ani hin Beekuu dhiisaa

What do you advise me?
✍️Musaab Naasir
@Wiirtuu_Wolaloo

#poems #motivation

Barri Dhufee Darbuun
Qofti Bu'aa Qabaa
Qaamolee dubbiidhaa
Fayyadamnee Arrabaa

Namoota baayyeenis
Qalbiin keenya cabaa
Kunoo woggaa geenye
Dhaamsa wo'iin qabaa

Hunduu Na Hubadhaa
Yaa Haadhaa yaa Abbaa
Sintu Nuuf Furmaata
Rakkoo jaarraa Dhibbaa

Irraa Waa Hubadhaa
Dhiiraa fi Shamarrii
Osoo Sittin Darbin
Ammoo dhufee Barri

✍️Musaab Naasir
➪ @wiirtuu_Wolaloo

Jecha toora galcheen
Si waamu barbaadaa
Garuummoo sin argu
Qofaama koon aadaa
~
Abjuun natti dhuftee
Taphattee shubbisaa
Morma kootti kuftee
Seeqxee na dubbisaa
~
Haala keessa jirruu
Na gaafachaa baafte
Kanin beekne firruu
Seena darbe kaaftee...
~
Gumbii beekumsake
Dubbii akka dammaa
Anaaf hin qusannee
Kunoo hanga ammaa
~
Dhufa kan kee eegdii
Qalbiin si dheebottuu

Har'as maaloon hafiin
Abjuudhan naaf kottu!

➪ @Musaab_Naasir

Hordoftoota 25K
Congratulations 🎊
Baga gammaddan

Kottaa raajiin ta'e
Arrammoo yaa firaa
Kunoo hordoftoota
25K seeneen jiraa

Baayyeeman gamade
Dhugaa yaa saba koo
Baayyee Galatoomaa
Ammaallee Lammii koo

Anootii hin qabu
Jecha siniin gitu


Ta'aa sin simadhe
Akka aadaa sabaa
Wolaloo bareedduu
Hedduun arkaa qaba

Isin baayyachuun kun
Haamilee naaf qabaa
Ammallee jabaadhaa
Haga kuma dhibbaa

Oromoon koo baayyee
Eenyutu dhaqabaa
Seenaasaa qorachuun
Nuuf ta'a adabaa

Oromummaa kanaaf
Jecha tokkon qabaa
Tokkummaa horadhaa
Hedduu bu'aa qabaa

Dhaloota egereef
Seenaa gaarii ka'aa
Wolaloon kiyya kun
Isiratti hunda'a

@wiirtuu_Wolaloo

⏹️ hordoftoota 25K
✍️Musaab Naasir