Dhaloota dhugaa

Kutaa 113✍️
#Waan_Nuu_Kennameef_Osoo_Hin_Taane_Abbaa_Kennichaa_Sababii_Arganneef_Gammaduu_Qabna.

Jireenya keenya keessatti madda gammachuu keenyaa isa sirrii beekuun baayyee barbaachisaadha.Nama baayyeef maddi gammachuu isaa Yesuus isa Abbaa kennaa hundumaa osoo hin taane, wantoota xixiqqoo Yesuus akka itti jiraannuuf nuuf kenne irra dhaabatee jira.Ani garuu akka kiyya tti dhugaa gammachuu dhalli namaa hubachuu qabu tokko kanaan sinitti himuu barbaaduun qaba.
Innis Yesuus isa Abbaa kennaa hundumaa ta'e ta'uu isaa isiniif qooduun jaalladha.
✍️Namoonni baayyeen gammachuu isanii waan yeroo irra jira.Kana yeroon jedhu kanneen akka mana, konkolaataa, gaa'ila, hiriyyaa gaarii qabaachuu, sadarkaa barnootaan guddachuu,biyya gaarii ta'ee keessa jiraachuu fkk fdha.Kun garuu akka macaafa qulqulluutti madda gammachuu dhugaa kiristiyaanaa akka hin taane bareechinee beekuu qabna.
✍️Yesuus,nama waa uumuu danda'u uumee osoo jiruu, akkamitti namni waan uumaan akka ittiin jiraannuuf nuuf kenneef dursa akka kennu anaaf iyyuu hin galu.
Qalbii hafuuraatti deebi'uun keenya dirqama nama waaqayyoof jiraachuu barbaadu tokkooti.
✍️Hamma qalbii keenya haala keenya irraa hin kaafnetti Yesuusiin arguu hin dandeenyu.
Dursa argachuun kan maluuf Yesuus qofa akka ta'e beekuu fi gammachuu isa keessaa argameen immoo jireenya hiika qabu jiraachuu caalaatti wanti nama gammachiisu hin jiru.
Namoonni baayyeen madda gammachuu isaanii isa sirrii waan adda hin baafanneef gaafa wanta gaarii qofti ta'eef gammadu.
Fakkeenyaaf:Yeroo barumsa xumuran, yeroo mana ijaarratan, yeroo dhala godhatan, yeroo konkolaataa bitatan qofa gammadu.
Wanta guddaan nuti hubachuu qabnu, Waaqayyo sababii gammachuu keenyaa kana hundumaa irra hin caala.
Namni Yesuusiin of keessaa qabuu fi hafuuraa qulqulluutiin guutame yeroo hundumaa, danqiiqaa hundumaa gammachuu qaba.
✍️“Waaqayyo gammachuu garaa isaaf waan kennuuf, namni bara jireenya isaatii badhaadhuma iyyuu hin yaadatu.”
— Lal. 5:20
Namni Waaqayyo beekumsa dubbiisaa baayyiseef badhaadhummaa lafa irraaf dursa hin kennu, kan lubbuu isaaf dursa kenna.
✍️Namni lubbuu isaa dursa kennu immoo Waan Waaqayyoon gammachiisu hojjeta.

“Isin gammachuudhaan burqaa fayyinaa keessaa, bishaan in waraabbattu.”
— Isa. 12:3
“Obboloonni tokko dhufanii, dhugaatti qabamtee akka jiraattu, dhugaadhaaf amanamuu kee mul'isanii yommuu dubbatan, guddaan gammade Ijoolleen koo dhugaatti qabamanii jiraachuu isaanii dhaga'uun gammachuu koo ti; gammachuu kana irra caalus hin qabu.”
— 3Yoh. 1:3
Walumaagalatti namni Yesuusiin beekuu fi isaaf iddoo olaanaa kennu, gammachuu haalaan olii qaba.
Kanaafuu Waan Waaqayyo siif ittiin akka jiraattuuf siif kennetti gammaduu kan caaluu Waaqayyuma mataa isaa madda gammachuu kee godhadhu yeroo sana jireenya boqonnaa gaarii of keessaa qabu jiraatta.
https://t.me/+LRcKMB9yEK4xZGZk

#Dubbisimee
🐰 illeettiitu suuqii dhaqee: "Kaarotii 🥕 qabduu?" jedhee gaafate. Isaanis "Lakkii hin qabnuu" jedhaniin. Guyyaa itti aanus illeettiin 🐇 kun dhufteetuma ammas "Kaarotii qabduu?" jetteen. Jarris aaranii " Kaarotii hin qabnu siin jenneerra; yoo itti deebitee nu gaafatte mataa keetti madooshaa dhaan 🔨 mismaara rukunna" jedhaniin.
Guyyaa 3ffaas illeettiin ammas deemtee "Madooshaa 🔨 qabduu?" jetteen. Jarri suuqiis "LAKKII" jedhaniin. 🐇 Tole "Mismaara hoo qabduu?" jetteen.
Jarris "LAKKII" jedhaniin.
Yeroo kana illeettiin 🐇 fataa jettee "Kaarootii qabduu?" jetteen.😅

Diinni kee akka si sodaachisuuf karaa hin baniniif. Inni homaa harkaa hin qabu. Kaayyoo kee qofa irratti xiyyeeffadhu. Qara Qarri Qare ta'i 🥰
https://t.me/+LRcKMB9yEK4xZGZk

❤️🥰Gaarummaan waaqayyoo nuuf godhe, dumeessotarra ol fagaata
Tullootarra in jabaata
Galaanota dachee kana dhuunfatanii jiran irra guddaa in caala.
Amanamummaansaa,araarrisaa gara laafinni isaa, jaalallisaammoo caalmaatti akka nuti isa dinqisiifannuuf nu gargaaru. Walumaa galatti waaqayyo dinqiidha!!!
Ulfinni baraaf barootaa isaaf ha ta'u.
Sisay Yadessa
https://t.me/+LRcKMB9yEK4xZGZk

✍️Kutaa 112✍️
#Dhibaa'ummaatti_Akka_Hin_Jiraanneef_Of_Eegi.

✍️Dhibaa'ummaatti akka hin jiraanneef of eeguun baay'ee barbaachisaadha.
Dhibaa'ummaa jechuun waan gochuu dandeenyu, akka waan hin dandeenyetti hojjechuu dhiisuudha. Dhibaa'ummaan jireenya keenya balleessuu keessatti gahee guddaa qaba. Namoonni baayyee jireenya gaarii ni hawwu, garuu dallaa dhibaa'ummaa keessaa bahuun baayyee itti ulfaata.
Osoo baayyee nutti dhaga'amuu jireenyi keenya rakkinaa fi dhiphina hedduun qabamee otoo jiruu, Waaqayyos osoo hin gammachiifne ofii keenyaas osoo hin gammanne Kellaa dhibaa'ummaa keessa jiraanna.
Inni nuti ta'uuf hawwinu kan biraa, kan nuti jiraannu kan biraa ta'ee jireenya keenya gammachuu malee xumurra.
✍️Sababii kanaaf yeroo baayyee nama komachaa jiraanna.
Dhibaa'ummaa irratti dammaquun kan inni fayyadu abbaadhuma.Dhibaa'ummaan harka duwwaa nama taasisa. Dhibaa'ummaan kaayyoo jiraannuuf nu hanqiseetu lafa onaa irratti kadhataa nu godha.
Namoonni jireenyi isaanii dhibaa'ummaan kuulame, yeroo hundumaa jireeya hawwii jiraatu.
Hawwiin immoo hin nyaatamu. Kanaafuu akkuma dubbiin Waaqayyoo jabaannee akka hojjennuuf fakkeenyummaa guddaa nuuf kennu nutis dammaqoo ta'uun keenya barbaachisaadha.
✍️Waanuma hojjennu hundumaaf dadhabbii tokko malee dhalootaaf fakkeenya sirrii taanee darbuutu nurraa eegama.

✍️Dhibaa'ummaa dhiisanii nama dhiibbaa uumu ta'uun baayyee barbaachisaadha
Bu'aan dhibaa'ummaa maali?
1) Hiyyummaadha.(Poverty)
“Namni dhibaa'ummaadhaan hojjetu in hiyyooma, namni cimsee hojjetu garuu in sooroma;”
— Fak. 10:4
2)Hirriba ulfaataa namatti fida.
“Dhibaa'ummaan hirriba ulfaataa namatti fida, hojii malee taa'uunis beela irra nama buusa;”
— Fak. 19:15
3) Mana duuffisa.
“Dhibaa'ummaan mana in duuffisa, harka dachaafatanii taa'uunis mana in dhimm'isiisa;”
— Lal. 10:18
4) Nama irraa adda nama fageessa.
“Nama tokkotti illee ba'aa akka hin taaneef halkanii fi guyyaa hojiitti dadhabnee hojjenne malee, utuu gatii hin baasiniif nama tokko irraa buddeena illee hin nyaanne.”
— 2Tas. 3:8

“Nuyi yommuu isin bira turre, hojjechuu dhiifnee dhibaa'ummaatti hin jiraanne; isinis fakkeenya keenya duukaa bu'uun hammam barbaachisaa akka ta'e ofii keessanii iyyuu in beektu.”
— 2Tas. 3:7
Waan dubbiftaniif ulfaadhaa.
#Share waliif godhaa.
@Sisay Yadessa.
https://t.me/+LRcKMB9yEK4xZGZk

𝗝𝗲𝗰𝗵𝗼𝗼𝘁𝗮 𝗯𝗲𝗲𝗸𝘁𝗼𝘁𝗮𝗮
✰ Nama tokkoo ol jaalatta taanaan keessa kee kan jiru memory cardii dha malee Onnee miti.
Roobart Mugaabee.
✰ “Mo’attoonni waan adda ta’e hojjetu miti waanuma jiru karaa adda ta’een hojjetu.”
Shiiv keeraa.
✰ “Namni kamillee miilla dhoqqeedhaan sammuu koorra akka ejjetuuf hin eeyyamu.”
M. Gaandii.
✰ “Dukkanni dukkana hin ibsu; Ifatu dukkana ibsa. Jibbi jibba in ari’u; jaalalatu jibba ari’a.”
Maartiin Luuter Kiingi.
✰ “Muka ija qabutti dhagaan darbatamu baayyeedha.”
Shiiv keeraa.
✰ “Hin danda’amu kan jedhamu wanta hin hojjetamne qofadha.”
N. Maandellaa.
✰"Dukkana guddaa keessa ifa xiqqoon darbuu dandeessa"
Abdii Taammanee.
✰ "Gaa'ela osoo qabduu barattoota dubaraatu si gammachiisa yoo ta'e haadha warraa keef yuunifoormii barataa bitiif."
Roobart Mugaabee.
✰ “Haala si mudatu waliin jireenyakee wal fudhachiisuuf yaalii godhi malee; akkan barbaadu ta’uu qaba hin jedhin.”
Maartiin Luuter Kiingi.
✰ “Addunyaan kun bor ni baddi yoo naan jedhan illee har’a sanyii facaasuu hin dhiisu.”
Maartiin Luuter Kiingi.
✰ “Namni tokko yommuu kufu hin injifatamu, yommuu abdii kutatu injifatama.”
Riichaard Niiksoon.
✰ "Of wallaaluun of awwaaluudha"
Miratuu Shaanqooo.
✰ "Namni waan siin jedhu hindhabu ofiinuu waa jedha waan ta'eef"
Abdii Taammanee.
✰ “Namni dogoggora hojjetee hin beekne nama homaa tokko yaalee hin beeknedha.”
Albeert Inistaayin.
✰ “Nagaan waliigalteedhaan malee humnaan hin argamu.”
Albeert Inistaayin.
✰ “Sababan gatiittii namoota gurguddoo irra dhaabbadheefan namoota kaan caalmaatti fageessee ilaaluu danda’e.”
Iyezak Niiwtan.
✰ "Of beekuuf murtoo hinqabdu taanaan of beektes murtoo hinmurteessitu"
Miratuu Shaanqoo.
✰ “Hiyyeessa taatee dhalachuun kee dogoggora kee miti, carraadha. Hiyyeessa taatee du'uun garuu dogoggora keeti.”
Biil Geet.
✰ "Haasaa abbaan barbaade bulbulu ani hindhugu"
Abdii

https://t.me/+LRcKMB9yEK4xZGZk

Hordoftoota 3K Subscribe horanneerra.
Congratulations 🎉
🎉🎉 nuun hin jettaniigaa Amma!
https://t.me/+LRcKMB9yEK4xZGZk

#Fedha_Waaqayyoo_Yeroo_Jiraattu_Fedha_Kee_Dhiisuun_Sitti_Hin_Cimu.
👉Fedha Waaqayyoo jiraadhu, achi keessaa waan barbaachisaa argatta!

Sisay Yadessa
https://t.me/+LRcKMB9yEK4xZGZk

• • • #Abrahaam_Linkeen • • •
= = = = = = = = = = = = = = = ====
Abrahaam Linkeen dorgomee injifatee gara piresidaantummaa Ameerikaatti yeroo ol ba'etti abbaan isaa nama kophee miilaa hojjetu ture. Sababa kanaanis Linkeen namoota sammuun isaanii dadhabaa ta'an baay'ee isaanii biratti 'Ilma abbaa suphituu kophee' jedhamuun beekamu kun gara pireesidaantummaatti ol ba'uun isaa baay'ee isaan hinaafsisa ture.
yeroo jalqabaatiif Linkeen haasa'aa isaa gochuuf yaa'ii mana maree duratti ol ba'e. Kana gidduutti garuu namichi sooressi tokko namoota gidduudhaa lafaa olka'ee, "Yaa Abrahaam Linkeen, maatii koof kophee kan suphuu fi qulqulleessu abbaa kee ta'uu isaa hin dagatiin," ittiin jedhe. Uummatni achitti argamanis ‘kitkit kitkit kitkit’ jedhanii kolfa itti gaggaban. Sababni isaas immoo Linkeen dubbii dureessichi dubbatetti baay'ee qaana'eera jedhanii waan yaadaniif.
---------------------------------------------------
Namoonni tokko tokko garuu uumamuma isaanii tiin hubannaa addaa gonfatanii dhalatu mitii ree? Linkeenis namoota hubannaa addaa sana waliin dhalatan kanneen keessa tokko waan ture natti fakkaata. Dureessicha namoota itti kolfisiise sana ija, ija isaa keessa ilaalaa deebiin inni kenneef kan akkas jedhu ture; "Yaa Gooftaa koo, abbaan koo maatii keessaniif akka kophee hojjetu anis beeka. Akkasumallee isiniif qofa osoo hin taanee namoota mana maree kana keessatti argaman hedduu isaaniif illee dabalatee isatu kophee hojjeta. Sababni isaa immoo akka abbaan koo itti babbareechee hojjetutti namni kan biraan waan hin dandeenyeefi dha. Inni kophee ni hojjeta jechuun qofti abbaa koo hin ibsu; lubbuuma itti uuma malee!
Mee isinumaanan gaafadha, kophee abbaan koo isiniif hojjete irratti komii qabduu? yoo jiraateef anis ogummaa sana waanan qabuuf kophee kan biraa isiniif hojjechuu nan danda'a. Garuu hangan fedhe bareechee yoon isiniif hojjedhe iyyuu hamma abbaakootii akka inni hin bareedne beeka. Sababni isaas ogummaa abbaan koo kophee hojjechuu irratti qabu jabeessee waanan beekuufi. Egaa anumti mataan koo iyyuu ogummaa isaa kanaan baay'een abbaa kootiin boona," jedhe deebiseef. kana irratti namoonni mana maree sana keessatti argaman martinuu gab jedhan. Xinnaa guddaan afaan qabatan. deebii A.Linkeen deebisettis ni dinqisiifatan, hamma sila itti kolfan dabaree isaanii morma isaanii cabsan.
* * * * * * * * * * * * * * *
#EGAA_ATIS_HUBADHU!
---------------------------------------------------
Hanga ati hin eyyemnetti eenyu iyyuu simiidhuu hin danda'u. Yeroo kam illee yoo ta'e kan numiidhu wanta nu mudate osoo hin taanee wanta nu mudate/nurratti ta'e/ sanaaf deebii nuti laannuudha. #Bidiruun bishaan isatti marsee jiruun hin liqimfamu. Bishaanichi hanga barbaade bal'atus ta'e baay'atus yeroo kamiyyuu bidiruun irra ni adeema. Garuu bishaan kunniin qaawwaa (uraa) argatanii yoo keessa isaa seenan yeroo sanaa kaasee gadi dhugamuu jalqaba.
Bishaanichi bishaan xiqqoo yoo ta'e illee irra keessa adeemuu hin danda'u; in dhugama, in nyaatama, in dhokatas! Egaa atillee akkasumadha. Wanta siin jedhamu, naannoo keetti wanta hojjetamu, jechoota mogolee sibuusan kan namni haasa'u maratti yoo karaa cufte, akka inni keessa kee seenu yoo gochuu dhaa baatteef yeroo hundumaa ati MO'AA dha. Diddee garuu wantoota kanneenif karaa laatta yoo ta'e in MO'AMTA, in INJIFATAMTAS! kanaafuu moo'uu fi mo'amuu kee kan murteessu Waaqayyotti aansee si mataakee ta’uu hubadhu.Waaqayyo wanta si dhoksee keessaa si haa baasu.
#_KAN_SI_MIIDHU_SI_QOFAA_DHA!
👉https://t.me/+LRcKMB9yEK4xZGZk

#Ofirratti_Hojjedhu!

Namoonni hedduun qoma isaanii reebanii, uffata isaanii tarsaasanii kan isaan jiraatan nama gammachiisuufidha. Ofiif yeroo kennuu, ofirratti hojjechuu, ofii cimanii dhaabbachuun maal akka tahe hin beekani. Yeroo hedduu nama gammachiisuuf osoo sirbanii guyyaa keessaa guyyaa tokko namoota hedduu riqaa tahanii dabarsan biraa hafanii of argu. Guyyaa sanadha egaa kan waareen waarii isaanitti tahu. Maal fayyadaa yeroon sun immoo duubatti hin deebihu.

Yeroo tokko biyya Germany magaalaa Hamburg keessatti seenaa saree tokko irra gahe tokkotu na ajaahibe. Sareen kun balbala manaa fuulduratti hidhamee bula ture yeroo hundumaa. Akkuma yeroo kaanii hardhas biyyi nagaadha jedhanii warri mana sanaa hirriba isaanii keessa osoo jiranii haala hin beekamneen ibiddi mana keessaa ka'uudhaan mana sana irraa bobahuu eegale. Yeroo kana sareen kun humna guddaadhaan dutuudhaan warra mana keessaa dammaqse. Warri mana sana keessaas akkuma ka'aniin nahanii lubbuu isaanii oolfachuuf jecha baqatanii deemani. Sareen kun garuu hidhaa irra waan jiruuf namoota sana oolchee ofii isaa ibidda sanaan gubatee du'e.

Namoonni hedduun hardha jireenya akka saree kanaa keessa jiru. Nama gorsuu jaalatu, nama gammachiisuuf muka isaan hin yaabneefi dachaa isaan hin buune hin jiru. Guyyaa tokko garuu osuma deemanii tarree namaa keessaa of dhabu akkuma Justin Bieber hardhaa kana. Tajaajiltoonni hedduun nama tajaajiluuf hedduu ariifatu, artistoonni hedduun eenyummaa isaanii nagadanii namaaf jiraachaa bara isaanii fixu. Galgala keessa yeroo dhukkubni hamaan tokko isaan rukutu garuu of yaalchisuun illee akkaan isaanitti jabaata.

Nama dhaloota oolchu tahuu barbaadda taanaan maaliyyuu caalaa ofirratti hojjechuun sirra jiraata. Yesuus Kiristoos kanaafidhaam kan inni...

Waa'ee isaanii dhiisaa! Isaan jaamota, jaamota akka isaaniis karaa in argisiisu; namni jaamaan jaamaa akka isaatii karaa yoo argisiise, lachuu wal-fudhatanii boolla keessa in bu'u" jedhe. (Mat 15:14)

Kanaafuu dammaqiitii ofiikee irratti hojjedhu malee namaaf kurkuraa hin ooliin! Namoota hedduu gargaaruu barbaadda taanaan yeroo dheeraaf ofiikee irratti hojjedhu!

Isinan Jaaladha!

Via Bayanane dha
https://t.me/+LRcKMB9yEK4xZGZk

𝗖𝗛𝗨𝗥𝗖𝗛 is the happiest place to forget all the problems.
https://t.me/+LRcKMB9yEK4xZGZk

Kutaa 111🙏🥰

#Hamma_Lafa_Yaadamteef_Geessutti_imala_Kee_Addaan_Hin_Kutin!
✍️Jireenya keenyaaf wanti guddaa fi barbaachisaan galma yaadamneef geenyee argamuudha.
✍️Namni galma manaa baheef hin geenye, kara deemaadha.
Nama karaa deemu immoo waan baayyeen akka barbaachisuu fi waan baayyeen karaatti illee itti dhufuu akka danda'u beekuun dirqama kara deemaa tokkooti.
Namni jireenya isaa keessatti wal'aansoo waan jedhamu arguu hin barbaadu, jireenyi galma yaadameef deeman immoo wal'aansoo guddaa qaba.
✍️Wal'aansoo guddaa booda ulfinni guddaan akka jiru beekuu qabna.
Namni kaayyoo manaa baheef beeku tokko,eenyuun ilaalee akka deemu beeka.
✍️Kanaafuu namni akkasii kun hamma galma kaayyoo isaa gahuutti,akka nama waan tokko illee hin dhageenyetti, cichoomuun kaayyoo isaa fiixaan baasee darba.
✍️Kufaatii nama baayyeef sababii guddaa kan ta'e adeemsa kaayyoof gufannaa jiru bira darbuu dadhabuun,balaa guddaa itti ta'uudha.
✍️Kanaafuu hamma lafa yaadamteef geessutti imala kee addaan hin kutin.
✍️Waanuma namni fiiguuf fiigna osoo hin taane, figicha kaayyoo keenya biraan nu gahu fiiguu qabna.Fiigicha kaayyoo keetti milkooftu fiiguu yoo barbaadde immoo, Yesuus wajjin hariiroo sirrii qofa qabaadhu,dhugaa keessa kee wajjin waliif gali, ofiif amanami, hamma waan barbaaddu sana bira geessutti, waan duubatti si harkisu irraa fagaadhu.
✍️Dadhabbii obsuun lafa yaadamteef sana gahuuf shaakala godhi.
✍️Dhalli namaa namummaa isaa kan mirkaneessuuf barbaacha isaa wajjin yoo wal argateefi waaqayyoo wajjin waliif galee jireenya dhugaa yoo jiraateedha.
✍️Kanaafuu lafa yaadamteef sana gahuu fi lafa Waaqayyo itti si barbaadutti argamtee jireenya inni sirraa jaallatu jiraachuuf of qopheessi.

✍️https://t.me/+LRcKMB9yEK4xZGZk

@sisay_Yadessa